لماذا يبغضوننا ...؟

[صديق عيدروس]

المشاركة الأصلية كتبت بواسطة حسين عبدالجليل

الأخون مجدي , عبدالله , و صديق (و بالذات صديق بإعتباره مفترع البوست و المسئول أخلاقيا عن كل تبعات البوست) :

كمسلم أنفعل جدا عندما يسب أحد ما ديني أو يسب خاتم الرسل , لكن الإسلام الذي أؤمن به يطلب مني : الا أبخس الناس أشياؤهم , و ألا أكون مطففا في حكمي , وأن أحكم بالعدل ; ودا معناه ألا أسب أو أسييء لدين أحد حتي لا يسب ديني.

لو كان بعضوية هذا المنبر مسيحيين إثنين فقط فلهما نفس الحقوق و الواجبات التي يتمتع بها باقي أعضاء المنبر المسلمين حسب اللائحة وهي العقد بيننا . الرجاء لاتستفزونهما في دينهما .

ماهو الغرض من هذا البوست الملغم ؟
هداية؟ تعليم ؟ أم إستفزاز ؟

لا أعتقد أن قراءة البوست و السماع لفيديوهات ديدات المرفقة سيقنع نصاري المنبر بإعتناق الإسلام .

البوست دا ماشي في سكة خطرة جدا و أحد أدلتي علي ذلك الكلام أدناه , لو فهمته صح .

الاخ حسين تحياتي
اولا هذه هي المره الثانية التي تقول فيها هذا الكلام ، فالبوست بوست عادي جدا وليس فيه اي تلغيم كما ذكرت ، والعكس تماما هو الصحيح فالبوست هو محاولة لمعالجة العقول والافكار والنيات الملغمة ، لان النقاش في صحة وثبوت النصوص ودقة النقول بعيدا عن السب والشتم ، تمثل ارقى وانجع علاج للجهلة واصحاب القلوب والعقول الملغمة من الفريقين ، والاخوة النصارى يعرفون قبل غيرهم رغم عدم ايمانهم (بديننا ونبينا وقراننا ) يعرفون اننا ورغم ذلك لايمكن ان نسب او نعادي المسيحية والمسيحيين كدين سماوي ، وفقهاؤنا يطبقون عليهم احكام اهل الكتاب وهي معروفة لاداعي لذكرها هنا ، ومن يسب المسيح او المسيحية كدين فهو خارج عن ملة الاسلام ، مع العلم اننا كمسلمين، نفعل نفس الشيئ بيننا، حيث ان التحقق من ثبوت النصوص ودلالاتها مستمر بين الفرق والمذاهب الاسلاميبة منذ بزوغ الاسلام والى اليوم لم يتوقف يوما واحدا ، وهذه في حد ذاتها ظاهرة صحية وحضارية نفعها اكثر من ضررها ، ولك ان تعلم ان هذا النقاش نفسه موجود بين علماء المسيحيين انفسهم

اما عن موضوع العنوان، وشايف عبدالله كرر هذا الكلام اكثر من مرة رغم ردي عليه في المرة الاولى ، فالعنوان له علاقة ودلالة بالموضوع ، وانا مازلت لم ابين كل ما اردت ان اقوله في البوست ، فهناك موجة عداء وكراهية غير مبررة للاسلام والمسلمين ، خاصة في اوربا وامريكا وغيرها من البلدان حتى وصلت الى التعدي الجسدي على المسلمين واهانة مقدساتهم (كحرق المساجد وحرق القران واهانة نبيهم بصورة متكررة) وهذه ليست وليدة اليوم بل تكررت على مدى التاريخ باشكال واحجام مختلفة

[عبدالحكيم]

