(وأقول إمكن أنا الماجيت) .. البكا في الأغنية السودانية..(حالة نفسية) ..

خالد الحاج · 24-01-2009, 11:51 AM

هذا بوست غير جادي..
من أراد مناقشة فقه الضرورة ، تفكيك الأخلاق ، الكساد الاقتصادي العالمي أو الوضع السياسي الراهن بالله يتخارج لينا من هنا

... زهجنا والله وكده ...
إضافة إلي أن هذا البوست يعكس حالة "صاحبه" اللي هو أنا النفسية

لفت نظري مجموعة من البوستات التي يتطلب المشاركة فيها "كلنكس" فائق النعومة ..

بدأ أخونا فخري الزين ببوست ( لو كنت بتريد ليك زول) ..
ثم أعقبه عبد الرحمن حمد ببوست (نظرية) ...
كلي البوستين ينمان عن حالة "خاصة جدا" من الريدة التي تدفع بصاحبها إلي "الطربقة"
لكن والحق يقال الإتنين ماهم بالعنزة الشاردة وأسألوا الباش وشليل...
أو أسألوني أنا

الرييييييييييييدة ... شقاوة ..
والمؤلم أن تحاول لملمة ما فضل ليك من وكت "عمر" وتقعد تحلم ...في الوقت بدل الضائع ..
والمؤلم أكتر أن "تتشرَ" لامن تنشف

دون مرعاة من الطرف الآخر "البلومة" لحالتك النفسية أو العمرية أو الزمكانية ..
تلقي نفسك فجأة توقفك الكلمات الحنينة و ... الحزييييينة ...

لي يومين "معلق" في أغنية محمد النصري .. وفي مقطع بي ذاتو

(سلامات وين نزل محياك
تحياتنا وأمانينا
أكيد باكر نجي ونلقاك
قمر باهر أماسينا
نبل شوق القلوب
ترتاح علي نمة غناوينا)

ثم لأسباب كثيرة ربما -لا تفوت علي فطنة القارئي-
تحول الأمر إلي :
"وأقول إمكن أنا الماجيت "

[align=center][media]http://www.sudanyat.org/upload/uploads/sateen.wma[/media][/align]وطبعا ساقني الإحساس إلي أن من سبقونا لم يتركوا لنا "منديل" وقطع شك لم يتركوا لنا ما نقول..

في زول يا ناس بالحالة دي ...

"قبل ميعادنا بي ساعتين
إبيتو أنا وأباني البيت
وأغالط نفسي في إصرار
و أقول إمكن أنا الماجيت
وطالت وقفة الأشواق معاي جنب المكان ذاتو
أنا ورعشة ظلال الليل وقلبي حزينة دقاتو
وفات ميعادنا فات روح
وشال الليل حكاياتو
تصوري كيف مشاعري أنا
أنا المصلوب علي الميعاد وليك حبل الصبر مديت
أعود كيفن ملان غربة وأشيل الليل عذاب وسهاد
يا ريتك ما وعدتيني ويا ريتنا نحن كنا بعاد
وبرضي رجعت متصبر أسوق خطواتي راجع البيت
أغالط نفسي في إصرار وأقول إمكن أنا الماجيت"

برجع بي باقي الفضل من صبر ونعرض حالة تانية رغم أنه خليل إسماعيل بالغ عدييييييييييييل

النور يوسف محمد · 24-01-2009, 01:16 PM

بسم الله الرحمن الرحيم

الأخ خالد

وأنا أقرأ هذه (السرحه ) الجادة
فى هذا البوست الغير جادى
تذكرت أبيات للشاعر المرحوم الطيب العباسى والتى قالها بعد سنين
قضاها فى المهجر والتى يصور فيها ما آل إليه حالنا , يقول

لدى الحور الحسان خبا زنادى ,,,,,, وفى ساح الغرام كبا جوادى
وأطل الشيب من رأسى ,,,,, ,,, فإذا به سهاماً فى فؤادى
فأبت وقد أبت حبى سليمى ,,,, وبت على جفاء من سعاد
وصارت كل خريدة حسناء ,,,,, تنادينى أبى لما تنادى

كدى خليك من مبالغة خليل اسماعيل
رايك شنو فى (الحردة ) دى
إنت رجع لى رسائلى والرسائل العندى شيلا شيلا
والصور لو قلت برضو , وكل ذكرت ريد جميلة

أو هذا الحب (آحادى) الجانب
تردى ول ما تردى بكتب ليكى يوماتى

إنت عارف يا خالد
مرات يخطر على بالى سؤال مخيف
( أصرفه على السريع )

هل أنا أحببت يوماً ؟؟؟

المرجع

إن المحب للحبيب مطيع !!!!!!!!
خالد
دعوة لعدم التفكير!!

