اغاني .. واغاني

[خالد غالي]

الليلة الناس ديل كتار، فيهم ناس زيادة
موش كده؟

[خال فاطنة]

يا سلام على الجهبوز الاسمو الهادي الجبل دا ياخ...
الحلقة ممتعة للغاية...الراجل أغانيه نجيضة و هو نجيضا قاطع

علي الدين يا قيقا الشغل العملو معتز صباحي مع طه سليمان مش يغفر ليه سقطة (حور الجنان) يغفر سقطات النسخة دي كلها، الود دا لعب في الغنية دي لعب مجانين..
المفروض معتز صباحي يغني بحكم إن مُجيد لأغاني الهادي الجبل، و كون ما غنى أرجح إن حلقة بكرة تاني تكون عن الهادي الجبل.....

أول ما بدأت الحلقة يا قيقا و شفت الهادي الجبل في المنصة قلت لي صاحبي المعاي الليلة زول قلبو ما حار ما بغني، لكن شاهد الحال في قلوب باردة - ولّا ميتة ما عارف - غنت
المهم محتاجين لحلقة تاني، و كان بقت الحلقة دي، تبقى دي دعوة مني لكل المتشككين (خالد غالي مثلاً) يجو يسمعوا صباحي...

[زول الله]

المشاركة الأصلية كتبت بواسطة خال فاطنة

يا سلام على الجهبوز الاسمو الهادي الجبل دا ياخ...
الحلقة ممتعة للغاية...الراجل أغانيه نجيضة و هو نجيضا قاطع

علي الدين يا قيقا الشغل العملو معتز صباحي مع طه سليمان مش يغفر ليه سقطة (حور الجنان) يغفر سقطات النسخة دي كلها، الود دا لعب في الغنية دي لعب مجانين..
المفروض معتز صباحي يغني بحكم إن مُجيد لأغاني الهادي الجبل، و كون ما غنى أرجح إن حلقة بكرة تاني تكون عن الهادي الجبل.....

أول ما بدأت الحلقة يا قيقا و شفت الهادي الجبل في المنصة قلت لي صاحبي المعاي الليلة زول قلبو ما حار ما بغني، لكن شاهد الحال في قلوب باردة - ولّا ميتة ما عارف - غنت
المهم محتاجين لحلقة تاني، و كان بقت الحلقة دي، تبقى دي دعوة مني لكل المتشككين (خالد غالي مثلاً) يجو يسمعوا صباحي...

المدرسة ودالجبل
مفروض الحلقة كلها يغني هو بس والباقيين يستمعوا ويتعلموا زي الطلاب
ونحن نستمتع

افتقدتك رغم الخطوط والهارموني لكن برضو بهدلوها

اغاني ودالجبل فقط لـ ودالجبل وحوتة






اقول قولي هذا واستغفر الله لي............

[أمير الأمين]

المشاركة الأصلية كتبت بواسطة خال فاطنة

الملامح إتضحت أكتر يا أمير...

السني شغلو سمح، لكنو مميز أكتر في أغاني أبو داوود كمقلد. دي أظنها أول تجربة يظهر فيها زول أساسي في البرنامج و يكون مقلد. عمك قدور بيردد طوالي إن من أهداف برنامجو دا إن الناس تغني بطريقتها الخاصة، و ما قاعد يدس إن معتز أهم زول في الجانب دا ...الليلة عرفت إن معتز صباحي جاي بترشيح و إصرار من طه سليمان...
المهم الليل ما طفل و لا حاجة...لأن الحكاية واضحة. السني ما أظنو يقدم أداء أجود من (زرعوك في قلبي) و لا أضعف من (يا غالية يا ست الحسان)...
الزولة الحاسي إنها قدراتها لسه ما ظهرت لأن ما أدوها معاهم فرقة هي فاطمة عمر..

دى رؤيتى من البداية انو الزول مقلد يعنى اتجاه واحد
ومن الصعب جدا خروجه من هذا الدور اعتقد دى حدود امكانيات صوته

[أمير الأمين]

المشاركة الأصلية كتبت بواسطة الرشيد اسماعيل محمود

يا الزوول،،
شايف خال فاطنة نطّ في نظريتك دي وعدّل فيها شوية وجابها ختّاها، والشِّكر لخال فاطنة وخيل الزوول تجقلب.

