البيرة...........................الساقطة

[سارة]

المشاركة الأصلية كتبت بواسطة نبراس السيد الدمرداش

يا خوي ولا تعصر علي روحك ولا شيء
اتجغم ساي
دي فتوى بين بين
و في القانون الشك يفسر لصالح المتهم
و نحن المتهم

اسي يعني ما ناكل لقيمات ولا ما نعمل قراصه

كلو ولا اللقيمات يا جماعة لحدى اللقيمات

ولكم دينكم ولى ين


شيتن وصلتوا هنا انا مع الخيانة

[نبراس السيد الدمرداش]

المشاركة الأصلية كتبت بواسطة سارة

كلو ولا اللقيمات يا جماعة لحدى اللقيمات

ولكم دينكم ولى ين


شيتن وصلتوا هنا انا مع الخيانة

قبل يصل هنا
نحن مع الخيانه

[فيصل سعد]

المشاركة الأصلية كتبت بواسطة طارق صديق كانديك

والله شيخك يا وجيدة .. عصر علينا عصره شديده .. لو تعلمين ...

الواحد كان البيرة من التلاجة ما بتكمل نهائياً ... هسي والله تجي ماشي جنبها في السوبر ماركت .. تقررررب تدمع .... !!!

ادونا ملخص نهائي للموضوع ده ... حلال نكب .. ولا حرام نلزم الصبر ... ؟


مساء الجمال

يا ود عمك كان عندنا اخونا ما نعزوا عليك،،
نديم باذخ في ايام الجهل، كنا بنمزمز في كاسر
الامواج بكورنيش ابوظبي اوائل تسعينات القرن
المنصرم، فجأة كدة اعلن التوبة و فارق السوائل،
كل ما نتلم سواء، بدخل اصبعة جوة الكباية او القنينة
ايهما اقرب الى يده، و يتمطق مهمهما للراح
"ياخي انت لسة في طعامتك دي ؟؟"
فهسي دميعاتك للبدون كحول دي ذكرتنا
ايام مضت كاملة الدسم .. اقع الشربوت يا
باذخ بهضم و بزيل الدهون و الكلسترول ..

ارقد عافية ..

[أبوبكر عباس]

الأخت وجيدة
هل صحيح انو السيد المسيح قال: "قليل من الخمر يشفي البدن (أو المعدة)؟

لو ما لقيت إجابة طوالي بحول السؤال دا للملتقى

[الرشيد اسماعيل محمود]

المشاركة الأصلية كتبت بواسطة بابكر عباس

الأخت وجيدة
هل صحيح انو السيد المسيح قال: "قليل من الخمر يشفي البدن (أو المعدة)؟

لو ما لقيت إجابة طوالي بحول السؤال دا للملتقى

إنت بعد ده يابكور امانة ما لقيت ليك زقاق..
انا كان في محل رأفت بمنعك من دخول الملتقي..
لأنك كدا بتعمل دعاية معاكسة بمعني انو بتلمح لأنو الملتقي تجمع تبشيري..
اها قول قالت ليك اي المسيح قال كدة..
شنو البيترتب علي الاجابة..؟؟
علي المستوي الشخصي بالنسبة ليك..؟؟

[احمد زين]

المشاركة الأصلية كتبت بواسطة بابكر عباس

التعديل الأخير تم بواسطة بابكر عباس ; 23-05-2010 الساعة 07:28 PM

انت يا بكور يا اخوي التعديل ده بقى ماركة مسجلة ليك
انت اي كلام بتكتبو بتعدلو ولا شنو؟
فراملك ظاهر عليها قابضة بي لستك واحد

[الرشيد اسماعيل محمود]

المشاركة الأصلية كتبت بواسطة أحمد محمد زين حسين

انت يا بكور يا اخوي التعديل ده بقى ماركة مسجلة ليك
انت اي كلام بتكتبو بتعدلو ولا شنو؟
فراملك ظاهر عليها قابضة بي لستك واحد

ياحبوب سلامات..
والله انت برضك طلعت طيب للدين..
ياخ بالله مشت عليك الوهمة بتاعتو دي..؟؟
ياخ ده لا بيعدل ولا حاجة..
بس قاصد يجهجه الباكات..
يخليك تقول ياربي كان كاتب شنو..؟؟
وياربي عدل شنو..؟؟
يقلق بيك ساي بس..
هو زول قال علاقتو مع ربنا فيها قلق..
ياخ حترجي منو شنو غير القلق..

