الشايقيات وسماحتن وسماحة نضمن

[جانيت]

مناسبة البوست ده انو جارتنا شايقية وسمحي ضُمة وليها سنتين ساكنة الشقة فاتحة في باب الشقة بس ماصاحبتها الا لي فترة بسيطة عشان عارفي لساني بتعوج ويبقى نضمي اشتر .
وده بيرجع لانو عشت فترة ستة سنة مع حبوبتي زينب رحمها الله وكانت سمحة ونايرة وطول السنة فيها نضارة ماشفتها في مرة كبيرة وكانت بتقول ده سر الشايقيات ولساني معاها شايقي بحت

غير حاجة السيدة صاحبة حبوبة الكانت بتدلع راجلها عوكشي يا عكوشتي قدام الناس وبينم حب عجيب وفيها نورة برضو غير في شايقية ما بتتلقي مع انها حبوبة لي ولاد ولادها في الجامعة

اخر القصة اي ولد يبدا يفكر في العرس يقول عايز لي شايقي يقولو بيمسكو بيوتن وما بيخلو يفكر في التانية نوهااااااااائي ده راجع لي سماحتن ول سماحة نضمن البينقط عسل ول راجع لي ..............؟؟!!

[خال فاطنة]

الشايقيات وسماحتن

مافي صور؟

[سماح محمد]

الشايقيات وسماح ـتن وسماح ـة نضمن

ياجانيت ياخ مش كان تستأذنيني في البوست الكامل عني دة gap





أكيد متابعة وسآتيك بقصص حبوباتي الشايقيات
عشان ذاته نعرف الناس المقدمة طلبات جنسية ديل غرضهم شنو

تحياتي ياجميلة

[عكــود]

المشاركة الأصلية كتبت بواسطة خال فاطنة

مافي صور؟

لأ،
مافي

[ماريل]

المشاركة الأصلية كتبت بواسطة جانيت

اخر القصة اي ولد يبدا يفكر في العرس يقول عايز لي شايقي يقولو بيمسكو بيوتن وما بيخلو يفكر في التانية نوهااااااااائي ده راجع لي سماحتن ول سماحة نضمن البينقط عسل ول راجع لي ..............؟؟!!

كان مرة كان تتمى النقط
قالت شنو (راجع لى سماحتن ول راجع لى.................)
ال لوية التلوى حنك(عدوك)و(الما بشبهوك)
غايتوا نسوان سودانيات ديل(جُسر)و(فُطر)
حااااااااااالة(سعبة)

[ماريل]

شوفى يا (جنو) عندى رغبة ابراكى و أقرقر مخك ده
السماحة دى حسب شوفى الشايفاهو نوعين(سماحة خلقة الله)و(سماحة مكتسبة)
السماحة الت الله زى سماحة(حنان بلوبلو)والسماحة المكتسبة زى سماحة(ندى القلعة)
كلامى ده قلتو ليك لى شنو؟؟؟
بس عشان تعرفى انو اى أمراءة هى بالتاكيد(جميلة)بس كيف تكتشف مواطن الجمال
عندها وتعتنى بيها......
سجلى عندك (حرم النور برضو ضمن قائمة ناس ندى القلعة)
وزى ما قالت(وانجا)الانوثة جمال مطلق .....
نرجع لى سماحة الشايقيات اهن يا ستى الشابات ديل زيهن وزى كل قبايل البلد
دى فيهن السمحات سماحة الله والرسول وفيهن الما سمحات لكنهن قادرات يجيب
السماحة بى ايدن وشديدن (يعنى قائمة ندى القلعة برضك) ودى نجاضة مكتسباتنها
من اماتن وحبوباتن يعنى خبرة مكتسبة يا حبيبتى ....
واكثر ما يضفى عليهن المزيد من الجمال (لهجن العسل)وده فن من فنون التعامل الاجتماعى
القاعدات يمارسنوا بى (احترافية شديدة)....
على كل يا ستى انا طالعة وجاية استعدى لى قرقرة المخ زين
نسيت اجاوب على سؤالك داك
السبب راجع لى سماحتن ولى الشئ التانى الانت ماقدرتى تقوليهوا وانا ما بقدر اقولوا
لكن كان جات(فُلانة صحبتك ما بتتلفت بترميها زى الترتيب وتتخارج وتخلينى انطط)

