قهوة النشاط !

[أبو أماني]

المشاركة الأصلية كتبت بواسطة تحفة حوا

أبو أماني جبت ليك خبر زول
مش بتسأل من شليل ؟
تتذكر لمن حلم بالممثلة الأمريكية السمحة ديك .
مرتو طوالي جرت ليها لي فكي وقالت تلحقو قبل ما الحلم يبقى جد جد
المهم الفكي طلب منها شنب فار بني ولا ظهري
المهم زولتك احتاست وفي النهاية لقت الفار البني طبعا بعد ما رسلت كم شافع وأدتم حقهم
شالت الشنب حق الفار وودتو للفكي قال ليها تعالي بعد اسبوعين
ولمن جاتو اداها محاية تدوبا ليهو في عصير كيوي ( آآآآآآآآآآييييييييي البحبو عادل عسوم داك )
وقال ليها أنا فكي عصري ومتطور وح تشوفي النتيجة في النت الجيتي شاكية لي منو
النتيجة طبعا كلكم عارفنها وشايفين شليل حاتل في بوست الفار وما قادر يفارقو و بيقول في كلام لا انسمع ولا انحكى أمشوا البوست لو ما مصدقني
المصيبة وين ؟
عارفيين الفكي طلع منو ؟
مهند سيد البوست وعمل البوست شرك لي شليل عشان يتأكد عملو مشى

فيصل سعد ليك وحشة والله
حمداا لله على السلامة

أتاريها الحكاية كده .. يعني؟ .. وأنا طووولت زمني ده كلو محتار ومستغرب في سر إهتمام صاحبي بموضوع الفار ده .. وأقرأ في الكلام الغريب البقول فيو .. وأزيد إستغراب .. الله يجازي محنك يا مهند .. أصبر ياود أمي..! عليك الله تكون أم أماني جاتك مرة ؟.. أوصفها ليك؟ أأأي بوصفها في راجل ما بعرف وصف مرتو؟! .. صفيرة .. وطويلة .. وقوامها فارع ومخنصر .. وعندها (فلجة) طبيعية .. وضحكتها جميلة بلحيل حتى بالأمارة بتظهر ليها في خدودها لمن تضحك (أربعة نونات) دبل إستريو يعني .. عليك الله كان مرت عليك كلمني .. أنا شاكي تكون لمتها في النساوين ديل ولفوا ليها رأسها .. شليل..شليل والله نصيبتك نصيبة .. أنا طول الزمان في أمرك حيران .. أتاريكا لابد لي مع الفيران؟؟ .. مخيييييير الله عليك يابا .. كدي النمشي لشيخي مهند .. البروب الموية .. أنضف رقبتي.. ونصيحتي لكل الرجال .. أحذروا المرأة لما تجر معاكم سنة ناعمة .. وتقعد تداعب فيكم .. وفي يدها جك حلومر .. ولا كان مدت ليك حاجة سوداء مدردمة وقالت ليك.. بتعالج الحيرقان .. ولا بتفك الزهج.. اوووعك تقربها أيمان الرحمن كان ما بقيت متل شليل ولا أبو أماني ولا عادل عسوم ما تديني إيدك أنا كلمتكم والباقي علي شيخي مهند الحلزوني الغنى ليو شليل (مقلبوني) والشغلوا لاكتروني!! هييييي .. شعرت جلدي (كلّـبت !!) تلحقني وتنجدني يا يابا .. يا نصير الرجال الغلابة .. القاعدين مع نساوينهم متل العزابة .. شنب فار يا شليل .. يجرجر ليك رجليك .. ويخليك متل الكديس .. لابد جمب البوستر حق الفار .. قائلو بجيك مارق ولا شنو؟ خلاص يا (Tom .. غايتو يا بنات حواء .. ويا تحفة حواء .. الشكية لي لغير الله مذلة .. مهند مهند رسل لي عنوانك في الخاس.. يلا.. باااااي ..

