نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتــــدي التوثيق > ارشيف ضيف على مائدة سودانيات

إضافة رد
 
أدوات الموضوع انواع عرض الموضوع
قديم 15-09-2010, 03:52 PM   #[16]
زول الله
:: كــاتب نشــط::
الصورة الرمزية زول الله
 
افتراضي

ابواماني كيفنك وعساك فاين وان شاءالله من العايدين الفائزين ياخ

* من عادات الاعتقال ان يراجع الفرد احواله السابقة واحوال من هم حوله ويستخلص النتائج
ابواماني كان معتقلاً بواسطة إدارة المنتدى الى ان فك الله أسره قبل العيد
في ياتو حتة حسيت انك كنت خطأ ووين كنت صاح ورأيك في قرار ايقافك؟؟

* كيف كان ابواماني يمرر رأيه الى سودانيات وبأي وسيلة ؟؟

* متى يحس ابواماني بالوحدة وماعلاجها عنده؟

* خطأ فادح ارتكبته ولم تتراجع عنه وتحملت النتائج ؟

* لديك اسلوب قصصي وحس صحافي مشوق وملفت , هل فكرت في دخول مجال الصحافة ؟



سخن بي ديل لحدما اجيك صادي












اقول قولي هذا واستغفر الله لي ....................





التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 15-09-2010, 04:37 PM   #[17]
أبو أماني
:: كــاتب نشــط::
 
Thumbs up الحبيب ود الطاهر .. والله مشتاق ليك ..

اقتباس:
المشاركة الأصلية كتبت بواسطة معتصم الطاهر مشاهدة المشاركة


لماذا لم تعد تكتب فى غبر هذا البوست ..؟





زول زعلان
ماتزعل من حبيبك يا زول..وزعلك ما بنطقيه يا الساكن بعيد .. يحرق في قلوبنا ونيرانه بتزيد دايرنك حدانا يوم داك يبقى عيد .. هان عليك فراقنا .. ونحن ليك بنريد .. تحياتي لك ولأسرتك الرائعة حد الدهشة .. وكيف بنتنا الأستاذة إنشاء الله تمام التمام وكذلك قوت القلوب وقول ليها يا قوت القلوب ما أسباب الفجوة الغذائية هذه الأيام !!

أراك قريتني كتاب مفتوح وحسيت بوجعتي وسؤالك يشى بذلك .. حقيقي لسع ما قدرت أواكب زي زمان ..وشعرة جلدي ما إنطلقت .. ما عارف ليه .. والله يا المعتصم الموضوع ده داخل على دخلة شديدة بلحيل , وبحاول إجتثاث هذا الشعور .. يعني في النهاية خاطركم عندى كان أهم من كل مواقفى .. وآي ثينك إت إز أ ماتر أوف تايم .. قول يا لطيف .. يلا تشششاااووو



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 15-09-2010, 04:44 PM   #[18]
أبو أماني
:: كــاتب نشــط::
 
Thumbs up أهلا بالعثل البينقط ..جيجي عام سعيد ..!

اقتباس:
المشاركة الأصلية كتبت بواسطة جيجي مشاهدة المشاركة
معليش يا ابو اماني
بث والله اناكنت مافي وعندي سؤال لابد منه لزول الله
زول الله وذاك التناقض
ود الشيوخ....الغناي
الرقيق البناغي مشاعر البنيات وبعرض وسطهم....وهو شايل سكينه
البيعقل رجله ويمدها حسب الظروف
البيحمل لزميلاته الهدايا ويبكيهن
البيغني في رمضان ويحجر على الناس حق القراية
يا أخي إنتي تدخلي أي مكان وفي أي وكت .. وكان ما عارفة إنك داخلة قلوبنا وساكنه فيها كمان يبقى لازم تعرفي..! بعدين دخلتك عسل سااااكت .. يا أخي أنا والله أي زرزرة لزول الله ده بتكيفني .. ومداخلتك جات في التنك .. خصوصا بعد قريت رده ليك الكب فيو الزوغة بكل ديبلوماسية .. يطول عمرك يمه .. يلا تشششااااوووو



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 15-09-2010, 04:54 PM   #[19]
أبو أماني
:: كــاتب نشــط::
 
Thumbs up الحبيب تكعيب .. بوكو الختري .. فقري وبتنوم بدري ..!

