الفي ريدو مرات دقس

[نجاة حسن حسين]

اقتباس:
المشاركة الأصلية كتبت بواسطة مرافي
شكراً اختنا نجاة
الرماد كال الذوق لو العينة دي..هي ذوق الجيل
خضرت الحلقة دي وكلها عينة دقس دي.
بس الصحفي كان مستاء جداً من غناهم وناقشن كتير
بس مين يسمع طالما العداد راامي الشعر اريتو بالخراب..
شكراً نجاة ومستنين مشاركاتك وتواصلك بس دي حيرتني
تاريخ التسجيل: Jan 2008
المشاركات: 2
معقولة بس.
في رجاك



مرافئ ..
عوافى عليك ..
طبعا الحلقة دى على ما اذكر كان الشاعر بيدافع فيها عن الغنا الهايف ده وكانو بيعرض فى بضاعة والادهى وامر برر المسألة بي انو ده السائد وده المطلوب ..
العجيب يامرافئ شكل الاولاد ديل ابين سلاسل واساور ..والله انا شاكه انهم لابسين خلاخل .. والاعجب انو مقدمة البرنامج كانت منسجمة جدا مع الالحان ..العجيب تضاولهم نهارا جهارا على و د الرضي والقرشي وقدر ما الله اداهم على عثمان حسين ..
تصدقي قالو غناهم ده عفيف !!!..وبيعالج مشاكل اجتماعية !!.. شفتى المحن

ولاعن هنى زينين ..
سؤالك مشروع يامرافي ..مداخلتين يتيمات ..لكن للظروف احكام
لك الود كاملا غير منقوص

[سوسي]

اول مرة اسمع الغنية دي يا الداخل غلط على وذن الداخل دقس

[همس الشوق]

المشاركة الأصلية كتبت بواسطة سوسي

اول مرة اسمع الغنية دي يا الداخل غلط على وذن الداخل دقس

لكن إنتو بتبالغوا ما بتسمعوا غنا هابط ولا شنو

[آيات]

المشاركة الأصلية كتبت بواسطة جيجي

عليك الله ياسمورة مالاقتك اغنية
كش كش مع القاضي
ياخ ايات دي اكيد عندها وبتجيبها لينا هسه دي

تصدقي وتآمني ماسمعت بيها
بالغته مش ؟؟
.. لكن بشوفا ليك

[آيات]

المشاركة الأصلية كتبت بواسطة سمراء

آيوتة دى مرجع للفن الهابط
البت التقول بتاع ساوند
غايتو ناس العباسية ديل ثعبين جنس ثعبان

ههههه
مابتاع ساوند ولاحاجة ..
ههه دي الحالة بدون وضوء

لكن بالجد الأغاني دي تستحق دراسة حتى نرى اين نقف نحن الآن

طيب شوفي دي ياسمرا

أسياد البلد

الصفقة الصفقه للقراقير واللعيبة أيوه
خمسة ستة قلبو البلد قراقير ده عز الطلب
خمسة ستة سبعة فرد قراقير اولاد البلد
بجيني دخري طواالي
وحياة حبيبي الغالي
دستور ياجمال الوالي
خمسة ستة قلبو البلد
قراقير اسياد البلد
الغرزة ويين
أخدر طويل
زولي جميل
دمو خفيف
صلاح إدريس يا
الصفقة للهلالاب أيوه
أيوه مافي كلام
ووب علي من شوفتو الشفا
ووب على من كورتو وكفي
ووب على من كورتو
دستور ياود مصطفى
قراقير أسياد البلد
عايزة أسجل إعجابي
دستور ياجمال الوالي
مريخاب تمام ومافي كلام
البريدو ماشي يتقدل
البجيبو هيثم طمبل
وين أنتو ياهلالاب
طيب وطييب الصفقة تعبانة
الطولو طولو طول البانة
يالراستة معذبانا
والخدرة مٌجنانا
حضرة الصول معذبانا
ياجنابو مجننانا
الخدرة معذبانا
دستور ياجنا الرطانة
الغرابة تمام وناس بحري تمام ايوا
البلد المافيها جنابو خربانة خراب كبير
خمسة ستة سبعة فرد
جعلية عز الطلب
جموعية عز الطلب
أمدر دي عز الطلب
الشوايقة عز الطلب
البقارة عز الطلب
ياناجي عز الطلب
عزو عز الطلب
أبوسنيد ده عز الطلب
شقيلاب دي عز الطلب
الصفقة تعبانة
ده معتصم عز الطلب
الأمين ده عز الطلب
هشام ده عز الطلب
ياأحمد عز الطلب
الراستة
النوباوي عزالطلب
أيو ايوه
البقاري عز الطلب
البريدو عز الطلب
الرشيد ده عز الطلب
في بري عز الطلب
طيييييب
وود عفيفي عزالطلب

