تصويت لعضوية مجلس إدارة منتديات سودانيات

[فتحي مسعد حنفي]

استهتار و تهاتر و مهاترة؟


الكلام دا أمشي خش بيهو علي بوست ود الحاج بتاع العماري وما تطقعنا بيهو هنا0وأنا لا بيهمني دكس فنمترازين ولا ديبريكس ولا ملبوكة الغرب واوعي تفتكر أنا بخاف ليك من سيف جدك.
وبعدين اللخبته عليك شنو لحقت أخوك رأفت مالكأنا ما قلت ليك ما تدخلني مع الود فياصل دا في مداخلة واحدة وانتو ذاتو بقيتو تتكلمو بالألغاز واحنا أبرياء قاعدين زي الطرش بيناتكم. لموا روحكم أخير ليكم وللا بعدين بتابو وكلها اسبوع وحتكون قدامي وجها لوجه وشوقي في السويد وأولاد أهلك صحباني يعني مافي زول حيقيف معاك00أها وقع ليك

[بابكر مخير]

المشاركة الأصلية كتبت بواسطة فتحي مسعد حنفي

استهتار و تهاتر و مهاترة؟
وحتكون قدامي وجها لوجه وشوقي في السويد وأولاد أهلك صحباني يعني مافي زول حيقيف معاك00أها وقع ليك

ودقة تفوت ولا حد يموت

[فيصل سعد]

المشاركة الأصلية كتبت بواسطة Babiker Mukhayer

يا فتحي حكاية السيف دي عندها قصة وحصلت، تعرف يازول.
كنت جبت سيف كان حق جدي بابكر حارب بيهو في المهدية وشلتو معاي براتسلافا، وفي يوم كدا يا صاحبي وأنا مزنوق في الإمتحانات وضارب ليك الذي منو (الدكسي) يعني بس تقول تاكل الكتب، العيون منططة والنونو بتاع العين مفنجل وبس تقول كورة باسكت، الخشم مقفول والشلاليف مضمومة التقول ملصقنها بي سلسيون، وحاسة السمع متقدة يعني لو إترمت إبرة في براغ هنا تسمعها وتشد أعصابك والحكاية دي كلها ناتجة من حبة الدكسي (مادة منشطة إستعملناها للمساعدة في الدراسة، ما أخوك مجبور على القراية المابريدها).
وأنا في حالتي دي يا زول أسمع ليك ناسنا السودانيين من بعيد راجعيين من الكفيارن (الهوسبدا)ويغنو في (الندامة، ما طبعن هي المدامة لكن السودانيين والإحباط ملازمهم ذي باسبورتاتهم في الغربة وشاعرين دايمن بالندامة على فراق البلد) يا صاحبي أخر أيامي حبانا اليساريين كانو شامني أكتر من ما هم كالعادة وأجهزة التسنط بتاعتي أستشعرت ريحة معركة (هي طبعن كلاميية، لأنو لو شنو وشنو داك أخوك حكاية المضاربة دي بس التقول إتا، خوووووووووووووواف)
شعرت جلدي كلبت وقلبي داك لو متين وخمستاشر ضربة في الثانية أقول ليك شوية.
ما خيبو ظني الحبان وبس قدام الأوضة، التقول مظاهرة في أبو جنزير، هتافات ضد الرجعية (يا أخي هو أنا ود المهدي؟؟؟؟؟)
مع الشدة بتاعت الدكسي وإستليت ليك الحسام من غمده ومرقتا، الحمد لله عندهم معلومة سابقة من الزميل الجعلي أني حفيد أنصار وعليه آثرو الفرار.
شفتا السيف أنا شلتو وما شفتو ساكت.

