ود الامين بالوافر

[طيبان]

المشاركة الأصلية كتبت بواسطة فتحي مسعد حنفي

سلام يا فتحي يا جميل

ما جاء في هذا المؤتمر يمثل بالنسبة لي محاولة لتبرير ما حدث في حفل البحرين لا أكثر .. ووالله لو لم يكن ما أثرته هو عين الحقيقة لما سعى فناننا الكبير لاقامة مؤتمر صحفي للرد عليه لأنني بالتأكيد لست أول ناقد له ولن أكون الأخير.

لكنني سأنظر للجانب المليء من الكوب فهناك أشياء كثيرة إيجابية في ما حدث أولها أن كل المطربين سيعملون ألف حساب لتصرفاتهم العامة مهما كبرت قيمتهم ، وثانيها أن الحفاظ على الحقوق يجب أن يتم بصورة قانونية، وثالثها أن كل من يحمل قلماً يجب أن يكون أميناً ومتصالحاً مع نفسه ليتحمل مسئولية ما يكتب ويتقبل وردود الأفعال التي قد تشتط كثيراً في بعض الأحيان، وفي النهاية المبدع والكاتب كل صاحب رسالة بالتأكيد.

ويبقي احترامي لمحمد الأمين كمطرب وموسيقار كبير دون شك وتحياتي للأخوة في سودانيات وان شاء الله أحاول أن أعود وأتواصل معهم بعد طول غياب..

شكراً ليك يا فتحي

سلام يا عم فتحي وعبرك للدكتور معز ولإبراهيم والجميع هنا ..
مداخلة دكتور معز هنا مرنة و مهادنة بشكل غريب ولا تشبه أبدا الجزء الأول من المقالات التي تداولتها المواقع والصحيفة ..فقد بدا المقال الأوّل غاضبا ومغاليا ،، وفي غمرة اندفاعه هذه أورد نقاطا لا علاقة لها بالحقيقة وكأن الغرض منها هو إثبات التهمة والتجريم لا غير ..
انظر مثلا للتلميحات البائسة في مسألة ال 15 ألف دولار ،،والتي أشار لها الدكتور وكأنما هي مخصّصة للفنان محمد الأمين وحده ، ولم يكتف بذلك بل سعى لترجمة غضب الفنان من ال 200 دولار نثرية أعضاء الفرقة المصاحبة ،،ورأى أنه استكثرها عليهم .. هل هذه المعلومة صحيحة ؟؟ وقد رأينا تبرير الأستاذ لهذا الموقف..وقوله أنه رفض الطريقة التي تم بها تسليم المبلغ ،، ولكن دكتور معز يرى أنه استكثرها عليهم ،، الحقيقة هنا ضائعة بينهما ،، ولكن وجهة نظر الأستاذ مقبولة وفي رد مسئول القناة ما يشير لأن ودالأمين ليس ماديّا وقرائن الأحوال تشير لذلك ..هذه محاولة تجريم من د.معز ،، إن لم يكن واثقا وحاضرا لمسألة التحانيس دي ،،وليس معتمدا على معلومات سماعية ..

ثم ماهو الداعي لذكر تكفل الجالية بعلاج الأستاذ ؟ وماهي حكاية أكبر الإستشاريين ، والفنادق الخمسة نجوم ؟؟ فليكن ياخي ،، هل الفنان يفترض يراعي للكرم الفيّاض دا ولا يعترض على ما يراه غير لائق ،، عشان الجالية كاسرة عينو ؟؟ إن لم يكن هذا هو المن والأذى فكيف يكون ؟؟

ثم مسألة ريشة العود ،، ما ورد في مقال د.معز أنّها تسببت في تأخير الحفل ،، وما وضح لاحقا أن الريشة نساها الفنان لسبب يمكن تفهّمه ،ثم أنّها اتحلت بحكاية الحضور الذي (فك الياقات ) وغنى الفنّان .. يعمل شنو أكتر من كدة ؟؟


مقال دكتور معز ملئ بالتناقضات والتحامل ..

