حق الفطور

[خالد الصائغ]

المشاركة الأصلية كتبت بواسطة نبراس السيد الدمرداش

مساء الخير

الحمدلله ربنا سهل ووصلت المنظمه وقابلت المدير فارس النور ابراهيم
بعد الترحيب والتعريف وضحت ليهو الفكره بتاعتنا وهدفنا و امكانياتنا شنو حسب ما موضح من خلال الداعمين بالشير وعددهم ومبلغ الشير طلعت بالاتي:

*اهم حاجتين الالتزام هو سر نجاح المشروع,تانيا لازم حصر الطلاب بالضبط كم لانو في بعض الادارات بيحتالوا بعدد غير حقيقي للطلاب
*افطار طالب واحد طيلة العام الدراسي بيكلف 140ج دا باعتبار الغلاء الفي البلد والبكون اثر على مدخلات الوجبه نفسها
يعني بحسبه بسيطه اذا التزم الجميع بمبلغ الشير 200 شهري دا بخلينا نقدم افطار ل 210 طالب
*وجبة الافطار نفسها ممكن تتنوع ما بين الفول و السلطه و البليله حسب الامكانيات وبكون افضل انها تتنوع

*عدم المجاذفه بجودة الافطار..بمعنى انو لو فكرنا نعمل افطار ونساعد اسره من خلال الزامها بعمل الافطار دا بيأثر على الوجبه فيما بعد..الافضل اما زول من المتطوعين يقوم بتجهيز الافطار والالتزام بتوصيلو او الاتفاق مع البوفيه الفي المدرسه او استقطاب معلمه من المدرسه

*الاتفاق مع ادارة المدرسه على طريقه معينه للاشراف على ضمان وصول الافطار للطلبه المعنيين

*اهم شيء ضمان الاستمراريه يعني الناس ممكن تمر بظروف دا بخلاف المرض و الموت عافاكم الله و طول عمركم فالناس تخت في بالها الحته دي

*مراعاة الحاله النفسية للطلاب ودي ممكن معالجتها بعد حصر الطلاب باعطاء كل طالب كوبون يقدمو لحظة الافطار ويستلم فطورو
*شاهدت ريبورتاج صورتو قناة الجزيره عن مشروع افطار تلميذ وكان شيء مؤثر جدا..بيحكي استاذ سيف انو اثناء التصوير لاحظ مراسل القناه انو في طفله بتاكل وبتدس جزء في طرفها فلما اتكلم معاها قالت ليهو دا لاختي لانو في مدرستهم مافي فطور
نموذج تاني مدرسه في منطقة ودالحوري كانت مغلقه بسبب عدم توفر وجبة الافطار بعد مشروع افطار تلميذ اول سنه رجع للدراسه 85 تلميذ والعام الماضي 152 تقريبا
النماذج دي بتوضح اهمية المشروع دا لمجموعه من الطلاب والاسر الممكن تكون منتظرا اولادها متين يخلصو تعليم ويشيلو حملها

الملفت للنظر انو كل الحالات دي في نطاق ولاية الخرطوم فقط والملفت اكثر انو في مدارس في مناطق زي الرياض والمنشيه و الطائف باعتبارها من الاحياء الراقيه مدارسها الحكوميه بتعاني من تسرب الطلبه بسبب وجبة الافطار لانها ببساطه لا يدرس فيها الا البسطاء

ابدى استاذ سيف الاستعداد للتعاون مع سودانيات مع الاحتفاظ بحقها الادبي
طلب انو في حالة حصل شورت في اي وقت اللجؤ ليهم لانو اصعب شيء انو تنقطع الوجبه اثناء العام
كما سمح بانو نستخدم اي ماده مصوره تابعه للمنظمه نلقاها في كل وسائل الميديا من يوتيوب و فيس بوك وانا استاذنتو في اني انزل تقرير قناة الجزيره في المنتدى

بيشكركم جدا وبتمنى ليكم التوفيق

رؤية نجيضة و في كامل الوضوح

1.من ناحية تنظيم و إدارة المشروع.
2.من ناحية تقدير و ضبط ميزانية المشروع.

