وارد مشروع إفطار طالب

[جيجي]

المشاركة الأصلية كتبت بواسطة ناصر يوسف

يلا فوق ،،،
عشان أولاد المدارس ديل
يقدروا يمشوا المدارس
وبــــــــــــــــس

لااااااااا قِدَام

سلام يا ناصر
ياخ انا عندي اقتراح الحقيقة فكرته شفتها في مكان ما ولموضوع اخر لكن احسب انها
قد تخدم هذا الموضوع وموضوع الحقيبة المدرسية بجانب مساهمات الاعضاء
وه مشروع محتاج لعمل لو وافقتوا عليه ممك ن الناس تضع ليه خطة واضحة
وهو مشروع جنيه من كل اسرة في الخرطوم وممكن يطبق على مستوى القطر
وبحساب بسيط جدا لكم ان تقدروا المردود الهائل لهذا المقترح اذا اشتغل عليه مظبوط

[ناصر يوسف]

المشاركة الأصلية كتبت بواسطة جيجي

سلام يا ناصر
ياخ انا عندي اقتراح الحقيقة فكرته شفتها في مكان ما ولموضوع اخر لكن احسب انها
قد تخدم هذا الموضوع وموضوع الحقيبة المدرسية بجانب مساهمات الاعضاء
وه مشروع محتاج لعمل لو وافقتوا عليه ممك ن الناس تضع ليه خطة واضحة
وهو مشروع جنيه من كل اسرة في الخرطوم وممكن يطبق على مستوى القطر
وبحساب بسيط جدا لكم ان تقدروا المردود الهائل لهذا المقترح اذا اشتغل عليه مظبوط

جيجي سلام

هي نعم أنا معاك هي فكرة ممتازة للغاية

لكن بس عاوزانا نطبقها وين بالضبط ؟؟؟
أوع تكوني قاصده هذا الوطن السودان ؟؟؟؟
إيييييييييييييييييييه
ده كان زمان يا جيجي يا أختي كان زماااااااااااااان
زمن النفوس طيبه ونقية ونضيفه ونزيهه
قبال ما يحولونا هؤلاء الـــ أوغاد إلي مسخ قبيح
تعرفي بمجرد ما تجي كمتطوعه ( كمتطووووووووعة ) عشان تجمعي ليك مال إنشاء الله لمسجد الحي
أووووول شئ حيتقال عنك ومن أقرب زول ليك شنو ؟؟؟

لبَّاااااااااااااعَه ،،

عارفه يعني شنو لباعه ؟؟؟

يعني حرامية

حتجمعي ليك مائة ألف وتلبعي منها 90 ألف

ويمكن ده ما تعميم يا أختي ،،، لكنو الشئ الحاصل عند معظم المجتمع بكل أسف

يا حليل عمنا مالك الزاكي وأقرانه ومشروع معهد القرش
جنيه في جنيه بنوا بيه معهد القرش

وحتي في زمن جعفر نميري ( جنيه الكرامه )

جنيه ورا جنيه لرد كرامة السودان رداً علي القذافي يوم أن أساء للسودان وحكومته وشعبه في غابر الأزمان ( ربنا يرحمهم ويغفر ليهم غايتو) مُش أموات ؟؟؟

كدي خلينا هسي في المقام الأول نبدأ بأنفسنا وجيوبنا الفاضية دي ،، شوية شوية ممكن نقدم ما ينفع الناس

ولا شنو ؟؟
بـــــــس وين عاوزانا نطبقها ؟؟؟
في ه

[جيجي]

عارف يا ناصر لو الموضوع اتعمل مثلا كل يوم جمعه نفير في حي وكان مشروع واضح اتعمل ليه يافطات والشباب اتجمعوا في ساحة في الحي وكان واضح للعيان
ما اظن يكون في كلام وكل بيت ما اظن يرفض يساهم بجنيه الممكن يشتروا بيه حلاوة مصاصة لاي شافع فيهم
يمكن زمان الجنيه كان قيمة كبيرة لكن هسه ولا حاجة
بس زي ماقلت جنيه في جنيه يعمل المستحيل وممك ن بالفلوس البتجمع تتعمل اكشاك افطار في المدارس لبيع الفطور للناس البتقدر تشتري ويكون مردودها لافطار الباقين
كدي خلوه كمقترح ونشوف

[ناصر يوسف]