[سماح محمد]

المشاركة الأصلية كتبت بواسطة ماريل

كان مرة كان تتمى النقط
قالت شنو (راجع لى سماحتن ول راجع لى.................)
ال لوية التلوى حنك(عدوك)و(الما بشبهوك)
غايتوا نسوان سودانيات ديل(جُسر)و(فُطر)
حااااااااااالة(سعبة)

ياست الدار
ياخ براحة على البنية..لا تهجميها شئ
نقطها دي هي قصدها تفتح بيها أفق حوار
يعني ما إجابة محددة

غايتو يالشايقية جيتينا لافحة توبك
أصلو ما يشكروكم

تحياتي ياصديقة

[ماريل]

المشاركة الأصلية كتبت بواسطة سماح محمد

ياست الدار
ياخ براحة على البنية..لا تهجميها شئ
نقطها دي هي قصدها تفتح بيها أفق حوار
يعني ما إجابة محددة

غايتو يالشايقية جيتينا لافحة توبك
أصلو ما يشكروكم

تحياتي ياصديقة

الحالة دى شكرونا اهن كان نعلونا كان فجرت تلاتة عبوات ناسفة
اتنين فيها وواحدة فى(محمد مصطفى)........
محمد مصطفى قبليها طبعا لزوم انو (احرق حشاها)
ثم يا سماح انتى عاااااااااارفانى القشرة دى ما قعد تقسم مع هواى
عليه انا اتكلمت من منطلق عام وليس خاص......
و(القبلية انا متبرية منها)
و(والنون)الفوق دى تضامنا مع قضيتكن يا الشايقيات بحساب انى اتبرى للدفاع
عن المراءة هذا ما لزم التنويه له....
ثم انى مشتاقة ليك يا(السمح الرزين)

[زول الله]

المشاركة الأصلية كتبت بواسطة جانيت

بيمسكو بيوتن وما بيخلو يفكر في التانية نوهااااااااائي ده راجع لي سماحتن ول سماحة نضمن البينقط عسل ول راجع لي ..............؟؟!!

نان هو راجل الشايقية بكون عندو طريقة للتفكير في التانية؟؟
غايتو اصحابنا المعرسين شايقيات غرقانين تب ..
بس مامتأكد غرقهم دا في العسل وللا في السماحة
ثم اعتقد راجع لكل ماتم ذكره زايداً النقط الفوق ديك
هذا و الله أعلم




اقول قولي هذا واستغفر الله لي..........

[معتصم الطاهر]

غايتو لو حاولت أتداخل

يا النور جاب أجلى

يا القوت ..

[ماريل]

المشاركة الأصلية كتبت بواسطة معتصم الطاهر

غايتو لو حاولت أتداخل

يا النور جاب أجلى

يا القوت ..

اكييييييييد القوت دى(شايقية)
عفيييييييييت منها....

اها والنور مالو؟؟

[جيجي]

المشاركة الأصلية كتبت بواسطة معتصم الطاهر

غايتو لو حاولت أتداخل

يا النور جاب أجلى

يا القوت ..

قلت لي بين نارين
اها بس نحن المشاعر البتولع النار دي ياها المتاكدين منها

[معتصم الطاهر]

اقتباس:
المشاركة الأصلية كتبت بواسطة ماريل

اكييييييييد القوت دى(شايقية)
عفيييييييييت منها....

اها والنور مالو؟؟

بى مواصفات جانيت و ماريل .. شايقية


النور .. عشان بقول !!!

اسع السطر القبل الأخير دا أعلق عليه يلحقونى الصح ..

[طارق صديق كانديك]

المشاركة الأصلية كتبت بواسطة سماح محمد

أكيد متابعة وسآتيك بقصص حبوباتي الشايقيات
عشان ذاته نعرف الناس المقدمة طلبات جنسية ديل غرضهم شنو

المشاركة الأصلية كتبت بواسطة معتصم الطاهر

غايتو لو حاولت أتداخل

يا النور جاب أجلى

يا القوت ..

أضحك الله سنك يا باش

[معتصم الطاهر]

اقتباس:
المشاركة الأصلية كتبت بواسطة جيجي

قلت لي بين نارين
اها بس نحن المشاعر البتولع النار دي ياها المتاكدين منها

النيران .. يا جيجي ..