نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > خـــــــالد الـحــــــاج > موضوعات خـــــــالـد الحـــــــــاج

 
 
أدوات الموضوع انواع عرض الموضوع
قديم 25-01-2009, 12:54 PM   #[31]
شهرزاد
:: كــاتب نشــط::
الصورة الرمزية شهرزاد
 
افتراضي

حالة بكاء محتاجة لوري
كلاينكس ...

[align=center]مليح الزى ساحر المحاجر
يالحجروك لى نومى حاجر
ــــــــــ
بهاجر ليك يا اللى هاجر
يا اللغز الفى شرحه حائر يعجز عنه العقله ناير
ليك منازل فى الضماير تجليت فوق البصاير
وعن العين سابل الستاير
يا حبيبى النديان وناير أدور قربك ولى بعدى داير
ما بتنزار وما جيتنا زائر مثال الجبرة عليك سائر
كيف أتعدل يا الطبعه جاير
وكيف أرتاح وأنا دمى ثائر
تعال حساب راجع الدفاتر يامثال اللى عرضه ساتر
لأجلك كم راعيت خاطر لأجلك كم خضت المخاطر
وراك بالمال والروح أخاطر
فترت معاك يالطرفه فاتر
تتواضع وقدرك عالى أرفع من سموه معالى
أدبك مضرب الأمثالى ولأخلاق جمالها مثالى
شفتك يوم تضوى تلالى
قلت الليلة هلى هلالى
حسن الدنيا إتجلالى والأحجار حداك لآلى
برسالة المحبة أو حالى حسنك وسحره أُر حالى
كأنى نبي الزمان الحالى
من الناس بقالى حالى
ما بهم إن سهت ليالى وأسهرن اللى كانوا حيالى
فناى فى هواك أحيالى ذكرى ترددها الأجيالى[/align]



التوقيع: [align=center][/align]
شهرزاد غير متصل  
قديم 25-01-2009, 01:50 PM   #[32]
خالد الحاج
:: كــاتب نشــط::
الصورة الرمزية خالد الحاج
 
افتراضي

[align=center]""""يار يت عرفتك من زمان
كان قلبي ماعرف الشقى
أنا قلبي بيك ضم الامان
والمخاوف فارقا"""
[/align]


بكاء "الخوافين" ...

التحية في البداية لمن رافقونا في المشوار يحملون مناديلهم :
فيصل سعد
دهباية
طارق كانديك
ود عثمان (خبير البكاء العريق) ..
أمير الشعراني (الذي جاء يحمل صينيته ليشارك في البكاء) ..
همس الشوق
أحمد عبد الرافع (الذي أشار إلي جوانب تستحق البحث) ..
وأبو ريم الزعلان ...
و أخيرا دهباية ...

التحية ليكم والله وحضنة باك ...ما نجيكم في بكا يا جماعة...

طبعا بعض المخضرمين يفضلون العمل بالمثل (الخواف ربي عيالو)..
ما بيقدروا علي شيل الحس..
أها النوع ده يدور ليك ...

"يا قمر أنا ما بطولك
أديني من نورك بريق
عشان أنور أنا وأبقي طولك
...
.....
يا قمر ليلك مناي
وليلك أكتر من حكايا
دي فرحة بي طول المدينة
دعوة لي همس الصبايا
...
....

لما تزعل يا قمر أبقي باسم
حتى في زعلك معاي
عشان البلد كل البلد
تفرح تقول القمرا جاية
"

وحكاية "حتى في زعلك أبقي باسم " دي مافي زول سبقك عليها يا عميري والله
الله يرحمك يا زول يا جميل ...

