*** مصطلحات عامّية سودانية *** - الصفحة 55

شبارقة · 27-02-2008, 04:49 PM

اقتباس:

المشاركة الأصلية كتبت بواسطة منال

ااااااااااااى يا شبارقة فى مشكلة فى رفع الملفات لى يومين بكابس عشان ارفع لى اغنية ما قادرة و لا تحميل ملفات و لا ادارة مرفقات الجماعة ديل سونا برالمة جد جد جد جد الحاصل شنو ياخى.......

حردتو حرد الحراز للمطر

اها يعنى كيفن عندك حرد الحراز

[align=justify]الحمد لله اللقيت لي زول غيري عندو نفس المشكلة وأضم صوتك إلى صوتي ونرفع الموضوع للإخوة أصحاب الإختصاص عشان يلحقونا ويفزعونا ... وأنا أستعنت لي بواحد كنت قايلو فزع لكن لقيتو ......

قعد يقول لي خلي عندك إرادة وخلي عندك عزيمة وخلي عندك تصميم ...عقدني وخلاني أتحوصل وأنكمش [/align]

شبارقة · 27-02-2008, 04:55 PM

[align=justify]ود أبو عاقلة يا فردة ... سلامات

[align=justify]أولاً : بعد ما نقوم بالتحميل تجينا ليك رسالة ناطه وتقول ليك : تم تحميل الملف بنجاح ويتم الآن عرض الصورة التي حملتها... وبعدين (سهران ليلي طائل حارس بدر غائب ...والزمان ده كلو مصائب) وبعدين يجيك مربع صغيرون عليهو علامة الخطأ الحمرا ديك ... وبعدين أنسى.

ثانياً : يا دكتور تلك كانت المعضلة والمشكلة (وهي ما مشكلة المشكلة حبك .. زي ما قال الحلنقي وفرفور في الأغنية الهزيلة بتاعتهم ديك) .. وبعدين يا ود أبو عاقلة نحن جاينك تفزعنا وتلحقنا .. تقوم تقول لينا إرادة وما إرادة ...نحن ناس على قدر حالنا ما عارفين الفرق بين الدسنتاريا والبكالريوس

وبعدين إنتو جيل العولمة والإتصالات .. ونحن جيل الحمام الزاجل ....خدونا على قدر عقولنا ... وتسلم [/align][/align]

شبارقة · 27-02-2008, 05:34 PM

[align=justify]قالت ليها : فلان ده أريتو راجل التابه واليابه .... أها المقصود شنو بالكلام ده (مدح ولاّ ذم ؟) مع تفسير كلمتي (التابا واليابا)[/align]

أشتر · 27-02-2008, 06:45 PM

اقتباس:

المشاركة الأصلية كتبت بواسطة شبارقة

[align=justify]وأنا أستعنت لي بواحد كنت قايلو فزع لكن لقيتو ......

[/align]

كنت قايلو فزع لكن لقيتو جدع ... مش دا قصدك
وكان لقيتو وجع ... تقول شنو !!!!

غايتو الحسنة في الـ .......... زي الخيل تجقلب

جقلب ساااااي هي كلها كمها !!!!!

أشتر · 27-02-2008, 06:53 PM

اقتباس:

المشاركة الأصلية كتبت بواسطة شبارقة

[align=justify]ود أبو عاقلة يا فردة ... سلامات

[align=justify]أولاً : بعد ما نقوم بالتحميل تجينا ليك رسالة ناطه وتقول ليك : تم تحميل الملف بنجاح ويتم الآن عرض الصورة التي حملتها... وبعدين (سهران ليلي طائل حارس بدر غائب ...والزمان ده كلو مصائب) وبعدين يجيك مربع صغيرون عليهو علامة الخطأ الحمرا ديك ... وبعدين أنسى.

ثانياً : يا دكتور تلك كانت المعضلة والمشكلة (وهي ما مشكلة المشكلة حبك .. زي ما قال الحلنقي وفرفور في الأغنية الهزيلة بتاعتهم ديك) .. وبعدين يا ود أبو عاقلة نحن جاينك تفزعنا وتلحقنا .. تقوم تقول لينا إرادة وما إرادة ...نحن ناس على قدر حالنا ما عارفين الفرق بين الدسنتاريا والبكالريوس

وبعدين إنتو جيل العولمة والإتصالات .. ونحن جيل الحمام الزاجل ....خدونا على قدر عقولنا ... وتسلم [/align][/align]

هسي كان في داعي للبرجقة دي كلها ...
قلت ليك اديني اسم الصورة وانا بنزلا ليك هنا كلمح البصر ...
الصورة الرفعتها من وين ما عارف ...
عشان ما تكتر كلامك ساي وتطلعني قدام الناس جيهة اقبل عليها ماف

الكلام في الكورة عرفناهو وفي السياسة عرفناهو كمان عاوزين تفكو هموم الغربة فينا ...
ذنبي شنو انا ...
وياخي دا كلو كوم وإنك ترفعا كوم تاني ...
وكان صورة ما قدرت ترفعا ... باقي ليك تاني بترفع شنو !!!!