المشاركة الأصلية كتبت بواسطة جيجي

عارف يا ناصر لو الموضوع اتعمل مثلا كل يوم جمعه نفير في حي وكان مشروع واضح اتعمل ليه يافطات والشباب اتجمعوا في ساحة في الحي وكان واضح للعيان
ما اظن يكون في كلام وكل بيت ما اظن يرفض يساهم بجنيه الممكن يشتروا بيه حلاوة مصاصة لاي شافع فيهم

كدي خلوه كمقترح ونشوف

والله أنا بصراحة ربنا لولا خايف من قول الناس
لكنت بديت تنفيذ فكرتك دي أووووول زول

كويس ... مقترح برضو قابل للتداول من قبل الجميع
خصوصاً ناس الداخل قريبين من الأحداث ،،

[ناصر يوسف]

الإخوة والأخوات الكرام هنا
سلام وتحية واحترام

إستلمت مساء الأمس من يد الأخ الحبيب حافظ حسين
مبلغ 730 جنيه سوداني
وهي تبرع كريم من أخت وزميلة كريمة من أوروبا

شكراً ليك يا بت العم ،،،

نبراس في مأمورية خاصة خارج الوطن ،،،
سأقوم بتسليم المبلغ ليد العم السيد الدمرداش ،،،
الدنيا ما معروفه بـــــــس

وفي إنتظار نبراس لتقديم كشف حساب عما تم جمعه حتي الآن ،،،
ولم يتبقي من الإجازة الصيفية كثير ...


ويلا يا شباب لا قدام

[AMAL]

المشاركة الأصلية كتبت بواسطة ناصر يوسف

الإخوة والأخوات الكرام هنا
سلام وتحية واحترام

إستلمت مساء الأمس من يد الأخ الحبيب حافظ حسين
مبلغ 730 جنيه سوداني
وهي تبرع كريم من أخت وزميلة كريمة من أوروبا

بلغوا اشواقنا وقولو سالين منك

[ناصر يوسف]

المشاركة الأصلية كتبت بواسطة AMAL

بلغوا اشواقنا وقولو سالين منك

بلغناه وكلمناه

[حسين عبدالجليل]

المشاركة الأصلية كتبت بواسطة شليل

الأفاضل في اللجنة الماليه : حافظ ، نبراس ، ناصر
تحية طيبه وبعد :
يرجى مشكوراً تعيين مسئول مالي للجنتكم المالية ومن ثم إرفاق ملف إكسل يوضح الوارد ومن أي جهات ( الإشارة لرموز أ/ب في حالة تحفظ الإسم ) والعينات التي تم إستلامها (فول ، بوتجاز ، إلخ )
ولكم مني الشكر أجزله
--
تحياتي للمتداخلين

كلام هام جدا . لأن نجاح و إستدامة المشروع سيعتمد علي شيئين مكملين لبعض :
1- إستمرار تدفق التبرعات .
2- تدوين دقيق بغرض متابعة التبرعات , الوارد , الصادر , و التخطيط للمستقبل . وهنا تأتي أهمية ملف إكسل الذي أشار إليه شليل . أتمني أن يستعان بالفاتح لخبرته في هذا الجانب .

أيضا هل من الممكن الحفاظ علي ملف إكسل مركزي في السيرفر بسودانيات ويمكن للفاتح وبقية أعضاء اللجنة المالية العمل سويا لتحديث الملف الذي سيكون لديهم access له ؟

التنظيم و التركيز علي الهدف هما مفتاح نجاحنا في هذا التحدي الذي يعني الكثير لبعض الاطفال الفقراء وأسرهم .

[ناصر يوسف]

المشاركة الأصلية كتبت بواسطة حسين عبدالجليل

كلام هام جدا . لأن نجاح و إستدامة المشروع سيعتمد علي شيئين مكملين لبعض :
1- إستمرار تدفق التبرعات .
2- تدوين دقيق بغرض متابعة التبرعات , الوارد , الصادر , و التخطيط للمستقبل . وهنا تأتي أهمية ملف إكسل الذي أشار إليه شليل . أتمني أن يستعان بالفاتح لخبرته في هذا الجانب .