المشاركة الأصلية كتبت بواسطة صديق عيدروس

الاخ حسين تحياتي
اولا هذه هي المره الثانية التي تقول فيها هذا الكلام ، فالبوست بوست عادي جدا وليس فيه اي تلغيم كما ذكرت ، والعكس تماما هو الصحيح فالبوست هو محاولة لمعالجة العقول والافكار والنيات الملغمة ، لان النقاش في صحة وثبوت النصوص ودقة النقول بعيدا عن السب والشتم ، تمثل ارقى وانجع علاج للجهلة واصحاب القلوب والعقول الملغمة من الفريقين ، والاخوة النصارى يعرفون قبل غيرهم رغم عدم ايمانهم (بديننا ونبينا وقراننا ) يعرفون اننا ورغم ذلك لايمكن ان نسب او نعادي المسيحية والمسيحيين كدين سماوي ، وفقهاؤنا يطبقون عليهم احكام اهل الكتاب وهي معروفة لاداعي لذكرها هنا ، ومن يسب المسيح او المسيحية كدين فهو خارج عن ملة الاسلام ، مع العلم اننا كمسلمين، نفعل نفس الشيئ بيننا، حيث ان التحقق من ثبوت النصوص ودلالاتها مستمر بين الفرق والمذاهب الاسلاميبة منذ بزوغ الاسلام والى اليوم لم يتوقف يوما واحدا ، وهذه في حد ذاتها ظاهرة صحية وحضارية نفعها اكثر من ضررها ، ولك ان تعلم ان هذا النقاش نفسه موجود بين علماء المسيحيين انفسهم

اما عن موضوع العنوان، وشايف عبدالله كرر هذا الكلام اكثر من مرة رغم ردي عليه في المرة الاولى ، فالعنوان له علاقة ودلالة بالموضوع ، وانا مازلت لم ابين كل ما اردت ان اقوله في البوست ، فهناك موجة عداء وكراهية غير مبررة للاسلام والمسلمين ، خاصة في اوربا وامريكا وغيرها من البلدان حتى وصلت الى التعدي الجسدي على المسلمين واهانة مقدساتهم (كحرق المساجد وحرق القران واهانة نبيهم بصورة متكررة) وهذه ليست وليدة اليوم بل تكررت على مدى التاريخ باشكال واحجام مختلفة

كلام لاغبار عليه ، فالمسـألة ليست متعلقة بسودانيات أو رأفت ومجدي فهو حوار دائر ويدور بما يسمى حوار الأديان ومطروح على نطاق واسع ولمن أراد ان يتابعها فليكتب حوار الأديان وأما ديدات رحمه الله فهو مسلم مجتهد فقد ذهب وترك منظومة كاملة وضخمة بما يسمى مناظرات ديدات ومتوفرة على النت ولمن أراد ان يطلع عليها ما عليه إلا أن يكتب الشيخ ديدات ..
والمسلم المؤمن مطالب بأن يؤمن بالرسل والكتب السماوية فقال الله تعالى {يَا أَيُّهَا الَّذِينَ آمَنُوا آمِنُوا بِاللَّهِ وَرَسُولِهِ وَالْكِتَابِ الَّذِي نَزَّلَ عَلَى رَسُولِهِ وَالْكِتَابِ الَّذِي أَنْزَلَ مِنْ قَبْلُ وَمَنْ يَكْفُرْ بِاللَّهِ وَمَلَائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ فَقَدْ ضَلَّ ضَلَالًا بَعِيدًا } [النساء:136]. وقد سأل جبريل رسول الله صلى الله عليه وسلم عن الإيمان فقال له النبي صلى الله عليه وسلم: ( الإيمان أن تؤمن بالله وملائكته وكتبه ورسله واليوم الآخر وتؤمن بالقدر خيره وشره)..
فلا مجال للسب والشتم والخروج عن أدب الحوار وأن يلزم كل حدوده والبغض يكون ناتج عن جهل والحوار هو الذي يزيل عدم الفهم .. فنسأل الله اللطف .

