الْمَاءُ وجهُكْ ...

[لنا جعفر]

المشاركة الأصلية كتبت بواسطة بله محمد الفاضل

أضعت كيفية الخروج
وقلبي يتقلب هنا
في هذا المقام
ومداراته
سأخذه إلى سرخدي
وعسى أن أقدر على الإياب
تشكرات يا لنا بما أهديته لنا
....

بله مساء ماطر بالمحبة والإمتنان
أخشى ياصديقي ان الخروج بفكرته الأعمّ
يشاكل ذاك النص الدائري المتعلق بالوجود
والمتمثل بالأبواب
فباب يُفضي لباب لباب وباب وآخر
والخروج يبدو أنه محض وهم
لو من اسئلة الوجود الحارقة ولا اجتهادي الهنا ده
لكن ده ما ح يثنينا من النبش والحفر
عسى يتبلور موقف انساني يفضي لخروج ما...
(لن تخرجو الا بسلطان ......الاية)
----
أنا مباهية اني قدرت انتزع كلام جميل زي ده منك
وأنت الموهوب ذو الذائقة المبدعة
تشكراتي يابلة ياعزيزي
وسعيدة بطلتك المشجعة والحاضة
محبتي

[لنا جعفر]

المشاركة الأصلية كتبت بواسطة ام التيمان

لنا انتى امرأة شاعرة
و انسانة نقية

كل عام انتى بخير

العزيزة أم التيمان
كل سنة والدنيا طوع يمينك وباسمة ليك
عظيم شكري وتقديري لمرورك الكريم
وواللهي المسألة مانقاء
لكن واجب وكلمة حق ياعزيزة
شكراً كتير ع انه تركت عندك انطباع جميل
وبوحتي انتي بيهو..
مودتي الغامرة وتقديري

[لنا جعفر]

المشاركة الأصلية كتبت بواسطة alaa

لك الورد
صباح الحنين والوطن

مساء سعيد ياعلاء
ولك من الورد أكاليل ياصديقي
وسعيدة بوجودك هنا وطلتك
وكل سنة وانت موفق ومنجز وناجح
تقديري ومحبتي

[لنا جعفر]

المشاركة الأصلية كتبت بواسطة ماريل

لقيت اول مداخلة من لنا وتانى مداخلة من مهند
قلت بسسسم الله انا الجابنى منتدى الادارة شنو
(لونا) ياخ كلامك ده ما بنفع امر عليهو مرور المجاملة
داك عليه خلينى امشى واجييك راجعة.....

مارس وابريل المجيدين مجتمعين...
كل سنة وانتي العافية ياستي ...
ولونا واللهي بيكفيها بس وجودك وحضورك..
والفي القلب معلوم ومبرهن بكاااافة قوانين الماث والفيزيكس
بس ده ما بينفي اني بسعد بسماعك ياكرواني الحبيب
منتظراك ماريل وعارفاك بتوفي وعدك ..
-----
قلتي لي قايلة نفسك وين ؟؟
ح اعتبرو ليك تسلل غايتو
ولاتلومين الا نفسك الامّارة بالحب غاليتي
محبتي الغزيرة لغاية ما تستغيثي

[أبوبكر عباس]

المشاركة الأصلية كتبت بواسطة ماجد تاج

ـويا ريت ، يا ريت
تكوني من النوع البتحمل البل على قول أمين

سلام يا لنا وماجد
يا زول، كيف ما بتحمل البل؟
الدورة دي، شعارها:
البل لا يفسد للود قضية
والسنة دي، كروت الأمين العام حالفين بسيدي الجسن، ما تطلع.

[معتصم الطاهر]