[media]http://albrkal.com/khalid/ya_gmar.wma[/media]

وهنالك من يغني للطير أي والله
شي (يا طير الجنة)
وشي (طير الرهو)
وشي (الطير الخضاري)
وشي (يا طير يا طاير)

تطير عيشتكم إنتو كان ما بتقدروا علي البكا الريدة العليكم شنو ؟

أما الذين تدعو حالتهم للشفقة فهم من يفرغون احباطاتهم في "وسائل المواصلات "
(القطر الشالك إنت يتكسر حتة حتة )

(قطر الأحد شالها ورحل)

(قطار الشوق متين ترحل تودينا
نزور بلدا حنان أهالها
وترسي هناك ترسينا
)

الشكية لله يرسيك الله إنت كان بقيت علي القطر المسكين يرسيك

وفي النوع الشايل عيونو وحايم والعيون شغالات كاميرا "بلورايت"

(أنا آه قلبي تاه في يوم الزيارة)

(يا معاين من الشباك
يا أحلي زول شفناك
)


(الزول أبو عيون كحيلة
جا ماري بي هنا
)

(الليل أنا...
الفي العصر مرورو
)

والمسألة رغم "التفهم" ما محتاجة ده كلو ... أي والله ... يا أخي اتنخج ساكت وسيب الضل وأضرب في الفيل .. يعني القطر ذنبو شنو ؟




التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 25-01-2009, 03:19 PM   #[33]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة خالد الحاج مشاهدة المشاركة
[color=#8B0000]
والغريب أن لا تجد من يكتب عن "الساقين" مثلا .. رغم أهميتها في الثقافة الشعبية السودانية : ( الحلة بصل والمرا ساقين )
شفتو كيف


الغناء للجزء رغم جماله وعفته إلا أنه والحق يقال غناء "جبان"

يا خالد .
الغناء للكرعين كثير ..
بس انت ما منتبه
و زى ما قال واحد أخونا
يوصفوا ليك الشعر و ينزلوا للوجه .. ثم ..الشفاه .. والصدر والحشا .. والكفل ..
ثم هوى يا ليلي ...
وقيل " هوى يا ليلى " دى أقصى درجات البكا ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل  
قديم 25-01-2009, 03:33 PM   #[34]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة خالد الحاج مشاهدة المشاركة

حالة عيون :
بعض الناس يفعل كما "اللغويون" يأخذ الجزء والكل مراده ...

أخونا جليل -عبد الجليل سلمان - بعد جلساتنا الطويلة فجأة إكتشف أن للعيون سطوتها وسحرها "البتار" وصار حاله : (تمر الفكي شايلو ومشتهي ) ...
ذكرني دعاية مصرية للحد من النسل كانت تقول :
(أنظر حولك )
"
أنا هبشتو بى غادى فتح لى .. تقول انا الماجيت ..

غايتة عبدو لو غير الفاشر لى علبة !!!



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل  
قديم 25-01-2009, 08:30 PM   #[35]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة
يا خالد .
الغناء للكرعين كثير ..
بس انت ما منتبه
و زى ما قال واحد أخونا
يوصفوا ليك الشعر و ينزلوا للوجه .. ثم ..الشفاه .. والصدر والحشا .. والكفل ..
ثم هوى يا ليلي ...
وقيل " هوى يا ليلى " دى أقصى درجات البكا ..
لكن يا باش الما بخليهم يقولو (هوي يا ليلة) شنو
الجماعة لمو في الأذاعة
(القبلة السكري): حرام
(وضعت الكأس عن شفتي
لأن جمالك الخمر) : حرام وفيها حد
وقس علي ذلك..
ولو نزلنا لي ناس ليلة هوي بتجيب ليها كتل عدييييل



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 25-01-2009, 10:34 PM   #[36]
سارة
:: كــاتب نشــط::
الصورة الرمزية سارة
 
افتراضي

امانة ما البكى عندكم

اريتو يا يمة حال السرور

والله الما داير يبكى يلقى روحو اتنخ

شيتن كرعين وشيتن شعر طويل وشيتن مزعمطات وعيون ناعسة

اخير حالتى انا انتهت بطه القرشى مع استنفاز كل مقومات الحياة والشفاء والشافى الله

الا انت حالتكم والله تحنن الطير فى السماء

كدى شوفوا لينا حكاية

طير يا طير امشى محل مشى ( والرهيفة التنقد)



التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل  
قديم 26-01-2009, 12:38 AM   #[37]
عصمت العالم
:: كــاتب نشــط::
الصورة الرمزية عصمت العالم
 
افتراضي



يا ادميرال..
انت واركان حرب البكا..
الرفيق.الشاعر المهندس.معتصم الطاهر..
الذى لا تزال قطرات دمعه تسقى الروابى والجروف..من الدوحه الى قوز كبرو...!!
يا ادميرال...
دمعاتك ..وانتفاضات نبضك.كادت ان تعصف بثبات شواطىء هولندا...!!