الأستاذ محمد الأمين مخطئ في طريقة عرضه لوجهة نظره -الرافضة للتصوير- أمام الجمهور ،،وإيراد حكاية الست أم كلثوم ما لافقة ،، كان بالإمكان توضيح هذه النقطة لطاقم القناة بطريقة أخرى ،،بدل يبقى في تبرير ومؤتمرات صحفيّة ..

____

وأخيرا ..
لست من المعجبين بودالأمين ،، مع احترامي لفنّه ومعجبيه ..وبعض أغنياته ..
ولست معجبا بدكتور معز ،، لا بكتاباته ولا بشعره ،، مع احترامي لعلمه وشخصه ..

[طيبان]

المشاركة الأصلية كتبت بواسطة فتحي مسعد حنفي

و قد ذكرت لي سيدة أثناء الحفل بحسرة أنها كانت تأمل في ظهور أبنائها الذين لم يروا السودان لأكثر من ست سنوات حتى يراهم الأهل و قس على هذا الكثير. و قمنا أيضاً بإستئجار كاميرا إضافية بمبلغ (1,500 ريال) إذ أن بعثة النيل الأزرق حضرت بكاميرا واحدة فقط.

بالله دي قصّة يحكيها رئيس النادي دا أو أياً كانت صفته ؟؟
والأهل المشحتفين بالسنوات ديل ،، السيّدة دي ماكان أخير تشطّف ليهم الشفع ديل وتودّيهم أقرب استديو وترسّل صورهم ،، أو تنكرب شويّة وتصوّرهم فيديو وترفع الفيديو على صفحتهم في الفيسبوك ؟ ياخي محن السودانيين دي لا تنتهي أبدا ..
السيدة دي كان قالت انو توب الحفلة كان سمح وللا الدهب اللابساهو يستاهل عرضه في القناة كان كلاما بكون منطقي شويّة ..
الجمهور دا جا عشان يستمتع بالحفلة والغنا وللا عشان يمتّعنا بي طلّتو البهيّة ؟؟

____

قال ستة سنوات قال ..

[رأفت ميلاد]

المشاركة الأصلية كتبت بواسطة وجدي الأسعد الأسعد

طيب لو ما فهمت مقصدي من رجل وجامع زكاة
لانو الاتنين ديل من وصفهم الوظيفي انهم يكونو سمحين المعاملة ومتواضعين وما ماديين

طبعا كلامي دا بناء علي ثقافتنا الاسلامية
اللي ما مفروض تحجرها علينا

وصفهم الوظيفى وما مفروض تحجرها علينا دى تبيعا

[طيبان]

المشاركة الأصلية كتبت بواسطة رأفت ميلاد

وصفهم الوظيفى وما مفروض تحجرها علينا دى تبيعا

تاني التبيعة ظهرت ..الله في ..

[أسعد]

المشاركة الأصلية كتبت بواسطة رأفت ميلاد

غالباً ما يكون عارف أنو كوز

شكرا لانك اهديتني عيوبي ^__^

[رأفت ميلاد]

المشاركة الأصلية كتبت بواسطة وجدي الأسعد الأسعد

شكرا لانك اهديتني عيوبي ^__^

عيوب .. غالباً ما حتبقى كوز وحتقدر تتخطى المرحلة دى

أهديتنى دى تبيعا

(بهذا أشهد بأنى غير مسئول من مداخلة الطبيب المغمور)

[أسعد]

المشاركة الأصلية كتبت بواسطة رأفت ميلاد

عيوب .. غالباً ما حتبقى كوز وحتقدر تتخطى المرحلة دى

أهديتنى دى تبيعا

(بهذا أشهد بأنى غير مسئول من مداخلة الطبيب المغمور)

لا ابشرك انا كوز




بالمناسبة ابشرك دي تبيعا(ة)

[رأفت ميلاد]

المشاركة الأصلية كتبت بواسطة وجدي الأسعد الأسعد

لا ابشرك انا كوز




بالمناسبة ابشرك دي تبيعا(ة)

لكن دى ما بشارة

[رأفت ميلاد]

المشاركة الأصلية كتبت بواسطة وجدي الأسعد الأسعد

لا ابشرك انا كوز




بالمناسبة ابشرك دي تبيعا(ة)

لا تبيعا يعنى أشتريها منك .. التبيعة وقفوهو

[رأفت ميلاد]

