*** مصطلحات عامّية سودانية *** - الصفحة 2

imported_إيمان صالح · 13-12-2007, 01:28 PM

اقتباس:

المشاركة الأصلية كتبت بواسطة شبارقة

تشكروا على هذا البوست الجميل
بالله يا إيمان هسع ده كلام حنكوشة .. نكتوا لينا .. وشعرة جلدي كلبت ..ده ذاتو ما تراث وعاوز ليهو ترجمة

الكُنُش : المُفراكة

الله يا يابا الكنش اليخبتوك بيه في دقنوسك
هسه الرسول فوقك انت سالوك من عمر ايمان؟
عاد يا شبارقة يا ولدي تغالطوا الزولة في عمرها وحكنشتها
لا حكت لا بقت
بري يا يمة منكم يا ناس سودانيات

ايمان

imported_إيمان صالح · 13-12-2007, 01:35 PM

اقتباس:

المشاركة الأصلية كتبت بواسطة شبارقة

الحمد لله نجحت في الإقتباس ومعذرة للأخت إيمان

بعد شنو عاد؟
لافي البلد والبلدين شايل حسي
ولا مرة لا مرتين
تاني كدي النشوفك تجيب سيرة عمري ولا حنكشتي

ايمان

imported_أشتر · 13-12-2007, 02:52 PM

نرجع لمحور حديثنا وبلاش خرمجة !!!!

خش يا فيصل >>>>>>>> المايك معاك

imported_فيصل سعد · 13-12-2007, 05:02 PM

بسم الله و الحمد لله و الصلاة على رسول الله.
اللهم ابعد فتحي مسعد حنفي و شبكه عن هذا البوست

الو..تست..الو ون تو..
شكرا باشمهندس ابو عاقلة

شكرا اختي نسايم

اولا مرحب بالعمدة عكود و تم تعيين سعادتك مديرا عاما للفحص و المراجعة هنا

و نرحب بايمان و بطلي حنكشة

و كان دايرة ونسة دقاقه تعالي في الديوان بهناك

و مرحب شبارقة مقيما دائما معنا هنا

و اكسر الفيزا كسر الله كل اعدائك

imported_إيمان صالح · 13-12-2007, 06:31 PM

اقتباس:

المشاركة الأصلية كتبت بواسطة محمد أبوعاقلة

نرجع لمحور حديثنا وبلاش خرمجة !!!!

خش يا فيصل >>>>>>>> المايك معاك

بـِـسْ

imported_إيمان صالح · 13-12-2007, 06:37 PM

اقتباس:

المشاركة الأصلية كتبت بواسطة فيصل سعد

و نرحب بايمان و بطلي حنكشة

و كان دايرة ونسة دقاقه تعالي في الديوان بهناك

ما دايرة
فاعدة هنا دا
عاجباني الحتة دي

ايمان

imported_فيصل سعد · 13-12-2007, 06:40 PM

اقتباس:

المشاركة الأصلية كتبت بواسطة إيمان صالح

بـِـسْ

شكرا يا ايمان على الاضافة، و بـِـسْ معناها غور و اقطع وشك و شتت يا مطرطش يا فقر يا غتيت.
و نحنا ناس روحنا رياضية و كدا

اطيب التحايا.

imported_أشتر · 13-12-2007, 11:58 PM

اقتباس:

المشاركة الأصلية كتبت بواسطة إيمان صالح

بـِـسْ

أرد بياتو كديسه من الكدايس
واحدة في راسي وكان قامت بتهرِش
والتانية معاي في الأوضة وكان قامت بت خربِش
والتالتة في كرعي ... ودي بتطير جوز وبت دَقّش ...
والكديسة في كلامنا = السحلبة وهي بت عم الجقلبة وبت خال العنكبة
وكان للعنكبة ... سكلبة وشنكبة ...
وكلمتك دي ... عملت لي كركبة ... ونص الراس حِرِق والباقي ني ...
وهل كديستكم (اذا عندكم) بتخربش ولا بتهبش ...
اذا بتخربش ... نقوم نهبش
واذا بتهبش ... نقوم نخربش

والاتنين بى طينة !!!

إسْ ...

imported_أشتر · 14-12-2007, 12:07 AM

اقتباس:

المشاركة الأصلية كتبت بواسطة فيصل سعد

شكرا يا ايمان على الاضافة، و بـِـسْ معناها غور و اقطع وشك و شتت يا مطرطش يا فقر يا غتيت.
و نحنا ناس روحنا رياضية و كدا

اطيب التحايا.

