قصص من الدنيا؛ وبعض حكاوي...!!!

[عبدالمنعم الطيب حسن]

21 اكتوبر 2013
ياخ قديم شديد حضرتي
وفي نفس الحتة
شكرن لي والله..
...👇

اكتوبر الممهور بالدم
صباح الخير
اهلا مساء النور
اكتوبر شهر عظيم في ذاكرة الشعب السوداني العظيم انتفض يومها وازال عسكر اقل
فسادا وديكتاتورية من المطففين الطفابيع الحاليين ،
الشعب السوداني معلم الشعوب
سيفاجي العالم كله بثورة مبتكرة تزيح الطغاة وتحاكمهم وترسخ لقيم الديمقراطية والحرية
ولا تريق اي دماء ....
الدم السوداني حرام انه دم ذكي
هيا للامام
الثورة مستمرة
وسننتصر

[عبدالمنعم الطيب حسن]

يقول اهلنا ان جدنا الشيخ ادريس ود الارباب
مولود مختون ومغطى بفركة من بطن امو..
اي ان عورته لم تراها لا داية ولا النساء اللائي حضرنا ولادته ولا امه حتى..ولا طهّار لاحقا..
حكيت القصة دي بفركتا لزملائي الطلاب في مكة..
وسخروا منها ودافعت عنها..
رجعت للحلة وفي باب حوشنا ولم اتوغل بعد
حكت لي جدتي الصالحة الوسيمة، انها حلمت بي
ان جدي الشيخ ادريس ود الارباب المحسي الما كضاب..
حلمت بي ان يغطيني بفركته الشهيرة
وانه يحكم الغطاء وان الفركة تلصف بلونها الذهبي..
القصة دي حصلت بحذافيرها، النصيحة ما قاعد احكيها كتير كونها تتصادم مع قناعاتي كزول مصنف نفسي كمستنير😂😂

[عبدالمنعم الطيب حسن]

Ibrahim
جدنا دا من علماء السلطنة الزرقاء قبل نحو 5 قرون..
وهذه القصص تنقل متواترة..
وانت قايل نحن المعارضة جايبنها من وين؟
ما وراثة
ورد في طبقات ود ضيف الله ان جدنا الشيخ عبدالقادر قال لابيه الشيخ ادريس ود الارباب احد ابرز علماء السلطة الزرقاء
قال له: يا ابي لن اكل من طعامك انت تاكل على مائدة السلطان..
وترك واوسي ومشي الجزيرة اسلانج كمحطة اولى، وان جدي المباشر عبدالقادر ود بشيري قال انه راحل لاهله في واوسي فضاعت علينا اراضي خصيبة هناك..
ولكن ذلك موضوع اخر..
المهم..
هسا انا معارض بالاصالة وبالدم لاي سلطة حاكمة في السودان..
ونظل نناضل لاجل سلطة الجبهة الوطنية الديمقراطية بس خايف بعدين ما اقوم اعارضا ليكم كمان..
الامر ليس كله في يدي، بعضا من اسر الDNA، وتلك الدماء الحارة من زمن تهراقا لعند راشد المحجوب..الذي كان يغني للحمامات واسمه السري راشد..
معاك الزميل 26
و
خلف
و
محجوب..

[عبدالمنعم الطيب حسن]

قال وردي الفنان في لقاء تلفزيوني ما معناه:
ان له بيت حديث الف متر في الكلاكلة..
وله شقة في القاهرة واخرى في الاسكندرية،
و اقامة بالسعودية والامارات
وامريكا،
وزار معظم دول العالم...
وان كل ذلك لا يساوي ليلة في قريته في صواردة في الشمال النوبي...
وانه لو خُيِّر لاختار قريته مباشرة وبدون تردد لقضاء ما تبقى له من العمر..
...
شخصيا جهزتا بيتي في واوسي من مجاميعو باقي الزير بس..
الزير سالم..
وذلك لقضاء فترة المعاش هناك، محل دفن الصرة..
ودي مكان تظل مرتبط به وجدانيا مهما بعدت وتجولت وتغربت يا يمة وريني الخلاص...
يكفي ان اكون قريبا من ريحة امي وروحها وريحانها.. راكوبتها وونستا وضحكتا،
وعبيرها الذي ما زال يملى المكان ويفيض..
..
شفتا كيف

[عبدالمنعم الطيب حسن]

