مانفيســــــــــــــــتو

[أسامة معاوية الطيب]

مدّيت لساني على الأسف
لمّيت جنات الأغنيات
ناديت وجاوبني النشيد

(( أمرق قبل نار المسافات تحرقك
قبل الغناوي تشتتك نار من قصيد

وأكسر شبابيك السكات للكلمة
وأفتح بابا للجار والبعيد

وإتمّطّ فوق صدر السماح
أفرد جناحات العشم لي يوم جديد

وأكتب قدر قدرة غناكَ على الخلود
وقدرة طيور الروح تطير
وقدرة حنينك في الوريد

وإندّس في نص الكلام
يحييك وكت تتعب غُنا
وترتاح شهيد ))
التعديل بأمر الحبيب أبوعاقلة أشعر زول في المكان دا - مع كامل اعتذاري للجميع -

[سمراء]

المشاركة الأصلية كتبت بواسطة أسامة معاوية الطيب

وأكسر شبابيك السكات للكلمة
وأفتح بابا للجار والبعيد
وإتمّطّ فوق صدر السماح
أفرد جناحات العشم لي يوم جديد
وأكتب قدر قدرة غناكَ على الخلود
وقدرة طيور الروح تطير
وقدرة حنينك في الوريد
وإندّس في نص الكلام
يحييك وكت تتعب غُنا
وترتاح شهيد ))

واندس فى نص الكلام ،
اصلو الكلام مليان فراغ
ومرات غنا
مرات يشيل الشين عديل
ومرات يفيض منو الحلا

مرحب بعودة النورس وعودة طيبة وجميلة يا أسامة ، وحدد داير نضبح ليك منو كرامة رجعتك
انا شايفة الرشيد ده مناسب جدا لانو مدوعل ، ومليان وشحمان بالكلام

[سارة]

العـــــــــود أحمد أبلج

اكتب يا اسامة ....بالله عليك تكتب وتفتح الروح ضلفتين

وأكتب قدر قدرة غناكَ على الخلود
وقدرة طيور الروح تطير
وقدرة حنينك في الوريد

[أسامة معاوية الطيب]

المشاركة الأصلية كتبت بواسطة سمراء

واندس فى نص الكلام ،
اصلو الكلام مليان فراغ
ومرات غنا
مرات يشيل الشين عديل
ومرات يفيض منو الحلا

مرحب بعودة النورس وعودة طيبة وجميلة يا أسامة ، وحدد داير نضبح ليك منو كرامة رجعتك
انا شايفة الرشيد ده مناسب جدا لانو مدوعل ، ومليان وشحمان بالكلام

كرامة رجعتي جيتك دي يا جميلة

يا سيد الكل أيا حبيّب
عساك طيب
عساك قدر الغنا النبّص أصابع حرفي واترجّاك
تقيف بين دمعتو وضحكك عشان يلقاك
حنين الصِح
وكت توقد قوافيك فيهو سهراجة
ويغيِّبك وحين فوقة مساديرو بتكونولو الروح
ويستغفر قدر حبّك .. قدر ماغنّى يحلفبك
يلاقيك في سما الخاطر قريّب منّو من بوخ شهقتو
ودمعاتو
يكتبلك بآهاتو القبيلك
ما قدر بي حرفو يكتبو ليك
أيا حبيّب
أيا طيبة أهلو وأمَّاتو وحنينو الفيك
أيا سهكة كلام الشوق قصاد محبوبو يوم يصلك
ويشخت بي عويد الدمعة في وش الأماني البيك
تطير أشواقو بين سهرك وبين الركّ من نوماتو في عينيك

[معتصم الحارث الضوّي]

شعر جميل وصادق، ويستقر في القلب لأنه من القلب.

سلمتَ والحرف

[أشتر]

المشاركة الأصلية كتبت بواسطة سارة

العـــــــــود أحمد أبلج

النكلّمك عاد ...
النفرين ديل بالذات أصلو ما بِـجو متقاودين ...
هو ذاتو العود الفيهو شق دا .. لو ما دندن .. فيهو شك

يا أسامة ياخ كلامك الفوق دا .. هو برااااحة لكن بنزل على الواحد نزلة رجل واحد
بتّاااااار ...
بعدين ياخ الزولة دي حسها إنقرش وصاحت بما يرضي الصهيل ...
كان تهببو ليها ساي ؟؟؟

بس على قدر أهل الغتاتة تأتي الغتاتات

[أشتر]

المشاركة الأصلية كتبت بواسطة أسامة معاوية الطيب

مدّيت لساني على الأسف
لمّيت جنات الأغنيات
ناديت وجاوبني النشيد

(( أمرق قبل نار المسافات تحرقك
قبل الغناوي تشتتك نار من قصيد

وأكسر شبابيك السكات للكلمة
وأفتح بابا للجار والبعيد

وإتمّطّ فوق صدر السماح
أفرد جناحات العشم لي يوم جديد

وأكتب قدر قدرة غناكَ على الخلود
وقدرة طيور الروح تطير
وقدرة حنينك في الوريد

وإندّس في نص الكلام
يحييك وكت تتعب غُنا
وترتاح شهيد ))