وقطعا وانت فى الخرطوم الان...تكون قد اغرقت المدينه وجامعة الاحفاد. وقاعة الصداقه ومبنى الفزيون ..ونسرين سوركتى...بتدفق دميعات البكا..

حالة البكا عندك نابعة من عمق الوجدان التى تصيبها الرجفه كلما شاهدت مواكب الجمال..وشهقت انفاس نسمات ربيع الدنيا...
وتاتى حالة البكا لما تطل تلك الزهور النديه..
تاتى حالة العصلجه..والاشمئناط..
وهاك يا دموع...
او لم يقل ابن البدايه من قبل.وهو البكاى الاعظم .مثلكم...
الف مرحب ...يا دموع..

واصلا البكا .
وانتما حالة بكا..متجنزره..
هبابه.رجافه..وزلزله..

وكاتم صوت..
بثقول..ووب..ووب..ووب...
ثم التخنيجه..
امشو..يا بكايين...

لا عبنها..ون..تو...!!



عصمت العالم غير متصل  
قديم 26-01-2009, 05:23 AM   #[38]
همس الشوق
:: كــاتب نشــط::
الصورة الرمزية همس الشوق
 
افتراضي

[align=center]وانا بدخل ليك من مدخل الجكس الراقد رز .... والذي إستعصت عليه كل الإمكانيات في ردع ذلك الحبيب والرجوع به الى سكنات القلب ... وقد جف الدمع ... و المداد والحال في حالو... مغ كتر التوسلات .. حينما قلن[/align]
[align=center]يا قسيم ريدي تعال لي المنام فارق عيني
تعال لي وتعال لي وما تشمت الناس علي [/align]

[align=center]ولم تنفع كل التوسلات حتى طرفن باب شيخي ( أبو شرا ) .... [/align]
[align=center][align=center]جاياك وجايا افتو معاك يا اب شراء
ويا شيخي أب عصاية
ندهتك رايه رايه
تحقق لي مناي
وليك جبنه بي شايا
[/align]
[/align]


[align=center]لكن حقيقة ما سمعته شاعر وصف الساقين أبداً مع أنه العربي بقد الشهادة [/align]



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل  
قديم 26-01-2009, 09:42 AM   #[39]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة دهباية مشاهدة المشاركة
حالة بكاء محتاجة لوري
كلاينكس ...

[align=center] يا حبيبى النديان وناير أدور قربك ولى بعدى داير
ما بتنزار وما جيتنا زائر مثال الجبرة عليك سائر
[/align]

حالتو !!!



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل  
قديم 26-01-2009, 11:31 AM   #[40]
احمد عبد الرافع
:: كــاتب نشــط::
 
Talking

إتصالاً لاحاديث العشق والهوي والبكاء طبعاً اود أن اضيف هنا عدد الملاحظات حول اسهاب الفن السوداني في التغني للمنديل باعتباره رمزاً مادياً للبكاء هذا اذا اعتبرنا الفراش من الاشارات الحسية
فنجد أن الراحل سيد خليفة قد افرد اغنية كاملة مسماه باسم المنديل ،فيقول
لما اعاتبو يداري الدمعة في المنديل
ولما اغازلو يواري الفرحة في المنديل
انت جميل والجابك لي ملاك وجميل
يامنديلي يامنديل
اما الفنان محمد وردي فقد قال على لسان صلاح أحمد ابراهيم
تلقي الحبيبة بتشتغل منديل حرير
لحبيب بعيد
فتأمل !! والله الايام دي الحبيبة ما بتشتغل غير مسكولات