والإستدانة من المخزون الأمنى !!!!
( سرى للغاية ) ؟؟!!!

خالد الحاج · 24-01-2009, 01:41 PM

النور يوسف...
الزول الوريف...
سلام...

تعرف يا النور الواحد بيدخلو الشك متين (هل أنا أحببت يوماً ؟؟؟) لما يزورك الحب من حيث لا تحتسب.. وتكون يا صديقي "مرتب" أمورك علي القياس العام..
عمرك كم ..
متزوج ولا لا...
الحالة الاقتصادية والاجتماعية
"مدي تخانة جلدك" ضد "الجلد" -بفتح الجيم وتشديد اللام - الاجتماعي..
وبعد حساب الحالة التي تختلف من "زول لي زول" ..
يا بقيت تطربق زي رمضان زايد (يا بنات بحري قالوا بتحبو ؟ مرة حبونا )

ونبقي في (تردى ول ما تردى بكتب ليكى يوماتى ) ...

أو كتمتو يا النور يا أخوي في حشاك وبتبقي الحالة "مأساوية"

وتقودك لي :

(طريتك وأنا الكنت قايل خيالك معشعش جواي
سكنتك وما لاقي فجة
رجعلك قليبي المبشتن
يقلب عشانك صنوف الغناوي العصية )
ويتحول إلي غناء للوطن وإمعان في الرمزية (مش أهلنا قالوا البلد بي ناسها ؟ )

أما الطاعة فهي حلم بعيد المنال ...
ومجبور تكون يا صاحب إنت المطيع

و بي سبب الريدة تردد :
(أفرد جناحك ضمني
مهما تجور بمشي وأجيك
لا بقسي لا بزعل عليك
خايف تفوت والسكة بيك ما تلمني..
إنت المهم والناس جميع ما تهمني.. )

همسة:
المخزون الأمني "محروس" ووثائق المخابرات يتم فك أسرها بعد مرور 50 عاما ...

عكــود · 24-01-2009, 03:03 PM

[align=justify]تعجبني يا إبن عمّي ساعة تكتب بمزاج . .
و بجرسة . .
ونخجة.

و طبعاً شايفك في ضربك للأمثلة جلّيت ليك زول فارش برشو وراجي ربّو في الكريبة،
ما عارف ده جنتلمان أقريمنت وللاّ شنو العبارة.
فخري الزين وعبد الرحمن حمد بقو لك الحيطة القصيرة،
والفيل قااااااعد ويلعب بحرفنة، لا هسّع ماسك باقي الآتو، رغم إنّو لاعب بالبوهية القويّة.
وإنت عارف وشايف!

برضو شايفك مركّز على البكاء الخشن،
ومتناسي بوستات ناعمة كتيرة يجمعها، مع ما ذكرت، المصير، البرش الواحد وجودة الكلينكس أبو طبقتين.

بجيك صاد ضروري، البوست ده ربّي يجيب عواقبو سليمة.

على جنب:
شكراً على تغيير الصورة.[/align]

معتصم الطاهر · 24-01-2009, 03:27 PM

فيما يخص عكود
انتو حيطتكم دى كان ما جبتو سيرتو ما بترتاحو
و شنو .. دا يحرّش ..
أها البوست دا أنا ما داخلو إلا بعد شيخي"عصمت" يدينى الاذن ..
أو ...الشيخة "رشا" شيخة زار البكايات ..تدينى خيطي ..

فيما يخص الخال الذى يخص الخال الذى يخص النخجي ..

ما كنت فايق ورايق ..