شكراً نبراس
الله يديكي العافية

[ناصر يوسف]

المشاركة الأصلية كتبت بواسطة حسين عبدالجليل

يستحسن إعطاء هذا المشروع إسم , و أقترح أسم "سودانيات - خالد الحاج لافطار طالب " أو أي مسمي آخر يحتوي علي إسم عزيزنا "خالد الحاج" .

شكراً نبراس
شكراً فارس النور ابراهيم
شكراً مُجددون
ولا قِدَام يا شباب

الأخ العزيز حسين عبد الجليل ،،،
مقترحك ممتاز وسيبدو أكثر من ممتاز لو أنه إتجه صوب المناداة بقيام
منظمة سودانيات / خالد الحاج المقترحة من قوت طويل
ليتنا نفعلها اليوم ،،، وإن قامت المنظمة فإنها بلا شك ستحمل في داخلها كل مشروعات أهل سودانيات ،،

[خالد الصائغ]

المشاركة الأصلية كتبت بواسطة ناصر يوسف

شكراً نبراس
شكراً فارس النور ابراهيم
شكراً مُجددون
ولا قِدَام يا شباب

الأخ العزيز حسين عبد الجليل ،،،
مقترحك ممتاز وسيبدو أكثر من ممتاز لو أنه إتجه صوب المناداة بقيام
منظمة سودانيات / خالد الحاج المقترحة من قوت طويل
ليتنا نفعلها اليوم ،،، وإن قامت المنظمة فإنها بلا شك ستحمل في داخلها كل مشروعات أهل سودانيات ،،

تمام التمام يا ناصر

[هيثم علي الشفيع]

سلامات لكل الناس الهنا بلا فرز

يا شباب متابع معاكم من "قولة تيت" وبغيب وأرجع وفي بالي إنو الحماس لأي مشروع خيري بيبدأ من فوووووق وشوية شوية الموضوع بيروح في الرجلين -وتجاربي للأسف كثيرة- ، لكن والحمدلله يبدو أن هذه المرة ستكون مختلفة
واصلت التلصص على هذا البوست وأنا أنتظر لي فئة مناسبة -غير المتفرجين- لأكون معها...
إذ أنني ولظروف متفاوتة لا أستطيع أن ألتزم بالمبلغ المحدد للشير ولنفس الظروف لا أستطيع أن ألتزم أن أكون مع المتطوعين ،............وبالتأكيد -وأظنني لست وحدي- لدي الرغبة الأكيدة للمشاركة في هذا العمل العظيم بما استطيع.......

فما رأيكم دام فضلكم؟؟؟؟؟

[هيثم علي الشفيع]

أقترح :

تحديد جهة معينة -وبطريقة معينة "تحويل الرصيد مثلاً"- لإستلام مساهمات غير المضمنين في قوائم "شليل" أعلاه(مادية أو عينية)...

وطبيعي إنو البحر ما بيابا الزيادة

[طارق صديق كانديك]

المشاركة الأصلية كتبت بواسطة نبراس السيد الدمرداش

مساء الخير

الحمدلله ربنا سهل ووصلت المنظمه وقابلت المدير فارس النور ابراهيم
بعد الترحيب والتعريف وضحت ليهو الفكره بتاعتنا وهدفنا و امكانياتنا شنو حسب ما موضح من خلال الداعمين بالشير وعددهم ومبلغ الشير طلعت بالاتي:

*اهم حاجتين الالتزام هو سر نجاح المشروع,تانيا لازم حصر الطلاب بالضبط كم لانو في بعض الادارات بيحتالوا بعدد غير حقيقي للطلاب

*افطار طالب واحد طيلة العام الدراسي بيكلف 140ج دا باعتبار الغلاء الفي البلد والبكون اثر على مدخلات الوجبه نفسها
يعني بحسبه بسيطه اذا التزم الجميع بمبلغ الشير 200 شهري دا بخلينا نقدم افطار ل 210 طالب

*وجبة الافطار نفسها ممكن تتنوع ما بين الفول و السلطه و البليله حسب الامكانيات وبكون افضل انها تتنوع

*عدم المجاذفه بجودة الافطار..بمعنى انو لو فكرنا نعمل افطار ونساعد اسره من خلال الزامها بعمل الافطار دا بيأثر على الوجبه فيما بعد..الافضل اما زول من المتطوعين يقوم بتجهيز الافطار والالتزام بتوصيلو او الاتفاق مع البوفيه الفي المدرسه او استقطاب معلمه من المدرسه