[رأفت ميلاد]

المشاركة الأصلية كتبت بواسطة صديق عيدروس

وانا مازلت لم ابين كل ما اردت ان اقوله في البوست ، فهناك موجة عداء وكراهية غير مبررة للاسلام والمسلمين ، خاصة في اوربا وامريكا وغيرها من البلدان حتى وصلت الى التعدي الجسدي على المسلمين واهانة مقدساتهم (كحرق المساجد وحرق القران واهانة نبيهم بصورة متكررة) وهذه ليست وليدة اليوم بل تكررت على مدى التاريخ باشكال واحجام مختلفة

والله يا عيدروس كل كلمة بتكتبا مليئة بالبغضاء والكراهية مثل عنوانك .. محاولات التجمل لا تلغى الحقائق

الجزء المقتبس كذب بيّن ويدلل على كمية البغض والكراهية التى تحملها للمسيحيين وليس المسيحية .. حادث هنا وهناك لا يدلل على أن المسلمين فى بلاد الكفر فى أضطهاد .. لا والله مساجدهم مشرعة ومواطنيين من الدرجة الأولى ولهم متاجرهم ومدارسهم وأحيائهم .. ويتمتعون بحرية وطمأنينة لا يجدونها فى بلادهم .. لا يتجرأ السنى على الشيعى وكلهم سواسية فى الحقوق والواجبات

لكن أقولها لك صراحة عين الأمن غير غافلة عن السلفين تحديداً .. ولا يحفى على أحد الأسباب .. ولكن لا يحاربونهم فى قوتهم ولا يعذبونهم ولا يتعرضوا لعبادتهم ومساجدهم .. وهذه العين الأمنية مفتاح الأمان للجميع

[عبدالله إبراهيم يوسف]

يا رأفت ميلاد، لا يمكن أن تحاكم المسلمين إلا إلى كتابهم، وهو القرآن أو السنة الصحيحة
وأنا نقلت ليك نصوص من الإنجيل، ومن كلام المسيح صلى الله عليه وسلم
وفيها أنه جاء بالسيف وليس بالسلام
النص دا قاله المسيح ولا ما قاله
ورأيك فيه شنو
خليني من أرثوذكس ومن مسلمين ومن غيره
إما تقول لي دا نص محرف، فيكون إنجيلك محرف ودينك محرف
وإما يكون دا نص صحيح فتلتزم به كنصراني، أو تترك النصرانية وتشوف ليك أي دين تاني يعجبك
وأنا إلى الآن لم أدافع عن الإسلام ولا عن الرسول صلى الله عليه وسلم
اعتبرني كمبيوتر بناقش فيك، أدينا الجواب

[رأفت ميلاد]

المشاركة الأصلية كتبت بواسطة عبدالله إبراهيم يوسف

يا رأفت ميلاد، لا يمكن أن تحاكم المسلمين إلا إلى كتابهم، وهو القرآن أو السنة الصحيحة
وأنا نقلت ليك نصوص من الإنجيل، ومن كلام المسيح صلى الله عليه وسلم
وفيها أنه جاء بالسيف وليس بالسلام
النص دا قاله المسيح ولا ما قاله
ورأيك فيه شنو
خليني من أرثوذكس ومن مسلمين ومن غيره
إما تقول لي دا نص محرف، فيكون إنجيلك محرف ودينك محرف
وإما يكون دا نص صحيح فتلتزم به كنصراني، أو تترك النصرانية وتشوف ليك أي دين تاني يعجبك
وأنا إلى الآن لم أدافع عن الإسلام ولا عن الرسول صلى الله عليه وسلم
اعتبرني كمبيوتر بناقش فيك، أدينا الجواب

تعرف يا عبدالله أبراهيم أنت فارغ حد الهوس .. أخليك من إرثودكس ومسلمين كيف ده ما كلامك يا كمبيوتر .. أنت بتلعب معاى طاولة

أنا أمسك دينى ولّ أخليه شيئ بخصنى شديد .. والكلام الفى الأنجيل ده أنا ما نكرتو ورديت ليك عليه .. وبعدين أنت ما فاهم المكتوب ده شنو وليه والحيثيات شنو .. وبعدين ما مطالب تعرفو .. من الأفضل تتابع عقيدك وتترك الناس لإيمانم