[ابوريم]

ابو اماني يهدي قصيدة من قصايد نزار قباني...قال شنو لحسان سودانيات...
طبعا الهدية اولا بتمر بي ناس القهوة...طيب نزار قباني دة من كترة ما اتغزل في المرأة لمن لقبوه بشاعر الت...(الباقي تمو خيال)...يقوم يهدي ليكن قصيدة بلقيس التي استشهدت في تفجير سفارة بلدها العراق في بيروت!
يعني باختصار كدة زي ما اليهود بيقولو العربي الطيب هو العربي الميت.
عليهو بالمفراكة ...
(عندي صاحبي مسمي مرتو العدو اب شعر)

[ابوريم]

Nour
الاستيكة بتحلك؟
عالم جبانات

[أبو أماني]

المشاركة الأصلية كتبت بواسطة تحفة حوا

والله يا أبو أماني أم أماني ليها حق تغير عليك عشان ظرافتك دي
والله ياريتني لو نازلة السودان عشان هديتك تصلك لحدي عندك بس معليش الهدية المعنوية عبر النت ان شاء الله
يا بنات كلكن القائد آمال وسرورة وروبس انتي بالذات ونور وياسمين وال ما دخلن بي جاي
كلكن لازم نحتفل بي عيد ميلاد زين العابدين ( مش كدا بناديك فيصل سعد )
طبعا الاسم المجرد لزوم التصغير
عيد ميلادو العشرين أصلو لسة في عمر الزهور والهنا
أها عليكن الله كان ما روقتن المنقا وكسرتن التلج لي أبو أماني بالجد وبي نية صافية ومن غير حركات
وكل سنة وانت طيب مقدما

يا أخي والله لو في زول في الدنيا بيحسد نفسه .. عيلا أحسد نفسي علي وجودي في جو صادق راقي ورائع زي جو سودانيات ده .. والله يا تحفة .. لما أكون معاكم في القهوة حتى لو قعدت لمن قمت (بصمة خشمي) وزووول عبرني بفنجان قهوة ولا ناس.. ناس منو يا ربي ؟ أأأأي ناس كافي .. مافي .. برضو بكون سعيد ومبسوط من الرقة والظرف والشفافية البلقاه هنا معاكم صدقيني يا أعز الأخوات .. معاكم في سودانيات بنسى نفسي والساعات تمر وانا مركلس في القهوة .. ولما أرجع البيت متأخر .. بأخد من أم أماني علقة كااااربة .. بس بتحمل كل شئ عشانكم وعليك الله ما تجيبي سيرة الكلام ده لروبس ولا أمال .. الأولانية الفولة ما بتتبل في خشمها والتانية جنها شمار..أسع دي كان سمعت طرف الموضوع ساكت نص ساعة مافي تلقي أي أضان زرقاء في اليو كيه .. عندها خبر .. وإتي تقول لي ظرافتك .. والله كان جيتي لسارة ظرافتها فايتها شجرة النخيل بي غادي .. بس الحقيقة نسيت أقول ليك إني زول حساس شدييييييد والكلام الحلو بيخلي دموعى يكبن شوووووو....وكمان إتي ما تبالغي وتتخنيها كده .. تقولي على ظريف نمشيها ونقول زي مكنة سماحتي القربت أصدقها أنا ظاااطي .. لكين حكاية عيد ميلادي ال 20 دي الحق لله تخنتيها بلحيل ..ما للدرجة دي .. قولي 38 شووووية مبلوعة .. ما تقولي لي فيك الخير .. ويفتح الله ويستر الله والله أكتر من 38 ما بتخارج معاي .. أها .. الهدية بستناها إنشاء الله باقي العمر كلو ما مهم المهم بتجي السودان متييييين ؟.. صدقيني أمنيتي تجي السودان ونستقبلك أنا وأم أماني .. قولي يا مين .. الكلام ده يخصك ويعم الكل .. ولكم خالص مودتي .. يجازي محنك يا تحفة .. قلتي لي شنب الفار عمل لشليل شنو؟؟