اقتباس:
المشاركة الأصلية كتبت بواسطة بابكر مخير مشاهدة المشاركة
ما حاتداخل حسي
بستنآ لمن الشربوت يتخمر وأقدمه في كونوش أو كباية كريستال غاليييييييية
لي أبو أماني وهو يتسبك في نار هاااااااادية.....
والحبيب يكون طشم وإنطبخ..
بجي عشان أمد يد العون لي حبيب
أنتشله من لهيب الاسئلة
الي دوحة العطف والمحبة..
الزول دآ يا زول الله
SO SOFT
بشيشكم عليهو...
هش بنكسر "عود العشر"
ناشف بنهرس "فتريتآ"
رجاااااااااااااافة "قصبآ"
أبعدوا منهو البيلي، ما هو ضراب كورية..
بفرطق،
الحاجات الحلوة...
بيمطق ..
النواعم، ما عندو معاها مشكلة..
لأنه!!
ما بهبش.
خلوهو براهو!؟
ما هو؟؟؟
لا بهش، لا بنش

حبيييييييييبييييييييي يا أبو اماني..
شيل شيلتك يا بتاع المقالب..
مقلبوك؟؟؟؟؟؟؟؟؟؟؟؟
هم أصلا تلاتة أنفار .. البعمل ليهم ألف حساب .. أولهم إنت ..والخواجة الليمبي وناجي ولدي آخر العنقود .. يا أخي والله العظيم لما تتكلم عني بحس إني أنا بقرأ كلام بتاعي أنا عن نفسي علما بأننا لم نسعد باللقاء الحي حتى الآن .. وأخد بال حضرتك يا بيه ؟؟؟
أجمل حاجة عجبتني بلحيل قولة خلوهو براهو .. ما هو .. لا بيهش لا بينش.. دي غايتو تكون عملت ليها دفرة من فتحي مسعد سمسمية من نوع أبو كديس ..أما تحذيرك الأخير فقد جاء يشبه الشماتة يا مفتري .. جاي تقول لي مقلبوك بعد الفأس ما وقع فوق الرأس .. غايتو خووتكم يا أحفاد بابكر بدري ..أخير منها خوة الليمبي ...



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 15-09-2010, 05:14 PM   #[20]
أبو أماني
:: كــاتب نشــط::
 
Thumbs up العزيزة الغالية حماتي مرافي الشوق..شقيقة (همس الشوق)

اقتباس:
المشاركة الأصلية كتبت بواسطة مرافي مشاهدة المشاركة
العزيز ابواماني

تحية معتقة

الكلام عن زوجتك عجبني شديد وقبل كل شيء مرحباً بالعودة

وان شاء الله طويل عمر يابا

ايه الاشراق دا كلو نورت المنتدى...

سؤالي..؟؟؟

تتمتع بمهارة عالية في الكتابة كنت احسب انك صحفي وليس اداري...

فهل مارست الصحافة وطرقت هذا الدرب يوماً ولوبالمراسلة.ففيك كل ميزات الصحفي؟؟؟

تحياتي للاسرة وكل عام وانت بالف خير..
أقسم بالله العظيم إنتي يا مرافي من بين الناس العشان خاطرهم أنا أسقطت موقف مبدئي لآول مرة في حياتي .. يا بت إتي وين؟ والله شوقنا ليك بحر .. بحر شنو قولي (أوشن) عدييييل كدي تحياتي الحارة لك ولأسرتك الكريمة ..حفظهم الله وعيد مبارك بس ما يكونش شقيق حسني مبارك والسنة دي تحققي كل أمنياتك بما فيها زواجى الميمون من ست العفاف والصون شقيقتكم الأمورة همس الشوق .. وعلى فكرة أنا خلاص باقي لي شوية تشطيبات في الفيلا وسفرة صغنونة المانيا أعمل فيها شوية ديكورات لمحتويات الفم والكضوم وتزريع حاجات كده والموضوع يتم بإذن الله بس عليك الله ما تقولي الخبر ده .. عشان ما تعمل في روحها حاجة .. يا حبة عيني .. وعلى قول سمراء يطراها الله بالخير .. خير شنو؟ بالعريس إنشاء الله .. الللللللول ..