وأيضا
وزعت اسمك حارة حارة
في مناديل العزارى .. في مشاوير الحيارى
في لحى الاشجار كتبتو نحتو في صم الحجارة
ونجد أيضا صاحب الصوت الفخيم ابوداؤود يقول في المنديل

المنديل المشغول جانبه اتذكرييييييييييين ؟
وايضا استحضر هنا قول ابراهيم عوض
جيت ازوركم احمل الاشواق هدايا
والمناديل والكتابات والأغاني

ويقول أحدالفنانين لست متأكدا من الاسم وهو يبكي منديله!!!
منديلي الراح منديلي

ونجد أن محجوب شريف قد ذكر المنديل ايضا ولكن في سياق آخر
محطة محطة بتذكر عيونك ونحن في المنفي
وبتذكر مناديلك خيوطه الحمراء ما صدفه
وبتذكر كلامك لي متين جرح البلد يشفي
ومتين تشرق سماء الخرطوم حبيبتنا ومتين تصفي

وطبعا قد لا أكون قد استحضرت كامل المنديل

شوية خرمجة
يامناااااااديل ضل جناحك رامي ابعد من محلو



احمد عبد الرافع غير متصل  
قديم 26-01-2009, 02:33 PM   #[41]
عبدالعزيز خطاب
:: كــاتب نشــط::
 
افتراضي

عموووووو عكوووووو د

كنت شاهد عيان حضور رفع الصيوان ومحضر بشاكير الخنيج والمخ.. وسيل الدموع السخينه ولكن!!

وجدت أمامي شيوخ البكاء شايلين طار .. ومافي جميل من مطارهم طار يمدحوا الحلوين وفي الوصف شطار.. الباش آسر القلوب والخال د الكاتل البيض وخامي جداده .. أبكي معاهم كيف أنا!! ومحاط بالحييييييكومه وعساكرها..

عزاي بقيت ليهم كورس .. أشيل وراهم الوصف يردح فى الإحساس..

هو البكى ده كييييييييف!!!!!

موده ملء القلب

عمو لزيز



عبدالعزيز خطاب غير متصل  
قديم 26-01-2009, 03:13 PM   #[42]
أبو خليفه
:: كــاتب نشــط::
 
افتراضي



عزيزي أبو جعفر
الخال الخل الوفي
أها النوريك بكا مختلف

شفت ليك زول ببكي في الأنف ( النخره الواحده دي )


كانك من وراء صفحة زجاج مبلول
وراك الريح ..
وقدامك مدى السكة ..
وفدى المجهول ..
وانادي ليك .. وجيدة .. وجيدة
لا اتلفتي لا لوحتي بايديك
وانادي ليك ..
يجاوبني المدى الفاتح مدارج الهم
وتبقى وجيدة طعنة سيف ..
موسدة في شق السماء المرسوم وسادة هم
وتبقى ايدينا في ايديك.. وفي المنديل ..


ودي ليك ياخال براااااااااااااااااك

إصطفيت جرحك براك وتر إنتباهك والنغم
ضفة تزرع في الشروق وضفة بتقاوم الألم
شمعة الأمل التهِد ليل الكوابيس
زمن الودار
شامخة بتعاند في صدى الليل
الهياج الاحتضار
صاح إنتباهك في الزمن
لما أصطفاك
قدر العصافير الرحيل
غدر الشِباك شوك المتاهات الدوار
تحتك نسيج الليل طويل
الأناشيد الماخدة من حـِزم الشعاع
نار البدايات البتول
للسحابات التلوح قوس قزح
بشرة هطول
ولي ضِيا القمر المقرّح
ضد قوانين الأفول
ليك يا أخر الخيول
فرس الرِهان الما كبا
وهج الشموس الاشتعال



التوقيع: تعالوا نواعد الأطفال بعالم يزدهر بكره
أبو خليفه غير متصل  
قديم 26-01-2009, 03:26 PM   #[43]
أبو خليفه
:: كــاتب نشــط::
 
افتراضي



قلت ليها وإيدى فى أيديها
دمعة حزن سالت ..
جاى منك ... وماشى ليك

( ده بكا بالجد )


قلت ليها .. وكنت راجع لى عينيها
من أسى الزمن المسافر فى المشاوير .. العصيبة
من متاهات الأمانى فى مدار الحسن ضماها وحبيبه ..