عليك الله شيل النقاط لأنو عامله هرجلة

[سمراء]

المشاركة الأصلية كتبت بواسطة أشتر

بس على قدر أهل الغتاتة تأتي الغتاتات

وعلى اهل الشميرة تاتى الشمارات
هسع الزول ده هببو فى اثناء غتاتك دى البى جاى
اها هسع تسوى شنو ؟

ابعد من الشربات

[أسامة معاوية الطيب]

المشاركة الأصلية كتبت بواسطة سارة

العـــــــــود أحمد أبلج

اكتب يا اسامة ....بالله عليك تكتب وتفتح الروح ضلفتين

وأكتب قدر قدرة غناكَ على الخلود
وقدرة طيور الروح تطير
وقدرة حنينك في الوريد

سارة العزيزة
الكتابة بكم معكم ... وسودانيات تظل عالما من المحبة والتواصل
وعذرا إن بح صوتك بسببي ... اها تاني تغني كيف ؟؟؟؟
ياخي كتر خيرك ... وجمّلك فوق ما تحتملي

[سمراء]

المشاركة الأصلية كتبت بواسطة أسامة معاوية الطيب

كرامة رجعتي جيتك دي يا جميلة

جميلة حروفك يازوق ،،،، ،شاكرة لك

[أسامة معاوية الطيب]

المشاركة الأصلية كتبت بواسطة معتصم الحارث الضوّي

شعر جميل وصادق، ويستقر في القلب لأنه من القلب.

سلمتَ والحرف

شهادة على صدري ... يا فنان
سلمت انت سيدي
وشكرا جميلا

[أسامة معاوية الطيب]

المشاركة الأصلية كتبت بواسطة أشتر

النكلّمك عاد ...
النفرين ديل بالذات أصلو ما بِـجو متقاودين ...
هو ذاتو العود الفيهو شق دا .. لو ما دندن .. فيهو شك

يا أسامة ياخ كلامك الفوق دا .. هو برااااحة لكن بنزل على الواحد نزلة رجل واحد
بتّاااااار ...
بعدين ياخ الزولة دي حسها إنقرش وصاحت بما يرضي الصهيل ...
كان تهببو ليها ساي ؟؟؟

بس على قدر أهل الغتاتة تأتي الغتاتات

ياسلام عليك انت
بتاااااار دي شفتها ؟ بالدنيا والله
إن شانئك هو الأبتر ... يا حبيب

[أشتر]

المشاركة الأصلية كتبت بواسطة سمراء

وعلى اهل الشميرة تاتى الشمارات
هسع الزول ده هببو فى اثناء غتاتك دى البى جاى
اها هسع تسوى شنو ؟

ابعد من الشربات

ردي بفتل البوست يا شربات ...
وملاحقة الونسة خليها ... أيتها الأنثى متلقية الحجج

يا أسامة ياخ ما تتواضعو أكتر من اللازم ...
بى قدرتو برفع الداير يرفعو ويغتّس حجر الذين ما قايمة ليهم قايمة
وشكرا

[نبراس السيد الدمرداش]

الزول السمح الفات الكبار و القدرو
نورت سودانيات من تاني
جميل الاحرف و الكلمات

اول و آخر مرة
تاني ما تعيدها

سمراء و جنالبعاقلة
امشوا افتلو ليكم بوست تاني

[سمراء]

المشاركة الأصلية كتبت بواسطة أسامة معاوية الطيب

ياسلام عليك انت
بتاااااار دي شفتها ؟ بالدنيا والله
إن شانئك هو الأبتر ... يا حبيب

يا ستااااااااااار !!!!
,,,,
,,,,
تعال سد ضلفة بي ضلفة ,, وتعال افتح براك النار.
ويا بتار جبال الهم منو السواك براك اذكار؟
نسبح بيك قبل نسجد ونركع من سجود لي ركوع
واسمك فينا زي تذكار.
ويا مسدار بنات اهلك
منو الخلانا نلهج بيك
ندخرك باب علي عرفة
ودفة تسوقنا لي امتار
وما محتار. ,,
براي سميتك العاقل
وعارف جن حراق روحك
ينتّف جنك البتار.
ادفر الباب علي مهلك
ولو اهلك نسوك انكر
وتلب من قصر شوقك
واصلو النية راجعة النار
وابقى كنار.
ويا مترار خزاين الليل اسرق الخطوة بي مهلك
كون اهلك
وعمرك ياخي ما تحتار.
وما تنصر علي جلدك
اذا رهف القلب وداك وكان الفقد فيك واحد
ودرب السكة هو الغدار.
ورمل الواصلة واسيهو
وبراك اعرف توازن الكيل
وما تخليهو لي الاقدار.
وشد زمل البسوقا الريح
وما تِنْصَر تكوس غيمك
وغيم رهب السحاب ودار.
وشُق الضي بريق يشلع
يضون لك كهارب الروح ومصباحك قليب ابيض
يقصِّر ليك لي مشوار.
تدور تمشيهو بي خاطرك
ودافر النية بيضا برق
بيفضح لُجتا الاسرار.
وشيل الليل براك اسهر

غايتو ياجنى لبعاقلة عندك حاجات ......تحير!!