أما موضوع الكتابة .. فعمك خريج كلية الآداب .. تخصص أدب إنجليزي .. رغم إنو المظر طنق في غضب الله .. غايتو بحب الكتابة والقرأة من الإبتدائي وليوم الليلة وأظن ده السبب .. فيما ذهبتي إليه .. أما الصحافة والإعلام فهما عشقي الأزلي وبكتب في الصحف في مختلف المواضيع من سنة ستين .. بديتها بمقال كتبته عن صديق عزيز على إسمه إبن عنقر حفظه الله تسبب في حبسي 24 ساعة (ولأول مرة وآخر مرة في حياتي) المشكلة إنني بكتب كهاو أو متعاون .. مواضيع متناثرة ومتواترة .. ولا أستطيع كتابة عمود صحافي أو إمتهان الحرفة لعدم حصولي أو محاولة حصولي على قيد صحافي .. يعني مجرد كسل .. شفت العمر إتقدم وقلت إت إز توووو ليييييت ..

أخيرا تحياتي بالمقابل لأسرتك ..ودمتي بخير يا أعز الناس .. بس ما تنقطعي .. تلقيني دايمن بي جاي .. يلا تشششااااوووو



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 15-09-2010, 05:48 PM   #[21]
أبو أماني
:: كــاتب نشــط::
 
Thumbs up زول الله هوووووي أخير لك تختاني ..!!!

اقتباس:
المشاركة الأصلية كتبت بواسطة زول الله مشاهدة المشاركة
ابواماني كيفنك وعساك فاين وان شاءالله من العايدين الفائزين ياخ

* من عادات الاعتقال ان يراجع الفرد احواله السابقة واحوال من هم حوله ويستخلص النتائج
ابواماني كان معتقلاً بواسطة إدارة المنتدى الى ان فك الله أسره قبل العيد
في ياتو حتة حسيت انك كنت خطأ ووين كنت صاح ورأيك في قرار ايقافك؟؟

* كيف كان ابواماني يمرر رأيه الى سودانيات وبأي وسيلة ؟؟

* متى يحس ابواماني بالوحدة وماعلاجها عنده؟

* خطأ فادح ارتكبته ولم تتراجع عنه وتحملت النتائج ؟

* لديك اسلوب قصصي وحس صحافي مشوق وملفت , هل فكرت في دخول مجال الصحافة ؟

سخن بي ديل لحدما اجيك صادي


اقول قولي هذا واستغفر الله لي ....................


ابواماني كان معتقلاً بواسطة إدارة المنتدى الى ان فك الله أسره قبل العيد
في ياتو حتة حسيت انك كنت خطأ ووين كنت صاح ورأيك في قرار ايقافك؟؟


* أولا أنا لا أسميه إعتقالا بل هو إمتهان لحرية عضو بالمنتدي بدون وجه حق .. وهذا ما أثار الدماء بالعروق .. خاصة وقد كنت أتوقع أن أسمع كلمة شكر وتقدير .. المؤسف بحثت بشده عن وجود أقل خطأ استحق عليه ما حدث فلم أجد بكل أسف سوي .. إنضوائي تحت لواء إدارة تحكم بهذه الشاكلة .. زول الله سكر على الموضوع ده الله يخليك .. نشوف السوعال التاني.

* كنت (بل لازلت) أمرر رائي عبر سودانيات (بكل عفوية وبلا تخطيط مسبق )!.