ثم محمد الأمين كان سوا السبعة وزمتا .. د. معز زعلان ليه

أمكن عشان أبو اللمين ما ثقافة إسلامية .. يعنى رجل دين مثلاً

دى أشتريتا

[أسعد]

المشاركة الأصلية كتبت بواسطة رأفت ميلاد

لكن دى ما بشارة

في اللاوعي بتاعكم بتعتبر بشارة
لانكم بتستمعوا بالتكالب علي الكوز
اكتر من التكتاف مع المواطن العادي
والدليل اهو تكرارك الغريب بوصفي اني كوز
مع انو لو جبت ويكة الصعيد كلها ما بتلايق مداخلتي مع سيرة الكيزان
لكن لانك بتستمع بلبس كاكي المعارضة وهراوة العلمانية وتقعد تطارد الناس بحجة الكوزنة المرفوضة


بس يا عملات السكران القبضوهو بعد تطبيق الشريعة وقال سكران وشيوعي كمان
انا بقول ليك اني كوز وتبيعة كمان

[أسامة معاوية الطيب]

المشاركة الأصلية كتبت بواسطة وجدي الأسعد الأسعد

في هذه السانحة احب اقول لي د.معز
(ود اللمين في قصرو .........)

مداخلة تنم عن ماضي صعب، وحاضر قاسي ، ومستقبل تحيط به السعودية من كل جانب

[أسامة معاوية الطيب]

أنا من بين (كم) الحيادية المبهول أرى حيادا منحازا كلٌ لجهته !!!

[عكــود]

سلام،

سبهلليتنا كسودانيين ضاربة بأطنابها في الموضوع كلّه، علاوة على المن!

سبهللية قناة النيل الأزرق في عدم تنجيض الإتفاق مع محمد الأمين وقولة "بيتم الإتفاق على البث في السودان"، زائداً، جايين لتغطية إحتفالات دولة بكاميرا واحدة، مما حداهم للشلهتة وتأجير كاميرا إضافيّة.

سبهللية ود الأمين في إنو سستة شنطة العود محلوجة من السودان وما صلّحها، زائداً إنو ينسى ريشة العود في الفندق ويجي الحفلة مطلّق إيديهو، مما اضطر البعض لفك لياقات قمصانهم، علماً بأن عزفه على العود هو شئ أساسي في أدائه.

سبهللية الزول الوزّع القروش على العازفين في شكل "غمتة".

تكرار قولة " فندق خمسة نجوم وأفخم فنادق المنامة وعربية فخمة وسوّاق مباريهو" وقولة "العلاج في أحسن المستشفيات على يد أفضل الإستشاريين" دي فيها منّ واضح ومؤذٍ.

الإيحاء بأن ود الأمين قبض 15 ألف دولار (وده ما صحيح لانو اتقاسمها مع الفرقة) وكأنّها مدفوعة من الجالية.

التلميح بأن ترشيحه تمّ بواسطة أعيان الجالية، حتّى ولو كان صحيح، فيهو من وتفخيم، ما في محلو، للأعيان الوارد ذكرهم.

حجز صالة صغيرة والصوت فيها ما كان ظابط، دي سبهللية.

تأخير ود الأمين عن موعد بداية الحفلة وعدم إعتذارو للجمهور، برضو سبهللية.

إعلان عدم إتفاقو مع قناة النيل الأزرق عبر المكرفون، فيها سبهللية.

تجريم دكتور معز لود الأمين عبر سلسلة مقالات ما توخّى فيها الصدق، فيها تحامل واضح على ود الأمين ولا تخلو من الغرض الغير معلوم لدينا.

[همس الشوق]

وا أسفي عليك يا فنانا الغالي محمد الامين

لا يكون رد الجميل لفنان مثل أبو الامين بهذه الإيهانة وتبرير أفعاله بي مؤتمرات صحيفة .. ولكن انت في السودان وكل شي بيهون .. لو كنت في دولة تاني كان مكتبك اقام دعوى إشانة سمعة .. لكن الله في
وسير سير وتفضل إنت الكبير يا أبو اللمين

ومشتاقة ليك يا جميل يا رائع