الحبيب فيصل
واحد : ما تسبق الحوادث و الاحداث؟
* يا تو حوادث الخرطوم ولا التجاني الماحي، ما هناك فتحو فرع للمحبطيين، حجزت ليك فيهو مع الحلبي
اتنين : بطل الشمشرة و التشمشر لانها ما قدرك؟ و ما لايقة عليك و ما مقاسك.
* هي الحقيقة بقت شمشرة والسقط يبقى شنو دفو وحر
يازول إتا معزور ما كندا سقط ومنها إتا أخدت سياسة السقوط
تلاتة : بطل استهتار و تهاتر و مهاترة؟ كلنا عند ربنا نعيش و لا نرسل ليك في الخاص و نخليك تجقلب و الشكر للباش
* قال ليك ضرب الذبيب (ما تمشي تقراها حبيب، ما إتو ناس سودانيات بتلخبتو الحروف = ما شفت شوقي قلب ليا الذبيب لي دبيب) والباش بالخاص رسل ليا مودة وبادلني المحبة وهو عارف لو رسل ليا بالبوست إتو ناس الشمارات بتقوم تلخبتو وعشان تعرف البنا صافي يا لبن وحليب يا قشطة، بعيد عليهو هنا قدامكم يا" كل عام وإتا بخير يا باش وليك المودة الصادقة والخوة البتستاهلها)
اربعة : انت بفصاحتك دي ما كان تجي تخش جوة المعمعة بدل ما تطقع حجارتك و درابك دا من بعيد لبعيد، و اعمل حسابك لانو بطبيزك دا يوم بتعوق ليك زول صحي صحي
* ما دخلت المعمة لأني ما عندي القدرة عليها ولو كنت بقدر كان تلاقاني أول المترشحين وأول الناس العند ربهم يعيشو.

شفتا الهندي عاوز يدخل بيناتنا، لكن ما إتا الغمته حجرا وأنا الحجارة دي لسا عليا منها ، ما راجي حجارة رمي الجمرات،،، ربنا يوعدنا جميعا بحجة.

الحبيب كيشو
والله مش لوناس خلود وعكود عملوها بالحروف الأبجدية، الجوز ديل لو بالإشارة برضهم عند ربهم بيعيشو

[grade="FFA500 FF6347 008000 4B0082"]بي جد!!!! الحبان ما أكون جد أثقلتا [/grade]

يا حبوب نقتك الكتيرة دي كلها نطلع منها بثلاثة اختصارات مفيدة :

كان ما بتحمل الهظار ما تهظر لانو حار يا قلب و الما بدورك يحدر ليك في الضلمة

الحقيقة المستعجل ليها دي ارجاها بعد قفل التصويت و ما تستعجل بعدين سميها دفو و حر و لونها و زيدها من ما عندك و من ما تحب و تشتهي

العفو و العافية لله و الرسول. و السلام ختام.

[فتحي مسعد حنفي]

ورورووووك أمانة ما كتل راجل يافيصل ما سمعت بي حصانتي القامت تعرج.أنا هسع محتار اسوي شنو معاها وأنا غايتو اتخارجتا بعد دا شوف طريقتك براك

[فيصل سعد]

المشاركة الأصلية كتبت بواسطة فتحي مسعد حنفي

ورورووووك أمانة ما كتل راجل يافيصل ما سمعت بي حصانتي القامت تعرج.أنا هسع محتار اسوي شنو معاها وأنا غايتو اتخارجتا بعد دا شوف طريقتك براك

يا خواجة و لا يهمك، بس ساعدها بالدعاء و الصبر و الاستغفار و كتر من "يا ريت"

[فتحي مسعد حنفي]

المشاركة الأصلية كتبت بواسطة معتصم الطاهر

?
و بث..

أها وهي في حتة تالتة احنا ما عارفنها؟

[حمزاوي]

[align=right]
كل عام وانتم بخير
عيد سعيد ومن العايدين
كل اعضاء منتديات سودانيات يستحقون ان نصوت لهم
جميل جداً ان نمارس الديمقراطية في كل شئ
[/align]

[عصمت العالم]

التهنئه الحاره للاحباب
السيده قوت القلوب والسيده االدكتوره الاستاذه بيان والاخ الجيلى والاخ فيصل سعد
بنيل الثقه فى اختيار موفق صادف اهله..متمنين لاهم نجاحات مكثفه من اجل إعلاء سودانيات والارتقاء بها الى محافل تزدهر وتزدان..وترتقى االى ذلك الاعتلاء الفخيم..