* أحس بالوحدة القاتلة تخنقني عندما أكون بين أناس لايحسنون الحوار ..أو النقاش .. وفي كثير من الأوقات أهرب من وحدتي هذه علنا عندما يكون الطرف الآخر من النوع التجم .. يعني النوع داك اللو ما بادرت إنت بالكلام .. كان قعدت معاو يومين ما يفتح خشمو.. يا أخي ده بيعمل لي قرحة عديييل كدي ...

* الخطأ الفادح الذي إرتكبته ولم أتراجع عنه وتحملت كل نتائجه .. كنت في السادسة عشر من العمر وكنت مغرم بقيادة السيارات (تعلمجي) وقد حذرني الوالد رحمه الله تحذيرا شديد اللهجة من محاولة قيادة سيارته بدون علمه أو وجوده ( الراجل الله يرحمه كان مبرمج تعليمي القيادة بصورة مهنية وعدة مرات قام بتمريني) بس اليوم داك منظر الوالد نائم نوما عميقا والمفتاح في الطاولة .. والسيارة تغمز لي بفانوسها الشمال .. ما قدرت أقاوم وقلت أسوقها وتوقد نار تصبح رماد وخلى الوالد يعمل العاوزو ..وبالفعل..كان عندي جكسوية قريبتنا كت مكسر ..هي قصدي كانت مكسرة فوقي .. سقت السيارة ورحت أخدتها من جمب مدرستهم ومعاها ثلاثة صاحباتها ..وعملت جنتلمان إشتريت ليهم آيس كريم .. ولما رجعت السيارة كان الوالد مازال نائما .. بس السيارة الحق لله كانت دخاخينها تقول يا غربتي .. وإتضح لاحقا إنها سيحت سبيكة .. أخذت علقة .. وأخذ والدي رحمه الله علقة أخري حيث باع السيارة برماد القروش .. المصيبة يا زول .. عملت عملتي دي بإصرار وبعد دراسة كل العواقب والإحتمالات عليك الرسول ما فعلن الجهل نصيبة ؟؟!

* نعم دخلت مجال الصحافة والميديا المقرؤة .. بس ما بصورة رسمية (متعاون) لعدم حصولي على القيد الصحافي أو محاولة الحصول عليه... شكرا على التقريظ ..

* سخن بي ديل لحدما اجيك صادي
يسخن شحمك ولحمك يا يابا ... يلاتشششااااوووو



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 15-09-2010, 09:26 PM   #[22]
زول الله
:: كــاتب نشــط::
الصورة الرمزية زول الله
 
افتراضي

اعصابك ياخ ..خليك ريلاكس عشان نقدر نشوت ليك حاجة حاجتين تاني وكدا

طبعاً بعد إهداء السطور الأولى من إجابتك لإدارة المنتدى ومن لف لفهم نخش في الموضوع:

* بعد الانفصال -إذا حدث- نظرة أغلب الشماليين هي أن الجنوبيين غير مؤهلين لقيادة دولة ..رأيك؟

* قبل الزواج يردم الواحد خطيبته بكل انواع الدفاع عن حقوق المرأة والمساواة وما إلى ذلك
ثم بعد الزواج يرى أن أصلح مكان لها هو البيت ... لماذا وما رأيك ؟؟

* يقولون ان الغربة ضياع إجتماعي وفقدان هوية .. رأيك؟؟


ديل للتسلية كدا باقي الليل دا وبجيك تاني











اقول قولي هذا واستغفر الله لي ................




التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 16-09-2010, 08:22 AM   #[23]
جانيت
:: كــاتب نشــط::
الصورة الرمزية جانيت
 
افتراضي

ابوي انا وابو اماني كل سنة وانت بالف خير

ياخ والله لخمني من البوست ده الشديد القوي غلبة العيد

وبعد العيد استشهدنا في سبيل المرض


يلا حاجيك بي رواقة وعندي ليك سوعااااااااااااال واحد بث
خليني النجمعو كويث عشان تجاوبني كويث



التوقيع: عشان القاك
جانيت غير متصل   رد مع اقتباس
قديم 16-09-2010, 08:49 AM   #[24]
رأفت ميلاد
:: كــاتب نشــط::
الصورة الرمزية رأفت ميلاد
 
