القصيدة الاولى مهداة مني لعكود ..
حد العشق
غناء محمد النصرى
يامالي عينى باليقين
مالينى لحد العِشِق
لمتين بتتوارى وتبين
لا تصفا ، لا يوم نتـّـفِـق
انا كل ما أعتب عليك
من شوقى بالشوق بَنحرِق
يسبقنى درويش الغرام
و ألقاهو فى ريدك غِرِق
أمرق من الوهج العَلَى
و ادخل عليك زى البَرِق
تدخل متل ضل الضحى
وبالراحه تمرق منسرِق
فاض الحنين والريد بحر
و أشواقى من شوقك فَرِق
فرق المشاعر الما نِسَتْ
قدر الحبيب لا شمّـتـَت فيهو الخَلِق
فرق الحنين من زول بريدك بصِدِق
كل ماطراك بالفرحة يشهق وينشّرِق
وانت الهناك لا حنّ قلبك لا شِفِق
لو توّهَك وَهِمْ الظنون
من ياتو سِكة بِتتلَحِـق
وياتو عُشْرة تهون عليك
ما تَسْوأ حاجَة وتستَحِق
وانا ما حَدَقتك من زمان
كان اصلو هو الريد بالحَدِق
أمرق هداك باب المروق
لو مرّ نقدَر نفْترِق
وادخل بدِسّك فى العروق
مااصلو دساس العرق
يامالى عينى باليقين
ومالينى لحد العشق