ونصيحة مني ... ارفع يديك للخالق تضرعا ...
كان الله يغفر لينا كلنا ...

شبارقة · 28-02-2008, 07:29 AM

يا ها دي الصورة يا ود أبو عاقلة ..

.وبدون تعليق لو سمحت

وأنس الفات

[align=justify]السؤال : التحت السرج ده إسمو شنو؟ وما الفرق بينه وبين البردعه ...ويا ود أبو عاقلة زمااان سألناكم عن الضنّاب وما عرفتوهو ... ياهو ظاهر هنا... وسلم لي على النعير [/align] السؤال موجه للحناكيش والباقيين يمتنعوا ويتمتعوا بالنظر إلى الخضرة

أشتر · 28-02-2008, 08:06 AM

لو ما لقيتو مفتوح ما كان رفعت و حمّلت على كيفك ...

وعلى كيفك تعال ... وعلى كيفك تفوت ...
وادخل فراغ كل البيوت ..
في العتمة او نصة نهار
يعني لم قلت ليك يا ريت تكون حاجة تستاهل كان معاي حق ...

أشتر · 28-02-2008, 08:16 AM

اقتباس:

المشاركة الأصلية كتبت بواسطة شبارقة

يا ها دي الصورة يا ود أبو عاقلة ..

.وبدون تعليق لو سمحت

وأنس الفات
معليش والله المرة دي ما قدرت امسك نفسي
[align=justify]السؤال : التحت السرج ده إسمو شنو؟ وما الفرق بينه وبين البردعه ...ويا ود أبو عاقلة زمااان سألناكم عن الضنّاب وما عرفتوهو ...

تحت السرج هي الّلبادة ...والفرق بينها وبين البردعة ... اعتقد واحدة فوق السرج والتانية تحت ...
وبالله ياهو دا الضنّاب!!!!!! ... بمسك السرج عشان ما يتحرك لقدام ...

شبارقة · 28-02-2008, 09:16 AM

[align=justify]المطلوب التعرف على جميع الأشياء التي في هذه الصورة (وما تنسوا عمنا المصنقر ده إسمو منو ؟

)[/align]

شبارقة · 28-02-2008, 09:28 AM

[align=justify]الجماعة الكانو قاعدين هنا (تذكروهم) مشو وين؟ وإتجاه التبروقة يمكن يحدد لينا جهوية الكرّاب (وين الزولة القالت لينا الكرّاب دائماً شمالي

) والعناقريب دي موسرة بي شنو ؟ حبل ولاّ نال ؟ وما الفرق بين الحبل والنال ؟ والتبروقة القديمة دي في مقدمتها توجد حاجة كدة مصنوعة من الصوف ..أها بيسموها شنو؟ [/align]

شبارقة · 28-02-2008, 09:47 AM

[align=justify]الما ضاقو إن شاء الله يضوقو ...والما ضاق يضوق السيرة ... (وعقبال نفرح بيكم كلكم..... أها عقبال دي مصدرها شنو وجاءت من وين ؟) خشوا لينا على الصورة دي وأدونا الأسماء التراثية والحديثة (لو في إمكانية أدونا أسماء الريحة كمان

) [/align]

أشتر · 28-02-2008, 10:06 AM

اقتباس:

المشاركة الأصلية كتبت بواسطة شبارقة

[align=justify]والتبروقة القديمة دي في مقدمتها توجد حاجة كدة مصنوعة من الصوف ..أها بيسموها شنو؟ [/align]

حتى دي عندها اسم ... والله بالغت يا شبارقة ... زمني دا كلو قايلا ديكور ساي !!!

تحت تحت
لقيتك ما بتنسى أي حاجة شمالية !!!