افتراضي

سلامات يا أبو أمانى

كل سنة وأنت طيب والأولاد وأمهم بخير

هو سؤال واحد مافى غيره .. مشتاقين ياخ



التوقيع: رأفت ميلاد

سـنمضى فى هذا الدرب مهما كان الثمن

الشـهيد سـليمان ميلاد
رأفت ميلاد غير متصل   رد مع اقتباس
قديم 16-09-2010, 10:09 AM   #[25]
جانيت
:: كــاتب نشــط::
الصورة الرمزية جانيت
 
افتراضي

اقتباس:
المشاركة الأصلية كتبت بواسطة رأفت ميلاد مشاهدة المشاركة
سلامات يا أبو أمانى

كل سنة وأنت طيب والأولاد وأمهم بخير

هو سؤال واحد مافى غيره .. مشتاقين ياخ
السؤال ماعندك يا عباس



التوقيع: عشان القاك
جانيت غير متصل   رد مع اقتباس
قديم 16-09-2010, 05:23 PM   #[26]
أبو أماني
:: كــاتب نشــط::
 
Thumbs up زول الله .. الله يكافيني شرك .. إت طلعت لي من وين ؟؟

اقتباس:
المشاركة الأصلية كتبت بواسطة زول الله مشاهدة المشاركة
اعصابك ياخ ..خليك ريلاكس عشان نقدر نشوت ليك حاجة حاجتين تاني وكدا
طبعاً بعد إهداء السطور الأولى من إجابتك لإدارة المنتدى ومن لف لفهم نخش في الموضوع:
* بعد الانفصال -إذا حدث- نظرة أغلب الشماليين هي أن الجنوبيين غير مؤهلين لقيادة دولة ..رأيك؟
* قبل الزواج يردم الواحد خطيبته بكل انواع الدفاع عن حقوق المرأة والمساواة وما إلى ذلك
ثم بعد الزواج يرى أن أصلح مكان لها هو البيت ... لماذا وما رأيك ؟؟
* يقولون ان الغربة ضياع إجتماعي وفقدان هوية .. رأيك؟؟
ديل للتسلية كدا باقي الليل دا وبجيك تاني

اقول قولي هذا واستغفر الله لي ................
[color=0000FF]* اعصابك ياخ ..خليك ريلاكس عشان نقدر نشوت ليك حاجة حاجتين تاني وكدا
طبعاً بعد إهداء السطور الأولى من إجابتك لإدارة المنتدى ومن لف لفهم!!

