اقتباس:
المشاركة الأصلية كتبت بواسطة تاج السر الملك
اخي حسين خضر و الأخوة المتداخلين
ياخي بصراحة كده، وردي ده عقدنا، يسوي في الأنتحار بتاعو ده، و نحن نتفرج نلقى ليه في الأعذار، هسة لو المزيكاتية ديل عملو لينا مزيكة بدل النضمي، كان على الأقل عرف انو ما محتكر الشغلة براهو، المسألة عرض و طلب، و الناس ما عندهم غير الستماع للغناء القديم المكرور و المفصل على اصوات جديدة، وردي لغاية الشهر الفات عندو اغنية جديدة، بعدين البحصل منو ده ما جديد، بريد الفلة، لكن مشكلة الولاءات دي انشاء الله تكون خرف ساكت، لأنها جرح مؤلم لوجدان اهلنا الأحتفو بيه.
|
عزيزي تاجو
كيفنك ياخ
مشتاقين يا صاحب والله . دي هسي يقولولا شنو يا تاج غربة الرموز ولا ممكن نسميها شنو بالضبط ؟ ياخ هذه البلاد السودانية مؤلمة حد الفجيعة يا صاحب وقدر ما تمشي فيها تحبطك كأن لم يكن . تخيل صواردة دي زاتها يا تاج فيها ما فيها من آلام ومغايص بفعل هؤلاء الجبابرة اللي هم في الأخير بدخول النواحي ديك عبر وردي !؟ بالله موش حاجة عجيبة .
وثالثة الأسافي يا تاج حكاية التبرع (لمنظامات المجتمع المدني بصواردة) ياخ هؤلاء الناس مشغولون للغاية بالمفردات الكبيرة !
طبعاً قعدت أضحك للقصة دي ! طيب طالما في منظمات مجتمع مدني في صواردة الممرقنا منها شنو ؟ شئ عجيب ياتاج