أنا كمسيحى بداهة لا أؤمن بالقران لكن يستحيل أدى نفسى الحق فى أنتقاده بالطريقة الفجة دى .. عرفت لامن قلت ليك القصة دى داخلة فى سب العقيدة كنت بعنى شنو

أنا كمسبحى مفترض أقبل منك الترهات والقذارة بصدر رحب وأقول لك (سامحك الله وغفر لك) لكن عشان أنا زول فقرى أقول ليك الله لا غز فيك بركة ببركة المسيح صلى الله عليه وسلم

يا كمبيوتر مقدود

[عبدالله إبراهيم يوسف]

ما زلت أطمع في هدايتك، أرجع لي للنصوص الإنجيلية كلها وفندها لي واحدة واحدة، عشان أنا فهمي تقيل شوية، وورينا حيثياتها وكدا
وصدقني يا ميلاد، البقول ليك أمسك في دينك وخليني في ديني ونبقى حلوين مع بعض دا بغشك وبلعب عليك وبغش نفسه معاك
أنا ممكن بالمناسبة أصاحبك وأتونس معاك وأخدمك لكل الدرجات لكن برضو بقول ليك أحسن نمسك في الحق
أحكي ليك قصة صغيرة، كنت مرة مع زوجتي المنقبة وولدي منتظرين دورنا عند دكتور المفتي في شارع الدكاترة، وطبعا المفتي نمرته بتصل لي مية، وكانت حالته صعبة، ودورنا جاء، جات وحدة قريبتك قبطية، معاها ولد عيان جدا، ومزعوجة عليه جدا، وقالت للناس: اسمحوا لي أخش قبلكم، لأنه ولدي تعبان جدا، ما في زول هببوا ليها،
قمت قلت ليها يا أخت أدخلي في دوري، وفعلا دخلت، في دوري، ولما طلعت اتونست مع زوجتي المنقبة، اللي اتربت في شندي، لحدي ما وصلت الونسة لمعرفة أهلها اللي هم كانوا أصحاب أسرة زوجتي في شندي،
شفت كيف، أنا ممكن أخدمك بيديني ورجليني، لكن برضو بقول ليك الحق وين، ودا من تمام الأخوة والصداقة والمحبة

[رأفت ميلاد]

المشاركة الأصلية كتبت بواسطة عبدالله إبراهيم يوسف

ما زلت أطمع في هدايتك، أرجع لي للنصوص الإنجيلية كلها وفندها لي واحدة واحدة، عشان أنا فهمي تقيل شوية، وورينا حيثياتها وكدا
وصدقني يا ميلاد، البقول ليك أمسك في دينك وخليني في ديني ونبقى حلوين مع بعض دا بغشك وبلعب عليك وبغش نفسه معاك
أنا ممكن بالمناسبة أصاحبك وأتونس معاك وأخدمك لكل الدرجات لكن برضو بقول ليك أحسن نمسك في الحق
أحكي ليك قصة صغيرة، كنت مرة مع زوجتي المنقبة وولدي منتظرين دورنا عند دكتور المفتي في شارع الدكاترة، وطبعا المفتي نمرته بتصل لي مية، وكانت حالته صعبة، ودورنا جاء، جات وحدة قريبتك قبطية، معاها ولد عيان جدا، ومزعوجة عليه جدا، وقالت للناس: اسمحوا لي أخش قبلكم، لأنه ولدي تعبان جدا، ما في زول هببوا ليها،
قمت قلت ليها يا أخت أدخلي في دوري، وفعلا دخلت، في دوري، ولما طلعت اتونست مع زوجتي المنقبة، اللي اتربت في شندي، لحدي ما وصلت الونسة لمعرفة أهلها اللي هم كانوا أصحاب أسرة زوجتي في شندي،
شفت كيف، أنا ممكن أخدمك بيديني ورجليني، لكن برضو بقول ليك الحق وين، ودا من تمام الأخوة والصداقة والمحبة