خالد الحاج · 24-01-2009, 03:28 PM

إزيك يا عمدة...
إكان لي بكا "الكاشف أخوي" فده ما بتهبش أسه

وبعدين المثل قال (إن المصائب يجمعن المصابين)

وأنا والكاشف (دافننو سوا) علي الأقل في الراهن..
أما بكي "النواعم" فلا يغرنك انتصارك علي الجعليين والشايقية "

لا تأخذك بهن رحمة يا عكود يا أخوي ديل سبب الأذية
يبكن يتنخجن لن يبدل هذا أو يغير من الإرث التأريخي البشع للجنس "اللطيف" لطيف إنت يا أخي

( أحييي أنا منهن كبرّني وسمحن )

ويا .....
يا أحلي صبية بتمرق مغرب
عين في الأرض ويد تتناول من خالات الضيق رواب
يا..
يا زهرة وسمحة
ونسمة قمحة

ياااااااااااا

ولا بتواصلي لا بتكالمي...
لا بتجيبي لا بتودي ...
لا فاكرانا لاكي معانا
يالكاتلانا قبال يومنا ...
خدك الخجل كاسيه ولا مندي ؟

وأخوك يا عمدة .... أخوك ... أخو ... أخ

عكــود · 24-01-2009, 03:48 PM

[align=justify]أهلاً بالباش
الهاش وراش

يا زول نحن ما سائلينك . .
سوْ سواتك واسرح
لكن برضك زي ما تنسى الرقابة وكده.
وأنا صراحة راجي الجيلي
وهذا ينطبق على صاحب المداخلة أعلاه.

أمّا أنت يا خال، فوالله سوّيتو أفرش وتخين
وأحدثت ثورة تجديدية في فنيّات البكاء . .
زمان، كان الكرت بيجرّوهو على المغطّى،
بس للشايفو قدّامي ده ما ظنّيتك ترجى لك مداخلة مداخلتين و تفرش رسمي وشعبي،
هو لي هسّع ما فرشت؟

ذكّرتني حكاية واحد النوع البيجعر في أي بكاء ويبدأ بباب النسوان لغاية ما يتفشّى يجي طالع للرجال ويقالد واحد واحد.
يوم كان في بكاء في الحلّة، الجماعة دفنو ودقّو الصيوان في الشارع وزولك جاء متأخّر.
أها نزلتو من المواصلات ختّى عِمّتو فوق وشيهو وبدأ جعري، ماشي على أوّل باب لاقاهو عشان يدخل ويعزّي النسوان، الجماعة من هناك كوركولو، يا سليمان لا . . ده ما الباب، (طبعاً أبو داؤود ما بيرد، والعمّة ما زالت في وشيهو) مشى للتاني والجماعة يا سليمان لا . . ده ما الباب، لغاية ما وصل الباب الصاح، حتّى زولك إتفشّى.

دحين يا خالد أخوي، إنت بابكم بي وين يا عينيّا؟[/align]

معتصم الطاهر · 24-01-2009, 03:54 PM

اقتباس:

المشاركة الأصلية كتبت بواسطة خالد الحاج

هذا بوست غير جادي..

ما جادى ..!!!

دا كلو ما جادى ..
المرة الجاية كون جادى بالله .. جادى إلا خيمتك تكون من كزّام ؟؟؟

معتصم الطاهر · 24-01-2009, 03:57 PM

اقتباس:

المشاركة الأصلية كتبت بواسطة عكــود

[align=justify]أهلاً بالباش

وأنا صراحة راجي الجيلي
[/align]

دا ما سليمان ذاتو ..

الفاتح · 24-01-2009, 04:01 PM

مافي زول بيحت لينا الأتو
بتاع الخال؟

فتحي مسعد حنفي · 24-01-2009, 05:06 PM

بوست زي القلوبية الغرض منو الناس تفت الجواها بس علي مين يامعلم

في ناس التوابع ظهرت فيهم من قولة تيت زي أخونا عكود الغير صورتو القديمة وخت صورة حالية وكأن لسان حالو بيقول أنا ما منهم..أما الباش فدخل بحذر شديد ودا شغل المعلمين..فاضل عصمت الاتوجهت ليهو دعوة رسمية مغلفة بشوية خباثة وجر رجل..
أما أنا فدا طرفي من ممر خيبر حقك دا ياخالد

النور يوسف محمد · 24-01-2009, 05:08 PM

اقتباس:

المشاركة الأصلية كتبت بواسطة شليل07

مافي زول بيحت لينا الأتو
بتاع الخال؟

بسم الله الرحمن الرحيم

إنت عارف يا شليل
الخال دة لاعب بـ تمانية آتو
والله إلا تدكوها
أنا شخصياً
تربطنى به وحدة ( المصدر )
هذا بالإضافة الى أنو فى الوست دى
حريييييييييييييييييييييييييييييييييييييييييف