أيضا هل من الممكن الحفاظ علي ملف إكسل مركزي في السيرفر بسودانيات ويمكن للفاتح وبقية أعضاء اللجنة المالية العمل سويا لتحديث الملف الذي سيكون لديهم access له ؟

التنظيم و التركيز علي الهدف هما مفتاح نجاحنا في هذا التحدي الذي يعني الكثير لبعض الاطفال الفقراء وأسرهم .

حسين يا أخوي
تسلم ،،،
ده كلام كبير جداً
أنا طبعاً لا بفهم في لم القريشات ولا بعرف أتعامل معاهم ولا بعرف ( أكسلهم ) ــ دي من إكسل طبعاً
فشنووووووووووو
النرجي البت القيافه سلافة دي
التجي من رحلتها الخارج السودان دي
شيلوا الصبُر

[ناصر يوسف]

فـــــوق

[رأفت ميلاد]

تعرف يا شليل الفكرة أنسانية شديد .. أنا ما قادر أدلو بى دلوى عشان الزول ما مستقر يوم فوق ويوم تحت .. والحياة مجابدات .. بمعنى الإلتزام صعب .. ومشروع زى ده أهم بنودو الإستمرارية .. والأستمرارية يستحيل أن يدعمها التبرع الشخصى المحدود ..

طبعاً دى مقدمة وما تكسيح .. الفكرة أستمرارية المشروع .. وذلك ألأعتماد فى تجارب سابقة وأنشاء مشروع (منظمة) بأسم (أفطار طالب) يكون مدعوم من منظمات أخرى بدخل ثابت وأفكار إستثمارية ..

عندما كنت فى السعودية كان هنا مشروع أسيوى بعنوان (تبنى طالب) .. يقوم أعضائه بدراسة أحوال التلاميذ مرحليا وتحديد الحد الأدنى لحياة كريمة ومستقرة للطالب .. ملبسه وطعامه ومواصلاته وتكلفة الأحتياجات المدرسية (فى الشهر) .. ويوزعون قائمة بأسماء التلاميذ الذى يثبت البحث أنهم تحت حد هذا المستوى المعيشى .. والدعم يكون لفترة زمنية دراسية محددة .. المتبرع يكون معفى من التبنى المباشر لكى لا يثقلوا عليه بالمسئولية .. أعرف الكثييرين من مختلف الجنسيات ميسورى الحال .. دفعوا مبلغ الفترة الزمنية كلها دفعة واحدة وأخلوا مسئوليتهم .. والبعض ألتزم سنوياُ والبعض شهرياً .. والبعض أكتفى بالتبرع للمشروع دون التبنى .. وكل هذه الأحوال مفصلة فى بنود المشروع وجعله مشروع أنسانى عام

طبعاً ده ما إقتراح .. ده تنوير ربما قاد لأفكار أخرى تضمن إستمرار من هذا المشروع الإنسانى

[سر الختم إبراهيم نقد]

فوق
لم يتبق على فتح المدارس إلا القليل.
ما عايزين تنظير، عايزين تنفيذ.
الكل يساهم بما يستطيع ، ولا نحقر من المعروف شيئاً.
الجنيه(الجديد) بيعمل سندوتش فول أو طعمية.
نشكر المشجعين.

[AMAL]

المشاركة الأصلية كتبت بواسطة حسين عبدالجليل

كلام هام جدا . لأن نجاح و إستدامة المشروع سيعتمد علي شيئين مكملين لبعض :
1- إستمرار تدفق التبرعات .
2- تدوين دقيق بغرض متابعة التبرعات , الوارد , الصادر , و التخطيط للمستقبل . وهنا تأتي أهمية ملف إكسل الذي أشار إليه شليل . أتمني أن يستعان بالفاتح لخبرته في هذا الجانب .

أيضا هل من الممكن الحفاظ علي ملف إكسل مركزي في السيرفر بسودانيات ويمكن للفاتح وبقية أعضاء اللجنة المالية العمل سويا لتحديث الملف الذي سيكون لديهم access له ؟

التنظيم و التركيز علي الهدف هما مفتاح نجاحنا في هذا التحدي الذي يعني الكثير لبعض الاطفال الفقراء وأسرهم .

