ورق شايلو الهوا

[imported_هيثم قوتة]

سلامات للناس الرائعين .. ولها هي الاروع اتدري شيئا ايتها الرائعة انك تتفوقي علي الروعة .. وازيد قليلاً اتدرى ... اننا مشتاقين جداً جدا جداً .. كلنا انا ونفسي وروحي افتقدك ... مره .. مرتين ... بل عشروميه مره باليوم والليلة انتظرك في لحظات ما .. وانا ادري انك لن تأتي .. ولكن ادراكي يحدثني انك معي حينها ... اتبسم ضاحكاً .. مرات اغمض مرات افتح وكلي امل انتظرك وحنين كامن بالاعماق .. تلوح لي الذكرى من بعيد .. اعدو واركض خلفها .. اسابق الريح .. عشان الحق بسعادتي .. عدوت جريت ..ركضت اسرعت الخطى لما قربت اقع علي وشي ما فضل لي الا الطيران .. عدت لمكاني الآمن .. وجدت ان قهوتي بردت .. كم تمنيت ان لو سخنتي لي فنجان قهوة بيدك .. لكن انتي مافي ..كان لي احد خيارين .. اما ان اسخنها لوحدي ([واكيد ما وحدي) اما الاستماع لاغنية من الكمبيوتر .. نشنت علي محمد وردي ...

أحلى فصول العمر حنانك
أجمل حتة لقيتَ مكانك
أجمل سكة مشيتَ عيونك
أحبك أحبك أنا مجنونك
ساكن فيني هواك وبريدك
جوا القلب النبض يصونك
معاك معاني حياتي بتبدا
وافتح باباً ياما انسدَّ
بشوف العالم ربوة جميلة
عليها نسيم الصبح مخدّة
وبيني وبين النهر عشانك
عشرة بتبدا
وبين عينية وخد الوردة
تبقى مودة
أصالح روحي
تبرا جروحي
ابشر باسمك اهلل أغني
أقيف اتحدى
أديتيني مشاعر حية
عوضتيني الزمن الماضي
زمن الجرح الأكبر مني
وقاسي علية
وبيك صادفني ولقى عنواني
رزاز الفرح الخلَّى الجية
أريت صادفني حنانك بدري
لو لاقيتك بدري شوية


اصدقك القول يا سيدتي .... حتى اللحظة دي ... انا ساااارح في الكلام العجيب

حسيت اني من يتكلم واجمل سكة مشيتها عيونك ... يا رزاز الفرح الخله الجيه ..

يا ساكن فيني هواك وبريييييييييييدك

[imported_هيثم قوتة]

اسدل الليل استاره .. غطى جبال .. كنت انتظره من شفق المغيب ان يغيب
تمنع ان يمر سريع .. عذرته لا ييعلم اني علي موعد ..علي عجل ذهبت للحلاق
قصصت شعري الكث .. رتبت ذقني الذي اطلقته منذ زمن .. كويت ملابسي
اخترتها بعناية والوان متناسقة وربطه عنق انيقه ..قرمزية الون اقرب للفوشي
(اصدقكم قول لا ادري ما هذه الالوان ) .. وصلتها عند الوقت المحدد تماما ..
مددت يدي لاصافحها اسالمها .. احسست بالرعشه (من راسي لرجلي ) هانا
التقيها منذ زمن .. وجهاً لوجه .. تمعنت فيها نسيت يدي بيدها الا ان احسست
بها تسحب يدها بهدؤها المعتاد دون ان تشعري بشيئ .. اتفضلي .. تقدمت
انا عليها الي ركن قصي حيث .. تشربيي شنو .. كركردي .. اتنين كركدي
اول مره اعرف انو الكركدي يمكن ان ينطق بطرقيقتين كركردي وكركدي
جلست امامها .. شيئ كان يحيرني (اودي ايديني وين ) حاولت ان اضع يدي
علي الطاوله .. مره في جيبي .. مره تحت الكرسي ..سالتها كيفك ميه ميه
تبسمت لي .. والله جد .. تبسمت .. سالتها ميه سؤال وراء بعض ....
كيفك انتي .. ناس البيت كيف ,, الاولاد .. ابوهم .. عباس .. خلي السفر
ولا جاء هسه .. المحل .. مافضل لي الا اسالها عن الجيران ..وما اديتها
فرصة تجاوب كنت اود ان اسال كل الاسئلة فقط لكي اكون وانا اسال اناظرها
بدون مقدمات دارت اغنية من استريو المحل .. لما سحابه تلاقي سحابه تمشى
وتسأل عن عنواني .. وانا عنواني عيونك انتي .. ومعاها قضحوني عيوني انا
لاني كنت الف الف بعيوني وارجع ليها في عيونها .. عيون زخات مطر تنعشني
عيون بالشوق يحتوني ,, عيون بحر موج .. يغرقني .. وفي سري بقول لم
انتهي بعد من جنوني ..منك وفيك ..
فجاه مر الزمن سريعا ..قالت لي خلاص كفاك قوم المحل ح يقفل .. اااخ
متى مر هذا الزمان .. كيف له ان يمر دون مشورتي .. والمحل من الذي
اذن له ان يقفل .. كم تمنيت ان لو الصباح لاح دون انتهاء اليوم ..سكون
دون حراك .. لازال صدى صوتها يرن بمسامعي عند وداعي لها ....
تصبح علي خير .. وانتي من اهل الخير .. لالا دقيقه اقيفي .. ح نتلاقا
تاني ... اماءت بايجاب ... اااااه اكاد اطير من الفرح ... بيني وبين نفسي
غيرت اسمي لسعيد في ذاااك اليوم ... نعم انا سعيد ..
ادرت محرك سيارتي متيمم صوب بيتي .. ادرت مسجل السيارة
اه يا ترباس يا رائع .... كان يشدو

