"شاي" عمتي رقية عبيد الله - الصفحة 2

خالد الحاج · 12-02-2008, 08:36 PM

اقتباس:

المشاركة الأصلية كتبت بواسطة فتحي مسعد حنفي

رسالتك وصلت ياباش وانا غرضي كلو انك ما تتعرض لاي هجمة بسبب اتهام باطل او فيه شبهة وهذا كل ما في الأمر وليس انتقادا لكم وانا شخصيا دايما تلقاني أتدخل في المواضيع التي تهم الغير وطول ما بدلي برأي يبقي ما عندي مشكلة واليوم الأسكت ثق تماما انك ما حتقرا كلمة مني لاني وقتها حأنسحب بهدوء دون أن أفقد من جعلتهم وجعلوني أصدقاء ففي النهاية الموضوع ما بيسوا الخلافات وما فينا واحد شغال بي ماهية وزعلان عشان ما قبض بونص..
ولا يهمك ياسيدي والمرة الجاية حأخاطب الادارة في البريد الداخلي

أنا لست غاضب من سؤالك يا فتحي يا أخوي ولا يحق لي.
كل ما في الأمر أن موضوع توجيه أسئلة للإدارة طرح اليوم في منتدي الإدار وكان رأي كمسئول فني أن ينزل تنويه بأن يكون الأمر عبر الرسائل. وفي ردي عيك أبدو كمن يناقض نفسه يا فتحي إذ أدعو بعدم طرح الأسئلة في المنتدي وأجيب علي من يسألني.
لكن الأسوأ من ذلك هو أن أطنشك .
طب نفسا يا صاحب ليس هنالك ما يدعو للغضب.

فتحي مسعد حنفي · 12-02-2008, 08:58 PM

اقتباس:

المشاركة الأصلية كتبت بواسطة خالد الحاج

أنا لست غاضب من سؤالك يا فتحي يا أخوي ولا يحق لي.
كل ما في الأمر أن موضوع توجيه أسئلة للإدارة طرح اليوم في منتدي الإدار وكان رأي كمسئول فني أن ينزل تنويه بأن يكون الأمر عبر الرسائل. وفي ردي عيك أبدو كمن يناقض نفسه يا فتحي إذ أدعو بعدم طرح الأسئلة في المنتدي وأجيب علي من يسألني.
لكن الأسوأ من ذلك هو أن أطنشك .
طب نفسا يا صاحب ليس هنالك ما يدعو للغضب.

..ولا أنا غضبان ياخالد وصدقني أنا ما قريت كلامك الفي منتدي الادارة ولو قريتو تأكد تماما اني ما كنت حأكتب في البوست دا كلامي داك وعموما حصل خير ونعتبرها رسالة لباقي الأعضاء عشان ما يعملوها يعني دايما نحاول ناخد الجانب المفيد من الخطأ وبعدين تطنشني دي أصلا ما فكرت ولا ممكن افكر فيها وأنا بقيت أعمل حسابي شديد عشان ما أقع في الخطأ بسبب الجهل بشئ ما لكن المرة دي فاتت علي.وبالذات معاك انت وأنا عارف اني في مرة كتبت ليك مداعبة عن استغلال وضعك في تنزيل ردك قبل ردي ودي كانت هزار بحت ولما لقيتك ما رضيت كلامي سألت أولاد الحلال قلت ليهم الزول دا مالو فقاموا فهموني انو كانت في مشكلة مشابهة لي كلامي وانك اكيد اعتبرت كلامي مبني علي المشكلة دي مع اني لا كنت سمعت بمشكلة ولا غيرو بس البفهم الديك شنو

أها أمشي أزعل من دي كمان

تعرف ياخالد بيحصل كتير سوء فهم بسبب الأجواء العامة في وقت معين ولا نستطيع أن ننكر انو المنتدي في حالة توتر عام اليومين ديل وحقو الناس تنتبه للنقطة دي قبل ما يفسروا الكلام ورد فعلهم يجي غير مبرر...
لك مني ألف تحية

الجيلى أحمد · 12-02-2008, 09:14 PM

جدنا ياخالد رجل كبير
ونحن من خلف كانت لاتحتوينا الديار ,
فتوراثنا على صلة الأرحام
وتلك خصلة تبدد كل شرور الأرض
دون مشقة

وتنبت فى أى دار الف موطن للقدم..
كان يكره أن يصحو أحدنا متقاعسآ عن صلاته ,
وكان له سلاحآ فتاكآ ,
إذا تقاعست فى قيامك فهو مدركك لامحالة ,
وله فى ذلك قول مشهور:
الكسالى حطب النار

جدتى أم الفقرا كانت تلطف صباحتنا
وتغسل عنا التعب بكلماتها,
كانت تصحو كنسمة فلا تحس بها
حين نعود من الجامع كانت رائحة الشاى
المبثوث فى تلك الناحية يطغى على أى شئ سواه
الشاى المخلوط بحديثها
والدعاء الذى لايتوقف

كنت "أتكرف" رائحة ثوبها وهى متكئية على جنبها,
تهش ماعزآ تطفلت على مائدتنا الصباحية

مالك علينا ياخالد???