[wageeda]

المشاركة الأصلية كتبت بواسطة بابكر عباس

الأخت وجيدة
هل صحيح انو السيد المسيح قال: "قليل من الخمر يشفي البدن (أو المعدة)؟

لو ما لقيت إجابة طوالي بحول السؤال دا للملتقى

عباس اخوي سلامات
الخمر يصلح المعدة

الــرد(1)

الواقع أن هذه العبارة التي يستخدمونها هي عبارة محرفة وليست "قليل من الخمر يصلح المعدة"، وإنما صحة الآية هي هكذا: "لا تكن فيما بعد شراب ماء بل استعمل خمرا قليلا من أجل معدتك وأسقامك الكثيرة" (الرسالة الأولى إلى تيموثاوس إصحاح 5: 23)


(2) وواضح من هذه الآية أن تيموثاس كان يعاني من أمراض وأسقام كثيرة في المعدة.


(1)وكانت الخمر وسيلة العلاج لمثل هذه الأسقام، فلعلك تذكر مثل السامري الصالح الذي وجد إنسانا كان قد وقع بين اللصوص فجرحوه، وعندما مر به السامري الصالح "ضمد جراحاته وصب عليها زيتا وخمرا ..." (لوقا 10: 34).


(2) إذن فوصية بولس الرسول لتيموثاوس باستعمال خمر قليل هو للعلاج من الأسقام الكثيرة، وليس لمجرد التلذذ بشرب الخمر.


رأيت عزيزي القارئ أن هذا الاتهام أيضا هو اتهام باطل لا أساس له من الصحة.


والمؤمنون موعودون بانهر من خمرا في الجنه
فعليك بالصبر
وقنب عافيه

[الرشيد اسماعيل محمود]

المشاركة الأصلية كتبت بواسطة وجيدة حاتم عباس

عباس اخوي سلامات
الخمر يصلح المعدة

الــرد(1)

الواقع أن هذه العبارة التي يستخدمونها هي عبارة محرفة وليست "قليل من الخمر يصلح المعدة"، وإنما صحة الآية هي هكذا: "لا تكن فيما بعد شراب ماء بل استعمل خمرا قليلا من أجل معدتك وأسقامك الكثيرة" (الرسالة الأولى إلى تيموثاوس إصحاح 5: 23)


(2) وواضح من هذه الآية أن تيموثاس كان يعاني من أمراض وأسقام كثيرة في المعدة.


(1)وكانت الخمر وسيلة العلاج لمثل هذه الأسقام، فلعلك تذكر مثل السامري الصالح الذي وجد إنسانا كان قد وقع بين اللصوص فجرحوه، وعندما مر به السامري الصالح "ضمد جراحاته وصب عليها زيتا وخمرا ..." (لوقا 10: 34).


(2) إذن فوصية بولس الرسول لتيموثاوس باستعمال خمر قليل هو للعلاج من الأسقام الكثيرة، وليس لمجرد التلذذ بشرب الخمر.


رأيت عزيزي القارئ أن هذا الاتهام أيضا هو اتهام باطل لا أساس له من الصحة.


والمؤمنون موعودون بانهر من خمرا في الجنه
فعليك بالصبر
وقنب عافيه

يابكور اخوي بعد ده اخير تتلم..
الزولة دي ادتك اجابة كافية شافية..
شوف ليك حنك تاني يوديك الملتقي.
وجيدة سلامات.

