على الهامش

[أسامة معاوية الطيب]

اقتباس:
المشاركة الأصلية كتبت بواسطة الرشيد اسماعيل محمود
أسامة معاوية..
ياخي الهامش دة جهجهني والله..
ياخي ماقادر اقول اي حاجة..شفت كيف..!!
لو قلت ليك في حاجات بتبكي الزول عديل كدة..
والهامش حقك دة واحد منها بتصدق..؟؟
ياخي وجعتني وانت ماك داري..
لو كنت جمبي وبديت تقول في كلاماتك دي..
كنت بمشي منك طوالي.
غايتو ياخي مبروك المولودة..



الرشيد الرشيد
ياخي سلامات
والله وددت مفاجئتك بمكالمة هاتفية ولكن اصطدمت محاولات حصولي على الرقم بحائط كثيف ( مرة يا الرشيد درسنا أستاذ الدين أن من مبطلات الوضوء إذا لمس الرجل ذكره بدون حائل كثيف ... وقال لنا بثقة من لا يخشى الفقر أن الحائل الكثيف هذا نوع من أنواع القاذورات ... دي كلها بمناسبة كثيف دي وبمناسبة ما حفره فينا بعض الأساتذة من خوف على مستقبل المعرفة
ياخي الله يبارك فيك ... وعقبالك ... 00905072573660 دا طبعا اكتر تلفون مبذول في الأسافير دون أن يلفت النظر ... بس رنة عليك الله خلينا ياخي نبل الشوق دا
يا سلام عليك ياخي ... اتفضل
قت لي الرشيد منو ؟ أيوااااااا ... كيف الجماعة بللاهي
هامش هامش ... ياسيدي بلا مركز بلا لمة

[أسامة معاوية الطيب]

وعلى الهامش أبث حزني المركزي
إن الحزن حالة من فرح مؤود
هو بالضبط كذلك
لذا فنحن نبكي موت الفرح أكثر من ولادة الحزن
و
قد مات الفرح ... والثابت أن الفرح فقط يموت
والحزن
فقط
يولد
لذا ففي هذا الكون ستة مليار حزن
وفرح يتيم ينتظر موته حالما نفيق
على الهامش يبكي المركز
وعلى الهامش يولد الحزن ألف طفل ... ويمضي الفرح لحال مقابره
ويهش عن أذنيه أغنياتٍ فادحة

[أسامة معاوية الطيب]

الموت؟

الموت أسودٌ
ليس أبيضُ منه ، سوى الكفن
الموت أبيضٌ ، ليس أسودُ منه ..
وقطار أرهقته المحطاتُ
يسترخي على أصواتِ بائعيها
ربما تنفع الجلبة يوماً
حين ينفرد بك الصمتُ ، ودودُ الأرضِ
ويتآمر ضدّ روحك البدن
والأرضُ
تمتصُّ أجسادنا دمعةً … دمعة
وتسمح للهواءِ باعتناق العفن
ولكن أرواحنا ، تحلّق في فضاءاتها
تبحث لأزمانها عن زمن

[أسامة معاوية الطيب]

يتزاحم (المحطة الوسطى)
شهيق العيون المسافرة
والجيوب النائمة
والرؤوس التي
تنشّقت (التمباك) وغفت
فقط يخلع أضراس نومتها
(الكمساري) يطقطق لنقود
غائمة
وجباهٍ أدمنت النظر إلى صفحات الأرض
تكتب المرافئ على أشرعة السفن الهائمة
قاعدةٌ
الأحلام في مقاعد النساء
و(البص) يهترئ كل حين
والنساء اللواتي ينزفن أنوثتهن
يصنعن الشاي والركود
على شماعة الأسى
وقيامتها قائمة
تتقاطر أم درمان نقطةً
نقطةً
على حلوق الأماني الصائمة
تخرج الوردة من جلدتها
تدخل في جسد
أم درمان الموشوم بالجرح
شوكةً نادمة

[أسامة معاوية الطيب]

قصــــــــيدة

طفلان :
أنا والقمر
ورمل الليل الرطْبِ يداعب رجلينا
وعمر أطفال القصيدةْ
صوتٌ من شجر ( الجمّيز ) ينادينا
ولون الحقل يشكّل
طعم العمر برائحة المسافات البعيدةْ
غسلتنا الدهشة ذات مساء
قتلتنا الآن الدهشةُ
حين تلملم من بحر الأشواق مراكبنا
لنخوض بحار غربتنا الجديدةْ
شيخان :
أنا والقمر
ورمل العمر الناتئ حجراً
يأتي
ليدوس على أشواك حكايتنا
دمع أعيننا السهيدةْ
عبرتنا كل أغاني الصيفِ بلا نسمة
والآن تكبّلنا في الريح الأمطار
وتدمينا الذكرى
" إني لأراني أعصر أمرا "
وأنا والقمر
الآن سكرنا
البحر مجتهد يفكّ السُكرَ عنّا
ليسلمنا لسكر رغبته الوحيدة
موتى :
القمر وأشلائي وذاكرة العشبِ
والرملِ وأطفال الأناشيدِ السعيدةْ
ولكننا ننعم في موتنا
_ ومنذ الحلم _
بأكفان القصيدةْ

