إنتخابات إدارة سودانيات

[imported_الجيلى أحمد]

نجي لحبيبنا زول الله

اخونا الجيلي ياخ انت ما الزول البفهم بالطريقة الغلط ... دا نمرة واحد
لكن مواقفك وردات فعلك على الأخ عادل عسوم في اكثر من موضع بينت لي انا -حسب فهمي المحدود والخاص- انك تتعامل حسب تراكمات وإنطباعات مسبقة.
ودا -اعتقد- لايصلح أن يستصحبه مسؤول أو إداري في منتدى حوار عام
واتمنى ان اكون مخطئاً.
بس دا كل الموضوع
مع توفر كامل الإحترام والتقدير لشخصك كأخ عزيز وغالي.

علولة تبادي ليك المحبات والتقدير ياحبوب,
واختلاف الرأي والشوف عمرو ماكان مدعاة للفرقة, علي العكس.. الناس بتكمل شوف بعض, ودا ديدن الحياة..

أكيد أتعامل مع عادل علي نسق يخصني, فيه مافيه من التراكمات ,وهذا حقي الكامل الذي لن أدع مجرد ثغرة لأحد في التقول عليه..
الأخ عادل براهو بيشنف في المنتدي وفي ناسو وقال داير يغادر, هو حر في ذلك, لكني لم أقصيه يوما, ومارست دوما حقي في معاملته علي طريقتي فيما اراه لايتناسب مع رؤيتي...
كونك بتشوف حاجة تانية, أسمح لي أقول ليك أنا مامسؤول من الحكاية دي, وماعندي ليها حل, فتشوف ليها حل من عندياتك..

بالنسبة لموافقتي في عمل اللجنة, لازم تعرف ياحبوب إنو اللجنة دي عملها تنظيري بحت, وبترسم خطوط, يعني ماعندها أي نوع من السلطات التنفيذية أيا كانت ولابتتدخل في عمل المنتدي ولاإدارته ولا بتهش في الموضوع دا, هي بتناقش الهيكلة وبترفع تلخيصاتو للعضوية عشان تناقشا..
فياخ بدل تكسير مجاديف الناس , خليك إيجابي ومد يدك مع الناس لو بالشورة أو المشاركة..

خلاصتو انو دي لجنة مناقشة خطوط في أمر بعينة, ليست أمانة عامة, ليست إشراف, وليست لديها أي ظلال إدارية أو تنفييذية وليس لديها اي نوع من السلطات بهذا المعني المطلق