خالد الحاج · 24-01-2009, 05:36 PM

يا مراااااحب
إن شاء الله ما نجيكم في الكعب

لا حولا ...
أتاريكم ممكونين والفرق بيني وبينكم كما قال أسامة الحاج أني "مشيول حال" والشكية لله

ولو...
لو صحيح غنينا بالدمعة الحميمة
لو دموع الفرحة ما لاقت غنانا
بكرة نرجع تاني للكلمة الرحيمة
شان هنانا
وشان جنانا
وشان منانا
و (شان ساكت بكانا )

ويا عكود يا أخوي سليمان مضايقنو مالكم ما تخلوه يا أخي "يحضن ويبكي" لوووووووووول

يعني البيلقاكم إلا يغني مع زيدان (باب الريدة وانسدة) الله يقلعكم تسدوا النفس

ما نجيكم في شين يا شباب والله

خالد الحاج · 24-01-2009, 07:58 PM

نواصل في عدم الجدية ...

أخونا البكاي الأعظم عصمت العالم ... مرات الحالة بتبقي صعبة خلاص ويقوم عصمت ينزل بوست واتنين وتلاتة ... وهاك يا نخجي.. ومرات تلقاهن ورا بعض زي بيوت السكة حديد

في مرة من ذات المرات أرسل لي فيصل سعد رسالة وكان الشمار كاتلو ..
قال شنو : يا خال ألحق صاحبك الحكاية بقت صعبة وزولك فرش في الواطه عديييل ..
رديت ليه ... أي والله.. رديت

يا فيصل يا أخوي عصمت ده خلوه ...
الزول بصورة ما يعبر عنا جميعا ...
الزول خلووووووووه
بعديها بي يومين فتح أخونا أمير الشعراني موضوع قصيدة (فارسنا وحارسنا) لمحجوب شريف
وقال كده عصمت قلب سياسة ... ودور ليك في محجوب المسكين شمال ويمين

كتبت لي فيصل أقصر رسالة في التأريخ قلت ليه فيها :
(مش قلت ليكم خلوووووه)

وفيصل والجماعة مساكين .. أي والله ما عارفين شي ساكت ..

حبيبنا عصمت حاله كحال أستاذنا عالم عباس في قصيدته "مرايا الشفق"
رأي ما لم يره الآخرون .. وتابع إحساسه الذي قاده إلي البكاء بلا عودة حد الذبح ...

" لؤلؤة القلب أنت
وهم
ما رأوا منك إلا الصدف
رأوا بعض حسنك
منعكسا في المياه
يرجرجه البرق ، لا ينكسف
فهاموا ببدرك
منبهرين
واشعاع بدرك
لا ينخسف

أما أنا
يا لقلبي أنا
وقد حق للقلب أن يرتجف

لم يروا ما قد رأيت ،
إذن صعقوا ،
والزمان أزف

هذي الشموس مطالعها خافقي
فكيف إذا علموا
وقد أنت أشرقت
خلف السجف

علي تشع
علي موعد دائم
عليهم تطل
بمحض الصدف

فهذي النجوم
رمادي أنا
وما قد تبقي دمي
قد نزف

لقد طالما سائلوا
وأي من العاشقيك أنا
وعما أروم
وعما سلف

عجبت لمن أنتِ أنفاسه
أيسأل المرء أنفاسه
عن هدف ؟ "

- رضي الله عنك يا عالمنا وأرضاك -

البكا حالة نفسية بحق .. والمسألة لا تحتاج إلي تفسير ولا تفسر أساسا ...
أبكي يا عصمت ...
أبكي يا صديقي والله ما طلت عليهم إلا "بمحض الصدف" ولا عرفوا السر
السر يعرفه أخاك الكاشف يا عصمت... أي والله...

عصمت العالم · 24-01-2009, 10:51 PM

\

يا ادميرال...
انا اعترف بانى بكاى فى حدود...
لكن انت ومن معك..ناس معتصم الطاهر.والساجد العابد عكود.وحتى فيصل سعد..عندة اموره!!
انت القائد.وانت الرئيس..
ويا ادميرال..
نحن ذبحناهو ..معا..
ودفناه...معا..!!
يا حليل .ربوع شندى...!!