*الاتفاق مع ادارة المدرسه على طريقه معينه للاشراف على ضمان وصول الافطار للطلبه المعنيين

*اهم شيء ضمان الاستمراريه يعني الناس ممكن تمر بظروف دا بخلاف المرض و الموت عافاكم الله و طول عمركم فالناس تخت في بالها الحته دي

*مراعاة الحاله النفسية للطلاب ودي ممكن معالجتها بعد حصر الطلاب باعطاء كل طالب كوبون يقدمو لحظة الافطار ويستلم فطورو

*شاهدت ريبورتاج صورتو قناة الجزيره عن مشروع افطار تلميذ وكان شيء مؤثر جدا..بيحكي استاذ سيف انو اثناء التصوير لاحظ مراسل القناه انو في طفله بتاكل وبتدس جزء في طرفها فلما اتكلم معاها قالت ليهو دا لاختي لانو في مدرستهم مافي فطور
نموذج تاني مدرسه في منطقة ودالحوري كانت مغلقه بسبب عدم توفر وجبة الافطار بعد مشروع افطار تلميذ اول سنه رجع للدراسه 85 تلميذ والعام الماضي 152 تقريبا
النماذج دي بتوضح اهمية المشروع دا لمجموعه من الطلاب والاسر الممكن تكون منتظرا اولادها متين يخلصو تعليم ويشيلو حملها

الملفت للنظر انو كل الحالات دي في نطاق ولاية الخرطوم فقط والملفت اكثر انو في مدارس في مناطق زي الرياض والمنشيه و الطائف باعتبارها من الاحياء الراقيه مدارسها الحكوميه بتعاني من تسرب الطلبه بسبب وجبة الافطار لانها ببساطه لا يدرس فيها الا البسطاء

ابدى استاذ سيف الاستعداد للتعاون مع سودانيات مع الاحتفاظ بحقها الادبي
طلب انو في حالة حصل شورت في اي وقت اللجؤ ليهم لانو اصعب شيء انو تنقطع الوجبه اثناء العام
كما سمح بانو نستخدم اي ماده مصوره تابعه للمنظمه نلقاها في كل وسائل الميديا من يوتيوب و فيس بوك وانا استاذنتو في اني انزل تقرير قناة الجزيره في المنتدى

بيشكركم جدا وبتمنى ليكم التوفيق

تسلمي يا نبراس

ده موجه كبير جدا لجهد الناس

[AMAL]

ياخوانا مجددون ديل شن نفرم !!!!
افتونا
صراحة اتمني ان نعمل مستقلين
عندي تجربة مع بنك الطعاام طلعوا ماسورة
فشنو
خلونا نبتدع تجربنا ونطورا برانا
بنعرف مستوانا
ذلك لايمنع الاستفادة من التجارب الموجودة والناس الخيرين فعلا وحقيقة









ياناصر رجاء اصل ازهري عباس بالاسكلا
يمكنهم توفير الكثير من الدعم للفكرة













ورونا التحويل كيف؟

[نبراس السيد الدمرداش]

المشاركة الأصلية كتبت بواسطة AMAL

ياخوانا مجددون ديل شن نفرم !!!!
افتونا
صراحة اتمني ان نعمل مستقلين
عندي تجربة مع بنك الطعاام طلعوا ماسورة
فشنو
خلونا نبتدع تجربنا ونطورا برانا
بنعرف مستوانا
ذلك لايمنع الاستفادة من التجارب الموجودة والناس الخيرين فعلا وحقيقة
ياناصر رجاء اصل ازهري عباس بالاسكلا
يمكنهم توفير الكثير من الدعم للفكرة
ورونا التحويل كيف؟

