(السماء تمطر خيلاً).. مبروك حافظ حسين

[سماح محمد]

المشاركة الأصلية كتبت بواسطة مهند الخطيب

بس مشكلتي في حاجتين :

1/ الزول (الزولة) البتفتح لي البوست...
2/ الزول البرفع الغلاف

بعداك بجي بقول هاؤم اقروا كتابي.......

لطارق كانديك الشرف انو يكون الزول البرفع الغلاف لكتابك ..

وصديقتي الجميلة سماح محمد بضمنا ليك تفتح البوست انت أكتب وخلى الباقي علينا .. !!

طارق كانديك

بس (بفتح الباء)
ولا كلمة فوق كلام مولانا غير التأمين
و يلا يامعشر الكُتاب شدوا حيلكم ..ونحنا إن شاء الله ما بنقصر

الشكر لكل من مر وسيمر من هنا نيابة عني وعن الأستاذ الشفيف


التوقيع/
سماح محمد
مدير أعمال الكاتب الفذ حافظ إبراهيم

[أبو دعد]

المشاركة الأصلية كتبت بواسطة سماح محمد

مجموعة قصصية تصدر قريبا للشاب المبدع /

حافظ حسيـــــن
بعنوان
(السماء تُمطر خيلا)

وأنا الآن أحسها تُمطر خيراً..وسعادة..
وتهب أمثالك بعضاً مما يستحقون من الفرح..

حافظ حسين إنسان يحمل قلما ويتكئ على أحزانه وأحزان الوطن ..فيكتب نفسه ويكتبنا..
بكل صدق وتجرد وشفافيه..
وبما إني
One of your fans
أتشرف بحمل ونشر هذه البشارة
ومستنيين غلاف المجموعة

ألف مبروك ياصديقي
ومزيدا من النجاحات

سماح
ترجلى حتى تمر الخيل

حافظ حسين كل مولود يولد على الفطرة ...و نحن ننتظر مولودك البكر بقليل من الصبر

و لعل خيلك تجيب على سؤال (اليوت )فى قصيدته (ماذا يقول الرعد)

[عادل عسوم]

مبروك ياعزيزنا حافظ
لقد كان اول مانزل على الحبيب عليه من الله أتم الصلاة والتسليم...أن أقرأ.
وهاأنت تتحفنا بما نقرأ...
ودون ذلك خيلٌ تُمطرها السماء!
فالمطرُ-دوما-قريب عهد بالله...
والخيلُ -دوما-معقودٌ بنواصيها الخير...
سأكون -باذن الله-قريبا لاقرأ مع آخرين كُثُر.
...
التحية لك سماح ياغالية
واسمحي لي قبل مواربة باب الخروج أن أحتفي بهذه المداخلة لعزيزنا بلة:

ياااااااااااااااااه
تعرف يا حافظ إصدار كتاب
يعني مخارجة روحك من رهق الوقوف كالتمثال
أمام ما دونت على مر الأيام
يعني أن تقف كشاهِدٍ على ما حواه الكتاب
مثلك مثل من يقفون برؤى متباينة
لكنك ستقف موقفاً متفرداً
موقف الجامع للرؤى
موقف الناهل منها
والمستزيد لكتابات تلي هذا الكتاب
فرحي بكتابك هذا يا حافظ لا يوازيه إلا حزني على الحال والمآل
مثلك تماماً كما أعرف
هكذا يلتقي النقيضان يا حافظ
الفرح والحزن في موازين الإحساس
ويفترقان في الطعم
في الرائحة
دمت يا صديقي المثمر تمنحنا اللبنات للبناء
وعسى أن يثمر فينا غرسك
أتطلع للتزود بما بين دفتيه
من شهدٍ وخيل
أتطلع للمزيد من الإقدام يا صاحب
محبتي واحترامي وامتناني
والشكر أجزله لسماح والجميع
ـــــ
عن الغلاف
لا يتناسب وعنوان المجموعة من حيث محتوى رسوماته
إلا إن كان ما بالداخل أوحى للرسام بذلك
أما الألوان فإنها منسجمة وكذا الخط وألوانه...

مودتي

[زول الله]

ليتها تُمطر ذهباً توشح حروف آتية إليك
هاهو البرق يصدق وعده كما قالت البشريات
فـ يا سماءنا كوني عشقاً ومهداً لهذا الفارس
ويا حافظ كـُن كما أنت يأتيك الإبداع طائعاً دون مشقة
مباركٌ يازول يانيل








اقول قولي هذا واستغفر الله لي ..............

