اقتباس:
المشاركة الأصلية كتبت بواسطة أسامة معاوية الطيب
يشهد الله مابيني وبين الموت كتير
يا إلاهي
|
عارف يا اسامة
الحتة بتاعت الاسم والرسم دي ماقادرة افوتها قريتها بكم طريقة وحاولت ادس اهم قراية وماقدرت ودا هو نفس النزاع القريته في المعنى لككن بعد يا الهي دي قلت الا اخليك تذكر عديل بي قراتي الاولى
شوف اول الممازجة العجيبة بين الحرس والهوس السببته الحاجات الاتنين ديل وانعكاسهم وتكريرهم
اقتباس:
أنا ال باسمك ببيبت محروس
وبي رسمك بقيت مهووس
أنا الباسمك بقيت مهووس
وبي رسمك ببيبت محروس
|
اول شي شوف الممازجة بين الحرس والهوس دي كيف بتنتف الروح
ياخ دي مابتشبه الا منازعة الروح ودي اجمل حتة في المودة وروحها عديل ودا مكمن النبض والاحتكاك البخلق شرارة المحبة في كل ثانيه او قل هو الوله
ثم ياخ شوف كيف هو اعقب الاستكانة والطمانينة بالهوس كأنك لاتستقر لحظة في كلا الحالين ثم قام بعكسهم ليقول ان الذي كان سببا في طمانينتك هونفسه الذي سبب الهوس فماتلبث ان تطئن لاحداهما حتى يصيبك هوسه بالازيز ثم ان التكرار يسبب قومة النفس ياخ ويهز اركان الروح فلا ارض حمتك ولا اصطفاك سماء
والحتة الوصفها حميد دي اجمل واعذب واهم شعورفي المحبة وبتكون مشعلقة بالروح
موضع الحلقوم تماما
وهي بالتالي اما ان تكون حميدة ومانعة للاكسدة ومجددة للحياة في كل لحظاتها ودا في حال ان طرفك التاني يكون متفهم حتة المنازعة او قل شهيق الروح وزفيرها وحينها يعلق الوله في لامنتاه ..او لا فيحدث خروج الروح عن حلقومها
ياخ فترت ونفسي قام