بت ابوي الشيخ كيفنك
مجددون منظمه انشأها فارس النور ابراهيم
وهو كان السوداني الوحيد الشارك في برنامج مجددون مع عمرو خالد
تجربتك مع بنك الطعام يمكن صادفت عدم نجاح انا مابدافع عن النمظمه ولا عندي علاقه بيهم اصلا لكن دا ما يمنع انو المنظمه حققت نجاحات و انا اثناء زيارتي قابلت خالات ضمن مشروع جديد في المنظمه اسمو مشروع انسان بيهدف لدعم الاسر بمبالغ بسيطه تتراوح بين 250-500ج وعمل مشاريع صغيره واحده من الخالات بدت بصناعة داندرمه والان بتسدد في اقساط ركشه شهريا مليون دا من 250ج

وهو دا القصد من زيارتي ليهم يا حبيبه
نستفيد من تجارب غيرنا في صناعة تجربه عقباتها واخطاءها اقل

[البديري]

ماشاء الله٠٠ ماشاءالله ٠
حتى شبابنا فى عز انشغالهم بشبابهم وجنون وولع الكوورة ومناكفات هلال مريخ الازلية ٠٠ لم ينسوا ولم يتناسوا ٠٠ اعمال الخير ومد يد العون للمريض والمحتاج٠ آآه يا قادة ويانظام٠٠ ماعاوزين منكم شئ وحسابنا يوم الحساب٠ عفواً اخوانى لهذة الزفرة ولكن اعفص الرابط التحت ، لتجد لتجدوا مجموعة اغلبيتها فى عمر الزهور تمد يد العون

http://forum.kooora.com/f.aspx?t=30429425&pg=1

لو ما جيت من زي ديل..
كان أسفاي وأسفاي وآمأساتي وآذلي.
تصور كيف يكون الحال
لو ما كنت سوداني وأهل الحارة ما أهلي
تصور كيف يكون الحال؟

[عبدالمنعم الطيب حسن]

مجددون بتاعت الساعة كم
وكمان جابت ليها عمرو خالد

شليل حصل الحكاية جاطت خالص
يا جماعة
سودانيات تستلم وتنفذ وتتابع حق الفطور لامن يصل لطفل يحتاج له فعلا
غير كدة ما ينفع
المنظمات دي اختوها
لا نثق فيها ولا في عمرو خالد
نثق فقط في حافظ ومحمد زين ونبراس وناصر يوسف وكل سودانيات

[AMAL]

المشاركة الأصلية كتبت بواسطة نبراس السيد الدمرداش

بت ابوي الشيخ كيفنك
مجددون منظمه انشأها فارس النور ابراهيم
وهو كان السوداني الوحيد الشارك في برنامج مجددون مع عمرو خالد

اهههههاااااا
نيبو يانبراس
عارفاك ياضوة ياهميمة بتكوسي للسمح
بس ابعدينا من الناس ديل
والشغل دا بالمناسبة واضح متي ماتوفر الالتزام والجدية


تسلمي ياحبيبة

[حافظ حسين]

القروش البحوزتي يا شليل مليون و تمنمية و تفاصيلها كالأتي
300 جنيه من أحد قراء سودانيات و التحية لهذا الصديق اينما كان
500 من أحد أعضاء سودانيات
1000 عضوة من سودانيات رفضت الاشارة لإسمها

المبلغ بحوزتي لكن و الله ما بقدر أكون مسئول مالي لكن ممكن أكون مراجع عام

[نبراس السيد الدمرداش]

المشاركة الأصلية كتبت بواسطة عبدالمنعم الطيب حسن

مجددون بتاعت الساعة كم
وكمان جابت ليها عمرو خالد

شليل حصل الحكاية جاطت خالص
يا جماعة
سودانيات تستلم وتنفذ وتتابع حق الفطور لامن يصل لطفل يحتاج له فعلا
غير كدة ما ينفع
المنظمات دي اختوها
لا نثق فيها ولا في عمرو خالد
نثق فقط في حافظ ومحمد زين ونبراس وناصر يوسف وكل سودانيات

المشاركة الأصلية كتبت بواسطة AMAL

اهههههاااااا
نيبو يانبراس
عارفاك ياضوة ياهميمة بتكوسي للسمح
بس ابعدينا من الناس ديل
والشغل دا بالمناسبة واضح متي ماتوفر الالتزام والجدية