(ودي بى عجينة)
وصهين ثم صهين (ودي من وصايا جدي الكتيرة)

imported_شبارقة · 15-12-2007, 09:35 AM

سلامات ..وهاكم:-

التيبار : الزير
مريسيلا : سراج (مصباح) يضي بإستخدام الجاز
الرتيلا : نملة (إن شاء الله ما تضوقوا قرصتها)
العُكارة : الكسرة المخموجة بالموية والسكر وتسمى أحياناً (الموصة)
المربعة : الأوضة (الغرفة) المنفردة
الدلجة : الواطه القوية
الشتم : ود الدلوكة (آلات إيقاعية)
العمبلوق :بهيم (سخل) يتراوح عمره ما بين 4 إلى 5 شهور
السحسوح : السفنجة (الشبشب)
البيرون : السحلية
الغُلغُل : بذور القطن
الغوغاية : آلة خشبية لفصل الغلغل عن القطن.

imported_نسايم · 15-12-2007, 02:02 PM

سلاااااااام جاااكم
انا جايبة لي شوية كلمااات
المترار
المحويب
الغوغاية

imported_نسايم · 15-12-2007, 02:07 PM

النجامة
الملود
الواسوق
الضناب
التوريق
المرحاكة

imported_نسايم · 15-12-2007, 02:08 PM

يا ايمان حبابك
وهوووي يا محمد انت وفيصل
فارقو البت
وما تقعدو واحد يصلح والتانى يرمى
روقووو
تقعد في المكان البيعجبها بي الطريقة البتعجبها

imported_إيمان صالح · 15-12-2007, 04:29 PM

اقتباس:

المشاركة الأصلية كتبت بواسطة فيصل سعد

شكرا يا ايمان على الاضافة، و بـِـسْ معناها غور و اقطع وشك و شتت يا مطرطش يا فقر يا غتيت.
و نحنا ناس روحنا رياضية و كدا

اطيب التحايا.

شكراً يا فيصل على الترجمة
يلا اقطع وشك

ايمان

imported_إيمان صالح · 15-12-2007, 04:35 PM

اقتباس:

المشاركة الأصلية كتبت بواسطة محمد أبوعاقلة

أرد بياتو كديسه من الكدايس

وهل كديستكم (اذا عندكم) بتخربش ولا بتهبش ...
اذا بتخربش ... نقوم نهبش
واذا بتهبش ... نقوم نخربش

رد بكديستكم الفي البيت عندكم مع اخواتك
ونحن ما عندنا كدايس
ياها الشلناها من اخواتك ديك
وجن قلعنها مننا
بركة القلعنها
جاتنا منهن خرباشة وهباشة

ايمان

13-12-2007, 02:52 PM	#[18]
imported_أشتر :: كــاتب نشــط::	نرجع لمحور حديثنا وبلاش خرمجة !!!! خش يا فيصل >>>>>>>> المايك معاك
imported_أشتر :: كــاتب نشــط::

13-12-2007, 05:02 PM	#[19]
imported_فيصل سعد :: كــاتب نشــط::	بسم الله و الحمد لله و الصلاة على رسول الله. اللهم ابعد فتحي مسعد حنفي و شبكه عن هذا البوست الو..تست..الو ون تو.. شكرا باشمهندس ابو عاقلة شكرا اختي نسايم اولا مرحب بالعمدة عكود و تم تعيين سعادتك مديرا عاما للفحص و المراجعة هنا و نرحب بايمان و بطلي حنكشة و كان دايرة ونسة دقاقه تعالي في الديوان بهناك و مرحب شبارقة مقيما دائما معنا هنا و اكسر الفيزا كسر الله كل اعدائك
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

15-12-2007, 09:35 AM	#[25]
imported_شبارقة :: كــاتب نشــط::	سلامات ..وهاكم:- التيبار : الزير مريسيلا : سراج (مصباح) يضي بإستخدام الجاز الرتيلا : نملة (إن شاء الله ما تضوقوا قرصتها) العُكارة : الكسرة المخموجة بالموية والسكر وتسمى أحياناً (الموصة) المربعة : الأوضة (الغرفة) المنفردة الدلجة : الواطه القوية الشتم : ود الدلوكة (آلات إيقاعية) العمبلوق :بهيم (سخل) يتراوح عمره ما بين 4 إلى 5 شهور السحسوح : السفنجة (الشبشب) البيرون : السحلية الغُلغُل : بذور القطن الغوغاية : آلة خشبية لفصل الغلغل عن القطن.
imported_شبارقة :: كــاتب نشــط::

15-12-2007, 02:02 PM	#[26]
imported_نسايم :: كــاتب نشــط::	سلاااااااام جاااكم انا جايبة لي شوية كلمااات المترار المحويب الغوغاية
imported_نسايم :: كــاتب نشــط::

15-12-2007, 02:07 PM	#[27]
imported_نسايم :: كــاتب نشــط::	النجامة الملود الواسوق الضناب التوريق المرحاكة
imported_نسايم :: كــاتب نشــط::

15-12-2007, 02:08 PM	#[28]
imported_نسايم :: كــاتب نشــط::	يا ايمان حبابك وهوووي يا محمد انت وفيصل فارقو البت وما تقعدو واحد يصلح والتانى يرمى روقووو تقعد في المكان البيعجبها بي الطريقة البتعجبها
imported_نسايم :: كــاتب نشــط::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري