زقـاق الجـن : الجرف الأخير بين طرطوس والبحر

[مهند الخطيب]

المشاركة الأصلية كتبت بواسطة جيجي

مهند
مرحب بهذه العودة البازخة
كن دوما هنا بكل جمالك الذي عهدنا

العزيزة جيجي ، سلام و محبة يغشوك ...

وتحية فياضة لي شوفك وتشك عين الظلام بالضو ...

حباب تراحيبك وحباب ظنك الطيب فينا بالجمال ....

[مهند الخطيب]

المشاركة الأصلية كتبت بواسطة فيصل سعد

الحبيب مهند لك التحايا و الأشواق و مرحبا بك في ديارك و هذا الإياب الجميل و العودة الناصعة، و حتما تعود معك مواسم الكتابات الناصعة القا و صحوا و بريق.. مجدد الأعزاز و المودة يا صاحب..

المسافـة فيصل سعد ... كيفنك يا حبيب وعساك طيب وجميع حبّانك؟

الكتابات الناصعة فال المنتدى وواسوق أهله ، والعودة فرض محبب وخيار واجب لابد منه زي ما وجودك هنا محبب ولابد منه ...

مودتي التي تعرف يا مسافة ...

[مهند الخطيب]

المشاركة الأصلية كتبت بواسطة أمير الأمين

"ولد رجاء بت ست الدور"
كترت منها داخل النص.

مرحب مرحب بأهل مدينة العلم ..

ح أحاول أبرر سبب الكترة دي يا أمير ، كتابة تراتيل الجزيرة المتوسطة (زي ما وضحت في كم مرة قبل كده) وكنت انت موجود في المنشورات السابقة اعتمدت كتير على الديالوق الداخلي في القص ، ومرات كان بظهر فيها ضميرين في الحكي وعشان يتم التفريق بيناتم كان بوسم الجمل اللي بضمير الغائب بـ "ولد رجاء بت ست الدور" .. ح أراجعا تاني وأشوف لو خالقة مشكلة في التلقي و نسمع من بقية القراء برضو ...

أبقى طيب ...

[مهند الخطيب]

المشاركة الأصلية كتبت بواسطة عبد المنعم حضيري

هجرة عصافير الخريف
فى موسم الشوق الحلو
هيج رحيلا مع الغروب
احساس غلبنى اتحملو
وكتمت اشواق الحنين
داير الدموع يتقلو
ورجعت خليت الدموع
ينسابو ..منى وينزلو
ليه يا عصافير الخريف
خضرة مشاعرى اشيلا صيف
تحت الغمام شايف
مواكب الهجرة اتلاشت سراع
ليه يا عصافير ليه الاسف
مين علمك أسف الوداع
وعارف دا ما اول سفر
لبلاد بعيدة بدون متاع
زى ما بتخافي من الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
غايب السنين الليله
مالو غنا العصافير غلبو
طراهو زولا كان ولوف
كم رضا خاطرو وطيبو
سمع قليبو كلام حنين
هدهد مشاعرو ودوبو
الناس سعيدم فى الحياة
لا ضاق فراق لا جربو
وانا حالى فى بعد الوطن
دفعنى ضي العين تمن

مرحباً بالمهند ومن بعده مرحباً بكل طائر مرتحل عبر البحر قاصد الأهل حملتو

حملتو أشواقي الدفيقة

للقلم سطوة وللقلوب جلوة وللإحساس خلوة.... تنادي...أن يا طرطوس وبحرها ... إين من عيني هاتيك المجال ....؟؟؟

وأكيد أكيد حنتقابل

كن بخير

سقى الله حرثك يا حبيبنا عبد المنعم وأنت تلاقينا بترحابٍ باقة ، يحمل الود و أغنيتين لهما في القلب مقعد وثير ، عصافير الخريف على ما بها من بهاء وهي تحمل ما تحمله من ودٍّ و شوق وحنين ينغمها سيدي محمد عثمان وردي ، وكرنفال فينيسيا التي تشبه النص تماماً! ولكأنها موسيقى تصويرية له ، كرنفال فينيسيا التي فتح بها موسيقار الأجيال وعبقري اللحون محمد عبد الوهاب فتحاً جديداً فيما يخص اللحن ، وحين انتقلت الى جنوب الوادي ، البسها عمنا عبدالرحمن بشير (ابن الشاطيء) لحناً بديعاً آخر وغناها من بعده أفذاذ حملوها الى منتهى جمال الابداع ، سيد خليفة ، حسن عطية ، عبد الكريم الكابلي و آخرون ...

