اغاني .. واغاني

[زول الله]

المشاركة الأصلية كتبت بواسطة مهند الخطيب

بعدين يازول الله عرفنا القعدة القاعدا زي الزول داير يجري يشوت بلنتي دي ،، خليها مامشكلة ...
حسنة القاعد يقولا دي شنو؟
"سبحان من نشاك حسنة وفي غاية الكمال"
يكون قاصد عظمة وفي غاية الكمال؟؟

دي فعلا غريبة لكن معظم البغنوها بقولو حسنة بفتح الحاء والسين كمان
سبحان من نشأ حسنك في غاية الكمال نحن عارفنها كدا
عظمة قالها في المرة الثانية لما لقى الاولى مالافقة

البخرات مشكلة والله






اقول قولي هذا واستغفر الله لي.............

[طارق صديق كانديك]

المشاركة الأصلية كتبت بواسطة عكــود

بس إن شاء الله فهيمة يكون صوتها بقى "قريب" شويّة،
صوتها يجيك بعيد بعيد.

المشاركة الأصلية كتبت بواسطة عكــود

أكرّر وصفي السابق (يجيك صوت فهيمة وكأنك بتعاين من خلال قزاز ضارباهو رطوبة).

يروي صديقي أبو الوفا،إنو واحد كان بشرب بره البيت وبجي آخر الليالي يكوس بيتم كواسة، يوم ضَرَب ضَرِب شديد، وبقى يفتش للبيت، لمن خلاص قنع منو وما عرفوا، قعد ليهو في ضهر حوش واتشمّر تب أبوهو وقف وراهو قال ليهو: إنت لمتين تكون في حالك دي؟

صاحبنا رفع رأسو وعاين لأبوه وقال ليهو: هو دا إنت ياجان؟ طيب ما خلاص وصلنا

نحن من فهيمة دي، أكتر من صوتا البعيد ده،ما عايزين منها شئ، الحضور الجميل زاتو فوق البيعة

وصلنا ياجان

[أمير الأمين]

المشاركة الأصلية كتبت بواسطة خال فاطنة

غايتو عمك السر قدور لعب معاك ضاغط...لكن الله في

كلو من الشفيع عمك دا بقى ما بفرز

[الجيلى أحمد]

السر قدور دا مايغنى كلو كلو ولو بالهظار, زمنو فارق, وصوتو مشاتر,
يركز بس فى مسألة التقديم دى.
ضرسنى ياأخى

[طارق صديق كانديك]

يازول الله أنا عندي، معتز صباحي ده، أخير ترخيهو، كان لفقت معاهو أغنية أو اتنين خلال الشهر انبسط، وكان كمان بقى كلو جنس الشفناهو الليلة دي،تكون اتبريت منو من بدري

[أمير الأمين]

المشاركة الأصلية كتبت بواسطة عكــود

يا قيقا ياخ، فاطنة تستاهل ..
كلام عبد الغني، و
الفوشيا، و
ساعة سيكو من عندي كمان!

صوت عجيب وتطريب عالي وغناء بكل الخلجات،
رغم صعوبة الأغنية.

دي دعوة لأمير الامين لاعادة النظر في نهج شناف حلقات السنة دي.

اجمل ما فى غنى البنية دى انفعال دواخلها مع الغنا
بتحس بيهو حقيقى وذكرتنى حركات الست مع الفارق
العريض طبعا
غايتو لو الحال استمر زى حلقة الليلة
الشناف جايكم جايكم

[مهند الخطيب]

المشاركة الأصلية كتبت بواسطة قيقراوي

http://www.youtube.com/watch?v=hyjIr...ature=youtu.be

انه المجروح يا الروح حياتك روح
الحب فيك يا جميل معنى الجمال مشروح
الحب لهيب في الجوف زي الزناد مقدوح
منه الجبابرة تلين لي صوت بلابل الروح
وتصاحبوا النسمات تفضل معاه تروح
ومن نغمة الاشواق ومحاسن الممدوح
وانشد فؤادي الضال بين الرياض مذبوح
وارى الهلال في ظلال تلك الخميلة يلوح
ساحر رقيق نعسان انسان وديع وجموح
سحر العيون بجمال لي سواه ما ممنوح
حورية في السودان بحبي ليك ابوح
ياعنب جناين النيل أتمنى منه صبوح
انا بهدي ليك الحب حب من فؤاد مجروح
حب الشحيح للمال حب الجبان للروح
من الوله للقاك دمي العزير مسفوح
ناقم على الايام مع انو طبعي صفوح
انا والخيال في جدال وانت في نداك بتموح
كلما النسيم يغشاك زي الحديقة تفوح
الناس تحب رؤياك بالخاطر المشروح
يامن تسر رؤياك تفرح تنسى النوح
تكسو النهار بجمال خديك جمال ووضوح
منه الغزال تقيف في موقف المفضوح
انا لو ضمنت رضاك اكون سعيد ممنوح
يا ملفت الانظار يا بسمة المفروح
ان كان تميس بنميـس وان كان تموح بنموح
عدل الطبيعة جعل جور الحبيب مسموح

والله فعلا تصاحبو النسمات!!