سيبك من معتصم الطاهر..الشاعر المهندس..والله دا حيوديك فى داهيه..!! وربنا يستر..

اما فيصل..سعد .سيبك منو...!!

المهم...
يربطنا يا صديقى كل ذلك الحب العميق..والاحترام المتبادل ...

ومدى المناكفه..
وانا المساح دمع البكا...!!
ليه رايكم..
وراى الشاعر العاشق المهندس...؟؟
وعكود..صاحب العيون..!!
والايقونه..
نعمات حمود...!!

24-01-2009, 11:51 AM	#[1]
خالد الحاج :: كــاتب نشــط::	(وأقول إمكن أنا الماجيت) .. البكا في الأغنية السودانية..(حالة نفسية) .. هذا بوست غير جادي.. من أراد مناقشة فقه الضرورة ، تفكيك الأخلاق ، الكساد الاقتصادي العالمي أو الوضع السياسي الراهن بالله يتخارج لينا من هنا ... زهجنا والله وكده ... إضافة إلي أن هذا البوست يعكس حالة "صاحبه" اللي هو أنا النفسية لفت نظري مجموعة من البوستات التي يتطلب المشاركة فيها "كلنكس" فائق النعومة .. بدأ أخونا فخري الزين ببوست ( لو كنت بتريد ليك زول) .. ثم أعقبه عبد الرحمن حمد ببوست (نظرية) ... كلي البوستين ينمان عن حالة "خاصة جدا" من الريدة التي تدفع بصاحبها إلي "الطربقة" لكن والحق يقال الإتنين ماهم بالعنزة الشاردة وأسألوا الباش وشليل... أو أسألوني أنا الرييييييييييييدة ... شقاوة .. والمؤلم أن تحاول لملمة ما فضل ليك من وكت "عمر" وتقعد تحلم ...في الوقت بدل الضائع .. والمؤلم أكتر أن "تتشرَ" لامن تنشف دون مرعاة من الطرف الآخر "البلومة" لحالتك النفسية أو العمرية أو الزمكانية .. تلقي نفسك فجأة توقفك الكلمات الحنينة و ... الحزييييينة ... لي يومين "معلق" في أغنية محمد النصري .. وفي مقطع بي ذاتو (سلامات وين نزل محياك تحياتنا وأمانينا أكيد باكر نجي ونلقاك قمر باهر أماسينا نبل شوق القلوب ترتاح علي نمة غناوينا) ثم لأسباب كثيرة ربما -لا تفوت علي فطنة القارئي- تحول الأمر إلي : "وأقول إمكن أنا الماجيت " [align=center][media]http://www.sudanyat.org/upload/uploads/sateen.wma[/media][/align]وطبعا ساقني الإحساس إلي أن من سبقونا لم يتركوا لنا "منديل" وقطع شك لم يتركوا لنا ما نقول.. في زول يا ناس بالحالة دي ... "قبل ميعادنا بي ساعتين إبيتو أنا وأباني البيت وأغالط نفسي في إصرار و أقول إمكن أنا الماجيت وطالت وقفة الأشواق معاي جنب المكان ذاتو أنا ورعشة ظلال الليل وقلبي حزينة دقاتو وفات ميعادنا فات روح وشال الليل حكاياتو تصوري كيف مشاعري أنا أنا المصلوب علي الميعاد وليك حبل الصبر مديت أعود كيفن ملان غربة وأشيل الليل عذاب وسهاد يا ريتك ما وعدتيني ويا ريتنا نحن كنا بعاد وبرضي رجعت متصبر أسوق خطواتي راجع البيت أغالط نفسي في إصرار وأقول إمكن أنا الماجيت" برجع بي باقي الفضل من صبر ونعرض حالة تانية رغم أنه خليل إسماعيل بالغ عدييييييييييييل
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