المشاركة الأصلية كتبت بواسطة لنا جعفر

جاياك ياسعادة العسكري جنابو....ملتزمة بس الدور
وحاجات تانية

المشاركة الأصلية كتبت بواسطة ماجد تاج

ـ



دا شنو بالضبط ؟

شعر ؟

خاطرة ؟

واللا شنو تحديداً ؟

نص مصنوع صناعة فيها تنميق اكتر مما يجب ، ومخل


مع احترامي التام للكاتبة




ـ

المشاركة الأصلية كتبت بواسطة ماجد تاج

ـ


كمية من الاسئلة الملصق بعضها على بعض مع أن أقوى صمغ لا يمكن أن يجمع بينها

ومع ذلك يتبارى المداح في مدحها ؟

يا أخوانا من الانصاف للمبدع الحق الا تضيع كلمات الثناء وتنثر في غير مواضعها

أُرهِقت وأنا أحاول أن أجد ما يمكن أن يشي بأن وراء هذه الكلمات المجمعة هنا

والتي لا رابط بينها غير التنوين والاحرف العربية

فهم أو فكرة

مجموعة من تساؤلات تكشف فطارة غير متناهية ، بوضوح لا يقبل الجدل

المديح هنا محاولة لإقناع الملك بأنه يرتدي ثوب الحكمة كما حًكِي من قبل

أسئلة لا يمكن وصفها بأنها غريبة حتى ، فطيرة للغاية والله

كمثال : ما هذا السؤال ؟


وكيف يمكن أن تركب الجملة هكذا ؟



ـ

الْكاَتِبُ نِصْفَ إلَهْ....الْكَادِحُ نِصْفَ إلَهْ
الْثْوُرِيُّ نِصْفَ إلَهْ....الْصَادِقُ نِصْفَ إلَهَ
أَبِي إلَهٌ كَامِلْ
مَنْ الِرّبُ إذَنْ؟؟؟؟

السيد/ ماجد
السيادة هنا لأنك بالجد لم تأتي بمرجعية للنقد ..
ولا الانطباعي منه

و السيدة // لنا
لأنك حكمت على الناقد قبلا ..
و عاوزة تلبسى "الشرانية" و تجينا ..

لا أظن أن على الكاتب الشرح ..
لا أعني نطرية موت المؤالف لكن تختلف الرؤى ..


مثلا ..
المقطع أعلاه ..
أدناه ..
( لأن ماجد أتي به مثالا فسارسله مثالا لردي .. عليكما ..

الْكاَتِبُ نِصْفَ إلَهْ....الْكَادِحُ نِصْفَ إلَهْ
الْثْوُرِيُّ نِصْفَ إلَهْ....الْصَادِقُ نِصْفَ إلَهَ
أَبِي إلَهٌ كَامِلْ
مَنْ الِرّبُ إذَنْ؟؟؟؟

يحتمل شرحين عندى
اولهما
اذا كان الكاتب نصف إله - إله يقرر المتلقى ما يجب أن يقرأه و يقنعه بمقاله
و الكادح نصف إله - لأنه المنتج ويريد حقه و عليهم احترام عمله
و الثورى نصف إله .. لأنه أتي بالثورة و يستحق منصبا ..
والأب -لأنه أتى بنا للدنيا
اذن فمن الرب لإذا كنتم كلكم آلهة ..؟

الثاني و هو اقرب لو قرأناه مع النص ..

الكاتب نصف إله - لأنه يهدي الشعب الى الحقيقة
و الكادح نصف إله.. قهو الانتاج الشعب
و الصادق نصف إله لأنه يقول الحقيقة للجماهير
و الثوري نصف إله لأنه لا يكتفى بالكلام فقط
و الاب إله كامل لأنه ينشئ النشأة الصحيحة

فإذا كان كل هؤلاء يقومون بدورهم الحقيقي فمن الرب

و تحتمل الرب معناييت
المعنى الاول .. هو القائد؟ .. والمسئول .. الذى لا جدوى منه لأن المسئولية يجب أن تؤؤل للشعب ..لا للقادة ..
و المعنى الثاني للرب .. هو الرب الخالق
الذى لا جدوى له لأن الكل يقوم بواجبه ..


و هكذا لكل رؤيته
فهل ستأتي لنا لترد علينا ( الكاتبة) بشرح النص ؟

ساقول لها لا .. إنني متجاوز لشرحك

كررت كثيرا كلمة نص

هذه الكتابة تسمّى نصوصا يا ماجد

و يمكن أن تكون مجموعة ( هايكو)
لكن بما انها كلها تحمل فكر الكاتب و مترابطة بنيويا
فهو نص جيد ..
بل و أكثر من ذلك

على مستوى الرؤية أختلف معه كثيرا
و لكن لها الحق أن تكتبه
و امجد اسلوبها فى البيان و النحو و المعاتي التى أوصلت بها فكرتها ..