أشتر · 28-02-2008, 10:13 AM

اقتباس:

المشاركة الأصلية كتبت بواسطة شبارقة

[align=justify]المطلوب التعرف على جميع الأشياء التي في هذه الصورة (وما تنسوا عمنا المصنقر ده إسمو منو ؟

)[/align]

السعف والسيف والدرقة وابريق بلاستيك ... وعمك قعد للقهوة بمزاااااج بعد صلاة العصر ... والداييرة الفي التبروقة هي نفس الاسم بتاع التبروقة التحت العنقريب ... مع انو دي راقية شوية ... وحديثة ...
اصلو مما الاباريق بقت بلاستيك قنعنا منها ...
شبارقة : يعني شنو طالع زي الناس ؟

منال · 28-02-2008, 11:59 AM

[QUOTE=شبارقة;90802][color=#0000FF][align=justify]الما ضاقو إن شاء الله يضوقو ...والما ضاق يضوق السيرة ... (وعقبال نفرح بيكم كلكم..... أها عقبال دي مصدرها شنو وجاءت من وين ؟) خشوا لينا على الصورة دي وأدونا الأسماء التراثية والحديثة (لو في إمكانية أدونا أسماء الريحة كمان

) [/align][/color

عقبال دى يعنى عقب = بعد = اللبعدو : D

البرش بتاع رقيص العروس و الجرتق و الصينية ذاتها بتاعت الجرتق و الحنة للعروس و العريس بقت تكون مكوناتها واحدة مكسية باللون الاحمر لاعتقاد اهلنا بالفال للون الاحمر كمان بكون فى الهلال البربطو فى جبين العريس..المفخر - و علبتين القزاز الكبار ام غطاء برضو احمر واحدة للبخور الحلو المعبق يعنى و التانية للدلكة...و برطمان التنك دى البختو فيهو الضريرة اللت المحلب و معها ضفرة مسحون....الريحة هى اتجاوبت قبل ده لكن فيها بنت السودان..اللونو كحلى سوار باريس .. الكبير الطويل فرير دامور.. و العندو القرقور اللعبنى كتير اسمو الصاروخ ...العلب (محلبية -سراتية - مجموع - صندلية ماركة التاج) وفى زيت سمسم ساى او دهن كركار سودانى اصلى بمسحو بيهو الحنة فى الرجلين و اليدين و تانى فى فتيل ريحة رش ساكت .. و الهبابة ام يد دى زى العلم كان الدنيا حر بهببوا بيها العرسان الا نسيت اللبن و جريد النخل و السيف و سوط العنج كمان
اها
دقت الدلوكة قلت الدنيا ما زالت بخير اهو فى ناس تعرس و تنبسط
اعنية سعاد لكابلى

لمن اشوف اللنك اديك العديلة و السيرة اللتنا

أشتر · 28-02-2008, 07:14 PM

اقتباس:

المشاركة الأصلية كتبت بواسطة منال

و برطمان التنك دى البختو فيهو الضريرة اللت المحلب و معها ضفرة مسحون
لمن اشوف اللنك اديك العديلة و السيرة اللتنا

هههههههههه الكلمات دي بالغتي فيها يا منال ههههه
واللخت هيلت منو ؟

27-02-2008, 04:55 PM	#[812]
شبارقة :: كــاتب نشــط::	[align=justify]ود أبو عاقلة يا فردة ... سلامات [align=justify]أولاً : بعد ما نقوم بالتحميل تجينا ليك رسالة ناطه وتقول ليك : تم تحميل الملف بنجاح ويتم الآن عرض الصورة التي حملتها... وبعدين (سهران ليلي طائل حارس بدر غائب ...والزمان ده كلو مصائب) وبعدين يجيك مربع صغيرون عليهو علامة الخطأ الحمرا ديك ... وبعدين أنسى. ثانياً : يا دكتور تلك كانت المعضلة والمشكلة (وهي ما مشكلة المشكلة حبك .. زي ما قال الحلنقي وفرفور في الأغنية الهزيلة بتاعتهم ديك) .. وبعدين يا ود أبو عاقلة نحن جاينك تفزعنا وتلحقنا .. تقوم تقول لينا إرادة وما إرادة ...نحن ناس على قدر حالنا ما عارفين الفرق بين الدسنتاريا والبكالريوس وبعدين إنتو جيل العولمة والإتصالات .. ونحن جيل الحمام الزاجل ....خدونا على قدر عقولنا ... وتسلم [/align][/align]
شبارقة :: كــاتب نشــط::

27-02-2008, 05:34 PM	#[813]
شبارقة :: كــاتب نشــط::	[align=justify]قالت ليها : فلان ده أريتو راجل التابه واليابه .... أها المقصود شنو بالكلام ده (مدح ولاّ ذم ؟) مع تفسير كلمتي (التابا واليابا)[/align]
شبارقة :: كــاتب نشــط::

