راكوبة المجادعات.. النمة والدوباي

[سارة]

عاليا حتى عودة

الوردة دى لابو دعد وحافظ

[سجمان]

المشاركة الأصلية كتبت بواسطة حافظ حسن مختار

ورد الخمايل الزان جروفو وأرضو
كتار المتلي بي عشقو عقولن مرضو
الخلاني في هواهو أطيع نوافلو وفرضو
لا شمّت عوازل لا لعب بي عرضو

الحسس الحاسّبو في النوم جفتني سرايرو
سببي الفي المروخ جدياً غلبني أسايرو
النهد الدفر فتّق عراوي زرايرو
والفاقل العِلا تلتل معاهو مسايرو

شبه الدسدسو غزل الخواجة حرايرو
حتفاً في هواو من فوقي حلّق طايرو
السولت لي ملك العزيز في كايرو
جزمت يا حافظ شوية .........

[سجمان]

المشاركة الأصلية كتبت بواسطة سارة

عاليا حتى عودة
الوردة دى لابو دعد وحافظ

سيتي شنو؟ وجيتي يا سرورة ترفي
ولّ سنة حبيبنا فسراع أرح اعترفي
لو كان الورد في الريدة بِعَدِل ظرفي
كتري في الشتول عُقب النروح لي شرفي

[سجمان]

جيت من الصباح شايل الكلام متوجّب
أكالم في العدم يا ربي واحداً إعقّب
درفون أم حفر من قام سغير متحجّب
الصادف نصالو بتعيقو كان متحجّب

[حافظ حسن مختار]

المشاركة الأصلية كتبت بواسطة سجمان

الحسس الحاسّبو في النوم جفتني سرايرو
سببي الفي المروخ جدياً غلبني أسايرو
النهد الدفر فتّق عراوي زرايرو
والفاقل العِلا تلتل معاهو مسايرو

شبه الدسدسو غزل الخواجة حرايرو
حتفاً في هواو من فوقي حلّق طايرو
السولت لي ملك العزيز في كايرو
جزمت يا حافظ شوية .........

الليل مساهر شقي الرقاد ماعرفو
شاغلني مربوع القوام وكاحل طرفو
ورد الخمائل المشتول فوق جرفو
يطيّب ويشفي مرضان السنين بي كرفو

[حافظ حسن مختار]

المشاركة الأصلية كتبت بواسطة سارة

عاليا حتى عودة

الوردة دى لابو دعد وحافظ

تسلمي يازينة البنات وعالي شبابن
وردتك سرتني ودواخلي نالت اعجابن
تواريخ الادب عندك سجل وكتابن
تزوري بالحرمين ان شاء الله وتمسكي بابن

[طارق صديق كانديك]

المشاركة الأصلية كتبت بواسطة سجمان

جيت من الصباح شايل الكلام متوجّب
أكالم في العدم يا ربي واحداً إعقّب
درفون أم حفر من قام سغير متحجّب
الصادف نصالو بتعيقو كان متحجّب

شاغلانا أم قدود يا خِلي أسرع عقِّب
تمينا الكلام من راسنا جانا يعجِّّب
الزول القبيل خلاني أسرح أحقِّب
نسّام المقيل مطيرتو دابا تجبّجِب

[سجمان]

المشاركة الأصلية كتبت بواسطة حافظ حسن مختار

الليل مساهر شقي الرقاد ماعرفو
شاغلني مربوع القوام وكاحل طرفو
ورد الخمائل المشتول فوق جرفو
يطيّب ويشفي مرضان السنين بي كرفو

العين لجلجت حلفت يمين ما تقفو
والبال انصنج حالي العلي ما بخفو
الشال الثمار في البورصة زايد سقفو
ريق فاطرو المتل شن العسل في رشفو

[حافظ حسن مختار]

المشاركة الأصلية كتبت بواسطة سجمان

العين لجلجت حلفت يمين ما تقفو
والبال انصنج حالي العلي ما بخفو
الشال الثمار في البورصة زايد سقفو
ريق فاطرو المتل شن العسل في رشفو

قمر السبعتين ليهو الخلائق يشرفو
أصل الجمال مصدر قانونو وعرفو
الكدر ايامي خلاني مطر دمعي أزرفو
كاويني بـي صدو وتيهو وظرفو

[حافظ حسن مختار]

فر باسمك لمع لامن بريقو جهرني
شال منام عيني مع السقد سهرني
يا الوجهك سلب عقلي و جمالو بهرني
حد ما أقول نسيت قلبي العليل ينهرني

[أبو دعد]

المشاركة الأصلية كتبت بواسطة سارة

عاليا حتى عودة

الوردة دى لابو دعد وحافظ

زهرة من جروف الغربة مقطوفة
و من صدق الكلام رويانا لى سروفة
و انت بالكرم و الوداد بلحيل معروفة
نرجة عودتك كل الناس بى ظروفة

[حافظ حسن مختار]

جيت الراكوبة قلت أحكي فيها وأقول
بي خيار الناس المكان يكون ماهول
نضحك وننبسط ننسي الهموم والهول
لكن الأسف الشديد ما لقيتلي فد زول

[مواهب عبد العزيز نقد الله]

المشاركة الأصلية كتبت بواسطة حافظ حسن مختار

جيت الراكوبة قلت أحكي فيها وأقول
بي خيار الناس المكان يكون ماهول
نضحك وننبسط ننسي الهموم والهول
لكن الأسف الشديد ما لقيتلي فد زول

الدوباى فى رجّاك من الصباح يتقلّى......
والجبنّات تدور البكرى والبتنى ........
إتوهط عديل وبالله جُرّ النمة ..........
والاحباب بيجوك ,أصبر وما تنهمّا ....

[حافظ حسن مختار]

المشاركة الأصلية كتبت بواسطة مواهب عبد العزيز نقد الله

الدوباى فى رجّاك من الصباح يتقلّى......
والجبنّات تدور البكرى والبتنى ........
إتوهط عديل وبالله جُرّ النمة ..........
والاحباب بيجوك ,أصبر وما تنهمّا ....

حالن علي يا مواهب ما بتوصف
مزرود بي حبال الشوق مربوط ومكتف
جيت الراكوبة قلت ابكي فيها اتنهف
فاقد عفيف المنطق العلي ما بتأفف

[سارة]

المشاركة الأصلية كتبت بواسطة طارق صديق كانديك

شاغلانا أم قدود يا خِلي أسرع عقِّب
تمينا الكلام من راسنا جانا يعجِّّب
الزول القبيل خلاني أسرح أحقِّب
نسّام المقيل مطيرتو دابا تجبّجِب

نسًام الخـــــريف هيج على احــــــــــــزانى
ومن وجهو الصبوح يا اخوانا جانى الجانى
لو يرضى ويحن او فى المنام يغشانى
أنفاسو المسك وعرقو جورج أرمانى


*جورج ارمانى دا عطر يا ناس وتانى كر