خلاصات شعرية

[أسامة معاوية الطيب]

(13)

بينات البحر والموج والرياح
بلقاك في غنايا في الدم في الجراح
بلقاك في الليالي زي هبّة نسِّيم أو نبض الصباح
با الجوايا داخل ضاقتبي المداخل ومليانبك براح
وقمريات يقوقن رجعّن الأماني وصبري الياما راح
وأدّن عيني دمعة لا طالت فراقك لا طالا النواح
وكلما الغيبة طالت بتذّكر عيونك كيف سايلات سماح
وبينّا الدنيا طيرة الأحلام غناها والأيام جناح

[أسامة معاوية الطيب]

(14) قراية في دفتر الجراح

النخلة والريح والجراحات والزمن
والعصافير المبكّمة بالسبيط والمرقة
وفي بالا الوطن
دمعات على خد الحكايات القبيل
سالن على صفحة( مراية) الحال جرن
والنخلة كل ما ليك تموت
وكل مالا تحيا غنا وشجن
وكل ما يطول بالنخلة شوق
لي يوم تخدّر وتنبسط
تملا البراحات بالتمور
تنضارا في أياما( المضن)
وما أقسى يا ساعة الحلم
من صحية تتشايح ضلام
لا قمرة لا نجمات صِحن
وما أقسى من يحرن صباح
بعد (النويرات) ما حِسن
والنخلة يا الفرح القديم
مخلاية الصبر الحميم
ضوّاية والأيام( سكن)
جرحين على أياما التهز
تملا الشواويل بالرجا
وتنفض غبارات المحن
جرحين على القمري الطفر قدّاما
ما قالتلو وين
وأياما ما شال هم سكن
جرحين على النيل الرقد
متمدي لا حد الحزن والقيف كفن
وبرّاحة والأيام حبال
مهرودة بي حر الجراح
النخلة ترباية الصلاح
ضمّت شتيــــــــــــــــــلاتا
وبكن
النخلة
والريح
والجراحات
والزمن
والعصافير المبكّمة
بالسبيط
والمرقة
وفي بالا الوطن

[عكــود]

سلام يا أسامة و
يا سلام!

أوجعتني جراحات النخلة، العصافير، القماري و النيل.

وما أقسى من يحرن صباح
بعد (النويرات) ما حِسن

آمنت بالله من هذه المقاربة . .
النوريرات حِسَن!!

[عكــود]

المشاركة الأصلية كتبت بواسطة أسامة معاوية الطيب

(12) جيتي ليـــــــــــــــكي

جيتي ليكي
بلا الغناوي الباقّة فرحة
وراجعة آخر الليل ترازي
جيتي ليكي
متل شويفعين المدارس
يوم تلاقيهن اجازي
والقماري اللستحمّن
فوق طريف جدول يغنّي
وشالن الشوق للبرازي
وزي عيون أمّات يخشّن
في لبينة الحال وبالن
في تمامة الفد قزازي

يا ربّي أعلّق هني
ولّ أخت سفّتي و إتخارج!

مع إنّي ما بسف.

[أسامة معاوية الطيب]

المشاركة الأصلية كتبت بواسطة عكــود

يا ربّي أعلّق هني
ولّ أخت سفّتي و إتخارج!

مع إنّي ما بسف.

انا بي جيتك دي زاتي أخت سفتي واتخارج!

مع انّي انا برضو ما بسف

ياخي جمعتك مباركة

[تماضر حمزة]

المشاركة الأصلية كتبت بواسطة أسامة معاوية الطيب

(12) جيتي ليـــــــــــــــكي

جيتي ليكي
بلا الغناوي الباقّة فرحة
وراجعة آخر الليل ترازي
جيتي ليكي
متل شويفعين المدارس
يوم تلاقيهن اجازي
والقماري اللستحمّن
فوق طريف جدول يغنّي
وشالن الشوق للبرازي
وزي عيون أمّات يخشّن
في لبينة الحال وبالن
في تمامة الفد قزازي

لاحولا ياخ
وزي عيون أمّات يخشّن
في لبينة الحال وبالن..في تمامة الفد قزازي..

[أسامة معاوية الطيب]

المشاركة الأصلية كتبت بواسطة تماضر حمزة

لاحولا ياخ
وزي عيون أمّات يخشّن
في لبينة الحال وبالن..في تمامة الفد قزازي..

