*** مصطلحات عامّية سودانية ***

[شبارقة]

المشاركة الأصلية كتبت بواسطة شبارقة

[align=justify]قالت ليها : وليدات الزمن ده ولادة الكودا واللاكودا ...فماذا تقصد تلك المرأة العجوز بالكودة واللاكودة [/align]

[align=justify]وهاكم :

1- الفاخورة 2- الدقه (ضم الدال وفتح القاف) 3- السكلي 4- الزقاده (ضم الزين وتشديد القاف) 5- الشيطه 6- الكينكيج[/align]

[align=justify]الحناكيش يمشوا يلعبو بعيد ......الشغل ده ألمي حامي ما لعب قعوي [/align]

المشاركة الأصلية كتبت بواسطة فيصل سعد

نمرة اتنين الدقة هي الفول المدروش و نمرة تلاتة السكلي رديف للردحي و لمزيد من التوضيح اسأل عكود او ود الحاج بدوك خبروا و بقعدوا ليك في علبو تمام و بجازفوا ليك مواضع استعماله و كدة

المشاركة الأصلية كتبت بواسطة محمد أبوعاقلة

كضبن كاضب ... الدقة يا (اخوي المشتاق ليو) هي هريس النبق ... النبق النبق النبق
دي حالة دي الواحد ما يضحك الا يوم الخميس ( وباقي الضحك بنجيهو بعدين)
والجري دا ما حقي ... حقي المشنقة والمدفع السكلي ... الله يكفينا شر السكلبة والكركبة ...
وبعدين يا شبارقة ... الله لا يسيئك (دي مكتوبة صاح) ولا يحيق الظن السئ الا بأهلو ... بالجد مشتاقين ... والشيطة يا عزيزي على ما اعتقد هي الحاجة الحرقت ما عارف يا في قعر الحلة او قعر الصاج ...

[align=justify]سلامات يا شباب ومنورين البوست بقفشاتكم وتلميحاتكم وشوقنا بحور

أفضتم وأسهبتم في الدقه وما قصرتم من حيث المط والشد (كان صاح كان خطأ ما مهم ..المهم شوفت عيونكم )

الدقة لغةً هي كل شئ يدق دقاً (ومن ثم قد يُشم شماً أو يُلحس لحساً ) والدقة في لغتنا العامية هي خليط من البهارات مدقوقة مع بعضها ...ولذلك سموها الدقه ..وهن (بنات فندق واحد) ...وأشهرها خلطة الشمار والكسبرة والشطة [/align]

[أشتر]

المشاركة الأصلية كتبت بواسطة شبارقة

[align=justify]سلامات يا شباب ومنورين البوست بقفشاتكم وتلميحاتكم وشوقنا بحور

أفضتم وأسهبتم في الدقه وما قصرتم من حيث المط والشد (كان صاح كان خطأ ما مهم ..المهم شوفت عيونكم )

الدقة لغةً هي كل شئ يدق دقاً (ومن ثم قد يُشم شماً أو يُلحس لحساً ) والدقة في لغتنا العامية هي خليط من البهارات مدقوقة مع بعضها ...ولذلك سموها الدقه ..وهن (بنات فندق واحد) ...وأشهرها خلطة الشمار والكسبرة والشطة [/align]

تسلم عيونك يا غالي
تسرح طوالي
لكن يبدو احنا في وادي وانت بى غادي
دق دقك وخلينا ندق دقنا ... وما تدقق في دقنا الخارم بارم دا ...
اوكي يا برنس

[شبارقة]

المشاركة الأصلية كتبت بواسطة شبارقة

[align=justify]
1- الهبّاب (عنقريب صغيرون يوضع في الظل وتحت الأشجار غالباً لزوم القيلولة وأحياناً الونسه) 2- شُخب الحليب (قال سماعين حسن : عيونن يمه زي شخب الحليب الدافئ يرهج في الكبابي ...ولونن يمه زي لون القمح ضروهو لي وجعي وعذابي ) 3- الكرو (والمثل بيقول : الجديد ..في الكرو سمح) الكرو هو الدمامل الصغيرة (المرحلة الأولى من العواوير (بلا مؤاخذة)... وهي مرحلة لذيذة نوعاً ما من حيث الحك والهرش .. وفي أوائل التسعينات إنتشرت في غرب الجزيرة ظاهرة مشابهة إسمها الحنكلو وكانوا بيقولو الحنكلو أب حكن حلو ) 4- التعل (بكسر الباء والعين) وأهلنا كانوا بيداعو : تعال ..التعل اليشيلك (والتعل هو السحاب التقيل الماطر ...وكانوا بيقولوا : كيل يا ميكائيل بالتعل التقيل) 5- الرحراح (معروف ولا يحتاج لشرح ) 6- الحويه (لها علاقة بالإبل) سرج الإبل 7- المقدري (النزلها يحلها لينا) 8- المخلوفه (لها علاقة بالإبل) 9- الدوانه (لها علاقة بالروب) 10- الصير (لها علاقة بالسمك) حلاها فيصل سعد 11- الكرك (حلاها فيصل سعد) 12- الفافنوس (ما هو الفافنوس وما هو الغليض البوص ) 14- الرجرجه 15- الضغلوب ( ويعرف بالضبضوب وهو المرحلة الأولى في مراحل الضفادع وتكون في المياه الراكدة .. حصل شربتو المويه بدغلوبا ؟) 16- الحتلوب (حتل يحتل حتلوباً وهي الأشياء التي تترسب (تحتِل) في قعر الإناء كما في مديدة الحلبة أو البربور أو النشا ) 17- الربوبه (لها علاقة بالطين) الطين الممزوج بالماء (طين سائل) 18- الزعتور (له علاقة بالشَعَر) الشعر المنكوش 19- البرجوب (له علاقة بالطين) طين سائل بدرجة أقل من الربوبه 20- الجبردين (حلاها فيصل سعد) 21- السبر (بكسر السين والباء) حليناها قبل كم يوم كده وقلنا هو التشاؤم من شي ما 22- البوغا (لها علاقة بالزراعة) أها قصرنا معاكم ؟[/align]