[نصار الحاج]

مبروك يا حافظ
مبروك كتاب جديد
وقص جديد
وأكيد حكايات ما بتشبه اي حكايات

[سمراء]

سنة يا انا !!!
يعنى اسع انا صاحبة الكاتب الكبير حافظ ابراهيم قدس الله سره
يعنى مونكن اسع عادى اخلف كراعى وااملى خشمى واقول للزملاء ,,والله الاديب اسع كان بتكلم معاهو !!!
بخى بختى
غايتو مبدئيا كده انا حاجزة اول قشرة بعد الصدور ,,,وحرم ماتحرجنى


______
حافظ ابراهيم ده منو لكن ؟!!

[nezam aldeen]

قال عثمان بشرى :

انا ماسألت الليل عشان القاك في ضفرو ،،
ولا سلسلت من وردة خياشيمك بواقي الزنجبيل ،،،،،


سلسلت مننا بواقي النهار الحي ياحافظ ،،
وبعد إنهزامات النعاس ،، إحتلالات الفرح الصادق ياصاحب ..
لكـ أماني كما تتمنى ،، ودعوات صالحات ...

[حافظ حسين]

سلام يا شباب
إسمحوا لي تاني قبل ما أرد علي كل من مر من هنا.. أن أشكر 5 أفراد

خالتي نورا التي وافتها المنية في 85 ... هذه المرأة شحذت خيالي بكل الأساطير الممكنة, كثيراً ما فكرت أن أكتبها و لكن بدلاً عني قد كتبها عفيف إسماعيل في قصيدة رحيل الجدة , ففي أي لحظة أكون بها متخم تأتيني كلمات الشاعر عفيف إسماعيل و هي أصدق من اي كلمات تصدر عني , كتبتها و لكن بلسان عفيف ( شكراً خالتي نورا.... شكراً أمي التانية)

د. نجاة محمود إمرأة أخبرتني أن ما أكتبه جميل و حرام أن يضيع في الهتر ... علمتني هذه المرأة معني شرف و سلاح الكلمة .... شكراً د. نجاة و يا ريت تمري من هنا لتري حلمك الذي أضحي حقيقة... مني لك الود أجزله يا منصحتي و داعمتي

شهابي الذي خر ... كنت في إصرارك العنيد الي لحظة رحيلك و دوماً ما تقول لي ( يا فردة عليك دينك شارك الناس كتاباتك دي)... نم بسلام يا صديقي فمعك كل أشواقي و محبتي

عبدالله عيدروس صديق وجعتي و حارتي و بناديك يا عبدالله تجي هنا لان هنا مكانك أنت و لا أحد سواك .... عبدالله جمع كل كتاباتي و وضعني أمام الواقع أم أنشر إم أنشر و لا خيار أخر .... شكراً أيها العيدروس

محمد الصادق ... صحح لغتي الركيكة (قادرين تتخيلوا زول يقدر يصحح كلامي) محمد الصادق الحاج لم يقف عند هذا الحد و إنما تعداه الي تبديل بعض الجمل و الكلمات بأخري أكثر إتساقاً و حتي أكون أميناً فهذا الإنسان قد أعاد كتابة قصة كاملة فله مني الف تحية .... و يا صديقي الكاتب و الناقد هل كنت بيننا هنا؟

و سوف أعود لكل من مر من هنا و يسلم الحبان

[حافظ حسين]

أروي يا فردة جناحي التانية وقت الناس تطير و ما عارفة لوين تطير ... و الله يا صديقة مرورك بالدنيا و ما فيها ... سعيد بك يا جميلة أو كما قال الجيلي ( و لو دايرة تعرفي الجيلي قال شنو شدي السلك)

بلة يا بلة وينو بلة ؟
بله يا خي العين ما بتعلي علي الحاجب ... و لو أنت كنت قريعتي راحت أنا حأكون الراحت ذاتها

يا الكانديك بالله جر شخيط و أبعد بعيد مهند حاجزه أنا أنزل ليه كموزولجية القرية ... دا حبيبي البي براي و ديني ... بالله ابعد عشان ما نحرجك

الرجل الصلب منعم سعيد بيك و ديني و ليس في ذلك شك ... تشكر يا حبيب و إنشاء الله أكون عند حسن الظن لا حزنه

هيثم الخلا... العمة محكرة
تشكر يا صاحب لمرورك و إحتفائك

وجيدة المجيدة تشكري و تسلمي ... و الكتاب التاني الدرافت جاهز بس الله يشفي محمد الصادق من كسله و يراجعه لكن برسله ليك قريب اقريه و أعملي الغلاف يا فنانة ... و الله دا شرف لي اقدل بيه لا جني الأخو و الأخت ههههههههههه ما داير اجيب جنيات في مثل هكذا عالم

مدير أعمالي أنا ... يا خي نحن خاتينك لأكبر من كدا يا سماح البلدو و يسموا عليك

أبو دعك مولودي ولد علي الحياد و ليس هنالك تنصير أو تهويد ... اتمني من مولودي أنا لا ينتمي الي أي دين فقط ينتمي الي الإنسانية من أوسع أبوابها... تشكر يا ابو دعد

