*** مصطلحات عامّية سودانية ***

[imported_أشتر]

المشاركة الأصلية كتبت بواسطة فتحي مسعد حنفي

ولعلمك أنا اتربيت سنين عمري الأولي في الأبيض

في المواليد يعني الربع الأول والتاني ... حي بلدو ... الشويحات ... ابخمسه ... حي (رايد) ... الرديف ... فلسطين ... البترول ... المطار ... و (قدوم كلب)

[imported_فتحي مسعد حنفي]

المشاركة الأصلية كتبت بواسطة محمد أبوعاقلة

في المواليد يعني الربع الأول والتاني ... حي بلدو ... الشويحات ... ابخمسه ... حي (رايد) ... الرديف ... فلسطين ... البترول ... المطار ... و (قدوم كلب)

قعدت في الأبيض أنا ياسيد لغاية سنة 1954 وسكنت في القبة وآخر سكن كان خلف المستشفي في بيوت الحكومة ودرست في الشرقيةتاني في سؤال عايز توجهو ليوأبوي كان أمين مخازن وبالليل مدير سينما كردفان بتاعة ناس خليل عكاشة ونسيبي المرحوم مختار صابر ضابط سجون وهم من سكان الأبيض الأصليين..وقع ليك؟ هللت علينا الأنوار بي طلتك يا ود أبو عاقلة

[imported_فيصل سعد]

[QUOTE=شبارقة;89950]هاكم إلى أن ألقاكم :

1- الجبنه 2- الرتينة

والهدية صحن لقيمات كارب زي التحت ده ...وما هو الفرق بين اللقيمات والزلابية ولقيمات القاضي
[QUOTE]

الفرق انه الزلابية بكسروا فيها بيضة بيضتين جناء جداد

[imported_فيصل سعد]

المشاركة الأصلية كتبت بواسطة محمد أبوعاقلة

الوقاية خيرٌ من العلاج ...
والله لا حوجكم للعلاج يا رب ...

ويا فيصل بمناسبة موضوعكم الفي الصفحة الفاتت عندي كلام واقف لي هنا ... لكن ما بقدر اقولو !!!! لكن والله لسه واقف لي هنا*

يا زول كلام شنو البقيف ليك في حلقك معانا انت عاضيك كلب ولا قايلنا بنبيع في ترمس يكون خندريس امبارح الداشر و ما نضيف عامل ليك حيرقان بعدين الكلام بقيف للبطنه غريقة و انت معودنا من قلبك و لى لسانك ، فدحين شوت يا حبوب و فكوا من حلقك و عوجة تب مافي

[imported_فيصل سعد]

المشاركة الأصلية كتبت بواسطة محمد أبوعاقلة

ولا حبيت تفكفك على مزاجك ...

تفكفك دي زاتها اعمل حسابك في استعمالها عربي و انجليزي يعني بتتلبس بالجهتين و اديك امثلة بسيطة : تفكفك الصواميل ، تفكفك الشباك من المرمى بعد نهاية الكورة ، تفكفك المعادلة الرياضية ، تفكفك السلوك و اللمبات من الصيوان في نهاية المناسبة ، و تفكفك عمود الاكل في المستشفي و بالانجليزي لو زول زهجك تفكفكوا و تفكفك حنانو زاتو

[imported_شبارقة]

هاكم وبدون تنوين عشان نديكم الخيال والإنشطاحة والإنشكاحة زي ما عمل عمنا فتحي في الجبنه الفي الصفحة الفاتت

1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول

[imported_شبارقة]

المشاركة الأصلية كتبت بواسطة محمد أبوعاقلة

دي ما كانت جبنة دي ... طلعت روحا وما خليت فيها صامولة ما فكيتا ...
لكن والله رد لزيز لزة
وسؤال وجيه يا استاذ ... الصورة ما كانت طالعة معاك ولا شنو ؟ ... ولا حبيت تفكفك على مزاجك ...

ود أبو عاقلة سلامات ....نحن أولاً سألنا عن الجبنة وبعدين نزلنا صورتها بعد ما عمنا فتحي فتتا فتيت و جننا جن ... وصحصح معانا يا فردة ... وبالمناسبة يا خبيرنا الليله تحميل الصور مختفي مالو ؟ تحميل الملفات ده ما بيخارج معانا ...ظبّط لينا الموضوع مع جماعة المنتدى ...ولك الشكر

[imported_شبارقة]

المشاركة الأصلية كتبت بواسطة محمد أبوعاقلة

الرتينة عرفناها ... لكن يا شبارقة دي رتينة تجيبا لينا ...