[الفاتح]

سلام يا أحباب.. كتًر خيركم على رفد البوست
لازال في موضوع عالق في مشروع إفطار طالب :
1- إقرار من اللجنة التنسيقية بتعيين (فلان/فلانه ) مسئول مالي ومن ثم :
- تنزيل برنامج إكسل يوضح الوارد ، وتبيان نسبة مئوية للمتحصًل من قروب الشيرنغ ، والمتحصل من خارج القروب/ سودانيات ، والحاجات العينية التم إستلامها..
عشان نقدر نشوف هل الناس إلتزمت ؟ وإلتزامها ده كان قدر كيف !
عشان لاحقاً لو ظهر مشروع نقدر نمد كرعينا قدر لحاف إلتزامنا الأخلاقي..

* المقترحات الإتقدم بيها أبو دعد ، وجيجي / محل تقدير وإحترام إلا إنو جات متأخره شوية.. فالإطار العام بتاع المشروع ده إتختً بعد عك ولك وإجتهادات ، لذلك فالرجوع لحركة ورا ، بيؤخر الخطوات القطعناها دي.. نعدكم بإنو تدرس مقترحاتكم في الإجازة الصيفية القادمة ، والفيها خير ربنا يقدرنا عليها.

* بالنسبة للناس الما بيقدروا يلتزموا شهرياً ، في قروب مخصص ليهم.. وأي حاجة بتقدروا عليها لزوها ، سواء كانت عينية أو مادية ، حسب الوضع المالي.

* إتصل على الزميل ش من السعودية ، وقال إتمررت الفكرة دي على مجموعة نساء تقدر عدديتمهم ب 25 ورحبوا بالفكرة وأبدوا إستعدادهم لإنو يقدموا البيقدروا عليهم.. المبلغ المتوقع جمعوا منهم يفوق 12000 ريال... مبدئياً في 4 أخوات جمعوا مبلغ 2500 ريال حيقوم بإرسالها لنبراس.
تحياتي.

[ناصر يوسف]

المشاركة الأصلية كتبت بواسطة شليل

سلام يا أحباب.. كتًر خيركم على رفد البوست
لازال في موضوع عالق في مشروع إفطار طالب :
1- إقرار من اللجنة التنسيقية بتعيين (فلان/فلانه ) مسئول مالي ومن ثم :
- تنزيل برنامج إكسل يوضح الوارد ، وتبيان نسبة مئوية للمتحصًل من قروب الشيرنغ ، والمتحصل من خارج القروب/ سودانيات ، والحاجات العينية التم إستلامها..
عشان نقدر نشوف هل الناس إلتزمت ؟ وإلتزامها ده كان قدر كيف !
عشان لاحقاً لو ظهر مشروع نقدر نمد كرعينا قدر لحاف إلتزامنا الأخلاقي..

* المقترحات الإتقدم بيها أبو دعد ، وجيجي / محل تقدير وإحترام إلا إنو جات متأخره شوية.. فالإطار العام بتاع المشروع ده إتختً بعد عك ولك وإجتهادات ، لذلك فالرجوع لحركة ورا ، بيؤخر الخطوات القطعناها دي.. نعدكم بإنو تدرس مقترحاتكم في الإجازة الصيفية القادمة ، والفيها خير ربنا يقدرنا عليها.

* بالنسبة للناس الما بيقدروا يلتزموا شهرياً ، في قروب مخصص ليهم.. وأي حاجة بتقدروا عليها لزوها ، سواء كانت عينية أو مادية ، حسب الوضع المالي.

* إتصل على الزميل ش من السعودية ، وقال إتمررت الفكرة دي على مجموعة نساء تقدر عدديتمهم ب 25 ورحبوا بالفكرة وأبدوا إستعدادهم لإنو يقدموا البيقدروا عليهم.. المبلغ المتوقع جمعوا منهم يفوق 12000 ريال... مبدئياً في 4 أخوات جمعوا مبلغ 2500 ريال حيقوم بإرسالها لنبراس.
تحياتي.

ياخي ده كلام كبير جداً يا بنج
أشكر هؤلاء النسوة وهُن يقمن بواجبهن كأفضل ما يكون
التحية والقومة ليهن يا الحبيب

بالنسبة لربنامج الإكسل ،،،
في إنتظار الأخت نبراس بإجراء اللازم
كمسئولة مالية الآن مع حافظ حسين
يلا يا نبراس ويا حافظ الكورة في ملعبكم

بالنسبة لي طرحت الفكرة علي بعض الزملاء ووعدوا بإنهم حيساهموا برضو من غير وعود بأي مبلغ ،،، وأنا أديتهم رقم الأخت نبراس

ويلا لا قِدَام