أنا غايتو مصطفي السُّني دا ما قدر يقنعني، بتفق مع الزوول وخال فاطنة في نظرتهم، لأنو الفن ما هو بس صوت، في حاجات تانية بمثابة اكسسوار فني ضروري لنجاح أيّ فنّان، من ضمن الـ Accessories دي؛ قبول الفنان لدي المستمع/المشاهد أو خلينا نقول بشكل أدق (كاريزما فنيّة)، وما اعتقد الحاجة دي موجودة عند الشاب مصطفي السُّنِّي.
كتير من الفنانين عندهم أصوات جميلة وأداء جميل، لكن ما عندهم القبول عند المتلقي، وما بالضرورة معناها الشكل الخارجي، لكن احساس بيشدّك للفنان دا ويبعدك عن داك. وفي حالة زي دي، الفنان مهما اجتهد وأدّي بشكل جميل، بكون فاقد لأهم مقومات العلاقة بينو والمتلقي.
السُّني زول مجتهد، بارع في أغاني أبو داؤود، لكن وجهة نظري إنو ما هو الفنان الممكن يمشي لي قدّام، ودي قاصد بيها مقدرة الفنان علي خلق جمهوره الخاص بيهو زيّو زي طه، صباحي، وفرفور من الموجودين حالياً، المسألة دي ما هينة أبداً.
في الناس الجدد ديل، ممكن أحمد مأمون وفاطمة عمر يمشوا كويس في المجال دا، لكن نادر، مني والسّني، لا اعتقد. مصطفي السُّني ممكن يكون فنان قعدات نخبوية لمحبِّي أبو داوؤود في المراكز والمناسبات المحصورة، كونو بيأدِّي بصورة معقولة لأبو داؤود، لكن ما أظن يصل يقدر يمرق من الجلباب الأبو داؤودي لمرحلة الأغنيات الخاصة، لأنو ظلّ أسير للجلباب دا، وظاهر إنو ليس لديه الرغبة في الخروج.

تحياتي

يعنى بصيرتنا ضاعت ساكت

[الرشيد اسماعيل محمود]

المشاركة الأصلية كتبت بواسطة خال فاطنة

علي الدين يا قيقا الشغل العملو معتز صباحي مع طه سليمان مش يغفر ليه سقطة (حور الجنان) يغفر سقطات النسخة دي كلها، الود دا لعب في الغنية دي لعب مجانين..

غايتو يا عمّك، مرّات كدا قاعد أحس إنّك زول فنّان
ياخي صباحي الليلة اشتغل شغل ممتع، حقيقي زي ما إنت قلت، لعب في الاغنية بشكل بتاع زول محترف وخيالو الفنّي خصب جدّاً، هرْمنة زول شفت، اشتغل شغل آلة موسيقية سدّت أيّ فراغ ممكن يتحسّ، في اتساق كامل بين صوت طه والموسيقي.

أسمع:
إنت بعد رؤيتك دي، مفروض تبدا تنجز مشروع نظريتك الخاصة، الزوول أخير منّك في شنو يعني؟

[الرشيد اسماعيل محمود]

المشاركة الأصلية كتبت بواسطة أمير الأمين

يعنى بصيرتنا ضاعت ساكت

بصيرتك المرّقت لينا صوت البلابل نشاز ولا تانية؟

[أمير الأمين]

المشاركة الأصلية كتبت بواسطة الرشيد اسماعيل محمود

بصيرتك المرّقت لينا صوت البلابل نشاز ولا تانية؟

البلابل براهم امسك سجل عندك
1- الطيب عبدالله
2-عبدالرحمن عبدالله
3-ود البادية (فى الطريق)
ازيدك ولا كفاية ؟

[خال فاطنة]

المشاركة الأصلية كتبت بواسطة الرشيد اسماعيل محمود

غايتو يا عمّك، مرّات كدا قاعد أحس إنّك زول فنّان
ياخي صباحي الليلة اشتغل شغل ممتع، حقيقي زي ما إنت قلت، لعب في الاغنية بشكل بتاع زول محترف وخيالو الفنّي خصب جدّاً، هرْمنة زول شفت، اشتغل شغل آلة موسيقية سدّت أيّ فراغ ممكن يتحسّ، في اتساق كامل بين صوت طه والموسيقي.

أسمع:
إنت بعد رؤيتك دي، مفروض تبدا تنجز مشروع نظريتك الخاصة، الزوول أخير منّك في شنو يعني؟

ال (مرّات كدى) دي هي المرات القاعد تأكد لي إنك بتعرف الناس البعرفو الغنا gap

الراجل إشتغل شغل كارب يا الرشيد، و جهابزة البوست لحد هسي ملتزمين الصمت

أما بخصوص النظرية، خاصة بعد تشجيعك دا - كزول بتعرف الناس البيعرفو الغنا - سيتم إنجازها ..المافي شنو؟

بلداً ما فيها الموصلي يقدل فيها أمير الأمين
gap

[عبدالله وداعه الامين]

المشاركة الأصلية كتبت بواسطة الرشيد اسماعيل محمود

غايتو يا عمّك، مرّات كدا قاعد أحس إنّك زول فنّان
ياخي صباحي الليلة اشتغل شغل ممتع، حقيقي زي ما إنت قلت، لعب في الاغنية بشكل بتاع زول محترف وخيالو الفنّي خصب جدّاً، هرْمنة زول شفت، اشتغل شغل آلة موسيقية سدّت أيّ فراغ ممكن يتحسّ، في اتساق كامل بين صوت طه والموسيقي.