وجاءتنا صاحبة الابتسامة الجميلة
شايفة الجية دي عاملة كيف ؟

استغربت جدا وانا بقرا في بروفايلك ... قت يا ربي القضارف دي متين ودوها يوكي ؟

شايفة القراءة بمحاميل خاصة بتودي وين ؟؟؟
ياخي جيتك دي بالدنيا

[طارق صديق كانديك]

المشاركة الأصلية كتبت بواسطة عكــود

يا ربّي أعلّق هني
ولّ أخت سفّتي و إتخارج!

مع إنّي ما بسف.

المشاركة الأصلية كتبت بواسطة أسامة معاوية الطيب

انا بي جيتك دي زاتي أخت سفتي واتخارج!

مع انّي انا برضو ما بسف

ياخي جمعتك مباركة

المشاركة الأصلية كتبت بواسطة أسامة معاوية الطيب

(12) جيتي ليـــــــــــــــكي

جيتي ليكي
بلا الغناوي الباقّة فرحة
وراجعة آخر الليل ترازي
جيتي ليكي
متل شويفعين المدارس
يوم تلاقيهن اجازي
والقماري اللستحمّن
فوق طريف جدول يغنّي
وشالن الشوق للبرازي
وزي عيون أمّات يخشّن
في لبينة الحال وبالن
في تمامة الفد قزازي

ماخليتو لينا فرقة لي سفة ... ولا لي مخارجة .. !!

في تمام البهاء ياسامة

[أسامة معاوية الطيب]

(15) سريح الذكرى

وقعدت تحنس في سريح ايدا
وتغنيلنا البحر
وكان البحر شارد
يفكر في حكي القيف المرق خلاهو راح
فارد جناحات الصدود
عصفور
وراقد في الفضا الممدود ملاياتو الصلاح
تحتو الأراضي الياما قيسبت الجنات
باشّي وصفاح
تحتو المسادير المشكّنة في النخيل
دفّيق وشوق وعقاب جراح
تحتو العتامير الملتقة بالعطش
ضهباني فوق درب الحياة وشبعاني موت
والغيم يعاين بي قعر عينو ويفوت
والحلي زي دمعة حزن
تتلم فوق هزة أساها وتتفرق
تنزل بيوت
فاتحات علی الشارع نواح
وكان السريح في ايدينا قريفة الحزن
جاييها من تبروقة او كروقة أو طبقا لديح
جاييها من واقود يضاحك في اللدايات الوحيح
جاييها من كراب عنيقريبا المجلد بالأسف
والحمی والشقا والزحيح
والونسة والضل والبراح
كان السريح
صاحب قديم
صاحب حميم
يعرف يشهي الريح غنا الكتمة
ويشد خيل الليالي علی الصباح

[أسامة معاوية الطيب]

(16) سريح الذكرى

كان السريح
صاحب قديم
صاحب حميم
يعرف يشهي الريح غنا الكتمة
ويشد خيل الليالي علی الصباح
كان السريح لمة كسور كمين سنة
واقفات علی باب الزمن واحد صحيح
كان السريح
سيّد جراح الامنيات الباقة في شمعة غناها
علی الامل
ما جاها ريح
كان السريح
في فد ضفر
وتتقاسم الحلي الشحيح
كان السريح حبة ملح علی بال جريح
كان السريح
مرقة حروفا علی الغنا المافيهو حيل راقد كسيح
كان السريح
دمعات تنورق شوقا في درب الترك تملا الشواويل بالمديح
وكان السريح
غيمات ينقطن العشم شان يحيا في التمر السبيط
والبرود الطول ضريح

[تماضر حمزة]

بالله هو ده انت؟؟
السريح ده
واللاي قلت ماخليتلنا شئ!
نصّك ده لاقاني في بوست تاني
الغريبة اسمك مكتوب هناك بس تقول شنو على الزهايمر


القضارف علاقتي بيها شنو مافهمتك
احتياطن كده شكرن على حسن الظن

[أسامة معاوية الطيب]

المشاركة الأصلية كتبت بواسطة طارق صديق كانديك

ماخليتو لينا فرقة لي سفة ... ولا لي مخارجة .. !!

