كدي فكونا من الفارغة .. القذافي فطر وين الليلة!؟

[منال]

المشاركة الأصلية كتبت بواسطة قيقراوي

منال يا فاتحة طاقة عشم في بكرة اجمل من ظروفنا ..
انا حيلتي ايه غير اتكئ و احلم معاك ..
لكن انت لسة عندك أمل في انقلاب!؟

حليل الرجال! .. ديل ماتوا في الشجرة .. حليل الماتوا عشان الشعب ..
و ديك الارض زوجناها الشهداء اولاد الكد

لكن كدي قولي لي:

ياهونديل (الثوار) الفرحوك


شكرن يا صديقة على الاهداء

قيقا جمعه مباركه

يا زول انقلاب زى ما قال حميدنا الجميل
من تالا اليمين او تالا العسس ( المهم الخلاص بجى على صوت الرصاص)
مالو و لو ....نحلم

تعرف يا قيقا حبوبتى بتقول حليل الرجال ماتوا فى كررى
وهو اكان فى رجال يملوا العين الجماعة ديل ما نطوا فيها بليل دامس
هسه ماف رجال ينطو ذاتو ده كلام ده

لكن الامل و الله بقول ما ضاقت الا للفرج يا الفرج القريب
والتغيير عايزلو أمل كبير فى البلد و ناس البلد
ونركز على ناس البلد وكدى نتعلم من المصرين و نعرف كيف نحرس الثورة او الانتفاضة ده محك كبير ما ممكن كل مرة ندقس وتضيع بفعل التكنوقراط ويجوا العسكر (كمان ناس 22 سنه ده ما بتموها 25 غايتو )
المرة دى الشباب مؤمل و متوثب يغييييييير الكتثير

تعرف فرحتى لاى تغييير وين ما يكون بس لازمهم كمان يعملوا مع بعض و اهل ليبيا ادرى بى زنقتها ... غايتو ناسهم المجدعين فى الخارج بجوا يتفلهوا و يسوطوها و الخوف كلو من جيوب الكتائب باقى ليك المجنون ده ما ربى ليهم حاشيه و قوات معاهو

اما الصور راجع ردى لعمك كيشو

خلينا نحلم بوطن حدادى مدادى ... وما بى نبنيهو فرادى
المهم الثورات العربيه اثبتت ان الائتلافات و التحالفات هى الاجدى
و كسرت قيود و متاريس نظام الفرد الواحد بكل مؤسساته الكرتونيه
والكيزان الخوف ماليهم من القادم - شكلو شنو
ومؤكد اننا بقدراتنا واثقون على دمار مملكتهم الشيطانيه
وبعث روح جديدة للعمل الجماعى التحالفى القائم على برامج مرحليه وليس اهداف

رسمى للسودان الفضل ده و عشان حبيبتى دارفور الكبرى
وحلمى بوطن خير ديمقراطى
احلم بيهو يوماتى ... وطن بالفيهو نتساوى و............ نتسامى

يلا .......... نحلم

[منال]

المشاركة الأصلية كتبت بواسطة كيشو

[justify]أهلاً يا منال
لكن ماا عقّدتينا عديل كدا
تحليلك أعجبني خاصة النقاط الأولى والثاننية والتالتة والرابعة وليبيا فعلاً تختلف
الخامسة ما عندي عنها فكرة، وبعدين ما بقدر أديك ليها تقومي تمسكيني ساكت[/justify]

هههههههههههههه ما الخامسه دى نجليها طوالى

اها ما النسوان دييل
خليهن يتقلمن يقعدن فى طبيخن ده ... الحبه ما بى تجيهن
ياخ انا لاقيا امسك فى مداخلتك و اليوم جمعة
ادعى لى انت بصالح الاعمال و ربنا يديك طولة العمر و يخليك لينا يارب

[منال]

المشاركة الأصلية كتبت بواسطة بله محمد الفاضل

السم والدسم يا قيقا...

الليبيون يتكلمون العربية

د. فايز أبو شمالة

حتى أمس القريب، حسبت أن الليبيين لا يعرفون العربية، وأنهم نسخة مكررة من "معمر القذافي"، لقد انخدعت كباقي الناس بصورة الرئيس التي غطت فضائيات العالم، وصارت واجهة الشعب الليبي، ومصدر تشويه وجهه العربي.

منذ ثورة الشعب الليبي وأنا أتابع حديث مئات الليبيين عبر الفضائيات، واستمع إلى تفسيراتهم للأحداث، وتحليلاتهم السياسية، وآرائهم، وتتبعت لغتهم العربية، ودققت في مخارج الحروف من شفاههم، وانتبهت إلى طريقة الليبيين في التعبير عن الفكرة، فاكتشفت أنهم عرب قح، بل أن الليبيين هم جبين أمة العرب الوضاء، وأنهم حاضنة الثقافة العربية، وتوازنها الفكري، وهم رجاحة العقل، وسلاسة المنطق، وأدركت أن الليبيين يتميزون بثقتهم بأنفسهم، واحترامهم لتاريخهم، وتمسكهم بدينهم، وعروبتهم، وينتمون إلى الإنسانية، على العكس تماماً من الصورة التافهة التي حاول "معمر القذافي" أن يقدم فيها الإنسان الليبي.

مع انطلاق الثورة الليبية في شهر فبراير من هذا العام، أدركت كغيري: أن في ليبيا عرباً، ولهم لسانٌ عربي فصيح، إنهم يرفعون ما توجب الرفع، ويخفضون وفق القواعد العربية ما توجب خفضه، ويجرجرون ما توجب جره، إنهم عرب مسلمون، لا يتهتهون، ولا يتفتفون، ولا يتصرفون بغباء وجنون، فأين كانوا كل تلك السنين، وكيف نحج "معمر القذافي" في تشويه سيرتهم، أي خدعة سياسية وفكرية وإعلامية مكنت الحاكم العربي من السيطرة على بلاد العرب، أي قوى أجنبية خفية كمنت خلف نجاح هؤلاء في حكم المسلمين.

في هذه الأيام الفضيلة من تاريخ الشعوب العربية لا بد من استرجاع الحديث الذي أدلى فيه السيد حسين الشافعي، نائب الرئيس المصري جمال عبد الناصر، لفضائية الجزيرة، في برنامج شاهد على العصر؛ حين تساءل الرجل عن سر نجاح مجموعة من الضباط الليبيين حديثي المعرفة، وقليلي التجربة السياسية، كيف نجح هؤلاء الضباط الذين يترأسهم عقيد اسمه "معمر القذافي" في الثورة، وإنهاء وجود القاعدة الأمريكية "هويلس" على أرض ليبيا؟

حتى يعثر الباحثون والمؤرخون على الجواب، سأقول: إن أول نصر حققه الثوار الليبيون هو إنقاذ ليبيا من بحر الظلمات الذي أغرقها فيه القذافي.

صحى و الله يا بله
لغة عربيه فصيحه و جميله كمان مش من عبارات الزباله
وحتى كلمة قذافى دى نطقها عندهم سليم
الطلاقه و الفصاحه ما ذاتا ثمار الثورة
ومبروك عليهم لغتهم وبعد البشتنه و الكبت و التشويه
اثبتوا للعالم انهم ما كانوا قاعدين سااااى غنم رعيه
و العاقية لشعب و طنك

[كيشو]

المشاركة الأصلية كتبت بواسطة منال

هههههههههههههه ما الخامسه دى نجليها طوالى

اها ما النسوان دييل
خليهن يتقلمن يقعدن فى طبيخن ده ... الحبه ما بى تجيهن
ياخ انا لاقيا امسك فى مداخلتك و اليوم جمعة
ادعى لى انت بصالح الاعمال و ربنا يديك طولة العمر و يخليك لينا يارب

آمين يا منال
لست عدواً للنساء كما تعلمين فما تعملي لي سمعة ساكت، وقبل كدا نصبناك رئيسة هنا (طبعاً هنا بس)
وبالجد كدا متابعتي للأخبار كانت قليلة وخليت القذافي قال حيطارد الناس بيت بيت ودار دار وزنقة زنقة وجيت لقيت الناس مطاردنو بيت بيت ودار دار وزنقة زنقة
خلينا في جمعتنا المباركة وربنا يوفقك لما يحبه ويرضاه ويكفيك شر الحاسدين ويرزقك رفقة الصالحين

[منال]