( وده بكا موجوع )


إنتى يا الفرح .. الحقيقة المستحيل ..
هدهدي الصبر الجميل
وأمسحى الألم المخيم ..
فى المدارات الرحيبة
قلت ليها
الحقيقة الضايعة بين .. قلبى وعيونك
أنى لا قادر أفوتك لا أجيك
وأنى ما عارف بدونك ..
أبقى كلمة حب تزف البشرى فى ساعة مجيك
وأنتى عارفة .. وقلت ليك
يانى أكثر زول بريدك ... يانى صفوة عاشقيك ..
يانى راكز الخيل عليك
ولسه بى حبك متيم ومبتلى
ألا ريدك زادنى حيرة .. على العلى
( ودي بكيه حااااااااااااااااره ياخال )




التوقيع: تعالوا نواعد الأطفال بعالم يزدهر بكره
أبو خليفه غير متصل  
قديم 26-01-2009, 09:23 PM   #[44]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة أبو خليفه مشاهدة المشاركة


قلت ليها وإيدى فى أيديها
دمعة حزن سالت ..
جاى منك ... وماشى ليك

( ده بكا بالجد )


قلت ليها .. وكنت راجع لى عينيها
من أسى الزمن المسافر فى المشاوير .. العصيبة
من متاهات الأمانى فى مدار الحسن ضماها وحبيبه ..

( وده بكا موجوع )


إنتى يا الفرح .. الحقيقة المستحيل ..
هدهدي الصبر الجميل
وأمسحى الألم المخيم ..
فى المدارات الرحيبة
قلت ليها
الحقيقة الضايعة بين .. قلبى وعيونك
أنى لا قادر أفوتك لا أجيك
وأنى ما عارف بدونك ..
أبقى كلمة حب تزف البشرى فى ساعة مجيك
وأنتى عارفة .. وقلت ليك
يانى أكثر زول بريدك ... يانى صفوة عاشقيك ..
يانى راكز الخيل عليك
ولسه بى حبك متيم ومبتلى
ألا ريدك زادنى حيرة .. على العلى
( ودي بكيه حااااااااااااااااره ياخال )

نعم يا أباخليفة هو بكي حار لكنو بكاء نجيض...
ونحن نتحدث عن الغناء المجوبك والبكا الخمجان..
بكاك الجبتو ده بكاء عمالقة ..مالك علينا يا أخي (صحيت الجوانا نام سنوات)

اليوم نكتب عن نوع من البكايين جايب لينا النبيشة


البكايين الداراويش:


يغني اللحو :
"لو شفتو الحبيبة أيه يعني كاريوكا "

تعالو نشوف كاريوكا ...


طبعا كانت ممثلة وراقصة في شارع عماد الدين سنة 1940 وهي من مواليد 1915

طيب نشوف كريوكا بقت كيف ....




الشكية لله
ده نوع الغناء الأنا بسميه غناء الدروشة وبكي خمجان ساكت... يعني لو زول سمع الأغنية وشاف كريوكا بعد ما دخل عليها الزمن وعوامل التعرية يقول شنو...
والغريب أنو لي أسه اللحو يغني (كان شفتو الحبيبة أيه يعني كريوكا)

واللحو عندو المحن رغم أنه مطرب ذو صوت جميل.. أي والله
عندو أغنية بتقول :
(لايكة الناس لبانة ) لووووووووووول

وطبعا الشاعر يقصد أن سيرتها من كثرة ما هي جميلة علي كل لسان لكن (اللفض أعوج)

كذلك بعض الشعراء المجيدين عندهم شطحات ..
المرحوم حسن الزبير شاعر جميل الكلمة لدرجة أن هنالك من يحسبه امتداد لشعراء الحقيبة
يغني ليه محمد ميرغني وقد ذكرت مقطع من الأغنية في البوست ده ذاتو :