خالد
الفكرة العودة من الاغتراب للريف مباشرة، دون المرور بالخرطوم المحررة الحرة وقريبا..
كفاية شقق.. الفكرة الانتقال لبراحات الحوش الفسيحة،
كفاية وظيفة.. لقد فهتني صاح..
حال استقرار البلد افكر في الزراعة..
اجمل مهنة في العالم ان تكون مزارعا، امامك الخضرة والماء..
والنمو،، تزرع بذرة تحصد ثمرة
وزهرة وخضرة..
وانتاج تغسل بماء الجدول جنبك وتاكل.. وتوزع وتبيع..
واشارك اهلي افراحهم واتراحهم..
وكم احب التجمهات والونسات والمشاركات، وانا في التجمعات مستمع اكتر مني متحدث..
منفتح في الونسات مع الدفعات والجيل ورفقاء وزملاء الدراسة والاصدقاء..
شهيتني البلد والناس الطيبة ولطيفة..
ويارب بلدنا ترجع مستقلة حرة وابية..
سنكون معكم حال الانتصار لنشارككم الافراح..
حبي وودي الذي تعلم❤️❤️🥰

[عبدالمنعم الطيب حسن]

Jamal
صحيح، بيتي جزء من بيت الاسرة الكبير
متصل مع البيت الكبير وبيوت اخواني بنفاجات،
باني في ركن ومخلي باقي المساحات فاضية
هنالك منطقة ممتدة على طول الحوش الشرقي ومتصلة مع الشمالي والجنوبي حبة كدة..
المنطقة دي كلها مسيمها (المنطقة الخضراء)
فيها كم شجرة سلم وسدرات وليمونات وبرتقالة
زرعها محمد 2019 ونيمات عظيمات..
المنطقة دي حرفيا بقعد فيها كل الوكت
فيها عنقريب هبابي وكم كرسي
وسرير في مكان لا تصله الشمس ابدا
هنالك كتبي وجرايدي ولابتوبي، وركلستي
من شراب الشاي لحدت المغرب..
ووصلت جدول من المساسورة يلف كل الشدرات ديل..ولكل شدرة حوض والليمون في والقرض برضو والصمغ..
قلت لعبدالدايم اخوي ليموني دا مالو ما ببقى اصفر
قال لي:
انت قاعد تصبر ليهو عشان يصفر
من تشوف لك واحدة كبيرة تتحاوم حولها لامن تقطفا..😂😂😂

[عبدالمنعم الطيب حسن]

https://www7.0zz0.com/2023/11/06/19/884328750.jpg

اضغط على الرابط

[عبدالمنعم الطيب حسن]

(الحزن) الليلة - مطر الدم ،
رعاف يهدر فى الفم
صخاب ظهر أبى ، وخصيب رحم الأم ،
فلنشعل نار "الاحزان" اذن ،
ونوقد جمر النم نم..
ولنعرض ببنادقنا وسط الأصوات..
غاب الاستاذ والسياسي، والشاعر والقانوني الضليع
الاستاذ كمال الجزولي..
يوم من ايام الاحزان الكبيرة
كيوم غياب
جون قرنق
وردي
نقد
مصطفى سيد احمد
حميد
محجوب شريف
التجاني الطيب..
غاب في وقت اكتر ما نكون حوجة له..
ولكنها الاقدار..

[عبدالمنعم الطيب حسن]

Hago
يا سيدي دربك اخضر..
ومافي حاجة بتجبرك على العيش في بلد محتل الا الحنين، والامل بالاستقلال..والحرية والكرامة..
فبعد ان تتحقق يظل الدرب سالكا بين الخرطوم وسنار
انه موسم العودة لسنار الخصيبة..
فكن عند الموعدا...
بكرة تتفتح ازهار شرق النيل
وحلتكم السمحة، تلك التي يحفها النيل ويحتويها الخصيب..
ام دوم..
المهم بعد ما تستقر في بريطانيا وتستحم برشرشات ماء نهر التايمز
تذكر انك ابن النيل الجامح الازرق الدفاق..
فتعالنا هناك... زورنا تشفى ونشفى..
..
ومن شرب من ماء النيل لا بد انه عائد..
والعودة دي تظل شريطا اخضرا لولاه لاحترقنا..💓

[عبدالمنعم الطيب حسن]

Hago
كل المغتربين والمغتربات في كل ارجاء العالم
سرعان ما يتلاءم ويلتئم مع مغتربه ومجتمعه الجديد، الا السوداني يظل ابد العمر مشدودا بخيطا ريقا وسميكا (حبل تيل عديل كدة) للحلة والاسرة والجيران والاهل..
يظل يفتقد كل ذلك الزخم، وكل تلك الحياة الصاخبة، بالحنية والود والحب والتسامح..يفتقد الاريج الوخاذ المنبعث من صباحاتنا الندية، وعصرياتنا وشاي المغرب وفتة الفول، وست الشاي في ناصية السوق..
-(انتا قايل نحن متوترين في غربتنا دي من شوية..)-
يظل يفتدهم وتظل حياته ناقصة..
وتلك ممكن تكون ماساتنا او منجاتنا
حسب قرايتك للوحة اليباب
في حضورك
وفي الغياب..