شكري الجزيل و مودتي على حفاوتك و نداوتك و طيب مدخلك ....

[يحي عثمان عيسي]

انت جيت وإياكا الزين
الحبيب مهند كنا ما عايزين لكن عايزين
الان ممتلئين حد الشبع
لك طعم ..

[عبد المنعم حضيري]

المشاركة الأصلية كتبت بواسطة مهند الخطيب

سقى الله حرثك يا حبيبنا عبد المنعم وأنت تلاقينا بترحابٍ باقة ، يحمل الود و أغنيتين لهما في القلب مقعد وثير ، عصافير الخريف على ما بها من بهاء وهي تحمل ما تحمله من ودٍّ و شوق وحنين ينغمها سيدي محمد عثمان وردي ، وكرنفال فينيسيا التي تشبه النص تماماً! ولكأنها موسيقى تصويرية له ، كرنفال فينيسيا التي فتح بها موسيقار الأجيال وعبقري اللحون محمد عبد الوهاب فتحاً جديداً فيما يخص اللحن ، وحين انتقلت الى جنوب الوادي ، البسها عمنا عبدالرحمن بشير (ابن الشاطيء) لحناً بديعاً آخر وغناها من بعده أفذاذ حملوها الى منتهى جمال الابداع ، سيد خليفة ، حسن عطية ، عبد الكريم الكابلي و آخرون ...

شكري الجزيل و مودتي على حفاوتك و نداوتك و طيب مدخلك ....

لقد تغنيت بما عنيت تماماً دون زيادة ولا نقصان وأترفت الإحساس بأنيق حرفك وعمق تعبيرك وثراء ثقافتك فهنيئاً لنا بك

أبقى طيب

[مهند الخطيب]

المشاركة الأصلية كتبت بواسطة حسين عبدالجليل

عودا حميدا و أنت تعود متأبطا هذا النَصْ الرائع .
لغة أنيقة! كتابة شاعرية مكثفة و جميلة!

هلا بالشباب!

لك العتبى حتى ترضى يا حسين، انما هو الطشاش الخﻻني فطيتك...

تسلم وتراحيبك الجميلة وشكرا على كلماتك في حق الكتابة...

[مهند الخطيب]

المشاركة الأصلية كتبت بواسطة Hassan Farah

سلام يا ولدنا وان شاء الله عودة حقيقية وليست كذبة ابريل ....

عمنا حسن فرح عساك طيب وعافية ...

الرجعة دي بتكون حقيقية متين؟؟ لمن نرفع بوست الحبش؟؟

ليك التحية والتجلة يا عم حسن ...

[عكــود]

سلام تاني يا مهند وجيتك دافر،

في نظري، نكهة النص الأساسية اكتسبته من المكان وإنسانه، فجعلته مختلف المذاق عن نصوص كثيرة قرأناها وكان مسرحها بلاد الفرنجة، حيث تكمن الفوارق الواضحة في تعامل كاتبيها معها، أو أرض الكنانة التي نعرفها.
هنا، جعلت المسرح بلاد الشام، وحقيقة لم يسبق وأن قرأت أعمال أدبية سودانية كُتبت على أرضية ذلك المسرح.

ملاحظتي الثانية، وقد سبقني عليها حسين عبد الجليل، اللغة في كامل أناقتها والنص بمجمله مهندم و"ماهو لابس توب الجيران". علامات الترقيم في محلها (بس يا ريت لو أزلت المسافة بين العلامة وآخر حرف في الكلمة التي تسبقه) وحسب قراءتي، فهو خالِ -تقريباً- من الأخطاء الإملائية التي يقع فيها أغلبنا.