فيصل سعد · 13-02-2008, 07:56 AM

صراحة البوست طاعم و سيدو طاعم و المتداخلين فيه ذاتهم طاعمين

زي ما قال عكود ، و الله يبعد منه العوارض و المحن و الصعاليك

عدا معتصم الطاهر

.. خالتك رقية يديها العافية و طولة العمر، بس لو لحقتنا بلنك الحفظ للطير المهاجر تكون تميت جميلك تب

و الدمع الهتون كحلها تلك المآقي و شكرا لهذا الشجن النبيل.
ارقدوا عافية..

بابكر مخير · 13-02-2008, 09:08 AM

اقتباس:

المشاركة الأصلية كتبت بواسطة فيصل سعد

صراحة البوست طاعم و سيدو طاعم و المتداخلين فيه ذاتهم طاعمين

.

الحبيب فوفو
مدام شترتا طعمها
كمان
أنا دخلتا
يديك ويديهم ويدينا الف عافية

يا خلود ثبت وإحنا معاك ثابتين
وأب حلب أصلو لايوق من أيام اسلوفاكيا والحلاقيين

فيصل سعد · 13-02-2008, 09:24 AM

اقتباس:

المشاركة الأصلية كتبت بواسطة Babiker Mukhayer

الحبيب فوفو
مدام شترتا طعمها
كمان
أنا دخلتا
يديك ويديهم ويدينا الف عافية

مرحب يا كمنداننا الحبيب ود مخير دراج المحن

حبابك الف ، و الظاهر انا دعوتي لم تستجاب يا حبوب

، يديك العافية..

عكــود · 13-02-2008, 09:47 AM

اقتباس:

صراحة البوست طاعم و سيدو طاعم و المتداخلين فيه ذاتهم طاعمين .

اقتباس:

المشاركة الأصلية كتبت بواسطة Babiker Mukhayer

الحبيب فوفو
مدام شترتا طعمها

الحقيقة لله، فوفو شترا يا جنابو . .
كدي النشوف راي الطاعم سيد البوست.

معتصم الطاهر · 13-02-2008, 04:03 PM

اقتباس:

المشاركة الأصلية كتبت بواسطة فيصل سعد

[size=5] ، و الله يبعد منه العوارض و المحن و الصعاليك

عدا معتصم الطاهر

.. size]

عاوز اعرف معتصم الشوم دا ...
من ياتو ؟ العوارض والمحن ولا الصعاليك ؟؟؟؟
أها ..
كدى النوريكم ليهن كلهن

العوارض :-
أسع واحدة متحملة خالد الحاج دا بى شتارتو و كيبوردو الفالت دا و سفرو و أمراضو الكتيرة و عللو دى كلها .. يوم فى الكتف و يوم فى الساق و يوم فى الصفق ..
خليك من مشاكلو ..
يجي يشيل حالها ..ويقعد يقارن .. وبعد دا كلو

المِحن :-
بعدين شاي شنو نص الليالي .. دا كلام دا ؟ رجال آخر زمن ..

الصعلكة :

اها قبال ندخل فى الموضوع دا
نشوف الاقتباس دا ..

اقتباس:

المشاركة الأصلية كتبت بواسطة فيصل سعد

صراحة البوست طاعم و سيدو طاعم و المتداخلين فيه ذاتهم طاعمين

..

و عكود يدو طاعمة ..
دا كلام دا ..!!!
*******
وقبال نجيب سيرة الصعلكة .. أحكي ليكم نكتة ما دام البوست بقى عذابة ..

أيام قطر محلى عطبرة ... بجيب الموظفين والعمال يوم الخميس من الخرطوم و بحرى وبرجعوا يوم الجمعة بالليل .. للشغل ..
واحدة صباح الخميس قطعت الغرب ( غرب النيل) و البنطون اتعطل .. وما قدرت ترجع .. الا يوم الجمعة و الراجل ركب القطر وقبّل .. لكا دخلت البيت ..لقت نسيبتها .. بدل ما تعتذر طوالى قالت .".الراجل دا يسافر قبال ما أرجع كيف و هو ما ورانا راسنا من قعرنا "
أها نسيبتها قالت ليها " هنوك جاب ليكم الشاى والسكر عشان تعدلى راسك ...###### "الباقى حذف بواسطة المشرف ..

