عيب الشوم !!!!!!!

[عبدالعزيز خطاب]

لأول مرة أستمع لهاتين الكلمتين في جامعة دمشق بسوريا..
وساحكي لكم القصة وما فيها من طرفة وإختلاف في التعامل مع كلمات اللغة العربية..

كنت في أمسية بسوق الصالحية في دمشق في بداية تسعينات القرن الماضي وريعان الشباب . وفجأة سمعت صرخة بتقول (عزيييييييز ) ويدين وضعن في خصري .. ولا أراكم الله تلك الخلعة التي واتتني في تلك اللحظة..
إلتفت فكانت الشابة الجميلة (غادة) اللبنانية الطالبة بجامعة دمشق ومعها أثنين من زميلاتها.. لقد تعرفت عليها في حفل وداع أحد الطلاب السودانيين بعد تخرجه في رحلة سابقة لي الى دمشق..
أصرت غادة الى أخذي الى حرم الجامعة مع صديقاتها وطلبت منها أن أذهب للهوتيل لتغيير (أواعي) ملابسي ومن ثم اذهب معهن..
وفعلا عند وصولي للمدينة الجامعية إجتمع الأصدقاء وكونا حلقة جميلة في نجيلة وأحضروا بسرعة ما تيسر من مخبوزات وشاي وفواكهه..
كانت تجلس بالقرب منى غادة .. وفجأة شعرت ببرد يدب في جسدي.. فقلت لها يا غادة أنا رطبت فقالت لي بحياء شديد يا عيب الشوم فكررتها لها مراراً وهي تكرر كلمة يا عيب الشوم بصوت منخفض كي لا يسمعنا أحد ..ولا أدري لها معنى هذه الكلمة!!
فأنتبه لي الأخ الصديق عباس وهو سوداني وقال لي (في شنو يا عزيز؟؟) قلت له أقول لغادة إني رطبت فترد علي يا عيب الشوم وكان سؤال عباس وردي مسموع للجمع والكل وضع يده على فمه ووسعت عيناه ما عدا السودانيين ضحكوا ضحكة كبيرة جداً حتى جعلتنى في حيرة ودهشه من أمرى..
فأسعفنى عباس بعد أن أكمل ضحكته بأن رطبت عند الشوام تعني بأنني عملتها على نفسى (أي تبولت على نفسى) ولذلك كانت غادة تقول يا عيب الشوم.. فشرحوا للحضور بأن كلمة رطبت نستخدمها في السودان عندما يرطب الجسم أو يبرد..فأسعفوني بفنلة برد من أحد الأخوة..يا عيب الشوم
إختلاف إستخدام الكلمات في مواضع غير المتعارف عليها في الوطن الام تخلق الكثير من اللبس.. ويا قلبي لا تحزن من المواقف الغير جميلة التي حدثت لنا هنا مع الأخوة المغاربة في إستخدام الكثير من الكلمات التى أوقعتنا في عتاب ولوم وأنت تتمنى لأحدهم أن يمنحه الله العافية!!

عبدالعزيز خطاب

[أميرى]

ياخ لو أنا الجنب غادة دي كنت إتدفيت من نظرات عيونها
فنلة برد يا عزيز؟
يا عيب الشوم يا عزيز ياخ

[رأفت ميلاد]

يا عزير (رطبت) دى فى توتى بردت .. فى مدنى عندها معنى تانى يا عيب الشوم

[عبدالعزيز خطاب]

المشاركة الأصلية كتبت بواسطة أميرى

ياخ لو أنا الجنب غادة دي كنت إتدفيت من نظرات عيونها
فنلة برد يا عزيز؟
يا عيب الشوم يا عزيز ياخ

أميري يا أميري

والله البنية كانت شديدة شدة حرامي القلوب
وأخوك الرجفه بتكون خلعة ماها برده
والناس حوليني دفيانه.. وعزيز كان محتاج لفنلة برد فعلاً
يا عيب الشوم يا عزيز..

موده وإحترام وتقدير في كامل النقاء
عبدالعزيز خطاب

[عبدالعزيز خطاب]

المشاركة الأصلية كتبت بواسطة رأفت ميلاد

يا عزير (رطبت) دى فى توتى بردت .. فى مدنى عندها معنى تانى يا عيب الشوم

روفي الجميل يا أبا ميلاد

الشوق دفق غمر كل المساحات والله

أه قلت لي في مدني معناها شنو

أخوك على قدر حاله وثقافته الترطيبية فقيرة

الله يقدرنا على ترطيبة السنة دي قالوا درجة الحرارة حا تصل ناقص 25 درجة وأخوك يا فكيك من يوم 15 يناير والى 17 فبراير في السودان وحا أمشي مدني احج لمحسن خالد وحا أسأل (صلاح كوشيه) من الترطيبة يا عيب الشوم..