يا ستهم

حسنك يفوق حد الخيال كيفن محاسنك اعدهن ..

السمحة ياستهم ...

حسدوكي هم ياستهم لما الصفات عددتهن

لو ما الظروف خوف الملام بي هواك كان كلمتهم

كان قلت اسمك للانام وبحت بي سر الغرام وعشت الليالي العشتهم

يا السمحة ياستهم ...

شافوكي هم يا ستهم

غنوكي معاي في سرهم ..

عرفوا الجمال واحلي الخصال وكل المعاني الردتهم

قالو المحال رقة ودلال والجيد طويل وعيون غزال والبسمة فيك يا ستهم

السمحة ياستهم ...

وين الحروف يا ستهم صعبن علي ماعرفتهم

ارجع واقول دونك تحول سجع القوافي الشفتهم

لو قلت زول مازي زول مابوفي قول او ليك اقول والله ستي وستهم

السمحة ياستهم ...

والله ستي

وستهم

وصلت حدا الارتواء شوقا الان سيدتي مع نهاية الاغنية
وادرك شهريار الصباح ومال نحو جمبه الايمن ووو آخ اخ اخ
ونام وغطاه الشوق لبكره والمطره

[imported_سارة]

تسجيل حضور

توثيق اعجاب حتى الدهشة

ساعود ان مّد الله فى العمر

[imported_هيثم قوتة]

اختي ساره

تحيات طيبات زاكيات

تشكرااات بلا حد لمرورك الكريم الذي زين بوستي المتواضع
والحمد لله ان وجد سطر مني اعجاب من شخصك
مستنيك ومستني وعدك بالجيه .. ما تتاخري ...طيب

قولي طيب

[imported_عثمان]

المشاركة الأصلية كتبت بواسطة هيثم قوتة

ونام وغطاه الشوق لبكره والمطره

جميل يا هيثم أن يكون غطاك من الشوق ، ويا يوم بكرة ما تسرع تخفف لي نار وجدي ، ونحن معك في انتظار بكرة.

التحية/ عثمان الطيب

[imported_هيثم قوتة]

المشاركة الأصلية كتبت بواسطة عثمان

جميل يا هيثم أن يكون غطاك من الشوق ، ويا يوم بكرة ما تسرع تخفف لي نار وجدي ، ونحن معك في انتظار بكرة.

التحية/ عثمان الطيب

اخونا عثمان

تحيات طيبات زاكيات

الشكر اجزلة لمرورك الكريم وانتظارك
وعد مني ..لن يطول الانتظار كتير
ح اجيك في الورق دا برواااااقه كدا
ما تنسى يا عثمان.. اتغطى طويس .. بالشوق

[imported_فخري الزين]

حبيبنا هيثم
ليك مليون تحيه
تسجيل اعجااااااااااااااااااااب

[imported_هيثم قوتة]

المشاركة الأصلية كتبت بواسطة فخري الزين

حبيبنا هيثم
ليك مليون تحيه
تسجيل اعجااااااااااااااااااااب

الزول الزين فخري الزين
مليون تحية فوق للمليون بتاعتك التي حييتني بها
مرورك الزين هو من زين البوست ..تشكرااااات
وحمد لله ان نال حرف خططه اعجابك ..

