سلام للمرة المليون يا ريس
اقتباس:
المشاركة الأصلية كتبت بواسطة لنا جعفر
رأيي الموضوعي بيتلخص في الآتي ....
ماحدث ليس انقلاباً عسكرياً فالإنقلاب العسكري سماته ماواضحة لي هنا
لم تتمّ إعلان حالة طوارئ ولاإعلان قوانين عُرفية ولم يتم تعيين حاكم من العسكر
ولا مجلس عسكري يا بابكر...
بل تمّ تكليف رئيس المحكمة الدستورية ليشغل منصب الرئيس
القوات المسلحة في بيانات وتصريحات متتالية أعربت عن زهدها في الحكم وقالت انها لن تحكم ولن تتدخل في السياسة
الجيش مجرد حارس لرغبة اغلبية مقدرة للشعب
لمن تطلع أعداد متجاوزة لإعداد المقترعين والمسجلين للإقتراع ده بيعني كتير يابابكر
ولمن تتعنت جماعة الأخوان في الإستجابة لمطالب قانونية ودستورية عند دعوتهم لإجراء انتخابات رئاسية ده بيعني كتير
الأخوان ذهبو بإجراء دستوري يادكتور وهو البند الأول في بيان السيسي ...اللي هو إجراء انتخابات رئاسية مبكرة...منصوص ع الإنتخابات مبكرة ودي قال بيها الجيش
ماذهبو بي دبابة ولا بي انقلاب...ذهبو بالقانون الرفضوهو ياباكر
قبلما تبني حكم علينا بعدم المبدئية ناقش ثم رص الاحكام ياباشا
في حتة مهمة جداً
لايمكن احزاب ديمقراطية ووطنية وممثلين روحيين زي البابا وشيخ الأزهر وثوّار زي محمود والاتنين المعاهو بتوع تمرد لايمكن يقبلوا يكونو شركاء في رسمة بتاعت عسكر....عارف يعني شنو تمرد وشباب طلع في يناير من سنتين مناهض مبارك العسكري ومات منو الف نسمة وزيادة ؟؟
برر لي رضاء البرادعي وناس تمرد وكهنة الرب بي انقلاب....برر سريع,,
ولو قلت لي هم رافضين الأخوان ومستعينين عليهم بالعسكر بزعل منك ومابعفى ليك خااااالص انت والبروف
حكاية الشعب الطلع دي يابابكر أرجع في تقديرا ليوم 30 يونيو وبتلاقيها متجاااااوزة ال 25 مليون نسمة الصوتت في الانتخابات وكانت 13 لي سي مورسي و12 وحبة للجنرال شفيق ...
دي تقديرات جهات محايدة يا بابكر...
يبقى لو الكيزان طلعو بي اكتر من العدد الصوتو بيهو لي مرسي بس كنا حنقول انه الشارع منقسم
الشارع هنا ما منقسم...الشارع هنا فيهو اغلبية واقلية
اغلبية شعبية أذاقها الكيزان وساموها سوء العذاب وحاربوها في عيشا وفي دينا زاتو
وكفروها وبيعلنو عليها الجهاد أناء الليل وأطراف النهار وعايز يتمكنو غصباً عن عين ابو اهلهم
الكيزان مصريين لكنهم مصريين مخذولين بسبب سياساتهم وبسبب تمييزهم الديني والطائفي الكيزان كانو في مواجهة الجيش والشرطة والقضاء والأحزاب الوطنية مجتمعة عدا الجماعة الإسلامية واللي هي اقلية لكن مواطنين برضو
يا باكر الشرعية هنا شرعية الميدان والأكثرية
والديمقراطية يا دكتور هي رأي الأغلبية اضافة لي انه في جو ثورة وفي شرعية ثورية برضو ....بتتكلم عن ياتو ديمقراطية؟؟؟
سيييب ديل
حزب النور السلفي يابابكر كان موافق على انتخابات رئاسية مبكرة حقنا للدماء ولانه زي ماقال عضو فيهو انه مصلحة البلد أهم والأخوان ما اقامو دولة الشريعة
يعني زي الكفار واحد عند الحويني وجماعتو
الجماعة الاسلامية دي زاااتا كانت منقسمة ولازالت وفي مجموعة منهم بتقول بالانتخابات المبكرة وقمعوهم وحنشوف خير في الايام الجاية من تشظي وتكفير بعضهم لبعض وح تقر عيونا جداً كمان
ليك ولي أمين بقول ليكم انا بعارض وبكره الكيزان لانهم منقلبين وقاعدين بي انقلاب في السودان وما ثابت لغاية هسا انه ده انقلاب في مصر
تمر الفترة الانتقالية ياباكر ونحتكم لموقف القوات المسلحة المصرية لكن ما تبني لي على افتراض ابداً قدامنا وقائع هي البتحكمنا
ومن خلال الوقائع والمعطيات أثبت لي انه انقلاب ومتوفرة فيهو اشراط الإنقلابات
بدل تقطعو بي انه انقلاب
بعد القوات المسلحة المصرية دي ذات نفسها سلمت السلطة لي حكومة ديمقراطية منتخبة في 30 يونيو الفات لي مرسي
يبقى في سابقة ياباشوات اضافة لي حسن النية القدموها وعينو زول قاضي ومدني لي إدارة شيئون البلاد وعمل انتخابات رئاسية مبكرة
صح الكلام يا امين وبابكر ؟؟؟؟
|
تعريفك للانقلاب العسكري تعريف ما صحيح يا ستهم من الناحيتين العملية و النظرية !