- هو إنت خليت فيها أعصاب يا زول الله يا أخوي .. غايتو النمشى وراك نشوف آخرتها زماااان حبوبتي رحمها الله قالت لي قولة بس ما تزعل منها .. قالت لي يا عابدين ياولدي البباري الجداد بوديهو الكوشة .. (قلت ليك ما تزعل من كلمتي دي لأني لقيتها مدردقة وفي التمانيات على طول .. زي ما دردقتني قبال كده وحولتني من مضيف لضيف).. ودردقتني تاني مرة وإنت عارف محل وجعى وين ودودرتني .. وحولت ال case بتاعي لمجلس الإدارة وهم الشكية لي الله .. على الهبشة .. ما صدقوا خبر تاني يوم طوووالي شاتو ليك فرمان قدر الليلة وباكر .. ما قالوا أبو أماني مباشرة كده ولا فلان ولا علان لاكين (إن دايركت كدي) .. اللبيب بالإشارة يفهم .. وأنا أطال الله عمرك نكاية في البشرية جمعأ .. بعتقد إني لبيب .. يلا.. يا زول خلينا نشوف أخرتها وحررررم ما بتردد في أي سوعال تسعلني ليو وبقول الفي قلبي طووووالي وزي ماقالت حبوبتي سالفة الذكر .. محل رهيفة ينــقد!..إنقليزي ده يا مرسي؟!.
- - -
* بعد الانفصال -إذا حدث- نظرة أغلب الشماليين هي أن الجنوبيين غير مؤهلين لقيادة دولة ..رأيك؟
- نظرة خاطيئة مية المية .. فمن الجنوبيين شباب مؤهلين ومثقفين أكثر من أتخن شمالي أما الإنفصال في حد ذاته فهو مرفوض من كل الوان الطيف السوداني شمالا وجنوبا ما عدى القلة وبعض قوى الظلام العالمي الجديد .. من ينتهجوا منذ عهد الإستعمار سياسة فرق تسد ..وهذا هو السيناريو البنتاغوني .. والكينيستي المعد للسودان حتى ينالوا مرماهم .. رأي إن الإنفصال الله لا قدر له أن يحدث .. لو حدث سيكون .. كارثة حقيقية ألمت بنا كسودانيين .. اللهم نسألك اللطف..
- - -
* قبل الزواج يردم الواحد خطيبته بكل انواع الدفاع عن حقوق المرأة والمساواة وما إلى ذلك ثم بعد الزواج يرى أن أصلح مكان لها هو البيت ... لماذا وما رأيك ؟؟
- بإختصار شديد يحدث هذا الأمر مع أغلب الرجال (السودانيين) ومهما بلغوا باعا من الإستنارة والتعليم .. لسبب بسييييط جدن .. وهو إننا في الأصل سودانيين حتى النخاع الشوكي ومتلفحين بتوب معار من الحضارة والرقى والتشبه بالحضارات المكتسبة .. أيام الخطوبة تكون على قناعة تامة بأنك ماعندك مانع من عمل الزوجة وده حق طبيعى وبعد الزوج تستقيظ شخصية هارون الرشيد .. وتنشط عقلية البلاط فيتمرد (سي سيد) على فلسفة مستر حضارة.. ألم تلاحظ يا زول الله إنك معظم الوقت تتصرف بكل دماثة ولياقة ورقة وظرف مع كل وكافة بنات حواء ما عدى زوجتك ؟؟.. ما تكضب سااااكت .. والله في الهينة والقاسية تديها في (التنك) على طول لكين لو واحدة تانية .. تقعد تتسحسح .. وهئ هئ هئ .. ومعليش .. وبيحصل .. وتخلق لها كل الأعذار المنطقية وال..لامنطقية!..هوووي يا نسوان والله ولا تحريش ولا حاجة.. دي حقيقة!
- - -
* يقولون ان الغربة ضياع إجتماعي وفقدان هوية .. رأيك؟؟
- كلام مغلوط مية المية .. الغربة صقل للشخصية وإكتساب خبرات .. وإحتكاك بحضارات أخري .. الغربة جامعة غير رسمية تعقد سيمستراتها في الشارع العام والمكتب والبيت خارج نطاق المليون ميل مربع .. والمثل بيقول أسأل مجرب .. صدقني يا زول الله الشخص الماثل أمامك حاليا .. هذا المأفون أبو أماني .. كان قبل مرحلة الإغتراب .. شخصية عادية خالص يعني مجرد شخص والسلام .. لم أكن مؤثرا بحضوري في المجتمعات والمحافل أو ملفت للنظر وشعرت بتغيير كامل شامل طرأ على شخصيتي بعد سنين الإغتراب ..
- - -
* ديل للتسلية كدا باقي الليل دا وبجيك تاني
- إنشاء الله تجيك (الكشة) بكسر الكاف .. ولا أسأل عن معناها .. يلا تشششاااوووو
[/color]



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 16-09-2010, 06:32 PM   #[27]
جيجي
:: كــاتب نشــط::
 
افتراضي

اقتباس:
المشاركة الأصلية كتبت بواسطة أبو أماني مشاهدة المشاركة
يا أخي إنتي تدخلي أي مكان وفي أي وكت .. وكان ما عارفة إنك داخلة قلوبنا وساكنه فيها كمان يبقى لازم تعرفي..! بعدين دخلتك عسل سااااكت .. يا أخي أنا والله أي زرزرة لزول الله ده بتكيفني .. ومداخلتك جات في التنك .. خصوصا بعد قريت رده ليك الكب فيو الزوغة بكل ديبلوماسية .. يطول عمرك يمه .. يلا تشششااااوووو
شكرا لكلماتك الجميلات والمحبة موصولة لك
واما زول الله يكفي انه فهم الرسالة

ابو اماني
ماهو السؤال الذي تمنيت يطرح عليك ولميحدث؟



جيجي غير متصل   رد مع اقتباس
قديم 16-09-2010, 06:38 PM   #[28]
أبو أماني
:: كــاتب نشــط::
 
Thumbs up الدكتورة الرائعة حد الذهول .. جانييت ..!!