ا ونبايه عن اخى فتحى مسعد .وشخصى الضعيف . ..ندرك اننا من المحاربين القدماء.وكم اسعدنا فوز الشباب فهم حملة الرايات لمستقبل منفتح ومتفتح. ووقود المشعل..
نحن اخى فتحى وشخصى سعداء بعبق ممارسة الديمقراطيه فى ارفع اشكالها .فى دفء .ومحبه..وحريه.بلا تدخل ولا تحيز ولا اشاره..
هنيئا للفائزات والفائزين بشرف هذا التكليف المسئوليه..
والى الامام .
مع باقات من الحب والود والاعزاز

[الجيلى أحمد]

حبيبنا عصمت
كل سنة وأنت وأسرتك الكريمة بألف خير وهناء وسعادة

كتبت

التهنئه الحاره للاجباب
السيده قوت القلوب والسيده االدكتوره الاستاذه بيان والاخ الجيلى والاخ فيصل سعد
بنيل الثقه فى اختيار موفق صادف اهله..
نحن اخى فتحى وشخصى سعداء بعبق ممارسة الديمقراطيه فى ارفع اشكالها .فى دفء .ومحبه..وحريه.بلا تدخل ولا تحيز ولا اشاره..
هنيئا للفائزات والفائزين بشرف هذا التكليف المسئوليه..
والى الامام .
مع باقات من الحب والود والاعزاز

ياعصمت إنتا يوم 1-1-2008 خلاص جاء والسنة الجديدة بدأت عندكم .??
والله الإنجليز ديل ماتستبعد منهم أى حاجة..

ياأخى إنتا والخواجة ماتبطلوا الجقلبة بتاعتكم دى..

[كيشو]

يا لجنة الانتخابات
الأخ عصمت اقر بالهزيمة، وهنأ المنافسين الآخرين (وهذا حقه)
ما هو الإجراء في هذه الحالة؟
أما تصريحه بشأن الأخ فتحي فلا يلزم فتحي ولا الآخرين
أفتونا
مع تحياتي للأخ عصمت
يا جماعة سفهتوني ما لكم
إقرار عصمت بالهزيمة أضر بأخيه الكاشف (عمنا فتحي) ضررًا بليغاً
ردوا علينا

[معتصم الطاهر]

المشاركة الأصلية كتبت بواسطة الجيلى أحمد

حبيبنا عصمت
كل سنة وأنت وأسرتك الكريمة بألف خير وهناء وسعادة

كتبت


ياعصمت إنتا يوم 1-1-2008 خلاص جاء والسنة الجديدة بدأت عندكم .??
والله الإنجليز ديل ماتستبعد منهم أى حاجة..

ياأخى إنتا والخواجة ماتبطلوا الجقلبة بتاعتكم دى..

الأخ الجيلي والأخ عصمت
وكل الأحباب
يا أخوانا أخونا عصمت من كثرة الفرح بيكم تداخلت عليه الأعياد
فخففوا عن قلبه الكبير المليء بالمحبة ..

[معتصم الطاهر]

المشاركة الأصلية كتبت بواسطة Babiker Mukhayer

والباش بالخاص رسل ليا مودة وبادلني المحبة وهو عارف لو رسل ليا بالبوست إتو ناس الشمارات بتقوم تلخبتو وعشان تعرف البنا صافي يا لبن وحليب يا قشطة، بعيد عليهو هنا قدامكم يا" كل عام وإتا بخير يا باش وليك المودة الصادقة والخوة البتستاهلها)


[grade="FFA500 FF6347 008000 4B0082"] ا [/grade]

الحبيب مخير

كل سنة وانت طيّب
يا زول أنا قصيت حكاية الحسن والحسين
لا داير تبقى الحسين
ولا دايرنى أبقى الحسن ..

[بابكر مخير]

المشاركة الأصلية كتبت بواسطة معتصم الطاهر

الحبيب مخير
كل سنة وانت طيّب
يا زول أنا قصيت حكاية الحسن والحسين
لا داير تبقى الحسين
ولا دايرنى أبقى الحسن ..

