...... ليــــــــــس..إلاّ....

[هيثم علي الشفيع]

المشاركة الأصلية كتبت بواسطة Sana Mursi

هيثم انا راجيه تتم القصه الجميله دي والله وباستمتاع. لكن مسكينه ساره كانت تاكلها في حنانها وتسكت.

سناء كيفنك؟؟؟

حين كتبت هذا العمل كان ضمن أهدافي أن أفتح فضاءات التأويل والخيال عند المتلقى كأوسع ما يكون..
وأظن -وليس كل الظن إثم- أن مداخلتك هذه تصب في خانة أني نجحت في هذا الأمر

المهم :
بيدك أنت وبقية القرّاء أية تفاصيل قد تكون غائبة عن النص..


{أنا خلاس .....حدّي وقف هنا}


عظيم مودتي والتقدير

[هيثم علي الشفيع]

نص قديم ......جديد

ولاّ

جديد .........قديم ماعارف

[لحن الحياة]

المشاركة الأصلية كتبت بواسطة هيثم علي الشفيع

(4)


إتفتح نقاش عن الجرأة في العلاقات العاطفية ، وكيف إنو البت السودانية دايماً بتكتفي بي دور رد الفعل فيها ، وكيف إنهن ما عندهن الشجاعة للتعبير عن حاجاتن للناس البيحبوهن ، سيبك من باقي الناس الحواليهن...

موضوع جميل حقاً ، فقط تساؤل ، لماذا يؤخذ على البنت تعبيرها عن الحب ؟
(أعرس لي بت قالت لي بحبك؟؟؟؟)
بعيداً عن سيناريو هذا البوست ، اذا حصل بطريقه اخرى مختلفه تماماً ، الراي شنو؟
هل نقل الشعور الطيب يعد عيباً يمنع الزواج ؟؟؟ وليه؟؟؟ هل هو مؤشر سيئ ؟؟؟ مع لمي التام بانو البت ما بتتشجع تنقل شعورها الا اذا حست بوجود ما يماثله او يقاربه من شعور وليس بالضرورة ان يكون الشعور هو (الحب) بمعناه الكامل ربما كان استلطافاً.


بوست ممتع ويحوي ماده مفيده ويعكس اختلاف وجهات النظر في الموضوع
تحية ليك اخي هيثم

ودي واعزازي

[خالد الأيوبي]

ينصر دينك يا حاجة ياخي ، أنا ما مغترب والله ، لكن الزول المرسلني مغترب وليهو 10 سنة من البلد دي وجاي المرة دي عشان يعرّس............................دعواتك.

والله ســارة مصيبتها عظيمة......
في حكم قانون (التقاليد و الاعراف المتخلفة) هي مجرمة جريمتها (الجرأة) وعقوبتها الإعدام
و في حكم (أم الجنيه) أيضاً مجرمة جريمتها إنها ليست من (الجماعة إياهن) ولا تستحق حريتهن .. و عقوبتها (المؤبد) مع أول عريس لقطة لا تعرفه ولا تحبه..

شكرا هيثم 
.

[هيثم علي الشفيع]

مرحبتين حباب لحن الحياة

وسعيد بمرورك وإفاداتك بخصوص البوست
وأملي أن أراك دائماً وسط ما أكتب

أما بخصوص :

لماذا يؤخذ على البنت تعبيرها عن الحب ؟

هل نقل الشعور الطيب يعد عيباً يمنع الزواج ؟؟؟ وليه؟؟؟

هل هو مؤشر سيئ ؟؟؟

فهذه معضلة معقّدة جداً ، شأنها شأن التركيبة الإجتماعية السودانية
فقد نشأنا على أن البنت نصيبها في مثل هذه الحوارات الخجل وطأطأة الرأس
وما عداه...فهي (قاهرة) و(عينا فارغة)
ومع مرور السنوات وتراجع الآراء الحادة في هذا الأمر ظل العالق بالنفوس أكبر من تجاوزه بالسرعة المفترضة...
يقول لي صديقي:
أنا أعلم أن الجرأة محمودة ومطلوبة أحياناً ، وأن لا غضاضة في تعبير الفتاة عن مشاعرها............لكن...........
لو كنت أحب فتاة وصارحتني -هي- بحبها قبل أن أصارحها أنا فسأفكر ألف مرة قبل الإرتباط بها!!!!!!!!!!!!!!!!

إذاً فجذور المشكلة أعمق من أن تنتزع بسهولة

مع أكيد مودتي والتقدير

[هيثم علي الشفيع]

المشاركة الأصلية كتبت بواسطة خالد الأيوبي

والله ســارة مصيبتها عظيمة......
في حكم قانون (التقاليد و الاعراف المتخلفة) هي مجرمة جريمتها (الجرأة) وعقوبتها الإعدام
و في حكم (أم الجنيه) أيضاً مجرمة جريمتها إنها ليست من (الجماعة إياهن) ولا تستحق حريتهن .. و عقوبتها (المؤبد) مع أول عريس لقطة لا تعرفه ولا تحبه..

شكرا هيثم 
.

يشهد الله يا خالد ما عرفت إني ما رديت على مداخلتك دي إلاّ الليلة!!
ليه؟؟ ما عارف ولا فاهم

المهم:
إعتذاري لتأخري في الرد..
و
شكراً لك أنت لمشاركتنا الحوار عن هذه المعضلة الحقيقة

[هيثم علي الشفيع]

[هيثم علي الشفيع]

المشاركة الأصلية كتبت بواسطة هيثم علي الشفيع

(4)


- هسة عليك الله سكرتيرتكم الإسمها سارة دي نصيييييييييحة زي باقي الناس وما مجنونة؟؟؟
- مالا؟؟؟ عملتْ شنو؟؟؟؟
- ياخي دي بت عجيبة دي..
يوم داك ، ونحن في الفطور ، إتفتح نقاش عن الجرأة في العلاقات العاطفية ، وكيف إنو البت السودانية دايماً بتكتفي بي دور رد الفعل فيها ، وكيف إنهن ما عندهن الشجاعة للتعبير عن حاجاتن للناس البيحبوهن ، سيبك من باقي الناس الحواليهن...
قام عادل قال : هسة في قعدتنا دي كان سألنا الأولاد عاااااااادي جداً الواحد فينا يكلمنا لو كان مرتبط أو لأ ،ولو حكّيناها معاهو ممكن يورينا إسمها منو ذاتو.....لكن البنات فيهن واحدة بتعمل كدة؟؟؟؟
تقوم زولتك تنط وبي تحدي غريب تقول ليهو : آآآآآآآي بيعملن
قال ليها : خليهن البنات.......إنتي بتحبي؟؟؟؟ قالت ليهو : نعم..........قال ليها : منو؟؟؟
قالت ليو : إنت.........
- وقال ليها شنو الناجح؟؟؟
- وحاتك إبتسم زي العوير وسكت زي الصبّت فوقو مطرة ، وباقي الفطور بقى مدنقر وهي تشيل وتعاين ليهو التقول هو البت وهي الراجل..!!!

ليس ..إلآّ