اقتباس:
المشاركة الأصلية كتبت بواسطة جانيت مشاهدة المشاركة
ابوي انا وابو اماني كل سنة وانت بالف خير

ياخ والله لخمني من البوست ده الشديد القوي غلبة العيد

وبعد العيد استشهدنا في سبيل المرض


يلا حاجيك بي رواقة وعندي ليك سوعااااااااااااال واحد بث
خليني النجمعو كويث عشان تجاوبني كويث
ألف مليون مليار سلامتك يا ست الحسن والجمال والظرف والكياسة والأدب .. وين يا ستهن وما تسأليني هن ياتون؟؟ عليك الله ما تحرمينا من طلاتك الرائعة ديك ومهابشاتك الظريفة ديك وخلي البوست يلعلط كدي .. وجيبي لي ضرتك الشهيرة .. عبعزيز .. ومن لف لفه ممن يتطاولون ويتشابون لهامات الكواكب والنجوم السوامق زي ناس جانيت.. وطالما عادوا ينتعلون خفي حنين ويرددون وراء فنان السودان الأول وردي .. و.. و.. وقبضت الريييييييييييح .. جانيت كلمتك في البداية وموضعك شقيقة لأماني .. قلادة في صدري .. لكي كل الحب والتقدير .. وعظيم الأمنيات الأبوية بأن يسعدك ويوفقك ويحقق ليك كل أمنياتك .. يلا .. تشششاااوووو



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 16-09-2010, 06:45 PM   #[29]
أبو أماني
:: كــاتب نشــط::
 
Thumbs up رأفت ميلاد .. الساكن جوانا .. الليلة جاءنا .. مرحب!

اقتباس:
المشاركة الأصلية كتبت بواسطة رأفت ميلاد مشاهدة المشاركة
سلامات يا أبو أمانى

كل سنة وأنت طيب والأولاد وأمهم بخير

هو سؤال واحد مافى غيره .. مشتاقين ياخ
والله يا روفي وقسما بالمسيح ومحمد .. أحبك بكل صدق ومن كل قلبي وبدون أدني سبب ظاهر يعني كان جينا لخلقتك ما فيها حوافز غير البسمة الرائعة الجانبية دي .. وكان جينا للون البشرة أهو شووووية كدي وتبقى أبو أماني .. وأنا ظاااطي مستغرب كيف اولاد المصارين البييض يطلعوا زرق زي ناس (قريعتي راحت ديل) .. أحمد زين ما تحمر لي .. ماقاصدك والله .. عموما يا روفي يا الحبيب طلتك .. طلة وردة من السور ونغمة تناغي من طمبور .. وجمال الفال وراحة البال وهجعة زول بعد ترحال .. عليك الله بطل تقل وغياب بدون أسباب .. ونحن ديمة في رجاك يا الخزين .. عيد سعيد ومبارك وتحياتي لأسرتك الكريمة فرضا فرضا .. يلا تشششاااوووو



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 16-09-2010, 06:48 PM   #[30]
أبو أماني
:: كــاتب نشــط::
 
Thumbs up جانيييت بطلي شلاقة .. !!!

اقتباس:
المشاركة الأصلية كتبت بواسطة جانيت مشاهدة المشاركة
السؤال ماعندك يا عباس
عباس ده خليو يا جانيت .. ده (سييم) بيناتنا .. وأهو حنجاوب عليه .. والله مهما بلغ شوقك ما بيحصل واحد على ألف من شوقي ليك .. ياود إت عامل لي عمل ولا شنو ؟؟؟



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:56 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.