شهقة الموجة

[معتصم الطاهر]

لِنت يا الراسى
فارقتها الروقة
بين غَمْضَتى .. وحاسّى
ذُبت فى ذوقا ..؟
يا تبقى من ناسى
أو تبقى معشوقا..!

صدقت إحساسى ..
وكذبت مرساتك ؟
غافَلْتَ حُرّاسى ..
وشَدِّيت شراعاتك ..
كَمّلتَ أنفاسى..
فى شهقة الموجة ..

زولة .. القمر دونا
كِـمل الوَصِف فيها ..
الزَهْر من لونا ..
الدُّر مكنونا
الأرض وما فيها
والشمس وما فوقا ..

لا بَحْمَل لهيب شوقا
لا قادر أطفِّيهو ..
قلبى الوِدِر فوقا
"حدثتو يتصّبر"
من ريدو وتصابيهو
قال لى "ما بقدر"
يا ريِتِك تصافيهو
من ورطتو الفيهو