[معتصم الطاهر]

المشاركة الأصلية كتبت بواسطة بابكر عباس

والسنة دي، كروت الأمين العام حالفين بسيدي الجسن، ما تطلع.

أقفل على كدا لامن يقفلوك ..

[لنا جعفر]

المشاركة الأصلية كتبت بواسطة Sana Mursi

In
It's adore able poem ,I just fall in love with what wrote lovely Lana, best wishes all of u s

سنوية حبيبة الروح
كل سنة وانتي بخير وسنة حلوة تتحقق فيها
أحلى ألاحلام والأماني
تسلمي ياسنّو ويخليك لي
وممنونة على الطلة
------
مختفية مالك؟؟؟نفذتي الخطة 13 ولا شنو ؟؟
محبتي

[لنا جعفر]

اجمل الاشعار تلك التى تكتبنا ولا نكتبها -فبما اعتقد
محاولة تحميل النص الشعرى -رؤى خاصة- تحمل مضامين
*فلسفية معينة تربك النص و تقلل من جمال سطوته..*

معذرة فهذه ذائقة قارئ عادى يقرا بعينى جمال فق

أمير الأمين سلام وتحايا وود
وكل سنة وانت بخير
ياسيدي ممنونة اول شي لقرايتك لي شغلي ده
ولكتابتك رؤيتك المتجردة دي
وممنونة اكتر للغتك المهذبة وأدبك العالي في الإختلاف
والتعبير عنه بشكل راقي وبيحترم الآخر
ومن جانبي لا أملك إلاّ أن احترم وجهة نظرك وأحميها
انا يا أمير لو انت بتوافق ممكن اقود معاك حوار
حول مدرستين متباينات في الكتابة هم الكتابة الملتزمة والمهمومة
والمدرسة التانية المسماة الفن لذاته واللي عبرت عنو
لو لم أكن مخطئة في قرايتك بما وضعت تحته خط انا
إن سمحت لي وده بغرض التوضيح بس
لو مشينا في الخيط ده ممكن نثري الكلام في البوست
لكن شغلي بشكل خاص لابقدر اكتب مدافعة عنو
ولا ح اكتب شارحة ليهو.....وده لأسباب ماخافية عنك ياصديقي
يعني بناقش معاك الموضوعي بعيد جداً عن الذاتي
وما حابة اسقطو اصلاً علي انا دي
وطالبة برضو منك توضيح كيف بنكتب النص وكيف النص بيكتبنا ...
----
سعدت بوجودك جداً.....
وفي انتظارك لو أردت
مودة وافرة وكتير شرفت انت ورؤيتك

[عبدالمنعم الكتيابي]

الْلَيلُ صَهِيلُ الْلَذّْةِ وْنَاديْ الْغُرْباَءِ
هَلّ أَنتَ وَحْدِي؟؟؟؟.
----------

[لنا جعفر]

المشاركة الأصلية كتبت بواسطة فيصل سعد

شرحو ..
الاضافة الوحيدة انه دي بداية قوية و بمزاج يا لنا
الجرت لينا الوريف مهند مقهقها و منتشيا
و يا شليل دا نص لا بتنفع معاه عراميص لا ضانقيل
لا بربيت لا نص طوبة ..
و تعال ترجم للشباب ..

مساك ورد ياغالي.....
كل سنة وانت ضُل ومحبة
واللهي مهند ده ولا تضمنو ولا تراهن على قهقهاتو
ولو رأيت انياب الليث بارزة ...فأديهو حجر طوالي
لمن تعوق الحجر .
ما بتتخيل وجودك معاي هنا بيعني لي قدر شنو يافيصل
ومفرحني انه الشغل ده نال رضا جنابكم العالي
بس طلع لينا الوغد ده بره خالص ....
وسمي وادخل برجلك اليمين ....
حوالينا .....لاعلينا...
غايتو على قول معتصم اقعد ازوزي بيهو
لمن يقفلني ....
ما نتحرم من طلاتك يازعيم ويخليييييك لي
محبتي البتعهدا

[ماجد تاج]

المشاركة الأصلية كتبت بواسطة معتصم الطاهر

السيد/ ماجد
السيادة هنا لأنك بالجد لم تأتي بمرجعية للنقد ..
ولا الانطباعي منه

و السيدة // لنا
لأنك حكمت على الناقد قبلا ..
و عاوزة تلبسى "الشرانية" و تجينا ..