[أسامة معاوية الطيب]

العشق أن تفنی
لتخلدَ إلی آخر الكون وتبقی
تقرب أكثر من حبل الوريد
- علی بعدكَ – لترقی
تستوي قائماً علی عرش محبوبك
تصلي
وطيور قلبك تحلّق فوق أغصانها
دمعاً وشوقا
حينها
يقرأ الربُّ سور معانيه
في عينيك
وتحبل ألف غيمةٍ
بحدائق من عمرٍ
ينبض بين جناحيك
برداً وحرقا

[هيثم علي الشفيع]

المشاركة الأصلية كتبت بواسطة أسامة معاوية الطيب

لمتين نتجارى على الأيام لهفة وأشواق
وما يسكن جوفنا بلا الحسرة
وتتشعبط فينا ليالي الفاق
والوجعة تقِّيل في الغنوات ، والقلم اشكدي على الاوراق
وعارف يا سيف
مع انك رحت في غمدة عين ، لكنك ساكن في الأعماق[/SIZE][/FONT][/FONT][/B]

ياخ الكلام الب(أزرق) دة عوّقني عديييييييييييييل

أسامة


إزيّك؟؟؟؟

[Amin Bushari]

اسامة معاوية الطيب

ســـلام.. وكلامك طاعم وحلو مثل تلك المديدة
وازكى نتابع معك وليتك تجد اجابات تريحنا بها
عارف مرات لما الناس تكون بتأكل والملاح يكمل
وتمشــي (تــورّد) تجيب ملاح زيادة ايضا الطعم يختلف
اجتهدت كثيراً في ايجاد تفسير ولم اجد؟ ليتك تفعل


تحاياي

[سماح محمد]

يــا أسامة ياخوي..أختك جديدة في المنبر
لكن والله كلامك جهجهني..شديد..ماقادرة أعلق وماقادرة ما أعلق

كل حزن بترسبوا فينا الدنيا بيوجعنا لكن بنتحداهو وما بنقدر نبكي
إلا الموت..لأننا ما بنقدر نتحداهو..بندمع..ويسري الحزن بسلاسة
الى ودواخلنا..ونشكر بعدها الدموع لأنها بتساعدنا ونرتاح..

زيدنا بالله من النوع ده..خلينا نفش غبينتنا من الدنيا..

تحياتي..ومبروك..قالو جابولك بنية..

[أسامة معاوية الطيب]

المشاركة الأصلية كتبت بواسطة هيثم علي الشفيع

ياخ الكلام الب(أزرق) دة عوّقني عديييييييييييييل

أسامة


إزيّك؟؟؟؟

طبعا متحاشيك يا صديق لدواعي أمنية !!!!
ولك أن تتخيل أن امضي اربعين يوم في الخرطوم وما نتلاقى

سلامات (على حياء بالغ )

والقلم اشكدي يا حبيب على أي اوراق
ياخي ازيك ياخي

[أسامة معاوية الطيب]

المشاركة الأصلية كتبت بواسطة Amin Bushari

اسامة معاوية الطيب

ســـلام.. وكلامك طاعم وحلو مثل تلك المديدة
وازكى نتابع معك وليتك تجد اجابات تريحنا بها
عارف مرات لما الناس تكون بتأكل والملاح يكمل
وتمشــي (تــورّد) تجيب ملاح زيادة ايضا الطعم يختلف
اجتهدت كثيراً في ايجاد تفسير ولم اجد؟ ليتك تفعل




تحاياي

بشاري ازيك
تعرف لما الملاح يكمل دا بيكون عمل كمية من التفاعلات غريبة بينو وبين الصحن والأيادي ... والبطون
الجديد حا يجي يبدا من الاول ... وطبعا بيكون عندو سياسة مختلفة
في حاجات كتيرة خالص دايرة بحت وبجي اقعد ليها لو ربك قال

[أسامة معاوية الطيب]

المشاركة الأصلية كتبت بواسطة سماح محمد

يــا أسامة ياخوي..أختك جديدة في المنبر
لكن والله كلامك جهجهني..شديد..ماقادرة أعلق وماقادرة ما أعلق

كل حزن بترسبوا فينا الدنيا بيوجعنا لكن بنتحداهو وما بنقدر نبكي
إلا الموت..لأننا ما بنقدر نتحداهو..بندمع..ويسري الحزن بسلاسة
الى ودواخلنا..ونشكر بعدها الدموع لأنها بتساعدنا ونرتاح..