تسلمي ياحبيبة

منعم وبت ابوي
كدي براحه اقروا المداخله الانا جيت بيها في الاول
فيها موجهات وحاجات ممكن نستفيد منها
القصد ما تعاون او نشتغل معاهم او من خلالهم
هي بس استفاده من التجربه ما اكثر ولا اقل
يعني لا حيكون عندها علاقه بمجددون ولا عمرو خالد
وحتى ابداء روح المساعده دا شيء ذوقي اظن ممكن اي زول يبديها
وفي النهايه القرار قرار الناس الداعمه للمشروع

انا لما مشيت مشيت بناء على نقاش هنا في البوست

[AMAL]

المشاركة الأصلية كتبت بواسطة نبراس السيد الدمرداش

منعم وبت ابوي
كدي براحه اقروا المداخله الانا جيت بيها في الاول
فيها موجهات وحاجات ممكن نستفيد منها
القصد ما تعاون او نشتغل معاهم او من خلالهم
هي بس استفاده من التجربه ما اكثر ولا اقل
يعني لا حيكون عندها علاقه بمجددون ولا عمرو خالد
وحتى ابداء روح المساعده دا شيء ذوقي اظن ممكن اي زول يبديها
وفي النهايه القرار قرار الناس الداعمه للمشروع

انا لما مشيت مشيت بناء على نقاش هنا في البوست

المداخلتين نزلو سوا
والله عارفنك يانيبو قصدك شريف
لكن صراحة الناس ديل عملو لينا فوبيا عديييل


خلينا نبتدع تجربتنا ونلتزم
شكرانبراس

[حسين عبدالجليل]

المشاركة الأصلية كتبت بواسطة ناصر يوسف

تحية واحترام
أللهمَ أرحم حميد بواسع رحمتك يا أرحم الراحمين

وللمسير فيما ينفع الناس ،،

أقترح:

حافظ حسين
نبراس السيد الدمرداش
د. أحمد محمد زين
مهند الخطيب

فقط دعونا نحاول أن نستيقظ من ألم فراق من أحبَ البسطاء وأنحاز لهم
عليه وعلينا وعليكم الرحمة والمغفرة

المشاركة الأصلية كتبت بواسطة نبراس السيد الدمرداش

منعم وبت ابوي
كدي براحه اقروا المداخله الانا جيت بيها في الاول
فيها موجهات وحاجات ممكن نستفيد منها
القصد ما تعاون او نشتغل معاهم او من خلالهم
هي بس استفاده من التجربه ما اكثر ولا اقل
يعني لا حيكون عندها علاقه بمجددون ولا عمرو خالد
وحتى ابداء روح المساعده دا شيء ذوقي اظن ممكن اي زول يبديها
وفي النهايه القرار قرار الناس الداعمه للمشروع

انا لما مشيت مشيت بناء على نقاش هنا في البوست

شكرا جزيلا لك يانبراس علي مجهودك المقدر في السعي للاستفادة من تجارب الآخرين . وحتي ينجح هذا المشروع الخيري يجب أن نبعد تحيزاتنا السياسية عنه و يكون هدفنا الرئيسي هو اتباع كل مافيه مصلحة الاطفال فقط .

أعتقد أن نجاح المشروع مرتبط بالاسراع في تكوين لجنة قيادة-تسيير له . ناس يديروا المشروع و يتخذوا قرارات و يبدأوا التنفيذ قبل أن تفتر همة الناس , و أوافق ناصر في ترشيحه ل:
1- حافظ حسين
2- نبراس السيد الدمرداش
3- د. أحمد محمد زين
4- مهند الخطيب
و أضيف لهم:
5- ناصر يوسف
6 (و كل من لديه استعداد من الاخوة و الاخوات المقيمين بارض الوطن) .

أيضا يستحسن أن يتم تمثيل المغتربين – في لجنة تسيير هذا المشروع – بواسطة بعض ممن يقيموا في بلاد قريبة للوطن كالسعودية و دول الخليج , و أرشح :
7 - شليل – باعتباره صاحب الفكرة و بصفته زول هميم.
8- ممثل لسودانيات (عكود , النور أو طارق) .

أتمني أن يوافق المرشحون فهذا تكليف وليس بتشريف وان كانوا كلهم/ن يتشرف المرء بمعرفتهم/ن – و يمكن أن يضاف لهم كل من يأنس في نفسه الاستعداد .