:
اقتباس:
المشاركة الأصلية كتبت بواسطة ماجد تاج
ـ
ناس البطانة يا عم رأفت بيقولو :
" إن وقع القدر من السروج ندلّى
ونركز على هرعاً نضيف ومجلّى "
دحين انت كنت بتكرر باستمرار لحدي ما حفظنا :
" الديموقراطية حارة .. الديموقراطية حارة "
ما ممكن أبداً تجي انت أول زول ما تتحمل حرارة الديموقراطية دي
ما ممكن في أول محك الناس تنسحب وترجع لورا مهما كانت المبررات أو الدواعي
وللحق كل المنسحبين من هنا أنا شايف أنهم أجحفو وبشدة في حق الاخرين
في أحيان كتيرة المثل الدارج إن غلبك سدّها ببقى هو الحل الامثل
لما المسائل توصل لباب مسدود أحسن طريقة تفتح الباب هنا هي عرض المشكلة على صفحة المنتدى العام
لأنه بالاستقالة يا عم رأفت بتكون ساهمت إسهام فاعل جداً في تكريس وضع ما صحيح
أو في الاقرار بأنه الانكسار تحت الضغط جايز
أنا عن نفسي ما قبلت منك .. وما بعفي ليك
لأنه لما رشحتك وانتخبتك كانت عندي أمنيات عريضة انت التزمت بيها
واصل في مهمتك .. ولابد من نقاط تلاقي تثمر حاجة مفيدة
ـ
|
ماجد اخوى ..سمعته بى قصه المره الودت ولدها المدرسه ووصت الاستاذ وقالت ليه ..عليك الله ماتدقه ...بس انته دق الولد الجنبو ... وهو بخاف ..
النظام والانضباط صنع من اجل الاخرين الذين هم حولى ....
اظنه شعا ر صنع خصيصا للسودانيه ..
عم رافت ...تودع تودع تودع كيف ....؟
وبرطانه البدو...وهل تطيق وداعا ايها الرجل ..تم باقى القصيده .. فان الركب مرتحل