24-01-2009, 01:16 PM	#[2]
النور يوسف محمد :: كــاتب نشــط::	بسم الله الرحمن الرحيم الأخ خالد وأنا أقرأ هذه (السرحه ) الجادة فى هذا البوست الغير جادى تذكرت أبيات للشاعر المرحوم الطيب العباسى والتى قالها بعد سنين قضاها فى المهجر والتى يصور فيها ما آل إليه حالنا , يقول لدى الحور الحسان خبا زنادى ,,,,,, وفى ساح الغرام كبا جوادى وأطل الشيب من رأسى ,,,,, ,,, فإذا به سهاماً فى فؤادى فأبت وقد أبت حبى سليمى ,,,, وبت على جفاء من سعاد وصارت كل خريدة حسناء ,,,,, تنادينى أبى لما تنادى كدى خليك من مبالغة خليل اسماعيل رايك شنو فى (الحردة ) دى إنت رجع لى رسائلى والرسائل العندى شيلا شيلا والصور لو قلت برضو , وكل ذكرت ريد جميلة أو هذا الحب (آحادى) الجانب تردى ول ما تردى بكتب ليكى يوماتى إنت عارف يا خالد مرات يخطر على بالى سؤال مخيف ( أصرفه على السريع ) هل أنا أحببت يوماً ؟؟؟ المرجع إن المحب للحبيب مطيع !!!!!!!! خالد دعوة لعدم التفكير!! والإستدانة من المخزون الأمنى !!!! ( سرى للغاية ) ؟؟!!!
النور يوسف محمد :: كــاتب نشــط::

24-01-2009, 01:41 PM	#[3]
خالد الحاج :: كــاتب نشــط::	النور يوسف... الزول الوريف... سلام... تعرف يا النور الواحد بيدخلو الشك متين (هل أنا أحببت يوماً ؟؟؟) لما يزورك الحب من حيث لا تحتسب.. وتكون يا صديقي "مرتب" أمورك علي القياس العام.. عمرك كم .. متزوج ولا لا... الحالة الاقتصادية والاجتماعية "مدي تخانة جلدك" ضد "الجلد" -بفتح الجيم وتشديد اللام - الاجتماعي.. وبعد حساب الحالة التي تختلف من "زول لي زول" .. يا بقيت تطربق زي رمضان زايد (يا بنات بحري قالوا بتحبو ؟ مرة حبونا ) ونبقي في (تردى ول ما تردى بكتب ليكى يوماتى ) ... أو كتمتو يا النور يا أخوي في حشاك وبتبقي الحالة "مأساوية" وتقودك لي : (طريتك وأنا الكنت قايل خيالك معشعش جواي سكنتك وما لاقي فجة رجعلك قليبي المبشتن يقلب عشانك صنوف الغناوي العصية ) ويتحول إلي غناء للوطن وإمعان في الرمزية (مش أهلنا قالوا البلد بي ناسها ؟ ) أما الطاعة فهي حلم بعيد المنال ... ومجبور تكون يا صاحب إنت المطيع و بي سبب الريدة تردد : (أفرد جناحك ضمني مهما تجور بمشي وأجيك لا بقسي لا بزعل عليك خايف تفوت والسكة بيك ما تلمني.. إنت المهم والناس جميع ما تهمني.. ) همسة: المخزون الأمني "محروس" ووثائق المخابرات يتم فك أسرها بعد مرور 50 عاما ...
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

24-01-2009, 03:03 PM	#[4]
عكــود Administrator	[align=justify]تعجبني يا إبن عمّي ساعة تكتب بمزاج . . و بجرسة . . ونخجة. و طبعاً شايفك في ضربك للأمثلة جلّيت ليك زول فارش برشو وراجي ربّو في الكريبة، ما عارف ده جنتلمان أقريمنت وللاّ شنو العبارة. فخري الزين وعبد الرحمن حمد بقو لك الحيطة القصيرة، والفيل قااااااعد ويلعب بحرفنة، لا هسّع ماسك باقي الآتو، رغم إنّو لاعب بالبوهية القويّة. وإنت عارف وشايف! برضو شايفك مركّز على البكاء الخشن، ومتناسي بوستات ناعمة كتيرة يجمعها، مع ما ذكرت، المصير، البرش الواحد وجودة الكلينكس أبو طبقتين. بجيك صاد ضروري، البوست ده ربّي يجيب عواقبو سليمة. على جنب: شكراً على تغيير الصورة.[/align]
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

24-01-2009, 03:27 PM	#[5]
معتصم الطاهر :: كــاتب نشــط::	فيما يخص عكود انتو حيطتكم دى كان ما جبتو سيرتو ما بترتاحو و شنو .. دا يحرّش .. أها البوست دا أنا ما داخلو إلا بعد شيخي"عصمت" يدينى الاذن .. أو ...الشيخة "رشا" شيخة زار البكايات ..تدينى خيطي .. فيما يخص الخال الذى يخص الخال الذى يخص النخجي .. ما كنت فايق ورايق ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