انا لله ياخي...

[الجيلى أحمد]

المشاركة الأصلية كتبت بواسطة قيقراوي

http://www.youtube.com/watch?v=hyjIr...ature=youtu.be

السنى الظاهر عندو مشكلة مع الغناء الجماعى,
ماقدر يمسك الزمن الا بعد فترة,
لكن يبقى أجمل ماتم التغنى به فى هذه الحلقة, وأجمل أداء..

أتمنى أن لايقدم السنى اغانى محددة بعينها تغنى بها كثيرآ,
ليتنا نشاهده فى أغانى أخرى مختلفة للتعرف على مقدرته الفنية أكثر

[أمير الأمين]

المشاركة الأصلية كتبت بواسطة طارق صديق كانديك

يروي صديقي أبو الوفا،إنو واحد كان بشرب بره البيت وبجي آخر الليالي يكوس بيتم كواسة، يوم ضَرَب ضَرِب شديد، وبقى يفتش للبيت، لمن خلاص قنع منو وما عرفوا، قعد ليهو في ضهر حوش واتشمّر تب أبوهو وقف وراهو قال ليهو: إنت لمتين تكون في حالك دي؟

صاحبنا رفع رأسو وعاين لأبوه وقال ليهو: هو دا إنت ياجان؟ طيب ما خلاص وصلنا

نحن من فهيمة دي، أكتر من صوتا البعيد ده،ما عايزين منها شئ، الحضور الجميل زاتو فوق البيعة

وصلنا ياجان

شكلو العمدة عصر عليك

[الجيلى أحمد]

السنى هو النجم اللامع حتى الآن بدون منازع

[أمير الأمين]

المشاركة الأصلية كتبت بواسطة طارق صديق كانديك

يازول الله أنا عندي، معتز صباحي ده، أخير ترخيهو، كان لفقت معاهو أغنية أو اتنين خلال الشهر انبسط، وكان كمان بقى كلو جنس الشفناهو الليلة دي،تكون اتبريت منو من بدري

اها الفضل منو فى حلقات السنة دى ؟
معتز صوتو جميل بس اكان خلى "مكوجنة حنكو"
شئ مقرف والله

[خال فاطنة]

المشاركة الأصلية كتبت بواسطة الجيلى أحمد

السنى هو النجم اللامع حتى الآن بدون منازع

يا جيلي الزول دا الغنيتين الغناهم كان مميز فيهم و نجم الحلقتين، الرجح كفتو إن غنى أغاني تعود عليها كثيراً....إن شاء الله المرة الجاية عمك السر قدور يديهو غنية لمحمد وردي، بعد داك نشوف....

معتز صباحي دا زاااتو كان غنى ربيع الدنيا أو الأبيض ضميرك أو حلو العيون أو لو تعرف الشوق أو أيتها من أغانيهو المتعود عليها كان بتجدع و الصفقة بتكتر....صعب الزول يجيد غنية بغنيها لأول مرة و من بخرة، لأن ببقى بكابس في اللحن مكابسة ناهيك من إن يلقى ليهو فرقة يضع بصماتو...

فهيمة دي لمن غنت مرت الأيام لقت إرتياح و صفقة في السماء..

[الجيلى أحمد]

طه سليمان دا ود فنان,
الزمن بتاعو ظابط, وصوتو برغم قلة التطريب فيه الا انه ينجز العمل الموسيقى بشكل جيد
(لو بطَل البصبصة ماتجيهو عوجة)

[الجيلى أحمد]

المشاركة الأصلية كتبت بواسطة خال فاطنة

يا جيلي الزول دا الغنيتين الغناهم كان مميز فيهم و نجم الحلقتين، الرجح كفتو إن غنى أغاني تعود عليها كثيراً...

كلامك صاح ياخالا,
مافى اجتهاد منو كتير,
ياريت لو يغنى فى الحلقات القادمة لون مختلف.. عشان نقدر نفرزو فى السلخانة دى

[الجيلى أحمد]

الطريف جدآ
انو أثناء السنى مابغنى, كان فروفور قانص ليهو,
لو دقس عشان يستعدلو (الدقيقة 4:33 ), لكن السنى دا شفت بتاع غناء..
نقلتو حلوة وفيها طعم موسيقى بتاع زول الرتم واقع ليهو..
شكرآ ياسنى