تعرف يا عبدالله يوسف ما حألغى مداخلتى عشان تشرح أعتزارى على اللغة الساخرة الخاطبتك بيها ..
عندى صحبى إسمو يسرى من أولاد برى قال كلام لأخوه بعد شكلة مع واحد فى قصة الدين دى .. الراجل زعلان عشان صاحبو قال ليهو ياخ دينك ده محرف وما بشربك موية .. أخير ليك تسيبو وتدخل الأسلام .. قام دقاهو .. يسرى قال ليه (أنت غلطان ياخ الزول ده بحبك وما قصد كلو كلو يهينك)

تعرف يا عبدالله الإيمان شيئ نسبى شديد .. يعنى يستحيل يكون عقلانى مية فى المية .. بتصاحبو ملاباسات بتخلى الأستعداد ينزل كما الوحى .. موش النبى الكريم فى تمنيه لأسلام عمو عبد المطلب نزلت عليه آية بتقول (إنك لا تهدي من أحببت ولكن الله يهدي من يشاء) فقيس على كده

يوم كنت مع ولدى فى متجر قام قال داير يشترى هدية لصاحبتو الفلسطينية المسلمة على راس السنة .. قام أختار نافورة مصغرة كدة فيها تمثال بوذا .. قلت ليهو ياخ دى ما موفقة عشان فيها دلالة دينية .. قال لى (لا يابوى بوذا ده بيقبل كل الأديان وبعترف بيها .. عشان الناس تطلع من أى أحراج هو الحلل الوسط) غايتو سكت ساكت أعمل شنو

العلاقة الأنسانية هى الحلل الحقيقى فى علاقات الناس وده الحصل بين زوجتك والقبطية .. وأنا كتبا قبال كدة عن القصة دى .. وهو تحرر المرأة من سجن العقيدة فى العلاقات الأنسانية .. خاصة علاقة المرأة بالمرأة بتسقط فيها الأشياء دى بصورة جمالية فوق التصور

الحق البتقولو لىّ مرات بصل ثقيل الوقغ ياخ .. فالعفو والعافية اخوى

[عبدالله إبراهيم يوسف]

مرحبا المكرّم رأفت ميلاد
مسألة الإيمان شيء نسبي طبعا دي معتمدة على نظرية النسبية (أو النسبوية) في المعايير الأخلاقية Relativism وهي غير نظرية النسبية الفيزيائية Relativity
بتاعت أنيشتاين
وانت كمؤمن بالمسيح صلى الله عليه وسلم ما يجوز يكون إيمانك به وفقاً لهذه النظرية
لأنك حتكون فقدت إيمانك بيه أصلا
وقول سيدنا وحبيبنا المسيح صلى الله عليه وسلم: (( فإني جئت لافرق الانسان ضد ابيه والابنة ضد امها و الكنة ضد حماتها )) ينقض هذه النظرية من أساسها
وما يفعله البوذيون في بورما من إبادة جماعية للروهينجا المسلمين، يدل على كذب دعواهم،
بالمناسبة أنا كان واحد من أساتذتي الانجليز في بريطانيا بوذي، وكان علاقتي بيه أكتر من باقي المدرسين.
وبرضو أنا مصر أنه من تمام محبة الخير للبشر أن تهديهم لما تعتقد أنه الحق، يعني بالبلدي كدا انت لازم تعتقد أنه في جنة ونار، وأنه دينك هو البخلد في الجنة وبنجي من النار، طيب لي ما تهديني عشان نكون أصحاب هنا وهناك؟
بعدين بالمناسبة كلام المسيح عن السيف دا حق، وليس بمحرف، لأنه رسولنا صلى الله عليه وسلم قال لينا: المسيح الآن في السماء، وسيرجع آخر الزمان ويضع السيف في من لا يؤمن بتوحيد الله، ويكسر الصليب الذي اخترعته هيلانة الوثنية أم الإمبراطور الروماني قسطنطين، وانت طبعا عارف أنه المسيح في حياته ما رفع سيف، فحيرفعه متين؟ إلا في آخر الزمان