24-01-2009, 03:28 PM	#[6]
خالد الحاج :: كــاتب نشــط::	إزيك يا عمدة... إكان لي بكا "الكاشف أخوي" فده ما بتهبش أسه وبعدين المثل قال (إن المصائب يجمعن المصابين) وأنا والكاشف (دافننو سوا) علي الأقل في الراهن.. أما بكي "النواعم" فلا يغرنك انتصارك علي الجعليين والشايقية " لا تأخذك بهن رحمة يا عكود يا أخوي ديل سبب الأذية يبكن يتنخجن لن يبدل هذا أو يغير من الإرث التأريخي البشع للجنس "اللطيف" لطيف إنت يا أخي ( أحييي أنا منهن كبرّني وسمحن ) ويا ..... يا أحلي صبية بتمرق مغرب عين في الأرض ويد تتناول من خالات الضيق رواب يا.. يا زهرة وسمحة ونسمة قمحة ياااااااااااا ولا بتواصلي لا بتكالمي... لا بتجيبي لا بتودي ... لا فاكرانا لاكي معانا يالكاتلانا قبال يومنا ... خدك الخجل كاسيه ولا مندي ؟ وأخوك يا عمدة .... أخوك ... أخو ... أخ
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

24-01-2009, 03:48 PM	#[7]
عكــود Administrator	[align=justify]أهلاً بالباش الهاش وراش يا زول نحن ما سائلينك . . سوْ سواتك واسرح لكن برضك زي ما تنسى الرقابة وكده. وأنا صراحة راجي الجيلي وهذا ينطبق على صاحب المداخلة أعلاه. أمّا أنت يا خال، فوالله سوّيتو أفرش وتخين وأحدثت ثورة تجديدية في فنيّات البكاء . . زمان، كان الكرت بيجرّوهو على المغطّى، بس للشايفو قدّامي ده ما ظنّيتك ترجى لك مداخلة مداخلتين و تفرش رسمي وشعبي، هو لي هسّع ما فرشت؟ ذكّرتني حكاية واحد النوع البيجعر في أي بكاء ويبدأ بباب النسوان لغاية ما يتفشّى يجي طالع للرجال ويقالد واحد واحد. يوم كان في بكاء في الحلّة، الجماعة دفنو ودقّو الصيوان في الشارع وزولك جاء متأخّر. أها نزلتو من المواصلات ختّى عِمّتو فوق وشيهو وبدأ جعري، ماشي على أوّل باب لاقاهو عشان يدخل ويعزّي النسوان، الجماعة من هناك كوركولو، يا سليمان لا . . ده ما الباب، (طبعاً أبو داؤود ما بيرد، والعمّة ما زالت في وشيهو) مشى للتاني والجماعة يا سليمان لا . . ده ما الباب، لغاية ما وصل الباب الصاح، حتّى زولك إتفشّى. دحين يا خالد أخوي، إنت بابكم بي وين يا عينيّا؟[/align]
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

24-01-2009, 04:01 PM	#[10]
الفاتح :: كــاتب نشــط::	مافي زول بيحت لينا الأتو بتاع الخال؟
الفاتح :: كــاتب نشــط::	التوقيع: There r 3 types of ppl in this world those who makes things happen, those who watch things happen, and those who wonder wt happened

24-01-2009, 05:06 PM	#[11]
فتحي مسعد حنفي :: كــاتب نشــط::	بوست زي القلوبية الغرض منو الناس تفت الجواها بس علي مين يامعلم في ناس التوابع ظهرت فيهم من قولة تيت زي أخونا عكود الغير صورتو القديمة وخت صورة حالية وكأن لسان حالو بيقول أنا ما منهم..أما الباش فدخل بحذر شديد ودا شغل المعلمين..فاضل عصمت الاتوجهت ليهو دعوة رسمية مغلفة بشوية خباثة وجر رجل.. أما أنا فدا طرفي من ممر خيبر حقك دا ياخالد
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