نظريا : الانقلاب العسكري بيعني فرض العسكر لارادتهم على الحياة السياسية بالقوة : و هو ما حدث تماما !
عمليا : حتى الان فعلا (
لم تتمّ إعلان حالة طوارئ ولاإعلان قوانين عُرفية ولم يتم تعيين حاكم من العسكر ولا مجلس عسكري ) لكن شنو الدراك إنو ده ما بحصل بكرة لمن الكيزان يواصلو مظاهراتهم و رفضهم لما يحدث زي ما بدأ يحصل الان !!
من قبل بمبدأ تدخل العسكر في الحياة السياسية، ما من حقو ينتقدهم لو فعلو ما فعلو بعد داك !!
---------
الجيش مجرد حارس لرغبة اغلبية مقدرة للشعب !! 
من متين الجهه الكل قيمتها إنها عندها القوة و القوة فقط بتصبح حارسة لرغبة الناس ؟!
بعدين قصة (
اغلبية مقدرة للشعب) دي مبااالغة، الباقيين ما (
اغلبية مقدرة للشعب) ؟!
ياخي آخر مرة القصة دي إتحسبت (
اغلبية مقدرة للشعب) كانت في صالح الكيزان !!
و منو هم العسكر ذاتهم عشان ينحازو لطرف دون آخر ؟!!
-------
لايمكن احزاب ديمقراطية ووطنية وممثلين روحيين زي البابا وشيخ الأزهر وثوّار زي محمود والاتنين المعاهو بتوع تمرد لايمكن يقبلوا يكونو شركاء في رسمة بتاعت عسكر....عارف يعني شنو تمرد وشباب طلع في يناير من سنتين مناهض مبارك العسكري ومات منو الف نسمة وزيادة ؟؟
و حتي لو اقتنعنا بوطنية الناس ديل، في أيدهم شنو عشان يقيفو في وش العسكر بعد ما ادوهم ( الغطاء السياسي ) للتدخل و فرض رأيهم .
لمن تجيب ليك أسد يكتل ليك جارك العندك معاه مشاكل، أول ما يعلفهم بعلفك إنت ذاتك !!
بعدين البابا و البرادعي و تمرد ديل كلهم أعداء سياسيين للكيزان، كيف (
لايمكن يقبلوا يكونو شركاء في رسمة بتاعت عسكر) و هم فعلا شركاء وفرو ( الغطاء السياسي ) للتدخل بدونهم العسكر ما كانو بقدرو يخشو، الان العسكر خشو و فرضو رأيهم المتماهي مع أعداء الكيزان و بكرة لو فرضو رأيهم باي شكل مافي زول منهم يقدر يتكلم طالما بصمو على مبدأ تدخلهم في الحياة السياسية !!
--------
برر لي رضاء البرادعي وناس تمرد وكهنة الرب بي انقلاب....برر سريع,,
يا ستهم، انتي دايره تبرير لحاجة حصلت قدام الناس ؟!
البرادعي و تمرد و (كهنة الرب) رضو بالانقلاب العسكري و ادو العسكر غطاء سياسي و موافقة مبدئية على التدخل في الحياة السياسية !! هم اليبررو عملو كده ليه، ما الناس المعارضة فعلهم دا !!
--------
ليك ولي أمين بقول ليكم انا بعارض وبكره الكيزان لانهم منقلبين وقاعدين بي انقلاب في السودان وما ثابت لغاية هسا انه ده انقلاب في مصر
تمر الفترة الانتقالية ياباكر ونحتكم لموقف القوات المسلحة المصرية لكن ما تبني لي على افتراض ابداً قدامنا وقائع هي البتحكمنا
ومن خلال الوقائع والمعطيات أثبت لي انه انقلاب ومتوفرة فيهو اشراط الإنقلابات
بدل تقطعو بي انه انقلاب
مشكلتك و من يرى رأيك يا ستهم انكم بتتخيلو العسكر ديل دمى تستعمل لحظة الحاجة و يتم رميها بمجرد الانتهاء منها !!
الناس دي ما disposable ، أي لحظة تحصل حاجة ما تعجبهم بينفشوها طالما تقبلتم مبدأ التدخل !!
-----------
بعد القوات المسلحة المصرية دي ذات نفسها سلمت السلطة لي حكومة ديمقراطية منتخبة في 30 يونيو الفات لي مرسي
الوضع مختلف، الثورة شارك فيها الشعب كلو و ما سلمت السلطة لمرسي، سلمتو للشعب القال عايز مرسي و اللهي النقطة الانتو ما عايزين تشوفوها !!
مرسي رئيس منتخب جاء بالشعب و بآلية ديمقراطية، يمشي بالشعب و بآلية ديمقراطية ليس من بينها إزاحتو بقوة العسكر و إلقاء القبض عليه و على قيادات حزبه و إغلاق قنواتهم الفضائية !!