يا خي والله مشتاقين
عبدالعزيز خطاب

[رأفت ميلاد]

المشاركة الأصلية كتبت بواسطة عبدالعزيز خطاب

روفي الجميل يا أبا ميلاد

الشوق دفق غمر كل المساحات والله

أه قلت لي في مدني معناها شنو

أخوك على قدر حاله وثقافته الترطيبية فقيرة

الله يقدرنا على ترطيبة السنة دي قالوا درجة الحرارة حا تصل ناقص 25 درجة وأخوك يا فكيك من يوم 15 يناير والى 17 فبراير في السودان وحا أمشي مدني احج لمحسن خالد وحا أسأل (صلاح كوشيه) من الترطيبة يا عيب الشوم..

يا خي والله مشتاقين
عبدالعزيز خطاب

تعرف يا عزيز فى الألمانى الحرف (tobe) مشكلة عشان متكون من حرفين .. ما زى الإنجليزى .. ناس (is) وأخواتا .. يوم داير أقول لى واحدة شغالة معاى (أنا مسخن) فأستعملت الحرف الغلط .. فقعتا ضحكة والكويس فهمتنى غلطان .. تعرف طلع قلت ليها أنا متضامن

[عبدالعزيز خطاب]

المشاركة الأصلية كتبت بواسطة رأفت ميلاد

تعرف يا عزيز فى ..يوم داير أقول لى واحدة شغالة معاى (أنا مسخن) فأستعملت الحرف الغلط .. فقعتا ضحكة والكويس فهمتنى غلطان .. تعرف طلع قلت ليها أنا متضامن

متضامن يا روفي يا عيب الشوم

واه سخانتك عملت فيها شنو؟؟ ما تقول لي أدوك فنلة حا تشمت فيك أميري

[بله محمد الفاضل]

حبينا نسلم ونسعل من الحال والبرد شغال
يلف يلــــــف ويدينا رطوبة وعرق بطال


لك هادا شان ما ينقال علينا
يا عيب الشوم
ولا حتى سأل
بركي نسينا...


يعني المحسن الكعبة
والمحيريبا وما جاورها المشاعر
معناها تغشى الحاجة تسوق أستاذ النذير تسوق واحد من أولادو
تتصرف
لازم نسمع بزيارتك
عشان يولعو ليك اللمبة وكدا يعني


تحياتي واحترامي واشتياقي

[لحن الحياة]

انت مش بردت؟ الوداك تقول رطبت شنو؟
رطبت دي هسه معناها بقيت ملياردير

تحياتي

[هاشم]

اقتباس:
المشاركة الأصلية كتبت بواسطة لحن الحياة


انت مش بردت؟ الوداك تقول رطبت شنو؟
رطبت دي هسه معناها بقيت ملياردير

تحياتي



يعني مرطب مكنجل مضحك ... أنسى

ممكن تبقى رئيس نادي دوري ممتاز

لحن الحياة وأنا بقرا كان ردي نفس ما ورد منك

تسلم عزيز ... وإن شاء ما ترطب تاني ـ بفهمهم ـ

.

[ناصر يوسف]

الترطيبه مااا عندكم لكن يا عزيز
قلت لي رطبت في هدومك ؟؟
ههههههه
متخيل منظرك أمام البت القنبلة إن كنت فعلتها جد جد
لووووووووووول

[عبدالعزيز خطاب]

المشاركة الأصلية كتبت بواسطة بله محمد الفاضل

حبينا نسلم ونسعل من الحال والبرد شغال
يلف يلــــــف ويدينا رطوبة وعرق بطال


لك هادا شان ما ينقال علينا
يا عيب الشوم
ولا حتى سأل
بركي نسينا...


يعني المحسن الكعبة
والمحيريبا وما جاورها المشاعر
معناها تغشى الحاجة تسوق أستاذ النذير تسوق واحد من أولادو
تتصرف
لازم نسمع بزيارتك
عشان يولعو ليك اللمبة وكدا يعني


تحياتي واحترامي واشتياقي

الأديب المؤدب بله ورهطه الميامين
لك الشوق والأمنيات
للأمامير الجميلين الحب الجزيل
وحاتك الشوق لبلاد الحلاوين الحلوين ممتد من سنين عددا
حاجه البتول والوالد علي المهل وأستاذنا النزير ومحمد عبدالحميد (شكيرة) وعاصمتهم المحيريبة تلك المدينة التى نورت فأنارت فتوهجت..
أنور عبدالرحمن رجع هولندا .. تذكرت طرفة ..
في زواج صلاح شقيق أنور وصل استاذ الموصلي بعد روحه محترمة ما بين أب عشر وشكيرة الوادي.. نادى أنور وسأله أنت يا أنور سيبك من معهد الموسيقي!! القال ليكم في شارع زلط في أبعشر منو
تلك بقاع يصعد لها كجبل عرفات لينال المرء منها نقاء وطيبة أهلها..
قلت لي يا النور يا الشاي الاثنين ما ممكن
سلام واشواق حبيبة
عبدالعزيز خطاب