الحسن والحسين تيمان
حبان وهم أخوان
أريتنا بفالهم
(أنا ما قريب منهم، فكر المهدي المنتظر /يعني بيقولو كدا شيعي/ وأنا من أهلك الأنصار وبرضنا من نفس الفكر وإن إختلفنا معهم /شيعة وسنة/)

شكرن على المعايدة ومن حسي كل عام خواجات وإتا بالف خير
(أكان كريسمس ولا رأس سنة ميلادية والإتنين مع بعض)

سلامي للأسرة ولهم حار التهاني بالأعياد

[بابكر مخير]

المشاركة الأصلية كتبت بواسطة فتحي مسعد حنفي

عزيزنا عكود0 أها كيف أصبحت بعد اللحم000هل هناك تخمة؟
عندي سؤال ممكن يكون عجيب شوية لكن بالنسبة لي أنا مهم شوية الاجابة عليهو/
كيف ممكن لمدة يوم كامل وهو أول أيام العيد أن تكون نتيجة التصويت ثابتة ودا شي طبيعي فعدد الذين صوتوا كانوا 30 عضو00علشان أكيد الناس معيدين وما صوتوا0
كيف النهاردة بعد ما العدد زاد واحد يعني صوتوا 31 عضو النتيجة اتغيرت بالنسبة لعضوين اتنين فقط أما الباقيين فزي ما هم0أها دي كيف ياكعود 0أنا عارف روحي بليد في الحساب لكن ما أفتكر لدرجة اني ما أقدر أحل اللغز دا0 الأنسان بيدي صوتو لي 4 مرشحين وغير كدا صوتو بيتلغي0تمام0 لو صوت للأربعة الأوائل النسب بتفضل زي ما هي ولو صوت لي اتنين منهم برضو بيزيدوا الاتنين التانيين الأداهم صوتو لكن تزيد نسبة واحد أو اتنين فدي بصراحة ما فاهمها

أول حاجة الواحد وذي ما قال فيصل سعد: شوتو ضفاري،
يعني الليلة يا دوبك مع الباش قدرنا كدا نتخارج ونصلحها شوية وإنشاء الله تنستر.
حسي أمشي أقول ليا كلام الخها في محل تاني.
بس الناس بالله العظيم لو أخدتها بي عفوية ولحظات كدا بتعدي
يا أخي والله الواحد ذي الموية ما من الطهارة لكن من أنو لا بيحب يغلط على زول ولا يوسخ سجلو مع زول.
لكن إتا ما مغسوب عليا وعشانها خدك:
ما هو الحساب براهو يالحبيب فاطيهو
العربي إن جينا للجد بلحذاء وأطيهو
قالب أسفلو أعاليهو
وكان للشعر فارشو ومنطط فيهو

أنا معاك في سؤالك، لأني بتذكر كان عندك عدد كااااااااااااااااااااااااااااام وخمسين وحسي شايف عندك كيمم وخمسين (لزوم التضخيم والتقليل)، تكون دي أصواتنا الأديناك ليها لمن دفعت لينا وقامت لجنة الإنتخابات كشفت المستور وحذفت الأصوات دي؟؟؟؟

الخوف الهوا حسي يهب
من جهة تانية ويوقد لهيب
بس بالله ما تاخدوهو أمر صعيب
خلوها ماشية تخطي مليون ولا حتى مرة ما بتصيب

الف مبروك للنالو ثقتنا

عندي بوست
حأسميهو عرض حال
وربنا ما يكشف لينا حال

[الجيلى أحمد]

المشاركة الأصلية كتبت بواسطة معتصم الطاهر

الأخ الجيلي والأخ عصمت
وكل الأحباب
يا أخوانا أخونا عصمت من كثرة الفرح بيكم تداخلت عليه الأعياد
فخففوا عن قلبه الكبير المليء بالمحبة ..

صباح الخيرات ياباش

أخونا عصمت رجل ثرى بالمحبة ومحاسن الخلق,
وماقولنا ذلك إلا مزاح الإخوة مع بعضهم..

كلعام وأنت والقوت
وكل أسرتك بخير