ـ



أنا أخدت كلامها على حسن الظن بالمناسبة وما افتكرتها لبست الشرانية

وليتها تفعل

ع الاقل الواحد يلقى ليه سبب مقنع للابتعاد

ما أستغربه في الواقع مش لبس الشرانية

واللا الاساءة المبطنة والغير مباشرة هنا وهنا

ما أستغربه هو :

كيف يتوقع أي كاتب أن ما يكتبه مقدس ؟

وأنه يجب أن ينال عبارات الثناء فقط ؟

أوردت يا خال رأيي فيما سماه البعض شعراً

وأبديت رأيي في مدح الاخرين لأنه ـ حسب رأيي غير منصف

ما المشكلة في ذلك ؟

ولماذا يستدعي لبس الشرانية ؟

يعني لا مكان الا للممجدين والمادحين فقط ؟



ـ

[علاءالدين عبدالله الاحمر]

المشاركة الأصلية كتبت بواسطة لنا جعفر

مساء سعيد ياعلاء
ولك من الورد أكاليل ياصديقي
وسعيدة بوجودك هنا وطلتك
وكل سنة وانت موفق ومنجز وناجح
تقديري ومحبتي

ياصديقتي يثلجني اطرائك وابتهالك
أردت التعليق لكن هاتفي يظلمني في رفع المشاركات غير أخطاء أخري كتر خير الحميم بلة والجميل ناصر
ودي لك جدا

[لنا جعفر]

المشاركة الأصلية كتبت بواسطة معتصم الطاهر

اقتباس:
المشاركة الأصلية كتبت بواسطة لنا جعفر



نص متجاوز ..
محرض ..

و كثير من الأسئلة ..
سخط مغلق على الصياح ..
بدأ محبا ..
و توحد فى الحبيب
فخرج من سلة الحلم الخاص
و انفتح على الهم العام ..
و جاءنا حتام النص بشرح لماذا هذه الحالة

( طَعْمُ الْقُبَلِ يتَبَاينُ ....كَذَا طَعْم الإنْتِمَاءْ
هَذَا حَدِيثُ الْمْنَافِي وَأْخْلاَطُ الْغُرْبَاتْ
هَذَا وُشْمُ وُطَنْي فِيَّا .....
وَشَمَنِي بِالإزْدِوْاجْ.)

فى تناص حاد مع المقدس و ألاسئلة جريئة و الإتهام ..

معتصم ياغالي
أمسية هانئة يا باش
وكثير من التحايا
انا بتسعدني عينك الفاحصة
وبكون دوماً في حالة ترصد لسبر اغوار الإختزال الذكي
البتحاول تضغط بيهو العالم وتكثفو
وعارفاك منصف حتى في حالات اختلاف الميثودس
والقرايات والإعتقاد
بفرح جداً بي طلاتك وبتكون لي عين تالتة
حتى لو اختلفنا
كتير من المحبة والود والإمتنان
-----
في اشارات لاحقة منك عندك فيها صواب شوف

[لنا جعفر]

المشاركة الأصلية كتبت بواسطة ماجد تاج

ـ



دا شنو بالضبط ؟

شعر ؟

خاطرة ؟

واللا شنو تحديداً ؟

نص مصنوع صناعة فيها تنميق اكتر مما يجب ، ومخل

محشو بما يلزم ، وبما لا يلزم

مجموعة أفكار متباينة ومتناقضة لا يجمعها جامع

يفضي بك الى وضعه بسهولة في خانة الكلام الخارم بارم

مع احترامي التام للكاتبة


ـ

مساء الخير ياجنابو وتحايا
سعيدة بمرورك وقراءتك للشغل
العمل مطروح للتفاعل معه إن إيجاباً أم سلباً
ورغم الطابع الخشن لملاحظتك
إلآّ اني أُقدر مرورك وحرصك على إبداء وجهة نظرك
وإن كانت ذائقتك او حسك تجاه المنتوج لايلزماني
فنحن من خلفيات ثقافية وفكرية وأدبية مختلفة
لكن حقك محفوظ في إبداء وجهة نظرك
احترامي