[نزار حسن علي]

سيد الوجاهة
صباحك فل وياسمين وكل المعاك والحولك والبحبوك والكاتمين حبهم لك
نور سودانيات
صباحك عسل وفرح وسعاده وربنا يجمعنا مع الوجية قولي يا امييييييييييين بعيد عن الحساد وبتاعين ال ب ع ر
القائد الحنين
امال
صباحك فرح وخير ورحمه ورزق وكل المعاك معاك لاخر السكة
روبى وتحفه وسرورة
صباحكم فل قولوا يا لطيف مع الهدنه الناعمة دي زي مصر القوة الناعمة علي قول هيكل
وكل الحلويييييييييييييييييييييييييييييييين الباقيييييييييييييييييييييييييييين صباحكم عسل
مودتي بلا حدود

[Nour]

صباح الخير ياناس القهوة صباحك زين يانزار وكل الحلوات صباحكم نادي
ابوريم الاستيكة الالكترونية دي طلعت فاشلة.

ابواماني كيف حالك وكل سنة وانت طيب حنلم كل النلس ونطفي العشرين شمعة ابدا اعمل بروفة طفي الشمع عشان بعدين ماتطفي لينا واحدة والتسعتاشر يبقن مولعات

[ابوريم]

نزار
سويتا واضحة. نازل سلام ...الحلوين الماعارف. الطناش لزومو شنو؟ القهوة دي خشيناها عشانك. مابمرق شنو ليك.
ابو اماني
ماعندك قصيدة تانية. استشهادية كدة فجرت نفسها براااااها! تهديها لي......
(كان مازعلان رد)
نور
بالعربي. صباح الفل. تاني ما تستعجلي.
سارة
وينك. سعدنا والله بسماع صوتك بالامس.

[أبو أماني]

المشاركة الأصلية كتبت بواسطة ابوريم

نزار
سويتا واضحة. نازل سلام ...الحلوين الماعارف. الطناش لزومو شنو؟ القهوة دي خشيناها عشانك. مابمرق شنو ليك.
ابو اماني
ماعندك قصيدة تانية. استشهادية كدة فجرت نفسها براااااها! تهديها لي......
(كان مازعلان رد)
نور
بالعربي. صباح الفل. تاني ما تستعجلي.
سارة
وينك. سعدنا والله بسماع صوتك بالامس.

عليك الله نزار ده خليه ما تشاغلو .. والله أنا ما برضى فوقه .. بعدين ما تنسى أنو هو نوارة المقهي وروحه ونفسّو .. تقوم تزعلو يقوم ينطس في نافوخو ويحكيك ليك نكتة .. يخليك فاتح خشمك زي كل حسناء تشوف وجاهة أبو أماني .. بعدين ما شايف القهوة انتعشت كيف بعد ما ظهر نزار .. نزار .. بالله أدي أبو ريم المعلوم .. والحقني بإسم الدلع حق تحفة وبالمرة شوف لي معاك الرئيسة (أمال) مالها فاتحة لينا اليومين ديل ..
بخصوص القصيدة في اليومين الجايات ديل بشوف ليك واحدة من بيت الكلاوي .. وبعدين كيف أزعل من الذ زول في قهوتنا دي .. إنت بزعلوا منك يا يابا .. إت بجضموك ساااكت بس ..! سارة .. سارة .. الهنايات الوعدتيني بيهن وينن ؟؟ وإتي مالك عاملة غياب اليومين ديل ؟.. واحشانا خفة دمك .. والفي الدسم .. البسم البدن .. لكين برضو والله حلو علينا .. وهوي .. يا روبس .. مشروع الإنقلاب على أمال ماشي كيف .. لو احتجت أي مساعدات أنا جاهز ..