24-01-2009, 05:36 PM	#[13]
خالد الحاج :: كــاتب نشــط::	يا مراااااحب إن شاء الله ما نجيكم في الكعب لا حولا ... أتاريكم ممكونين والفرق بيني وبينكم كما قال أسامة الحاج أني "مشيول حال" والشكية لله ولو... لو صحيح غنينا بالدمعة الحميمة لو دموع الفرحة ما لاقت غنانا بكرة نرجع تاني للكلمة الرحيمة شان هنانا وشان جنانا وشان منانا و (شان ساكت بكانا ) ويا عكود يا أخوي سليمان مضايقنو مالكم ما تخلوه يا أخي "يحضن ويبكي" لوووووووووول يعني البيلقاكم إلا يغني مع زيدان (باب الريدة وانسدة) الله يقلعكم تسدوا النفس ما نجيكم في شين يا شباب والله
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

24-01-2009, 07:58 PM	#[14]
خالد الحاج :: كــاتب نشــط::	نواصل في عدم الجدية ... أخونا البكاي الأعظم عصمت العالم ... مرات الحالة بتبقي صعبة خلاص ويقوم عصمت ينزل بوست واتنين وتلاتة ... وهاك يا نخجي.. ومرات تلقاهن ورا بعض زي بيوت السكة حديد في مرة من ذات المرات أرسل لي فيصل سعد رسالة وكان الشمار كاتلو .. قال شنو : يا خال ألحق صاحبك الحكاية بقت صعبة وزولك فرش في الواطه عديييل .. رديت ليه ... أي والله.. رديت يا فيصل يا أخوي عصمت ده خلوه ... الزول بصورة ما يعبر عنا جميعا ... الزول خلووووووووه بعديها بي يومين فتح أخونا أمير الشعراني موضوع قصيدة (فارسنا وحارسنا) لمحجوب شريف وقال كده عصمت قلب سياسة ... ودور ليك في محجوب المسكين شمال ويمين كتبت لي فيصل أقصر رسالة في التأريخ قلت ليه فيها : (مش قلت ليكم خلوووووه) وفيصل والجماعة مساكين .. أي والله ما عارفين شي ساكت .. حبيبنا عصمت حاله كحال أستاذنا عالم عباس في قصيدته "مرايا الشفق" رأي ما لم يره الآخرون .. وتابع إحساسه الذي قاده إلي البكاء بلا عودة حد الذبح ... " لؤلؤة القلب أنت وهم ما رأوا منك إلا الصدف رأوا بعض حسنك منعكسا في المياه يرجرجه البرق ، لا ينكسف فهاموا ببدرك منبهرين واشعاع بدرك لا ينخسف أما أنا يا لقلبي أنا وقد حق للقلب أن يرتجف لم يروا ما قد رأيت ، إذن صعقوا ، والزمان أزف هذي الشموس مطالعها خافقي فكيف إذا علموا وقد أنت أشرقت خلف السجف علي تشع علي موعد دائم عليهم تطل بمحض الصدف فهذي النجوم رمادي أنا وما قد تبقي دمي قد نزف لقد طالما سائلوا وأي من العاشقيك أنا وعما أروم وعما سلف عجبت لمن أنتِ أنفاسه أيسأل المرء أنفاسه عن هدف ؟ " - رضي الله عنك يا عالمنا وأرضاك - البكا حالة نفسية بحق .. والمسألة لا تحتاج إلي تفسير ولا تفسر أساسا ... أبكي يا عصمت ... أبكي يا صديقي والله ما طلت عليهم إلا "بمحض الصدف" ولا عرفوا السر السر يعرفه أخاك الكاشف يا عصمت... أي والله...
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

24-01-2009, 10:51 PM	#[15]
عصمت العالم :: كــاتب نشــط::	\ يا ادميرال... انا اعترف بانى بكاى فى حدود... لكن انت ومن معك..ناس معتصم الطاهر.والساجد العابد عكود.وحتى فيصل سعد..عندة اموره!! انت القائد.وانت الرئيس.. ويا ادميرال.. نحن ذبحناهو ..معا.. ودفناه...معا..!! يا حليل .ربوع شندى...!! سيبك من معتصم الطاهر..الشاعر المهندس..والله دا حيوديك فى داهيه..!! وربنا يستر.. اما فيصل..سعد .سيبك منو...!! المهم... يربطنا يا صديقى كل ذلك الحب العميق..والاحترام المتبادل ... ومدى المناكفه.. وانا المساح دمع البكا...!! ليه رايكم.. وراى الشاعر العاشق المهندس...؟؟ وعكود..صاحب العيون..!! والايقونه.. نعمات حمود...!!
عصمت العالم :: كــاتب نشــط::