أديناكم فرصة كافية بعد الزمن المحدد للإجابات ...ولذلك تجدون بعض الإجابات باللون الأحمر أعلاه ... وحاولوا أن تقرعوا الباقيات ...

[شبارقة]

المشاركة الأصلية كتبت بواسطة شبارقة

[align=justify] قالت ليها : وليدات الزمن ده ولادة الكودا واللاكودا ...فماذا تقصد تلك المرأة العجوز بالكودة واللاكودة [/align]

[align=justify]وهاكم :

1- الفاخورة 2- الزقاده (ضم الزين وتشديد القاف) 3- الكينكيج[/align]

[align=justify]الحناكيش يمشوا يلعبو بعيد ......الشغل ده ألمي حامي ما لعب قعوي [/align]

برضو أديناكم فرصة ولكن ...وهاكم الإجابات: وإين عمنا فتحي مسعد حنفي؟

1- الفاخورة :الجمجمة 2- الزقاده (ضم الزين وتشديد القاف): البطن الكبيرة - الكرش 3- الكينكيج : نوع من السمك في النيل الأزرق يمتاز بالقوة والمقاومة ... يقولوا ليك : فلان ده زي الكينكيج

[أشتر]

الله يكفينا شر الحنكلو أب حكّن حلو ...

(1) الكبسيبـة
(2) الهمبــتـة
(3) الجخنون
(4) القدنبلية
(5) الفولة

[شبارقة]

المشاركة الأصلية كتبت بواسطة محمد أبوعاقلة

الله يكفينا شر الحنكلو أب حكّن حلو ...

(1) الكبسيبـة
(2) الهمبــتـة
(3) الجخنون
(4) القدنبلية
(5) الفولة

(1) الكبسيبـة : اللمه
(2) الهمبــتـة : السرقة حمرة عين وإيديا ..الهمباته نحن أصلنا معروفين وغير حق الرجال ما عندنا تامين ..ما بندبا ليهو بنشيلو حمرة عين ..وبي موت بي حياة لازم نرضي أم زين ...في مسلسل إذاعي قديم (منتصف سبعينات القرن الماضي) إسمو الهمباته ... فيهو أشعار جميلة مثل : آكل حارة ما أضوق باردة ماك داريني ..وأسأل عنى ربعاي البعرفو قريني ...حس أبجقره والقربين دوام باريني ...وأنا أخو الساره كان يبقى الكلام عانيني ...(هع )
(3) الجخنون : المخزن أو الشى الكبير
(4) القدنبلية : قرية ما بين الفاو والقضارف
(5) الفولة : الفوله بتتملي والبقارة بجو

[فيصل سعد]

المشاركة الأصلية كتبت بواسطة شبارقة

(4) القدنبلية : قرية ما بين الفاو والقضارف
[/color]

و مالك نسيت ابودليق يا برنس و في سيرة المترادفات و الثنائيات والمتضادات ، في كلمات و معاني و شخوص ما بتلفق براها ابدا ، يعني عندك القدنبلية و ابو دليق ، حمد و الديبة ، حمد و خوجلي ، الانصار و الختمية ، مصر و السودان ، الهلال و المريخ ، بنطلون و قميص ،الشمال و الجنوب ، جري و طيران ، صحة و عافية ، اصل و صورة ، سعوط و سجاير ، غسيل و مكوة ... اها ارح اتذكروا معانا و البوست مغلق لاستراحة ترفيهية قصيرة المدى ...

[شبارقة]

هاكم :

1- التخا 2- الليدر 3- الخبوب (للمساعدة : الليدر الفوق ضهرو الخبوب والطين)

4- البرطمه (برطم يبرطم برطمةً) 5- عمسيب

[أشتر]

المشاركة الأصلية كتبت بواسطة فيصل سعد

و مالك نسيت ابودليق يا برنس و في سيرة المترادفات و الثنائيات والمتضادات ، في كلمات و معاني و شخوص ما بتلفق براها ابدا ، يعني عندك القدنبلية و ابو دليق ، حمد و الديبة ، حمد و خوجلي ، الانصار و الختمية ، مصر و السودان ، الهلال و المريخ ، بنطلون و قميص ،الشمال و الجنوب ، جري و طيران ، صحة و عافية ، اصل و صورة ، سعوط و سجاير ، غسيل و مكوة ... اها ارح اتذكروا معانا و البوست مغلق لاستراحة ترفيهية قصيرة المدى ...