هناك أيضاً وصف دقيق للأشخاص والتفاصيل الدقية، مثل وصف عمّك كيفورك:

المعلم كيفورك الأرمني مومياء منحت القدرة على الحركة ، جثة نحيلة و متحللة منع الجلد عظامها من الظهور ، يغلب عليه اللون الأصفر في كل أشيائه ، أسنانه التي أهلكها التبغ ، عينيه التي عُمِّدَت بالرمد الربيعي ، و له شارب ضخم ، كثيف كمكنسة ، لم تستطع ازاء شاربه الكث الا أن ترجع الى بلاد الاخشيد البعيدة ، و تتذكر عباس صمد الساقية ، الذي كان يفاخر القرى يوم السوق بعظمة شاربه ، وكيف أن الخواجة الاغريقي اخبره أنه طاف من البلاد ما لم يطفه السندباد ولم يرى شارباً كشاربه !
كم تمنيت أن آت به الآن من قفاه ليرى هذا الشارب الذي يجعل من شاربه درب نمل في فلاة ، علّه يكف عن أهل القرى غروره ...

والجميل هنا إستدعائك لشخصية عباس صمد الساقية من مسرح مكاني آخر، وربطك الجميل السلس.

رغم تبريرك، برضو بتّفق مع ملاحظة "اللاقط" الحصيف أمير الأمين، أعتقد أنك قد أكثرت من "ولد رجاء بت ست الدور" وتحتاج منك مراجعة.

بحتاج لقراءة أخرى وعودة.

أبقى طيب.

[ناصر يوسف]

المشاركة الأصلية كتبت بواسطة مهند الخطيب

السلام والتحية الجزيلين يا ناصر على الحفاوة ...

كمان التحية موصولة لأبريل المجيد ...




لكن ما عصرت علي جمالها شوية ؟

ياخي ..

اشكرك

التنغيص بحسب لسان العرب أصلها الفعل نغص :
نغص : نغص نغصا : لم تتم له هناءته ، قال الليث : وأكثره بالتشديد نغص تنغيصا ، وقيل : النغص كدر العيش ، وقد نغص عليه عيشه تنغيصا أي كدره.

في انتظار مجيئك بي روقة للنص ... ابقى طيب ...[/QUOTE]


بالله هي ،، إنغاص وليست ،، إنقاص

ياخي أكان كده انا عصرت علي جمال اللغة ساكت ياخ

النعمنو كده نحن ما ناس عنقالة لغة لغة ساي يا حبوب

حقيقي النص فيه متعة لا متناهية

انا قدرت أشوف مشهد حريق رولا
قدرت أسمع صوت أوراق الكتب علي النار
قدرت أسمع الآهات المكتومة الأخيرة من رولا وهي تنظر لولد رجاء ست الدور وهي تقول له

شكراً لما مضي ،، إلي اللقاء في جحيم الجحيم

وقدرت أشوف عرق ولد رجاء ست الدور المبلل وجهه وملابسه

ياخي أحبك وبس

[مهند الخطيب]

المشاركة الأصلية كتبت بواسطة يحي عثمان عيسي

انت جيت وإياكا الزين
الحبيب مهند كنا ما عايزين لكن عايزين
الان ممتلئين حد الشبع
لك طعم ..

يحيى ليحيا ...

تسلم يا حبيب للكلمات الحلوة والتراحيب الجميلة ، كيفنك وعموم الطيبين عندك؟

[مهند الخطيب]

شكرا يا عكود لاعادة القراءة وايلاء الامر أهمية ،، وفعلا ما بتجي فاضي ...

موضوع علامات الترقيم غايتو الله يقدرنا على علاجه ونحصل فيهو مرحلة الأخطاء الاملائية الغابت المرة دي

ح اقوم بتعديل موضوع المسافات ده في ملف الويرد ....

تسلم يا عمدة