[آيات]

فلنستمع لرأي الطرف الآخر

اأستنكر المطرب الشاب شهاب الدناقلة الذي كتب ولحن وأدى أغنية ( حرامي القلوب قبضوا) وصف الشاعر مدني النخلي لأغنيته بأنها سبب في إصابة السودانيين بالأمراض النفسية . وأوضح شهاب في حديثه لـ(فنون) أن الشاعر مدني النخلي لم يعينه الشعب السوداني كمحامي لذائقته السمعية في مجال الفن ليقوم بتقديم نصائح للناس عن الأغنيات التي تسبب أمراض نفسية والتي تعالج منها.
وقال أن جميع أغنيات (حرامي القلوب) سواء قبضوا أو لم يقبضوا ليس بها اي من ناحية الألحان الموسيقية لأنه مستحيل أن يحدث في اللحن أو الإيقاع عيب في الأغنية والخلل دائماً يكون في الكلمات التي قد تكون ركيكة أوبذيئةمبتذلة لتوصف بالهبوط وهي غير منطقية في أغنية ( حرامي القلوب قبضوا) ذات الكلمات المعبرة أكثر من أغنية المطرب طه سليمان ( حرامي القلوب تلب) وكشف شهاب أن أغنيته تفرح الناس وتبسطهم وتجعل جمهور الجفلات في حالة بهجة دائمة بدليل أنتشار الأغنية وترديد جميع المطربين لها في الحفلات وبيوت الأفراح.
وأكد أن أستماع الغناء الحزين بكثرة يسبب في أصابتهم بالأمراض النفسية
وأشار شهاب أن الأعتراف بالأغنية الشعبية الخفيفة وسيطرتها على الساحة الفنية في كل العالم وخصوصاً في الدول العربية حقيقة قديمة مثل عدوية ، حكيم وحسن الأسمر الذي قدم قبل عدة سنوات أغنية ( حرامي القلوب )

[آيات]

مرافئ ..نعود إلى الوراء قليلاً


http://sudanyat.org/vb/showthread.php?t=10808

http://sudanyat.org/vb/showthread.php?t=6241

http://sudanyat.org/vb/showthread.php?t=20732

http://sudanyat.org/vb/showthread.php?t=24286

[همس الشوق]

يا جماعة بصراحه ووقفه جااااااااااده شديد

وما يجيني كرسي ولا صحن عشاء طاير

الشعب السوداني اصبح محتاج وبي كثرة لمثل هذه الأغاني
لانها بنقله من الضغط النفسي اليومي الى ترويح بعض من النفس
يعني بصراحه الناس بتمشي الحفلات أكثر من أنها تجامل .. تغير مود

وثم أنه في بيوت الحفلات الناس ما بتسمع لانه دي ما جلسات استماع
الناس مع الإيقاع بس والصفقة فوووووووق
ياخ خلو الناس تفرفش
بلا نظريات

[بدر الطائف]

المشاركة الأصلية كتبت بواسطة مرافي

زماان كان في طرب اما الآن ففي قرف للاسف

برضو راى .
اغانى الحقيبة هابطه.
http://www.youtube.com/watch?v=RmqpZNkeJKg

[آيات]

المشاركة الأصلية كتبت بواسطة همس الشوق

يا جماعة بصراحه ووقفه جااااااااااده شديد

وما يجيني كرسي ولا صحن عشاء طاير

الشعب السوداني اصبح محتاج وبي كثرة لمثل هذه الأغاني
لانها بنقله من الضغط النفسي اليومي الى ترويح بعض من النفس
يعني بصراحه الناس بتمشي الحفلات أكثر من أنها تجامل .. تغير مود

وثم أنه في بيوت الحفلات الناس ما بتسمع لانه دي ما جلسات استماع
الناس مع الإيقاع بس والصفقة فوووووووق
ياخ خلو الناس تفرفش
بلا نظريات