خالد الحاج · 13-02-2008, 06:30 PM

اقتباس:

المشاركة الأصلية كتبت بواسطة الجيلى أحمد

جدنا ياخالد رجل كبير
ونحن من خلف كانت لاتحتوينا الديار ,
فتوراثنا على صلة الأرحام
وتلك خصلة تبدد كل شرور الأرض
دون مشقة

وتنبت فى أى دار الف موطن للقدم..
كان يكره أن يصحو أحدنا متقاعسآ عن صلاته ,
وكان له سلاحآ فتاكآ صنع من مؤخرة قرد والتف بصوفها,
إذا تقاعست فى قيامك فهو مدركك لامحالة ,
وله فى ذلك قول مشهور:
الكسالى حطب النار

جدتى أم الفقرا كانت تلطف صباحتنا
وتغسل عنا التعب بكلماتها,
كانت تصحو كنسمة فلا تحس بها
حين نعود من الجامع كانت رائحة الشاى
المبثوث فى تلك الناحية يطغى على أى شئ سواه
الشاى المخلوط بحديثها
والدعاء الذى لايتوقف

كنت "أتكرف" رائحة ثوبها وهى متكئية على جنبها,
تهش ماعزآ تطفلت على مائدتنا الصباحية

مالك علينا ياخالد???

يا سلام يا جيلي يا أخي... رحمة الله علي جدك وعلي أم الفقراء..

كان جدي يا جيلي أيضا نوعا مختلفا من البشر.. يكره حاجة إسمها الساندوتش ويراه مثال للبخل
كان يصل إلي مرحلة ضرب من يحمل سندوتشا وله قولة في ذلك :
(أسه لو جاك زول تعزمو كيفن؟ .. حاكيت الكلب؟؟.. ما فضل إلا تقول جررررررررررر) ..
عليهم الرحمة جميعا لو عاشوا إلي زماننا هذا لماتوا غما.

خالد الحاج · 13-02-2008, 06:41 PM

اقتباس:

المشاركة الأصلية كتبت بواسطة فيصل سعد

صراحة البوست طاعم و سيدو طاعم و المتداخلين فيه ذاتهم طاعمين

زي ما قال عكود ، و الله يبعد منه العوارض و المحن و الصعاليك

عدا معتصم الطاهر

.. خالتك رقية يديها العافية و طولة العمر، بس لو لحقتنا بلنك الحفظ للطير المهاجر تكون تميت جميلك تب

و الدمع الهتون كحلها تلك المآقي و شكرا لهذا الشجن النبيل.
ارقدوا عافية..

[media]http://sudaniyat.net/up/uploading/alteer_almohagir.wma[/media]

http://sudaniyat.net/up/uploading/alteer_almohagir.wma

البوست طاعم دي بلعناها.. لكن يدي طاعمة دي يلايقوها كيف

بعدين إنت شفت طعامتي وين ..
غايتو إنت والخواجة أنا يوم بنزل فيكم بوست (مخسوس) وأكشف "التخسسات"

خالد الحاج · 13-02-2008, 06:44 PM

اقتباس:

المشاركة الأصلية كتبت بواسطة Babiker Mukhayer

الحبيب فوفو
مدام شترتا طعمها
كمان
أنا دخلتا
يديك ويديهم ويدينا الف عافية

يا خلود ثبت وإحنا معاك ثابتين
وأب حلب أصلو لايوق من أيام اسلوفاكيا والحلاقيين

ولا يهمك يا بابكر أصلو كل ناس عندهم حيطة قصيرة وأنا حيطتكم القصيرة
بس أوعوا من القزاز

خالد الحاج · 13-02-2008, 06:48 PM

اقتباس:

المِحن :-
بعدين شاي شنو نص الليالي .. دا كلام دا ؟ رجال آخر زمن ..

كان رجال آخر زمن يا باش بتفاصح وبطلب شاي ؟؟
ما قلنا ليكم "نهاية اليوم".
ويكون في معلومك العدة ما بخلوها تبيت "واخد بال حضرتك "

خالد الحاج · 13-02-2008, 06:49 PM

اقتباس:

المشاركة الأصلية كتبت بواسطة عكــود

الحقيقة لله، فوفو شترا يا جنابو . .
كدي النشوف راي الطاعم سيد البوست.