زيدنا بالله من النوع ده..خلينا نفش غبينتنا من الدنيا..

تحياتي..ومبروك..قالو جابولك بنية..

سماح سلامات
جيتك عجبتني ... ومرحب بيك - متأخرا بعض الشيء - في سودانيات
والله يبارك فيك والبنية تسلم عليك

تعرفي يا سماح !!
مرات الكتابة بتكون فعل ثانوي جدا قصاد الفعل نفسو .... وتلقى نفسك بتكتب وتكتب وتكتب وتنتبه لأنو الحروف مادة ليك لسانا ... لأنها ببساطة اقصر قامة من الموضوع الاساسي

لكن نسوي شنو ؟ آدي الله وآدي حكمتو
خليك قريبة نتشارك فش الغباين مع بعض

[أسامة معاوية الطيب]

المشاركة الأصلية كتبت بواسطة جيجي

وليس لنا الا انالله وانا اليه
كلنا والله يا اسامة
فقط نهش لهوامش منا ببعض الفرح
كي نكون

ياستي جيجي
الحزن غابة ...والفرح شتلة
وأنا متمرد يخشى الغابة ... وتتأبى عليه الشتلة


في حديقة الحياة
يتمشی اليأس وتنام علی خطو دمعتها
الجدوال
تيبس حلوق الغناء الجميل
فتزهر فوق شجر الحلم
أعواد المقاصل
كان ماكان من البعد
والشوق لا تسكته
بل تزّكيه الرسائل
والدمع حين يجف في العيون
تراه بين القلب ومجری الوجد سائل

[نبراس السيد الدمرداش]

يا لهذا الحزن يا اسامه
انا لله ياخي انا لله

تحديدا اتحاشيت ارفع البوست دا و رفعت بوست بستاذنك يا طيبه
قلت ما ازيدك حزن فوق حزنك يا زول اكتب اكتبنا معاك
مرات زي ما قلت الحزن بكون اكبر و محتاج لزول اقدر مننا يعبر

[أسامة معاوية الطيب]

المشاركة الأصلية كتبت بواسطة نبراس السيد الدمرداش

يا لهذا الحزن يا اسامه
انا لله ياخي انا لله

تحديدا اتحاشيت ارفع البوست دا و رفعت بوست بستاذنك يا طيبه
قلت ما ازيدك حزن فوق حزنك يا زول اكتب اكتبنا معاك
مرات زي ما قلت الحزن بكون اكبر و محتاج لزول اقدر مننا يعبر

ياستي
الكتابة شن طعما ؟

لوردتين وشوكة
ونخلة متعبة
للغبار يلف خاصرة القمر
بقصائده المتربة
ولعصافير جدتنا الصغيرة
نحنُّ لبيت يغرق في زيت الضفيرة
لوطن من منفی ووطن

لزحام يلتصق بنهد الشوارع
فيزهر الغناء
لدمعتين تطيلان الوقوف
علی ناصية العين المرتجفة
وتسيلان حقولا من بكاء
نذرف أقمارنا
علی الصحاري
التي تحرق سنين صفرتها وتذروها رياحا
وقناديل وحشتها
ثيابا أبيض من نصاعة أحزاننا
وتفرش أشجارها العارية
علی طرقات الكون كفن

لحارس يتبل حساء وحدته
بأغنيات خائفة
والعيون تشرب ما تبقی من السهد
وتسقي أطفاله المواويل النازفة
يغزل من أحلامه لحظة من
صبرقاتل ومخدات
من مكان مستحيل وزمن

لعاشقين يقطران في نشوتهما
الآف المعاني
ويقطفان ورود غدهما
من سياجات المحطات البعيدة
لأتربة الميادين
العالقة بكعب أم
تزرع الشارع بخطواتها تبحث
عن ابنها الغائب في مجرات النضال
وأوهام الأجندة
لدمعة تختنق في عيون القصيدة
وتسيل خيطين من نشيج وشجن
يقف القلم
مستندا علی ذراع حرف مشلول
ويبكي ذاكرة من رمل
ينهكها المطر بالدمع
فتنسرب لأغوار الأرض
ملحا وشوقا
وتباريح تنفض ريش جناحيها
وتطير سدیً