المشاركة الأصلية كتبت بواسطة كيشو

آمين يا منال
لست عدواً للنساء كما تعلمين فما تعملي لي سمعة ساكت، وقبل كدا نصبناك رئيسة هنا (طبعاً هنا بس)
وبالجد كدا متابعتي للأخبار كانت قليلة وخليت القذافي قال حيطارد الناس بيت بيت ودار دار وزنقة زنقة وجيت لقيت الناس مطاردنو بيت بيت ودار دار وزنقة زنقة
خلينا في جمعتنا المباركة وربنا يوفقك لما يحبه ويرضاه ويكفيك شر الحاسدين ويرزقك رفقة الصالحين

ياخ معقوله دى اكون دايرة امزح ساااى
وما منال القعدت مع مولانا و اكلت معاهو و بتعرف الرئاسة من تلاك قيمتها قدر ... يكفينى فخرا منصب الخوة المن جوه ما قشره ساى الله يديما و يرزقنا الرفقه الصالحه
وقيل بالعافيه

[قيقراوي]

المشاركة الأصلية كتبت بواسطة فتحي مسعد حنفي

زولك دا قرر يدك اليوم داك ويدخل في الحدث الأكبر..
ألله يقطعك ياقيقا بايت

يا عمك ..

قالو الكلام سمح في خشم سيدو ..

هاك ليها بروايتها الاصلية :

المشاركة الأصلية كتبت بواسطة محسن خالد

رمضان كريم يا شاب


--------
* أقول ليك نكتة أظرف من بتاعتك دي؟
قال ليك مسطول ما قاعد يصوم كلو كلو، ومرتو بتظبط ليك جنس سحور، حاجة إنما إيه!
قامت اتغاتت عليه ما صحتو للسحور، وصحى صاحبنا متأخّر وقعد يهرج كيييف ما تصحيني للسحور؟
المرأة استغربت وحمرت فيه زييين، هووي يا راجل هوي إنت صائم هو عشان يصحوك للسحور؟
قال ليها وهو يدعك في عيونو ويجقم من جق في يدو، يعني أنحن يبقن علينا كفرين، لا صيام ولا سحور، هسع يغفرو لينا ياتو ذنب

--------

مشتاقين يا شباب
كيشو يا صاحبي .. جاييك

بس قلنا نثبت حق الناس اول ..
كان ذكرت اني ما متذكر سمعت القصة دي وين .. و اهو اسي اتذكرتا
قلنا نجيبها من مظانها .. المافي شنو هو!؟

[قيقراوي]

المشاركة الأصلية كتبت بواسطة عصام بابكر

الغريب والمحيرنى ياقيقراوى

التصريح بقول بدعم لوجستى من فرنسا وايطاليا
وضربات الناتو الاستراتيجيه الثوار يدخلون باب العزيزيه وهم يهتفون الله اكبر وهذا فتح من الله وسقط الكافر
وقائدهم المجاهد بالحاج ..... طبع من وجوههم تعرف من هم ............
حاجة كدا مامفهومة شن لمى ده على ده

كسره
اكيد الغزافى الجرزانى فاطر فى احد الديار الموجود باحد الزنقات

كلم لينا كيشو دا بالله يا عصام ياخ!

الملعوب دا كبيييير .. او كما قال (الكبير) بهناك!




--------

* ابو ساندرا .. هنا : الملعب الليبي .. و الملعوب


القذافي، عقيد - و ليس على العقيد حرج - فما بكون صايم ذاااتو!! ..
و بعذر شرعي ..
المافي شنو!؟ .. بعد الكتاب الاخدر دا قي شئ بغلبو!؟

[قيقراوي]

[QUOTE=فتحي مسعد حنفي;401957]

المشاركة الأصلية كتبت بواسطة Hassan Farah

ما هو دا البخلينا نعيد النظر في النظرية من الأساس وخاصة لما نعرف انو انجيلز كان يهودي وماركس برضو ما بعيد عن الوسط دا ولو اتعمقت في بروتوكولات حكماء صهيون حتكتشف انو النظرية دي اتعملت لفركشة العالم لمصلحة اليهود الصهاينة..غايتو الواحد قضي أربعة أخماس عمرو ماشي زي الغنماية..وأهي الدولة الكانت رمز الشيوعية بقت رمز لكل ما هو في الحضيض..