الكلام ده بيبقي ليك حاااار
أسه نرد تقلب لينا أمين عام

Osman Hamad · 14-02-2008, 01:12 AM

اقتباس:

المشاركة الأصلية كتبت بواسطة معتصم الطاهر

عاوز اعرف معتصم الشوم دا ...
من ياتو ؟ العوارض والمحن ولا الصعاليك ؟؟؟؟
أها ..
كدى النوريكم ليهن كلهن

العوارض :-
أسع واحدة متحملة خالد الحاج دا بى شتارتو و كيبوردو الفالت دا و سفرو و أمراضو الكتيرة و عللو دى كلها .. يوم فى الكتف و يوم فى الساق و يوم فى الصفق ..
خليك من مشاكلو ..
يجي يشيل حالها ..ويقعد يقارن .. وبعد دا كلو

المِحن :-
بعدين شاي شنو نص الليالي .. دا كلام دا ؟ رجال آخر زمن ..

الصعلكة :

اها قبال ندخل فى الموضوع دا
نشوف الاقتباس دا ..

و عكود يدو طاعمة ..
دا كلام دا ..!!!
*******
وقبال نجيب سيرة الصعلكة .. أحكي ليكم نكتة ما دام البوست بقى عذابة ..

أيام قطر محلى عطبرة ... بجيب الموظفين والعمال يوم الخميس من الخرطوم و بحرى وبرجعوا يوم الجمعة بالليل .. للشغل ..
واحدة صباح الخميس قطعت الغرب ( غرب النيل) و البنطون اتعطل .. وما قدرت ترجع .. الا يوم الجمعة و الراجل ركب القطر وقبّل .. لكا دخلت البيت ..لقت نسيبتها .. بدل ما تعتذر طوالى قالت .".الراجل دا يسافر قبال ما أرجع كيف و هو ما ورانا راسنا من قعرنا "
أها نسيبتها قالت ليها " هنوك جاب ليكم الشاى والسكر عشان تعدلى راسك ...###### "الباقى حذف بواسطة المشرف ..

لا أرى داعى لحذف ماحُذف.
إلى متى دفن الرؤس فى الرمال؟
هذا مُجرد رأى.

لكم الود

معتصم الطاهر · 14-02-2008, 08:54 AM

اقتباس:

المشاركة الأصلية كتبت بواسطة Osman Hamad

لا أرى داعى لحذف ماحُذف.
إلى متى دفن الرؤس فى الرمال؟
هذا مُجرد رأى.

لكم الود

عثمان المسخوط
لو عارف كلام القعر دا بجيبك كنت كتبتو من زمان ..
انت لسه فى دفن الرؤوس فى الرمال !!!
الدفِن بقى حاجات تانية حامياني ؟؟

12-02-2008, 09:14 PM	#[18]
الجيلى أحمد :: كــاتب نشــط::	جدنا ياخالد رجل كبير ونحن من خلف كانت لاتحتوينا الديار , فتوراثنا على صلة الأرحام وتلك خصلة تبدد كل شرور الأرض دون مشقة وتنبت فى أى دار الف موطن للقدم.. كان يكره أن يصحو أحدنا متقاعسآ عن صلاته , وكان له سلاحآ فتاكآ , إذا تقاعست فى قيامك فهو مدركك لامحالة , وله فى ذلك قول مشهور: الكسالى حطب النار جدتى أم الفقرا كانت تلطف صباحتنا وتغسل عنا التعب بكلماتها, كانت تصحو كنسمة فلا تحس بها حين نعود من الجامع كانت رائحة الشاى المبثوث فى تلك الناحية يطغى على أى شئ سواه الشاى المخلوط بحديثها والدعاء الذى لايتوقف كنت "أتكرف" رائحة ثوبها وهى متكئية على جنبها, تهش ماعزآ تطفلت على مائدتنا الصباحية مالك علينا ياخالد??? التعديل الأخير تم بواسطة الجيلى أحمد ; 15-08-2008 الساعة 08:46 AM.
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

13-02-2008, 07:56 AM	#[19]
فيصل سعد :: كــاتب نشــط::	صراحة البوست طاعم و سيدو طاعم و المتداخلين فيه ذاتهم طاعمين زي ما قال عكود ، و الله يبعد منه العوارض و المحن و الصعاليك عدا معتصم الطاهر .. خالتك رقية يديها العافية و طولة العمر، بس لو لحقتنا بلنك الحفظ للطير المهاجر تكون تميت جميلك تب و الدمع الهتون كحلها تلك المآقي و شكرا لهذا الشجن النبيل. ارقدوا عافية..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة