اغاني .. واغاني

[تغريده]

[youtube]http://www.youtube.com/watch?v=AIyXTQtajsQ[/youtube]


ياناس أبو مروووة ساعدونا وأرفوعوا الفيدو دا تقيييل على

[آيات]

سلامات قيقا وضيوفه
الريبورتاج جميل وملهم خصوصاً صور الفنانين القديمة بأصواتهم تعتبر إضافة جيدة
أكثر ماألهب حماسي أغنية ياطير ياطاير
و آداء فاطمة ..
أما مصطفى السني ..فلم يخذلني كعادته .. اتى بصوت أكثر إدهاشاً ومتعة
وياأحمد زين ...كالعادة لم تخزلني نسرين الهندي في أناقتها

[قيقراوي]

مرحب بايات وتغريد في الاستديو التحليلي من جديد
وياآيات مشتاقين
ومفتقدين طاقم الموسم السابع 2011






------

احمد الزين ح يتخذل كتير بي طريقتو دي

[فتح العليم]

المشاركة الأصلية كتبت بواسطة طارق صديق كانديك

ياسلام عليهو والله، السني أنا شايفو زي القاعد في الطابق السابع عشر، وبعاين للآخرين وهم في الصقيعة دي

---

قال ليك بقت على كانديك، حكاية الزول الرجع من السعودية وماشايل هدايا لناس الحلة، قال ليهم عليك الله الآذان ده بخلي ليهو زول يشتري؟ ما الللللله أكبر، الحلة كلها قفلت.

غايتو وقت البرنامج مزعج معاي وأخوك إلا يركز على الاعادة، اتذكرت الباشمهندس معتصم

ياكانديك انت ما ناوي تشيل هدايا والله شنو ، ياخى انشاء الله فيس بوك لكل واحد

والله ياقيقا انا شايف فاطمة كانت سيدة الحلقة بدون منافس وما عازين نستعجل على السنى امكن الحلقات القادمة تثبت لنا حاجة تانية عنو .

[زول الله]

السني أداء خرافي وأبعاد ماعادية في صوته الرخيم المحترف
ياريت يبتعد عن "التقليد" ويغني بصوته الطبيعي
-
فاطمة غناية شديد رغم تشابه صوتها مع اسرار بابكر في بعض الحتات
-
البنت التانية الضعيفونة ديك برضو غناية وصوتها يتشابه مع سميرة دنيا
-
نسرين هندي مافي كلام
-
الآخرين عاديين حتى الآن





اقول قولي هذا واستغفر الله لي............

[أمير الأمين]

يفتقد اغانى واغانى هذه الموسم جميلاته
والذى حقق فى وجودهم اكبر التفاف واكثر مشاهدة
لم يتحقق فى وجود الفنانات اسراء او سميرة او غيرهم
حضرت الحلقة الاولى وكانت اكثر من عادية
لم تبهرنى فاطمة ... ولم تتغير قناعاتى بان السنى مجرد
مقلد "مؤدِ" ..لاغنياتى و صوت ابو داؤود... ويظل
حبيسا له .. قد ينال الشهرة و" العدادات" ولكن يبقى
يذكر الناس بالراحل فقط ... دون ان تكون له بصمته
او شخصيته الفنية..

[طارق صديق كانديك]

المشاركة الأصلية كتبت بواسطة أمير الأمين

... ولم تتغير قناعاتى بان السنى مجرد
مقلد "مؤدِ" ..لاغنياتى و صوت ابو داؤود... ويظل
حبيسا له .. قد ينال الشهرة و" العدادات" ولكن يبقى
يذكر الناس بالراحل فقط ... دون ان تكون له بصمته
او شخصيته الفنية..

فكرة برنامج أغاني وأغاني نفسها،فكرة قائمة على الإحتفاء بالأغنيات القديمة،وبالتالي ليست هناك فرصة لغناء خاص من كل المشتركين وليس السني وحده، غايتو المابتريدو في الضلام تحدر ليهو

عصرت عليهو يا برنس

[الجيلى أحمد]

تحياتى قيقا والجميع,

ياأخى الاغنية الغناها السنى دى عجيبة,
طبعآ وقع الاغنية فى مخيلة الناس شكل أرضية جيدة لاستطعام الأداء الذى قدمه بها,
أغنية مبهجة,


_____________
ياشباب شوفو لينا رابط نشوف بيهو البرنامج لايف على الانترنت, ومواعيد البث

[أمير الأمين]

المشاركة الأصلية كتبت بواسطة طارق صديق كانديك

فكرة برنامج أغاني وأغاني نفسها،فكرة قائمة على الإحتفاء بالأغنيات القديمة،وبالتالي ليست هناك فرصة لغناء خاص من كل المشتركين وليس السني وحده، غايتو المابتريدو في الضلام تحدر ليهو

عصرت عليهو يا برنس

من الحلقة الاولى الهليمانة قامت حول السنى حقو
الناس تصبر شوية تشوف باقى الحلقات واداء الاخرين

[اشرف السر]

" انت مصيبة يا فهيمة.. ههههه اها هااااااااا"

السر قدور



احبك احبك
الى ما لا نهاية

حضور مميز لفهيمة.. حضور مسرحي عالي....
كدي النشوف بقية الحلقة

[قيقراوي]

منى .. زحل .. نادر

الاسماء الكانت رايحة لي لحدي حلقة الليلة

روعة .. استحقوا وقفة عمك قدور بجد

فاهمة يا فهيمة .. انت الفيهم دايمن!







------

يظل تقدير ادارة البرنامج بعدم البدء بمس الحزن العميم على درة شباب الغناء السوداني .. وأحد فلتات تاريخه، تقدير جدلي جداً

الجان ملك السودان
والحزن عليه مقيم ... ابداً

برضو تستمر الحياة ..
ولعل روحه تحثنا بالمسير .. والمواصلة

[زول الله]

ارجو من المختصين تعديل إسم الفنانة من "فاطمة" الى "منى" في مداخلتي السابقة
لأني يادوب الليلة فرزتها
-
ثم
فهيمة الفهيييمة المصيييبة كما قال السر قدور
اثبتت انو الاصلي يظل اصلي ياجماعة حتى لو غسلوهو ما بكش
-
مابغيرني صدودك عني اتقطعوا فيها الثلاثي المنسجم جداً وأمتعونا حد المتعة زاتو
-
معاز على خطى جدهـ الملك بن البادية
-
صباحي من اول حلقة وهو بتململ في القعدة ياربي من شنو؟؟؟
-
نسرين هندي سمع وشووووف ... والليلة التركيز كان على الاثنين صراحةً
-
جميل جداً التمحيص و مسك شاعر واحد وأداء أغانيه المختلفة
اعطت البرنامج فكرة جديدة وصنفته مع البرامج التوثيقية





اقول قولي هذا واستغفر الله لي.............

[مهند الخطيب]

غايتو الليلة "أعاني..أعاني"...

بالجمبة كده:
عندي قاعدة انو اي زول بغني غنا ابراهيم عوض أخير منو ، الليلة كان شذوذ القاعدة...

[خال فاطنة]

المشاركة الأصلية كتبت بواسطة مهند الخطيب

غايتو الليلة "أعاني..أعاني"...

بالجمبة كده:
عندي قاعدة انو اي زول بغني غنا ابراهيم عوض أخير منو ، الليلة كان شذوذ القاعدة...

يا الخطيب طبعاً رأيك في الغناء عندو وزنو بالنسبة لي...

يا ريت ياخي تسهب شوية و تورينا نقاط الضعف و القوة في الحلقات...

بعدين يا ريت المشاركين يخلو الآراء الانطباعية

[مهند الخطيب]

المشاركة الأصلية كتبت بواسطة خال فاطنة

يا الخطيب طبعاً رأيك في الغناء عندو وزنو بالنسبة لي...

يا ريت ياخي تسهب شوية و تورينا نقاط الضعف و القوة في الحلقات...

بعدين يا ريت المشاركين يخلو الآراء الانطباعية

ياآدم نخلي الاراء الانطباعية كيف يعني؟! ده غنا ياحبيب يعني بعتمد على الذائقة والمود وتعدد الاذواق ، هنا مثلا انت الحلقة عجبتك وانا ماعجبتني لو بدينا نفند أسبابنا بنلقاها انطباعية او ظرفية...
لبوست ده هو زاتو دعوة للانطباع ( حلوة انطباع دي ) قدمها لنا الزول الشين الاسمو فتحي ده...
وقع ليك ياالماحي سليمان؟؟