[عبدالمنعم الطيب حسن]

https://www5.0zz0.com/2023/11/14/21/267094314.jpg

.....
وداعا الفنان محمد الامين..
الذي شكل وجدان السودانيين والسودانيات باكرا..وطويلا،
بجميل اللحن والكلمات، وبصوته الرطب
طالما حلق بنا في سماوات الابداع الفن والنشوة،
له الرحمة بقدر ما دوزن الزمن الاشتر جوانا
وبقدر ما اطربنا..

[عبدالمنعم الطيب حسن]

من اجمل المشاعر والكتابات التي قرأتها
في نعي الاستاذ الباشكاتب..
انها كتابة لا تعرف تحزن لغياب العمالقة لا تعرف تفرح انك عشت زمن محمد الامين ومعتصم فضل...
كانت ارواحنا تتلاقى وتتعانق يا عمر قبل ان نلتقى على الطبيعة
كانت ارواحنا تتسامى وتتشابه وتشتبك
فقد كنت لا افوت معتصم فضل في نهارات الخميس وبرنامج الحانه..
فقد كان المبدع معتصم فضل بين كل غنوة والتانية لأ يتحدث كثيرا يزكرالفنان والشاعر والملحن ونغيب سريعا في الفرح الجماعي..
كانت المسافة بين الغنوة والتانية يا دوبك ما تهبشك نشوة واناولك كاس..
مسافة ما يشتهي الغرقان شهيق..

[عبدالمنعم الطيب حسن]

عينيك وحاتك غربتي واهلي ودياري الفيها ضائع لي زمن،
....
وتصبح اماني كسيرة في خاطر الحَنان
...
وكتبت ليك والله يا قمر الزمان
عشان جيتي في الزمن المحنة
وشفتا في عينيك حس اهلى القُدام
..
الشاعر صلاح حاج سعيد، والفنان مصطفى رفيق لجلينا وسلوى، وكان الزمن ترابيا، موحشا، ومكندك بالحريق،
طمّنا جيلنا وصبراهوا، وقالوا لينا انو الدنيا لسا بخشها ضؤ،
كانا رفيقا جيلنا في ازقة ستوتة والغاز قاطع والشاي والسكر والعدس، ولاحقا في مكة وشقة العتيبية، وساحة اسلام، وملقية،
وجئنا باشرطتنا لرياض الخير، بمصطفانا وصلاح حاج سعيدنا..
وكان الكست والمسجل رفيقنا طوال هذه الرحلة الجبلية، الرحلة الصعبة، كانا وما زالا
سلوانا ومبتغانا، وقد تباعدت المسافات واستطالت الغربة، ونهض الف باب..
واصبحت العودة لوطن النجوم مجرد حلم..
..
لصلاح حاج سعيد ولمصطفى سيد احمد
عالي الفراديس،
ولنا الحزن الطويل،

[عبدالمنعم الطيب حسن]

صاحبنا علي حنتش، مشهود له بخفة الدم والروح واللطافة
قال: مشينا ناس فلان ضبحوا لينا شوية عمبلوك
..
مرة عملنا لقيمات كميات في جمعية اولاد واوسي بالرياض،
من المغرب نلتهم،
الساعة عشرة جلال قالينا نجيب ليكم اخر قلوة من اللقيمات
علي قاليهو: هوي يا جلال والله انا اي حاجة فيها دقيق تاني ما بدخلا في سني
..
مبنى الفيصلية في قلب الرياض كان توه عضم
وكانت هنالك لمبات اضاءة في كل الطوابق لكي تتجنبها الطائرات في الاقلاع والهبوط
وكل اللمبات تُضاء وتُطفى من مفتاح واحد
علي كان الكهربائي المسؤول عن الاضاءة
قييل المغرب بنصف ساعة
والاطفاء الساعة ستة الصبح..
دوام علي 12 ساعة يولع فيها مرة ويطفي مرة
وباقي الساعات اتيه يوميا بجريدة الشرق الاوسط والحياة نقرا ونحل الكلمات المتقاطعة
ونضرب الكبسة وسندوتشات الشاورما
ونشرب البيبسي كولا..
علي معاه دبلوما كهرباء عامة..

[عبدالمنعم الطيب حسن]

محمد
خليهم يقولوا
وزي ما الناس يقولوا
حلاة الجمعة يوما
....
تقول طوالي منحازا لضميرك اليقظ؛
مختلفا؛ ومنسجم مع قناعاتك؛
وان خالفت القطيع وفارقت الاقطاع؛