أسمع:
إنت بعد رؤيتك دي، مفروض تبدا تنجز مشروع نظريتك الخاصة، الزوول أخير منّك في شنو يعني؟

http://www.youtube.com/watch?v=IOwk0S0weQo

[عبدالله وداعه الامين]

http://www.youtube.com/watch?v=C0JFA7GVBhs

[احمد زين]

المشاركة الأصلية كتبت بواسطة الرشيد اسماعيل محمود

ياخي صباحي الليلة اشتغل شغل ممتع، حقيقي زي ما إنت قلت، لعب في الاغنية بشكل بتاع زول محترف وخيالو الفنّي خصب جدّاً، هرْمنة زول شفت، اشتغل شغل آلة موسيقية سدّت أيّ فراغ ممكن يتحسّ، في اتساق كامل بين صوت طه والموسيقي.

يا الرشيد ياخ انا قبل كده سالتك سؤال
قلت ليك انت بتسمع بي شنو؟

جاوبني ياخ

عليك الله لو بقيت زي قيقا بتسمع بعينيك اعفي لي
(الحقوق محفوظة لبابكر عباس)

[قيقراوي]

المشاركة الأصلية كتبت بواسطة عبدالله وداعه الامين

http://www.youtube.com/watch?v=IOwk0S0weQo

في صوت نسائي شارك ودا الاغنية دي في ذرى علية!













-----

انا غايتو اتهم فاطمة عنر صراحة كدا

[أمير الأمين]

المشاركة الأصلية كتبت بواسطة خال فاطنة

ال (مرّات كدى) دي هي المرات القاعد تأكد لي إنك بتعرف الناس البعرفو الغنا gap

الراجل إشتغل شغل كارب يا الرشيد، و جهابزة البوست لحد هسي ملتزمين الصمت

أما بخصوص النظرية، خاصة بعد تشجيعك دا - كزول بتعرف الناس البيعرفو الغنا - سيتم إنجازها ..المافي شنو؟

بلداً ما فيها الموصلي يقدل فيها أمير الأمين
gap

يا خالها
كان تقول غثمان مصطفى دا زول الصوت وصاحبك موسيقار
بالنسبة لنظريتك ان شاء الله ما تكون "رسالة رابعة" طبعا
التالتة محجوزة اصلو المثقفاتية قلبو كلهم رسل و انبياء

[آيات]

سلامات
انتو منو القاليكم أنو مصطفى السني بغني لأبوداوؤد بس .. كمان برضو بجضم غنا الكاشف ..إضافة إلى خليل فرح ...قد تكون خامتو الصوتية وآدائه أقرب لأبوداؤود - وبحسبي انا .. هناك فارق كبير في الصوت بينهم الأثنين- وهو البتيح ليه يغني اغانية بصورة جميلة ....و على الأقل انت ممكن تعرف انو ده مصطفى السني لأنه خط الأداء والصوت واضح دون لبس. كونو أشتهر بأغاني أبوداؤود .. أحتمال لسببين أولاً .. الأول بداياته فأنطبع في الأذهان بذلك .. السبب الثاني راجع لأبوداؤود نفسه .. وهناك الكثيرين من مقلدي أبوداؤود بل أكثر تقليداً ..لماذا يتفوق عليهم السني تحديداً
إضافة إلى ذلك هو عندو أغاني خاصة مثلاً زي:
طولت منى أنا ، بت الأصول ، ساقني الهوى ، طعم الغربة ، لقيا ، لوبس تعرف والكثير من الأغنيات إضافة إلى أنه تعامل مع العديد من الشعراء أبتداءً من زميلة المنبر تماضر حمزه وأسحق الحلنقي واسماء الجنيد والتيجاني حاج موسى والكثير.. الكثير .. ومن أكثر الأغنيات التي لاقت رواجاً هي طعم الغربة ، أمي سلام.
و ترجم كلمات (فاطمة خميس) (دمعي الاتشتت) إلى الانجليزية وبنفس اللحن.. فأتت رائعة جداً
ياأخوانا الزول عند خامة صوتية طروبة.. آثـره ...ومخارج الحروف واضحة جداً.. بعدين الزول البغير على الغنا ظااهر... وشكلو مامستعجل شهرة ..
اما عن دورو في أغاني وأغاني إذا سلمنا جدلاً .. إنو كان دون مستواه الغنائي المشهود نحن المشاهدين محبطين ياخ .. كويس انو عندنا إمتحانات زاتو

يالرشيد ..قلت السني ماعندو حضور!!! .. إن شاء الله نحضر عرسك قول آمين
ومابشدك!!! .. ياخ ده ممكن يشدك يوديك من الدمازين لحدي .. بريطانيا.. .لكن شكلك ماحابي تمشي

اريرا ... أريرا ...أريرا


- على العموم ...أجمل الحلقات حتى الآن .. مع بلال موسى ..الهادي الجبل ..عبد الرحمن عبد الله..
- فاطمة عمر آدائها عالي جداً.