(لا بتكالمي
لا بتسالمي
لا بتواصلي
لا بتودي لا بتجيبي
لاكي معانا
يالكاتلانا قبال يومنا
)

وطبعا باقي القصيدة جميل لكنه في منظوري (كبكاي حريف) لم يغفر له

"شعرك سبسب والتسريح بعد مدلي
تجيبو الريح في جبينك وإنت تعلي
وشك ده الخجل كاسيه ولا مندي
"

منتهي الجمال لكن المقطع الأول جعل منها حجر أصم ... أي والله



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 26-01-2009, 10:14 PM   #[45]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة احمد عبد الرافع مشاهدة المشاركة
إتصالاً لاحاديث العشق والهوي والبكاء طبعاً اود أن اضيف هنا عدد الملاحظات حول اسهاب الفن السوداني في التغني للمنديل باعتباره رمزاً مادياً للبكاء هذا اذا اعتبرنا الفراش من الاشارات الحسية
فنجد أن الراحل سيد خليفة قد افرد اغنية كاملة مسماه باسم المنديل ،فيقول
لما اعاتبو يداري الدمعة في المنديل
ولما اغازلو يواري الفرحة في المنديل
انت جميل والجابك لي ملاك وجميل
يامنديلي يامنديل
اما الفنان محمد وردي فقد قال على لسان صلاح أحمد ابراهيم
تلقي الحبيبة بتشتغل منديل حرير
لحبيب بعيد
فتأمل !! والله الايام دي الحبيبة ما بتشتغل غير مسكولات

وأيضا
وزعت اسمك حارة حارة
في مناديل العزارى .. في مشاوير الحيارى
في لحى الاشجار كتبتو نحتو في صم الحجارة
ونجد أيضا صاحب الصوت الفخيم ابوداؤود يقول في المنديل

المنديل المشغول جانبه اتذكرييييييييييين ؟
وايضا استحضر هنا قول ابراهيم عوض
جيت ازوركم احمل الاشواق هدايا
والمناديل والكتابات والأغاني

ويقول أحدالفنانين لست متأكدا من الاسم وهو يبكي منديله!!!
منديلي الراح منديلي

ونجد أن محجوب شريف قد ذكر المنديل ايضا ولكن في سياق آخر
محطة محطة بتذكر عيونك ونحن في المنفي
وبتذكر مناديلك خيوطه الحمراء ما صدفه
وبتذكر كلامك لي متين جرح البلد يشفي
ومتين تشرق سماء الخرطوم حبيبتنا ومتين تصفي

وطبعا قد لا أكون قد استحضرت كامل المنديل

شوية خرمجة
يامناااااااديل ضل جناحك رامي ابعد من محلو

محجوب عندو يا أحمد جميلة ومستحيلة
بالله شفت (يا صبية الريح وراي خلي من حضنك ضراي)
ده كلام شحمان علي قول حبيبنا منعم شوف
ولا لما يقول:
"حدثت عنك نجمة جاره
وزرعت أسمك حاره حاره
فى مناديل العزاره
وفى مشاوير الحيارة
فى لحا الاشجار كتبتو نحتو فى صم الحجاره
بحت للشمس البتقدل فى مداره .
يامراسى الشوق تعالى
من ضواحى الدنيا جيت وعلي رحالي.
ريحينى استرى حالى
عيوني فى الدمعات وحيلة
أسمحيلها تشوف عيونك اسمحيلها.

انت منك لابدايه
ولانهايه
مره اضحك
ومره ابكى
ومره تغلبنى القرايه
.
ياصبيه
الريح ورايه
خلي من حضنك ضرايه
."

خلي بالك لما تحته خط

ده بكي عميق والله ... يا أحمد ... ومحجوب مظلوم لأن أشهر أغنياته هي الوطنيات
لكن لو قريت ليه عاطفياته تقف كثيرا ...



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
 

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:27 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.