28-02-2008, 07:29 AM	#[816]
شبارقة :: كــاتب نشــط::	يا ها دي الصورة يا ود أبو عاقلة ...وبدون تعليق لو سمحت وأنس الفات [align=justify]السؤال : التحت السرج ده إسمو شنو؟ وما الفرق بينه وبين البردعه ...ويا ود أبو عاقلة زمااان سألناكم عن الضنّاب وما عرفتوهو ... ياهو ظاهر هنا... وسلم لي على النعير [/align] السؤال موجه للحناكيش والباقيين يمتنعوا ويتمتعوا بالنظر إلى الخضرة
شبارقة :: كــاتب نشــط::

28-02-2008, 08:06 AM	#[817]
أشتر :: كــاتب نشــط::	لو ما لقيتو مفتوح ما كان رفعت و حمّلت على كيفك ... وعلى كيفك تعال ... وعلى كيفك تفوت ... وادخل فراغ كل البيوت .. في العتمة او نصة نهار يعني لم قلت ليك يا ريت تكون حاجة تستاهل كان معاي حق ... التعديل الأخير تم بواسطة أشتر ; 30-12-2008 الساعة 10:23 AM.
أشتر :: كــاتب نشــط::

28-02-2008, 09:16 AM	#[819]
شبارقة :: كــاتب نشــط::	[align=justify]المطلوب التعرف على جميع الأشياء التي في هذه الصورة (وما تنسوا عمنا المصنقر ده إسمو منو ؟ )[/align]
شبارقة :: كــاتب نشــط::

28-02-2008, 09:28 AM	#[820]
شبارقة :: كــاتب نشــط::	[align=justify]الجماعة الكانو قاعدين هنا (تذكروهم) مشو وين؟ وإتجاه التبروقة يمكن يحدد لينا جهوية الكرّاب (وين الزولة القالت لينا الكرّاب دائماً شمالي ) والعناقريب دي موسرة بي شنو ؟ حبل ولاّ نال ؟ وما الفرق بين الحبل والنال ؟ والتبروقة القديمة دي في مقدمتها توجد حاجة كدة مصنوعة من الصوف ..أها بيسموها شنو؟ [/align]
شبارقة :: كــاتب نشــط::

28-02-2008, 09:47 AM	#[821]
شبارقة :: كــاتب نشــط::	[align=justify]الما ضاقو إن شاء الله يضوقو ...والما ضاق يضوق السيرة ... (وعقبال نفرح بيكم كلكم..... أها عقبال دي مصدرها شنو وجاءت من وين ؟) خشوا لينا على الصورة دي وأدونا الأسماء التراثية والحديثة (لو في إمكانية أدونا أسماء الريحة كمان ) [/align]
شبارقة :: كــاتب نشــط::

28-02-2008, 11:59 AM	#[824]
منال :: كــاتب نشــط::	[QUOTE=شبارقة;90802][color=#0000FF][align=justify]الما ضاقو إن شاء الله يضوقو ...والما ضاق يضوق السيرة ... (وعقبال نفرح بيكم كلكم..... أها عقبال دي مصدرها شنو وجاءت من وين ؟) خشوا لينا على الصورة دي وأدونا الأسماء التراثية والحديثة (لو في إمكانية أدونا أسماء الريحة كمان ) [/align][/color عقبال دى يعنى عقب = بعد = اللبعدو : Dالبرش بتاع رقيص العروس و الجرتق و الصينية ذاتها بتاعت الجرتق و الحنة للعروس و العريس بقت تكون مكوناتها واحدة مكسية باللون الاحمر لاعتقاد اهلنا بالفال للون الاحمر كمان بكون فى الهلال البربطو فى جبين العريس..المفخر - و علبتين القزاز الكبار ام غطاء برضو احمر واحدة للبخور الحلو المعبق يعنى و التانية للدلكة...و برطمان التنك دى البختو فيهو الضريرة اللت المحلب و معها ضفرة مسحون....الريحة هى اتجاوبت قبل ده لكن فيها بنت السودان..اللونو كحلى سوار باريس .. الكبير الطويل فرير دامور.. و العندو القرقور اللعبنى كتير اسمو الصاروخ ...العلب (محلبية -سراتية - مجموع - صندلية ماركة التاج) وفى زيت سمسم ساى او دهن كركار سودانى اصلى بمسحو بيهو الحنة فى الرجلين و اليدين و تانى فى فتيل ريحة رش ساكت .. و الهبابة ام يد دى زى العلم كان الدنيا حر بهببوا بيها العرسان الا نسيت اللبن و جريد النخل و السيف و سوط العنج كمان اها دقت الدلوكة قلت الدنيا ما زالت بخير اهو فى ناس تعرس و تنبسط اعنية سعاد لكابلى لمن اشوف اللنك اديك العديلة و السيرة اللتنا
منال :: كــاتب نشــط::	التوقيع: [mark=#050000] يا خالدا تحت الثرى [/mark]