[wageeda]

الاعزاء الافاضل
الاستاذ فيصل سعد
الاخ احمد محمد زين
الاخ بابكر عباس
الاخ طارق صديق
الاخ حمزة
الاخوات نبروسه وسارة
لقد ارسل لي في بريدي فتوي تحريم البيرة بدون كحوووووووووووووول
مع العلم بانني من اكبر الجقاميين والمريدين لها ولكل اسما مشتق منها
كالجميل الراقي شامبنيون حفظته الثلاجة وكللته بالندي
فما تكرهوني لعب البليييييي
اه كله هدرا
وبعدين الشيخ المحرمها دا زاتوا انا ماسمعت به
هسع عندكم شئ لذيذ نجقموا ..................
جنس زرديه
وزي ما بتقول سارة ديشكم وديش البيرة الساااااااااااااااااقطه زاتو
وقموا لفوا اااااااااااااااااا الاسطب اخضر
وجيدة
نسيت استاذنا الجميل فيصل سعد اسمع انت ما معا ناس الديش ديل

وكدي النشوف لي واحد لافي بجاي الا اجيب له999 تخموووووا

[نبراس السيد الدمرداش]

طيب بالله عليك
مقوما نفسك و مشحتفه الجماعه ماااااااااااااالك
انا ما معاهم لانو الفتوى دي ما قسمت معاي

انعل ابو القطر السافرتي بيهو يا شيخه

[wageeda]

المشاركة الأصلية كتبت بواسطة الرشيد اسماعيل محمود

يابكور اخوي بعد ده اخير تتلم..
الزولة دي ادتك اجابة كافية شافية..
شوف ليك حنك تاني يوديك الملتقي.
وجيدة سلامات.

الرشيد اخوي مساء الفل
اتزرزرت في البوسته دا جنس زرزرة
وغلبني البسوي
ما تشوف كلام تحريم البيرة البدون دا قلقني كيف
قلت انقلقلم معاي حثاده كدا
وقنب عافيه

[نبراس السيد الدمرداش]

المشاركة الأصلية كتبت بواسطة وجيدة حاتم عباس

الرشيد اخوي مساء الفل
اتزرزرت في البوسته دا جنس زرزرة
وغلبني البسوي
ما تشوف كلام تحريم البيرة البدون دا قلقني كيف
قلت انقلقلم معاي حثاده كدا
وقنب عافيه

عرفتك
من الاول قلت ليهم دي واحده حاقده بث
اها كمان جابت ليها حثاده
غايتو جنس غايتو يا قول سرورة

[wageeda]

المشاركة الأصلية كتبت بواسطة نبراس السيد الدمرداش

طيب بالله عليك
مقوما نفسك و مشحتفه الجماعه ماااااااااااااالك
انا ما معاهم لانو الفتوى دي ما قسمت معاي

انعل ابو القطر السافرتي بيهو يا شيخه

نبروسه ياسقد انتي ما بتخمدي
قال السهر بشيل نورت البت
وبعدين انا شيخه ومشيخه
جيبي بياضك وفتيل بت السودان عشان ابخرك وتلحقي القطر
يعفووووووووا ويرضواا ااا
جاهله وصغيرونه يا اسياد
وقنبي دستور بأدب

[نبراس السيد الدمرداش]

المشاركة الأصلية كتبت بواسطة وجيدة حاتم عباس

نبروسه ياسقد انتي ما بتخمدي
قال السهر بشيل نورت البت
وبعدين انا شيخه ومشيخه
جيبي بياضك وفتيل بت السودان عشان ابخرك وتلحقي القطر
يعفووووووووا ويرضواا ااا
جاهله وصغيرونه يا اسياد
وقنبي دستور بأدب

تعالي انتي ابخرك و افتح ليك العلبه
تجيبي ديك اسود منقط باحمر
و مخ اسد و كراع نمر و جلد كوبرا
و بت السودان و 3 وقيات صندليه
و فركه قرمصيص اصليه
و رطل بن
و خاتم جنيه

اما السهر
اساهر الليل انا يا جميل