[imported_هيثم قوتة]

افتش عليك في الوجوه امكن الاقي البشبهك
ابحث عنك في كل الوجوه ولا ارى في كل الوجوه سواك
كيف اشيح بوجهي عنك وأنت تطلي في كل وجه اراه
جد كدا وانتي بعيده أنا عيناي لا تفقهان الا وجهك
اصدق القول لي رغبة جامحة الان في الصراخ لما لا ادري ..
ان انطلقت لن تكون كصراخ اي حد لاني كل ما بي ويتملكني
يساوي عند (الشخوص) العادين اتنين ..
كم تمنيت في ايامي الماضيات ان لاياتي الليل ولا منتصف النهار ..
اكتشفت ان لا غطاء ياؤيني ويقيني الخوف من الليل ..
نعم اخاف الليل والظلام .. والكلب ...
اويت الي ملاذي الامن عايز اتخبأ
منك .. واليك ..صعودا وهبوط واستنيك تربص
رفعت ناظري للسماء علي اراك قمراً

فــجـــأة

وبدون مقدمات
تساقطت عـليّ أمـطــار...من السماء
بدون غيوم
فوجدتها دموع من عيون القمر
رأى انورا تشع من قلبي
شوقاً وتامل وذكريات وحنين
أحـمــلها لك وهى شرف لي
نعم...لقد أبـكيـت القمر
وعاين لي العين قصاد العين
فقال لـي... ما حل بك سيدي
قلت واهدابي راجفه مبلله
ما حل بي صعيب اثقل كاهلي
اتفهم واتفهم واتفهم واتجهم
وحياتك يا قمر وصية لما تشوف القمر
بلغو شوقي وعذابي وبعادي وسهادي
بلغو يا قمر السلام وان يكون ديمه في امان
وقول للقمر ياقمر كل امنياتي وصالك وقربك
كم اودك يا قمر ... رغم البعاد والسفر
واه ثم اه ادري انه القدر ادري انه القدر
و تظل يا قمر اجمل ثوابت العمر
واغلى عندي من روحي وكل البشر
يارب يا كريم تضحك لك الحياة يا قمر بلا غدر
وقول للقمر يا قمر لا تاكل همي ان الدمع اتحدر
فداك كل الدموع ومليون عُمر وعـمـر
ويا قمر وصية في الذمة ديمه خليك قمر
ويا قمر قول للقمر عشان صحتك بطل سهر
ويا قمر قول للقمر بتكدري امانه عليك لا تتكدر
خليك صافي صفاء روحك لا تتعكنن لا تتعكر
ونوم غطاك الشوق لبكرة والمطره وتدثر
اما زلت تبكي ياقمر ام هذا مطر اهطل المطر
ام هذه اشواقي تعبت من الفر والكر يا قمر
ام ندى جبيني من خرمه قهوة يا قمر
هل تزغللتي عيوني فرايت الفوشي احمر
وسالت مدامعي علي الهجر والسفر والقمر
سيبكي معي ...القــمر
ويتفتح...الـزهـر
ويفنى...الـعــمر
فأنت يا قمر نور..في كياني
وأنت يا قمر زهرة...ببستاني
أنتـ أمنيتـي..
التي لم تتحقق
وجنة...بقلبي زرعــت
جروحي بك قد شـفـيـت
وأحــزانـي بوجودك دفنتها بـلا رحمة
فقليل بحقك أن يبـكي القــمـر
وانا ..
بل كثير علي القمر
ان يكون في سماءه
وانتي بالارض يا ستهم وست القمر


خارج النص
الشــــــوق بحر ما ليه حد

[imported_هيثم قوتة]

