عـِيـَنْ الخريف

[شبارقة]

المشاركة الأصلية كتبت بواسطة شبارقة

الخريف على الأبواب .. والخريف وما أدراك ما الخريف لكل أهلنا في السودان من جميع سهول وبوادي البطانة في شرق ووسط السودان إلى بوادي كردفان ودارفور ... إلخ

أن أطرح المعلومات بشكل مغاير لا يخلو من السمبر وبعض الرباعيات والدوبيت (مع الترجمة) وبعض المعلومات البيولوجية الحياتية المربوطة بالخريف من عشق وشبق وتكاثر وبعض من الكلام الدقاقة .

ريحة الأرض والتراب والطين ممزوجة برذاذ المطر والدعاش والهمبريب بترفع من وتيرة التزاوج في كل الحيوانات بما فيها أرقاها (الإنسان) وكانت إحتفالات الزواج تتم غالبا ً في زمن الرشاش (قبل الضراع مباشرة) .. معظم بيوت المتزوجين في الحـِلة (وبالذات ليلا ً) زي الكمائن مع إختلاف الرائحة وبعد الخريف بسبعة تمانية شهور تزداد نسبة السمايات في الحـِلة

[شبارقة]

المشاركة الأصلية كتبت بواسطة شبارقة

وكانت إحتفالات الزواج تتم غالبا ً في زمن الرشاش (قبل الضراع مباشرة)

مطر الرشاش .. ورحم الله صديق عباس

https://www.youtube.com/watch?v=uX8jhP0NuXw

[شبارقة]

الطرفة
ياحن الخريف مطرك كتيـــــــر عامينا
فرحـــــت البلد بي بكاكي حانه علينـــا
الطرفه أدينا صبنه نجهز نكون حشينا
إنطرب الجميع يملى الصياح وادينــــا


الجبهة
الجبهة أم سواري أصلك كريمة أجواده
زينت السماء بي سحابك اللتنــــــــادى
أخفيتي النجوم الكانت قبيل وقـــــــــاده
وفي تلت الليالي أخرقتي فينا العـــــاده

[خالد غالي]

الليلة يوم 9 ياجماعة
اها خريف ولا صيف؟

شكلو اسدكم ده ضراعو ضراع كديس السنة دي

[شبارقة]

المشاركة الأصلية كتبت بواسطة خالد غالي

الليلة يوم 9 ياجماعة
اها خريف ولا صيف؟

شكلو اسدكم ده ضراعو ضراع كديس السنة دي

إن صح خريف وإن بطل صيف

لسه باقي .. لغاية يوم 7/21 .. إن شاء الله يصح ... عشان عيون أطفالنا ما تضوق الهزيمة.

[شبارقة]

البـَرَد وما أدراك ما البـَرَد .. زمااان وقبل الناس يعرفوا التلج كان البـَرَد بالنسبة لهم متعة وكان الصغار يجمعونه ويستمتعون بقرقشته .. هو حبات التلج الصغيرة التي تتساقط أثناء المطر وهي غالبا ً تكون في عـِينة الخيرسان كما الصواعق.

[شبارقة]

المشاركة الأصلية كتبت بواسطة حافظ حسين

با خي أخوك فلاح بالفطرة ساي و كنت بعرف الهوا و البرق البجيب المطرة
بعرف مطر البخات الكبا و فات

البخت هو الحظ وجات منها بخيت (محظوظ) وجمعها بـُخات

مطر البـُخات (مطر الناس المحظوظين وهو مطر آخر الخريف) هو مطر متفرق ممكن يصب في بلاد جارنا وما يصب في بلادنا وممكن يصب في نص بلادنا وما يصب في النصف التاني وهكذا .. أها هناك بعض المزارعين يكون محتاج ليهو لمطرة مطرتين فقط لإنجاح زراعتو .. ويكون محظوظ لو غِشاهو مطر البُخات .

[حافظ حسين]

المشاركة الأصلية كتبت بواسطة شبارقة

البـَرَد وما أدراك ما البـَرَد .. زمااان وقبل الناس يعرفوا التلج كان البـَرَد بالنسبة لهم متعة وكان الصغار يجمعونه ويستمتعون بقرقشته .. هو حبات التلج الصغيرة التي تتساقط أثناء المطر وهي غالبا ً تكون في عـِينة الخيرسان كما الصواعق.

لا حولا ااااااااا يا شبارقة انت ساكن في حلتنا البرد بتعرفو

[شبارقة]

المشاركة الأصلية كتبت بواسطة شبارقة

البـَرَد وما أدراك ما البـَرَد ..

المشاركة الأصلية كتبت بواسطة حافظ حسين

لا حولا ااااااااا يا شبارقة انت ساكن في حلتنا البرد بتعرفو

يحكي أهلنا في الحلة يا حافظ إنو في خمسينيات القرن الماضي نزل عندهم بـَرَد عجيب وبأحجام كبيرة .. غطى كل الشوارع والبيوت والرواكيب .. كان مهرجان.

حاجة كده زي الفيديو ده :

https://www.youtube.com/watch?v=9gu9aCDCLE4

[شبارقة]

زماان كنا بنقول : كان جا الخريف اللواري بتقيف ..

لكن الزمن ده بقت ما بتقيف .. بسبب الطرق المعبدة .. ولكن في غير المعبدة هناك بعض المعاناة التي لا تخلو من المتعة...

https://www.youtube.com/watch?v=seFnb-0fNCY