الحاجة الجواها البتولع اسمها شنو (السؤال دا غلبني اصيغو)
ما مشكلة

[align=justify]ألقى ليك رتينة سمحة وين ؟ بعدين الحاجة البتولع إسمها الشاشة (شاشة الرتينة) وأسأل عنها طلبة المذاكرة الليلية في مدارس القرى الما فيها كهرباء كانو بيحرقوها كيف؟ (أقصد الشاشة ) [/align] والشاشة لما تحرق (أي تنطفي) كنا بتقول عليها إتحتت (من الحتتان )

[imported_شبارقة]

المشاركة الأصلية كتبت بواسطة فيصل سعد

لا زال البوست طفلا يحبو يا عزيزي شبارقة

[align=justify]ومبروك ونحن اليوم في الصفحة رقم خمسين ونقول (خمسة وخميسة) و (هرشك) و (يا عين يا .....) وما شاء الله تبارك الله ما زال البوست فتياً ندياً ....عاطر التحايا لجميع المشاركين والزوار ...والبتاوقو من بره بره ياريت يخشوا ويبتهجوا معانا ...وبهذه المناسبة كلكم معزومين معانا عشاء الليلة (أكلات شعبية وتراثية ...أم بقبق وكده ) [/align]والمواصلات مجانا ً بعد إنتهاء المباراة

[imported_شبارقة]

المشاركة الأصلية كتبت بواسطة شبارقة

هاكم وبدون تنوين عشان نديكم الخيال والإنشطاحة والإنشكاحة زي ما عمل عمنا فتحي في الجبنه الفي الصفحة الفاتت

1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول

أين أنت يا عم فتحي ؟ عاوزين نشوفك هنا ..ما تكب الزوغة ..

[imported_فيصل سعد]

المشاركة الأصلية كتبت بواسطة شبارقة

[align=justify]ومبروك ونحن اليوم في الصفحة رقم خمسين ونقول (خمسة وخميسة) و (هرشك) و (يا عين يا .....) وما شاء الله تبارك الله ما زال البوست فتياً ندياً ....عاطر التحايا لجميع المشاركين والزوار ...والبتاوقو من بره بره ياريت يخشوا ويبتهجوا معانا ...وبهذه المناسبة كلكم معزومين معانا عشاء الليلة (أكلات شعبية وتراثية ...أم بقبق وكده ) [/align]والمواصلات مجانا ً بعد إنتهاء المباراة

المواصلات نخليها للحناكيش ، و نحن راجعين كداري و قابضين في "تعشى ثم تمشى"
و يا حبيبي يلاك نتعشي
نتعشي و يلا نتمشى
اوعاك تركب الركشة
الركشة بتقلبك لي

[imported_فيصل سعد]

المشاركة الأصلية كتبت بواسطة شبارقة

أين أنت يا عم فتحي ؟ عاوزين نشوفك هنا ..ما تكب الزوغة ..

كلو Pass يا حبوب ما عدا نمرة ستة :

البرم بكسر الراء بمعني ان تبرم شنبك و كدة
و البرم بضم الباء و هي جمع برمة و هو الاناء المعروف. و الله اعلم ..

[imported_شبارقة]

المشاركة الأصلية كتبت بواسطة فيصل سعد

كلو Pass يا حبوب ما عدا نمرة ستة :

البرم بكسر الراء بمعني ان تبرم شنبك و كدة
و البرم بضم الباء و هي جمع برمة و هو الاناء المعروف. و الله اعلم ..

لا يا الحبيب القاصدو إنت إسمو البرّيم (برم يبرم برماً) والقاصدو أنا : يقولو ليك : فلان ده زي عتيد البرم (وعتيد دي تصغير عتود) ...وإن كان للبرمه فدي قلناها زماااان في الصفحات الأولى ...أها رأئكم شنو؟ وبنتحراكم لي قدام ..وما ح نجيب أي كلمة جديدة لغاية ما تحلو العشرة ديل في الأول ..عشان عمنا فتحي ما يسحسح بينا

[imported_أشتر]

المشاركة الأصلية كتبت بواسطة فيصل سعد

يا زول كلام شنو البقيف ليك في حلقك معانا انت عاضيك كلب ولا قايلنا بنبيع في ترمس يكون خندريس امبارح الداشر و ما نضيف عامل ليك حيرقان بعدين الكلام بقيف للبطنه غريقة و انت معودنا من قلبك و لى لسانك ، فدحين شوت يا حبوب و فكوا من حلقك و عوجة تب مافي

أكل راسي بى فكو لحدي ما القى (الرد دوت) في وشي ...
ياااااا
موديراتور ... سوبر موديراتور ...
الكلام لم يخش خط حداشر منو خوف ... فاحسن تخليني اموت بيو ... لي وليك ... ولى زمانك

[imported_أشتر]

المشاركة الأصلية كتبت بواسطة شبارقة

هاكم وبدون تنوين عشان نديكم الخيال والإنشطاحة والإنشكاحة زي ما عمل عمنا فتحي في الجبنه الفي الصفحة الفاتت

1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول

ما صدقت استاذ فتحي قال ليك أفلست ...
هي لكن يا شبارقةيا خوي دا كلام شنو الجبتو لينا دا !!!
ياها نمرة ستة دي لكن فيصل خش فيها وطممت بطنا ...
انا غايتو غير البرم العارفو أنا مااااا عندي شي اقولو ليك ...
ولو سمحت ما ترطن لينا هنا ...
اتكلم عربي او قدّم اوراق استقالتك خلينا نتفكفك من بدري ...
لسه ورانا عصِر و مغرب وعشا ... وعدم نوم !!!!