ماتخافي ياهمس لابجيك كرسي ولاصحن ..
وذلك لنفاذ الكمية
الأغنيات هي تيرومتر لقياس الأزواق والمستوى الحضاري والفكري للشعوب .. لذلك نحن هنا نناقش .. وإذا ماسمعنا وعايشنا... مابنقدر ننظر ونشوف إلى اي مستوى وصل المجتمع السوداني
ومن خلالها يمكن أن نحاسب الغير بل وأنفسنا ..لكن الأهم من ذلك أن نرى الواقع جيداً
الهجيج ليس مهمة الأغنيات الوحيدة والحفلات أيضاً ليس للهجيج فقط بل هناك أغنيات أستماع أيضاً..في الأعراس غالباً ما تبدأ الحفلة بأغنيات عثمان حسين ولازيدان - أستماع - والهجيج بكون آخر الحفلة.. ولما أنتي بتكوني بتسرحي في شعرك تسمعي الفنان بره بقول مع أنو قدامي الطريق أنا عارفة يالسمحة أنقفل

[سمراء]

اقتباس:
المشاركة الأصلية كتبت بواسطة آيات

ووب علي من شوفتو الشفا
ووب على من كورتو وكفي
ووب على من كورتو

اوووووووووبين على الغنا الانتهى
سجمنا ورمادنا قدام الجيل الجاى وسمع النضم دا ؟
يقول علينا شنو اسع ؟

غايتو يا ايوووتة سمعتة لى النصيحة اغنية بينما كنت ارتكب الركشة ...
واخدة بالك من الارتكاب دى !
لانى بعتبر ركوب الركشة جريمة فى حق الروح وكدة
فسمعت اغنية قدر ما اجتهجتة عشان الم الكلام واطلع نتو جملة ...بح !
كلام ملقط تقولى سوق امدرمان يوم الوقفة
غايتو ربنا يلطف

[سمراء]

اقتباس:
المشاركة الأصلية كتبت بواسطة همس الشوق
الشعب السوداني اصبح محتاج وبي كثرة لمثل هذه الأغاني
لانها بنقله من الضغط النفسي اليومي الى ترويح بعض من النفس
يعني بصراحه الناس بتمشي الحفلات أكثر من أنها تجامل .. تغير مود

كلام برضو لايخلو من الصحة ...
يعنى باختصار الشعب السودانى محتاج يدقو ليهو ظار جماعى !
اى والله ياهمس
احيان كتيرة بتكونى محتاجة تهربى من نفسك وتدخلى فى صخب يحرك كل اوصالك
بعكس المود التانى البخليك تقعدى براك فى الضلمة داك

[مرافي]

المشاركة الأصلية كتبت بواسطة همس الشوق

شفتك يا حبيبي وقربت روحي تطلع
عشاااااااااااااااان بتخلع


* الشي حبيب ولا بعاتي

المشاركة الأصلية كتبت بواسطة wadosman

يااخ طيب ما تقولى من زمان...

صياااادن ...

المشاركة الأصلية كتبت بواسطة همس الشوق

بعد ما روحي طلعت ؟

عشااان بتطلع

المشاركة الأصلية كتبت بواسطة wadosman

قايلك غيرتى رائك فينى...

[rams]http://sudanyat.org/vb/uploaded/741_1348637302.wma[/rams]

لينك للحفظ

بس انت كتر من لينكات الحفظ دي اضمنا ماتغير رايا...
شكراً يا ود عثمان اها ياهمس غيرتي رايك ولا عندك شورة .. gap

[سارة]

مرافى والضيوف الحلوين
يا اخوانا انا براى معسمة ..البوست دا جاب لى وجع قلب ووجع ضهر ووجع كرعين
لا حول ولا قوة الا بالله..دا كلو وانا ما جايبة خبر

ايات يا حبيبة اضربى بالحتة الفيها الحديدة وانا بجيكم
بس النروق من الدوخة دى

[مرافي]

المشاركة الأصلية كتبت بواسطة آيات

ياسلاااام
إحتمال دي أحسن أغنية وطئت أرض هذا البوست

غايتو انصاف مدني لو شافت اغنيتا دي هنا

بترفع علينا قضية اشانة سمعة...