يا عمك ماشي بعيد ليه؟
(الخواجة) "هنري كوريل" القريييييب دا، (ملحد) يهودي برضو!





------

بالمناسبة دي ...

انتو (الملحد) اليهودي .. زي الملحد (العربي)؟

يعني - بصياغة حسن موسى (قدس الله سره)- اها :

الملحدين العرب ديل ..
هم ملحدين و عرب؟ .. و لّ عرب، ؤ ملحدين ساي!؟

[قيقراوي]

المشاركة الأصلية كتبت بواسطة كيشو

[justify]يا صديقي الذي لا مفر منه
كمان دي يعالجوها ليك كيفن؟ ناس في بلدُن عايزين هوا، دايرُنْ يمشو الحلاق عشان ترتاح وتطمئن على الثورة الليبية؟
هو المافي شنو؟ [/justify]

حاسي بيك و الله في ( صديقك الاضطراري )* دي! .. قلبي معاك ..
ممكن تحسبوني متاضمن عديييل يا شباب .. المافي شنو

اما بعد يا صديقي :

انا ما مستكترت على شعب حي و ضميرو صاحي الحرية
بالعكس متمني لو يوم نبقى بنص العندهم دا و نشرع في فعل ما .. بدل الحش بي الدقون و الجعجعة الفارغة .. و النقة البلا صالح، و انتظار المعجزات ..

انت قايل الضوء البكاهو شنو هو؟

بكاهو حس الطايرات ..
بكاهو قدرتو تنتهي ..
بكاهو يرجى المعجزات!!

انت قايل بكاهو من ساهلة اول!؟

لا لا ياخ!

لكن برضو احسن من جعجعة العقيد - ذات تشويه لنص حماسي - درسناهو في سنة كم ما عارف :

انا لا تخفيني الطياير التي ترمي دماراً اسودا .. اللخ اللخ
من تدمير النص دا و تفريغوا من حماسته!!



-----

صحي قالوا (الكفار) في الغرب، لمن يكون داير يوريك انو علاقتو بيك (اضطرارية) بناديك بـ (الاخ) .. و لمن يدور يوريك انو بعزك بصفك بـ (صديق) و لّ دي من جاكات الناس الاتغربنو علينا نحن الناس الما شفناهو ساي ديل، و كاتلانا شوق ان شاء الله رياح غربية موسمية ساي !؟

[قيقراوي]

المشاركة الأصلية كتبت بواسطة بله محمد الفاضل

اكتشفنا شعبا عربيا في ليبيا!

لم نكن نعرف قبل الثورة عن ليبيا إلا الصنم الأخضر وكتابه وخيمته وملابسه وحارساته، برغم معرفتنا وتواصلنا مع عشرات الأكاديميين والمثقفين والمبدعين الليبيين! شعب ليبيا، عربا وأمازيغ، كان محتجزا في خيمة بوشفشوفة!



تحية استكشافية من ملك ملوك آسيا!



عامر العظم

24 أغسطس، 2011

تعرف يا بلة انو الثورة دي فعلاً عرّفت الناس بالشعب الليبي ..

بالمناسبة ليس كل ما عرفناه عنهم ساااااااار! (سامعني يا مولانا!؟)

ياخ دا شعب عنصري جداً جداً

اذا كان حتى من يسموا (ثوار) بقول هذه الايادي السوداء ليست ايادي ليبية!!؟؟

فتأمل!!

الثورة سالمة ان شاء الله ..

ياخ لو ما بقت الثورة تغيير جذري للمفاهيم و اقتلاع القديم و البالي و المهترئ من الافكار و السلوك شن طعما بس!!؟

عرفت حتة اتسرب الضوء .. و دخلت انا على (الدقون) الكضبون و الصهينة !؟

حليل الثورة المرتبطة بايمان راسخ بالديموقراطية و حقوق الانسان ..
الثورة المستهدفة اكرام الانسان و رد المظالم التاريخية .. و السير باتجاه التاريخ حي يسير الى الغد..

حليل الثوار .. و حليلنا نحن من بعدهم!!



-----

لووووووب
يا بلة عملتك تختة للتصويب نحو مولانا!!

لكن ما بيناتنا مش؟

[قيقراوي]

http://www.youtube.com/watch?v=LtUM47J-DDg&NR=1