ان اليوم هو الثالث والعشرين
اتدرين .. ان انتظاري له حسبته عشرات من السنين
نعم انه الثالث والعشرين من شهر الشوق والانين
ظللت احسب واحد اثنين ثلاثة خمسطاشر عشرين
دقائق وثواني ترقب وانتظار فرحة وفال وبهرجه اتاتين
اقر واعترف باني في قمة الانتشاء رغم التوجس ان لايزعفني حظي باللقاء الثمين
الذي اعددت له كل معتدد وهيات له من الاسباب لكي يكون سبت احد اثنين
احسب في الايام ... اعترف باني حسبتها غلط كنت اعتقد ان الثالث والعشرين
هو الخميس .. لا ادري لما اختمرت في ذهني عبارة خميسك ولو تبيع نقط نقط
اصدقك قول ..ان ما تحتلي من قلبي وروحي ونفسي يتمثل في حرفين
واواً
ودال
ايام وليال طوال عندي تنتابني حالة لا بل صراعات اليك من الشوق والحنين
ارتعد الماً لبعد المسافة اشعر بالشوق يجري مجرى الدم بالشرايين ويطل من العينين
ليتني يا الثالث والعشرين التقيت اميرة الاميرات ليتني فيك كنت طيب مع الطيبين
اصدقك قول .. خططت يا سيدتي منذ ايام لهذا اليوم ان نكون معا كما اتمنى وتتمنين
خططت مع سبق الاصرار والترصد ان ارى منك ضحكتك التي تهزني وعيونك فرحانين
قسما اسعد حين تسعدين اهم حين تهمين ادمع حين تدمعين احلق في الفضاء لما تحلقين
دقيقة وين ماشه وين جارية خلي بالك ما تقعي اتكعنن حين تتعكنين اسير حين تسيرين
اكتب بين قوسين لما تكتبين و و و نقط نقط نقط حين تنقطين وبراااي سرحت في رموش
العين تمكتني الرغبة في الدندنه ... اغالط نفسي بي اصرار واقول امكن انا الما جيت
واقول امكن انا الماجيت ..تفلت من حولي عسى ولعل ان يتغير الظرف الذي منعني من
الوفاء بالثالث والعشرين كم تمنيت ان لي قدرة خارقة لازلل الصعاب واطوى الارض
واجيك واخلي العين قصاد العين اتتفهمين العين قصاد العين خارت قواي وملت نحو
جمبي اليمين .. عندما علمت انك لن تحضرين انتي مهما تغيبي عني مهما تغيبي عني
لحظة واحدة ما بتفوتي مني

انتى مهما تغيبى عنى
اصلو مابتفوتى منى
عايشه فيا ساكنه جواى
فى خواطرى فى مشاعرى
فى تسابيحى وغناى
زى فرح ماليهو اخر
وشوق سنين لزول مسافر
راجى الزمن فى يوم يجيبو
لديارو ولحبيبو
والفريق يفرح يغنى
انتى مهما تغيبى عنى
اصلو مابتفوتى منى
فى عيونك شايله اكوان
من براءة ومن محنه
وعزه تشرب من معزه
ومن تراثنا ومن اصلنا
و وعد غرقان فى نداهو
وزحمة اطفال جوه جنه
وزول بيحلم بالعديله
وفرحة الريد الطويله
ناس تجيهو تغنى ليهو
ناس تبارك وناس تهنئ
انتى مهما تغيبى عنى
اصلو مابتفوتى منى
وتبقى ياحلم الاماسى
شمعه ضاويه فى كل دار
وزهره فى كل المواسم
كل يوم بزيد نضار
تهفو ليك الامنيات
وتزهو بيك الامسيات
وبيك تفرح وليك تغنى
انتى مهما تغيبى عنى
اصلو مابتفوتى منى
اقر واعترف انك من ادخل السعادة والجمال والفرح وكل جميل فين
اقر واعترف عندما يجتاحني الشوق دافئا اعلم انك معاي في الحين
اقر واعترف انا ونفسي وروحي ودك هو ما يضخ الدم فيني وفي الشرايين
وكنا علي بعضنا بيك وبي هواك وودك يا ست الناس متمسكين
ليتنا في الثالث والعشرين كنا بزحل او بجوار بنات نعش محلقين
وفي آخر القول يا سيدتي
اوعديني .. خليك سمحة مع السمحين .. خليك طيبة مع الطيبين
خليك زينة مع الزينين واشتلي الفرح حولك زهر وورد مع الشاتلين
واعرفي اننا مجتمعين انا وروحي ونفسي ليك مشتاقين مشتاقين
تاتي الرياح بما لا نقط نقط ليتك كنت كما اشتهي ايها الثالث والعشرين

[imported_هيثم قوتة]

عمر ياااااخ

[ناصر يوسف]

المشاركة الأصلية كتبت بواسطة imported_هيثم قوتة

عمر ياااااخ

ياااااااااااااه


و هل بعد كل هذا العمر يا هيثم قوتة ،، لسسسسسسسسسسسسسسة بكااااااااااااااااي


هههههههههههه


كتابات فيها لوعة و جرسة تحنن ياخ إنه الحب