[نزار حسن علي]

سيد الوجاهة والقيافة الفايته الحد الخلت الحريم يتطاقشن ويمشن حفاية
نهارك جميل
ابوريم
نهارك عسل وانت غالي
نور العسل
نكته مخصوص لنور وتاني اي نكته كاربة برسلة لنور في الخاص كيتن علي ناس كده اضانن خفيفة خلاص تسمع اي شئ
النكته
أمريكي و إنجليزي و سوداني دخلو نار جهنم سوا , الامريكي قال
لي إبليس عليك الله شوف لي طريقه داير أتصل بي أهلي بواشنطن بالتلفون
بس خمسه دقايق .. إبليس جاب ليهو الخط وبعد المكالمه إنتهت قال ل الحساب
مليون دولار .. الانجليزي طلب نفس المُكالمه لي لندن و إبليس حاسبو بي
مليون جنيه استرليني .. السوداني طلب مُكالمه للخرطوم قام إبليس أداهو ساعتين
قام السوداني سأل الحساب كم؟ إبليس قال ليهو دولار واحد بس لأنها
مُكالمه داخليه
ودقي يا مزيكة

[نزار حسن علي]

سيد الوجاهة
مساءك عسل
نور العسل
مساءك جميل
باقي الحلوييييييييييييييييييييييين مساءكم عسل
مودتي بلا حدود

[rubs]

ناس القهوه .. سلام .. مشتاقيين شديد .. والله الواحد كان غاب يومين ابدا اتململ ويكوس فى الاب توب وين .. اوعه ابو امانى دا بدينا بعر فى القهوه دى ....
اموله مشتاقيين اظهرى ..
تحفه واحشنا الخاص يابت ما قلت ليك راااااااااااااااااااااااااح مالك ضاربه طناش كدا وبرضو مشتاقيين
سروره عليك الله ما تقولى لى قصه صحبتك وراجلها المبعر انتهت .. لااازم تورينا اخبارهم شنو بعد العرس ..
ابو امانى كل سنه وانت بالف خير وعافيه واديك الصحه واخلى حياتك هنا ورضا قول امين ( طبعا اكيد عندى حمه بس بحاول اكون ظريفه )
نور ... انت نزار دا ما دافعى ليه ... بعديين بوريك خطتو الماشى بيها باعتراف ابو امانى ..
ابوريم .. حبابك معانا (حدد معانا ولا مع الخيانه)
اما الباقين الما ذكرناهم فى ملحق تانى ماعدا نزار حنمتحنو منازلهم او اتحاد معلمين اذا جاب واسطه

[ابوريم]

روبس

ابوريم .. حبابك معانا (حدد معانا ولا مع الخيانه)

أكيد ما دايرة كلام.
دي علي وزن ديجانقو فرز!

[تحفة حوا]

[align=center][/align]


[align=center]أبو أماني كل سنة وانت طيب [/align]

[تحفة حوا]

نزار صباحك كلو خير وعافية ان شاء الله
انت وين الليلة
روبس لنا لقاء بس اصبري علي شوية
بعتذر عن غياب اليومين الفاتن
اصلي لمن قلت لي أبو أماني عيد ميلادك ال20 جاتني مفراكة طايرة مرسلة لي من السودان
وبعد تقصي الاحداث وبعد المداولات
اتضح انها من أم أماني
ولذلك وجب علينا الاعتذار والتنويه انو مادام عمر أبو أماني 20 سنة فإن أم أماني لم تولد بعد

سارة وامال وينكم
أبو أماني انت زاتك وين والله يديك طولة العمر ان شاء الله أكان بتضمن لي ما تجيني حاجة من أم أماني و و من سماحتك
بنجيكم زيارة وبنجيب الهدية إن شاء الله

[تحفة حوا]

ميرغني الشريف مشيت للعزا ولا شنو
بالله نكتة سمحة كدي ترضي بيها قوات الاحتلال
أبو ريم من كنيتك بي اسم بتك ح نعتبرك معانا
وأخير ليكم تكونوا مع الاحتلال لأنو أقوى