الجميل مُحسن خالد بالإمارات

[أبوبكر عباس]

لو في زول عندو اعتراض على جمال الزول دا، يكتبو لينا هنا.

الأيام دي، لو أي زول اتكلم معاي في أي موضوع؛ بإي طريقة بحاول أدخل سيرة محسن في الكلام
مثلاً: لو أمي قالت لي في التلفون: بت أختك دخلت الجامعة
برد ليها: أوكي، بعد أغشى مُحسن خالد في الشارقة بتصل أبارك ليها



ــــــــــــــــــــــــــــــــــــــــــ
خصمتكم بالنبي ما في زول يقول لي: الرجعك شنو؟ ما قلت حردان! عشان أنا حساس.

[زول الله]

المشاركة الأصلية كتبت بواسطة بابكر عباس

غايتو المرة دي صدقتك في شفافيتك وحساسيتك زاتا
اها كيف معاك؟

تحايا وسلامات كمية بالله لهذا الانسان الجميل




*عشان كدا الجو عندكم اليومين دي متجلي

اقول قولي هذا واستغفر الله لي..............

[أبوبكر عباس]

المشاركة الأصلية كتبت بواسطة زول الله

*عشان كدا الجو عندكم اليومين دي متجلي

زمان يا زول الله، كنت بفتكر انو أجمل ما في الدنيا هي:
- سواحل البحار (beaches)
- السينما
- الببسي
لكن هسع أقول: أجمل حاجة في الدنيا هي:
الغلاط الحي مع محسن خالد

[حسين عبدالجليل]

المشاركة الأصلية كتبت بواسطة بابكر عباس

زمان يا زول الله، كنت بفتكر انو أجمل ما في الدنيا هي:
- سواحل البحار (beaches)
- السينما
- الببسي
..........................

"الطحنية" وين ؟

[أبوبكر عباس]

المشاركة الأصلية كتبت بواسطة حسين عبدالجليل

"الطحنية" وين ؟

سوف تكون هناك لقاءات هامة بين الأديب الكبير ومثقفي سودانيات الإمارات.
أمس إلتقى الأديب الشاعر محسن خالد بالمفكر الكبير محمد حسبو في جلسة مؤانسة قصيرة
ــــــــــــــــــــــــ
شنو يا حسين، حركات بابكر عباس دي؟!
خليني أنا ما تسلم على، محسن ما بستحق المطايبة والترحيب؟

[ام التيمان]

المشاركة الأصلية كتبت بواسطة بابكر عباس

لو في زول عندو اعتراض على جمال الزول دا، يكتبو لينا هنا.

الأيام دي، لو أي زول اتكلم معاي بإي طريقة بحاول أدخل سيرة محسن في الكلام
مثلاً: لو أمي قالت لي في التلفون: بت أختك دخلت الجامعة
برد ليها: أوكي، بعد أغشى مُحسن خالد في الشارقة بتصل أبارك ليها



ــــــــــــــــــــــــــــــــــــــــــ
خصمتكم بالنبي ما في زول يقول لي: الرجعك شنو؟ ما قلت حردان! عشان أنا حساس.

محسن خالد ...... نيو لوك







قص الدفيس

سلامات بكة
سلامات محسن

[ناصر يوسف]

بابكر عباس يا كاتبي المفضل

تحية وسلام وشوق

وتحايا لمحسن خالد كمان

[أبوذر بابكر]

عليك الله يا بابكر

امانة بس فى رقبتك

تسلم عليهو
وتقول ليه أبوذر بغريك السلام والمحبة

وقول ليه برضو اتصلت عليك فى مدنى

ومافى أى رد

[أبوبكر عباس]

أم التيمان، ناصر يوسف وأبو ذر
تحاياكم وصلت للأديب الكبير ووصاني كسكرتارية أوصل ليكم رد السلام والامتنان،
تسلموا يا رائعيييين
بابكر عباس
ع الأديب

[أسعد]

واشمعنا مركز مع قصة (أديب وشاعر)؟!
مع تحايانا الوافرة للمفكر والفيلسوف العظيم محسن خالد

[أبوبكر عباس]

المشاركة الأصلية كتبت بواسطة أسعد

واشمعنا مركز مع قصة (أديب وشاعر)؟!
مع تحايانا الوافرة للمفكر والفيلسوف العظيم محسن خالد

في هذه اللحظة يا وجدي، قاعد مع محسن خالد وهو قاعد يراجع في بوست مذكرات سينمائية
أها بعد مداخلتك دي، سألتو: عليك الله يا محسن، وجدي دا، طعمو شنو البخليك تهدي ليهو البوست؟
ابتسم وقال لي: وجدي حبيبي

[أسعد]

محسن انسان سمح وزي ما وصف نفسه انه كائن مجري
عليه بكون كل الناس احبابه
هذا والا كيف تفسر لي أنه ممكن يقعد معاك وكمان يحاول يدحض غولاتك؟!

[عادل عسوم]

لمحسن التحية والاعزاز ولم ازل انتظر منه اتصال يا اخ بابكر...

[أمين محمد سليمان]

المشاركة الأصلية كتبت بواسطة بابكر عباس

شهد الله ... شوفتك ساي ترد الروح !!

[أبوبكر عباس]

المشاركة الأصلية كتبت بواسطة عادل عسوم

لمحسن التحية والاعزاز ولم ازل انتظر منه اتصال يا اخ بابكر...

سلام يا عادل
تحاياك وصلن للأديب، شكرا يا وضيء
ــــــــــــــــــ
وَضيء: (إسم)
الجمع : أوضياءُ ووِضاء، المؤن : وضيئة، والجمع للمؤنث: وضِيئات ووِضاء
صفة مشبَّهة تدلّ على الثبوت من وضُؤَ
رَجُلٌ وَضِيءٌ: نَظِيف، جَمِيلٌ
وَجْهٌ وَضِيء: مُشْرِقٌ