عادل عسوم كلماتك جميلة في حقي و الشكر ليك الف يا مان

سخ يا قلمي الماك فسل أو كما قيل... ففي الحضرة ود نمر فكم أنا بمروره لسعيد و اسعد بإحتفائه ... تشكر صديقي

[أبوبكر عباس]

المشاركة الأصلية كتبت بواسطة حافظ حسين

محمد الصادق ... صحح لغتي الركيكة (قادرين تتخيلوا زول يقدر يصحح كلامي) محمد الصادق الحاج لم يقف عند هذا الحد و إنما تعداه الي تبديل بعض الجمل و الكلمات بأخري أكثر إتساقاً و حتي أكون أميناً فهذا الإنسان قد أعاد كتابة قصة كاملة فله مني الف تحية .... و يا صديقي الكاتب و الناقد هل كنت بيننا هنا؟

معقولة القصة مرت من تحت سنان محمد الصادق؟
يعني بقيت مع ناس ثروت همت، مامون التلب، مازن مصطفى؟
سعادتي والله لا توصف.
الله أكبر (بالقديم)!

[حافظ حسين]

زول الله يا صاحب الف شوق اليك و تسلم علي المرور

سمراء يا صديقتي الجميله تسلمي و تشكري

نصار الجميل الف شكر لك

[حافظ حسين]

المشاركة الأصلية كتبت بواسطة بابكر عباس

معقولة القصة مرت من تحت سنان محمد الصادق؟
يعني بقيت مع ناس ثروت همت، مامون التلب، مازن مصطفى؟
سعادتي والله لا توصف.
الله أكبر (بالقديم)!

ما قدر دا كمان ... نحن ناس علي باب الله و في عبارة اخري ناس ساي يا بكور
إنت ملاحظ أنا بقيت مهذب؟
يا الهي متي أنجو من هذا و تنجوا؟

[أبوبكر عباس]

المشاركة الأصلية كتبت بواسطة حافظ حسين

ما قدر دا كمان ... نحن ناس علي باب الله و في عبارة اخري ناس ساي يا بكور
إنت ملاحظ أنا بقيت مهذب؟
يا الهي متي أنجو من هذا و تنجوا؟

والله يا حافظ انا فعلا سعيد بقصصك دي.
الشئ الما ح يتغالطوا فيهو اتنين بخصوص قصصك دي هو:
القصص دي بتكون طالعة من كتابة حقيقية (ما فيها صناعة).

[حافظ حسين]

المشاركة الأصلية كتبت بواسطة بابكر عباس

والله يا حافظ انا فعلا سعيد بقصصك دي.
الشئ الما ح يتغالطوا فيهو اتنين بخصوص قصصك دي هو:
القصص دي بتكون طالعة من كتابة حقيقية (ما فيها صناعة).

يا خي كسرت الدش في يدي يا دكتور و نحن عندنا شكلة بايتة ... يعني بالصورة دي عادي الزول ممكن يقول يا وريف ...

أسمع أنا رسلت ليك رسالة بطلب فيها تلفونكم المصون لكن جاتني صادة واردة و قالت لي بابكر دي مهم و صندوقه ملان ... يا خي ممكن ترسل لي تلفونك بالدرب التحت نتم شكلتنا في الخاص لا من رأي و لا من سمع ... ما تخاف أنا بتصل عليك و بتحمل كامل النفقات

تسلم يا دكتور الحصين

[الزوول]

اهلنا لامن يدورو يوصفو الفرح الشديد بيقولو ( سعادة...الجاب الولد)
اها من الزمن داك وأنا مغرم بقياس درجة أفراح الناس ومقاربتها (بسعادة الجاب الولد)
هم بلا شك يقصدون الفرح بالباكورة في كل شيء
باكورة انتاج أول كتاب
باكورة انتاج أول ظهور في الصحف
باكورة انتاج أول البوم
باكورة انتاج أول ظهور في التلفزيون
......الخ
كيفني وصفك هنا
...

المشاركة الأصلية كتبت بواسطة حافظ حسين

إنتو عارفين أحساسي بالبوست دا شنو؟
ما عارفين صاح؟
عشان كدا حأقول ليكم

هو إحساس جكس عمرها 16 سنة , جات خاشة البيت أبوها قال ليها أسمعي هوي (ناس فلان ديل جوا إتكلموا فيك و أنا أديتهم ... إنتهي)... بعدين ختوا في الحسبان البت دي عارفة ناس فلان ديل حيجوا يتكلموا يعني ما في أي مفاجاءت ... لكن أحساسها كان مزيج من الخجل و الفرح .... بالضبط دا أحساسي و أنا أستقبل إبني البكر بس ربنا يستر ما يطلع منقولي

....
ياخي إن شاء الله تغلبك بالمال وتغلبا بالانتاج
...