في تمام البهاء ياسامة

حبيبنا طارق سف وقارن
ولو ما فاطر ما تخاطر

دام بهاءك مع كسرة الجمعة الشهيرة

[مبر محمود]

أسامة يا ساعي الوريد..
سلام
ها أنتم تعالجون الشِعر، وهاهو الشعِر يعالجنا
ها أنتم الشعراء وها نحن الغاءوون التُبّع .. فهل من مزيد؟ هل من قصيد؟
كُتب التاريخ والجغرافيا تحدثهم عن بلاد المليون ميل وعن بلاد المليون شهيد، فهلموا يا معشر الشعراء لتحدثوهم عن بلاد المليون نشيد..

كن بخير يا صاحب، وأعلم بأننا دائماً هنا ..متربصين بكَ وبما تكتب

[الرشيد اسماعيل محمود]

يا أسامة معاوية..
أتابع من بعيد.. من المساطب الجانبيّة.. ولا لياقة زمنيّة تسعفني لأهتف ملء الكلام..
لكن ياخي بالغت في السِّر ده..!!
قال:
"السِّرُّ أن تبقي طليقاً في غنائك"..
ثم بفكرة فرض الكفاية ربما.. واحتمال بعامل الشفقة.. أضاف بياناً يطمئن به سجناء الغناء (وتُقرأ الشجن)..أضاف:
"يا سجينا في غنائك لا عليك"..
غايتو البيت ده مجهبذ جدّاً..
ثمّ..
دايما بفتكر صلاح حاج سعيد كاتب قصصي.. وماهر في القصّ القصير جدّا.. القصيدة عندو بتكتمل من البيت الشعري الأوّل.. (لسه بيناتنا المسافة والعيون واللهفة والخوف والسكون).. خلاص.. دي قصيدة مكتملة.. الباقي كلو كلام ثانوي وتفاصيل.. لو ما كتبها برضو القصيدة بتكون مكتملة..
المهم:

وقعدت تحنس في سريح ايدا
وتغنيلنا البحر

دي قصة براها.. وممكن تعرش علي كدة ونفهم أيّ حاجة بعد داك..
يعني البيت دة براهو قصيدة.. ولو كنت رسّام تشكيلي.. كنت أبدعته لوحة تحتفي بتفاصيلها الألوان..
قلت لي تحنِّس في سريح ايدا...!!!
وتغنيلكم البحر..!!
يا سلام.. طبعا كلمة "قعدت" دي أجمل ما في الحكاية.. يعني لو قلت "كانت" تحنس في سريح إيدا.. كنت خربت لي الرّصة.. لكني عارفك زول رصّاااص..
والله غايتو أمنيتي الكبيرة إنو التشكيليين يبارو الشعراء الغاويين وسامة ديل.. لوحات جاااهزة.. ومجاّناً..

والحلي زي دمعة حزن
تتلم فوق هزة أساها وتتفرق

هسع يقولولك شنو..؟؟
بجيك.. بس ألقي لي سانحة طيّبة.. زي ريحة كلامك الفوق ده..

[أسامة معاوية الطيب]

المشاركة الأصلية كتبت بواسطة مبر محمود

أسامة يا ساعي الوريد..
سلام
ها أنتم تعالجون الشِعر، وهاهو الشعِر يعالجنا
ها أنتم الشعراء وها نحن الغاءوون التُبّع .. فهل من مزيد؟ هل من قصيد؟
كُتب التاريخ والجغرافيا تحدثهم عن بلاد المليون ميل وعن بلاد المليون شهيد، فهلموا يا معشر الشعراء لتحدثوهم عن بلاد المليون نشيد..

كن بخير يا صاحب، وأعلم بأننا دائماً هنا ..متربصين بكَ وبما تكتب

مبر يا حريف ... حريف دي ممكن تقرأ من حرف وحرفنة وانحراف إيجابي !!!

تعرف فكرة الانحراف الإيجابي - التي أنت رائدها هنا - فكرة توسع كثيرا في ماعون الحياة ... وتبدل كثير من عادي أوراقها إلى خاص وخاص جدا وباهظ العذوبة والعذاب

واتوكل واغنيلك
تلاوي حروفي ريحة المطرة
واتجاسر علی وصفك واجي اشكيلك
وطول ما نشفت كتاحة شتلات العشم جواي
يبق نيلك
واناديلك
وحد ما سافرت غنواتي واتغرب تظل هيلك
تقوم مغصوبة للمرقة
وتقع دمعاتا بينات ايد مناديلك
واناديلك
حفيف الوجعة
صوت الرجعة
للقمري الطفر من عيني يحكيلك