عمة وطاقية ... سروال ومركوب ... سيف وسكين ... امستردام وروتردام ... المقلبونا وجابوها كرتونة ... ميرغني المامون واحمد حسن جمعة ... شدة وغسيل عدة ... السنقة والرنقة ... وهكذا دواليك ...

[أشتر]

المشاركة الأصلية كتبت بواسطة شبارقة

هاكم :

1- التخا 2- الليدر 3- الخبوب (للمساعدة : الليدر الفوق ضهرو الخبوب والطين)

4- البرطمه (برطم يبرطم برطمةً) 5- عمسيب

1- التخا ... السحاب الممطر
2- الليدر ... الليدر شب
3-الخبوب (للمساعدة : الليدر الفوق ضهرو الخبوب والطين) (كان دي مساعدتك اخير عدما)
4- البرطمه (برطم يبرطم برطمةً) ... الزعل ومد القدوم واللغلغة
5- عمسيب ... غير فايزة عمسيب ما عارف حاجة

[شبارقة]

المشاركة الأصلية كتبت بواسطة محمد أبوعاقلة

1- التخا ... السحاب الممطر (صاح)

2- الليدر ... الليدر شب (الليدر = أبكريق = التمساح = العشاري (تمساح طوله عشرة أمتار)) كفاك ؟
3- الخبوب (للمساعدة : الليدر الفوق ضهرو الخبوب والطين) (كان دي مساعدتك اخير عدما)
الخبوب = البرجوب = ربوبة تقيلة شوية = الطين السائل

4- البرطمه (برطم يبرطم برطمةً) ... الزعل ومد القدوم واللغلغة (صاح)

5- عمسيب ... غير فايزة عمسيب ما عارف حاجة

للمساعدة في ود عمسيب : قالت ليهو : إنت يا فرنيب إنت ما بتجيب لي عيب .... إنت في الرجال عمسيب إنت للضرس عرديب....هع (هع دي معاها تبه قوية).... وطبعاً فرنيب شرحها الأخ عكود في بدايات هذا البوست وهي الشَرَك

[فيصل سعد]

المشاركة الأصلية كتبت بواسطة محمد أبوعاقلة

عمة وطاقية ... سروال ومركوب ... سيف وسكين ... امستردام وروتردام ... المقلبونا وجابوها كرتونة ... ميرغني المامون واحمد حسن جمعة ... شدة وغسيل عدة ... السنقة والرنقة ... وهكذا دواليك ...

الايام و الصحافة ، البشير و الترابي ، الحكومة و الحركة ، الشاي و القهوة ، الشوق و الريد ، الحساب و العربي ، الطحنية و الجبنة ، الروح و النص ، البطيخ و الشمام ، البطل و الخائن ، العود و الصفارة

[أشتر]

المشاركة الأصلية كتبت بواسطة شبارقة

للمساعدة في ود عمسيب : قالت ليهو : إنت يا فرنيب إنت ما بتجيب لي عيب .... إنت في الرجال عمسيب إنت للضرس عرديب....هع (هع دي معاها تبه قوية).... وطبعاً فرنيب شرحها الأخ عكود في بدايات هذا البوست وهي الشَرَك

هع دي كيفتني وخصوصا التبة بتاعتا (النترة) والاسد النتر للزول العمسيب ... والفرنبة بتاعتك تشبه الفرفرة بتاعتي !!!!(دي ما بتكون فهمتها)

وس وس
مشتاقين يا

[أشتر]

المشاركة الأصلية كتبت بواسطة فيصل سعد

الايام و الصحافة ، البشير و الترابي ، الحكومة و الحركة ، الشاي و القهوة ، الشوق و الريد ، الحساب و العربي ، الطحنية و الجبنة ، الروح و النص ، البطيخ و الشمام ، البطل و الخائن ، العود و الصفارة

الصفارة والحكم ...التسالي والسينما ... الزيداب والعالياب ... اربعة وعشرين والقرشي ... عباس ركس ودار الرياضة ... التين والزيتون ... البغلة والابريق ... الثورة والمهدية ...

[شبارقة]

المشاركة الأصلية كتبت بواسطة محمد أبوعاقلة

الصفارة والحكم ...التسالي والسينما ... الزيداب والعالياب ... اربعة وعشرين والقرشي ... عباس ركس ودار الرياضة ... التين والزيتون ... البغلة والابريق ... الثورة والمهدية ...

[align=justify]الدالي والمزموم - الشحمه والنار - الزمام والرشمة - الضحوه والضهرية - ريا والتريا - طه وأماتو السد ومروي [/align]

وهاكم :

1- الجيعير 2- الجوغير 3- الحنكول 4- الكاتول