إضاءات في حياتي (النقاط المظلمة نتجاوزآ) !!! بابكر مخير

حِينَ يُبْهِجُك الآخَرُون وَتُغْرِيكَ الكِتَابَة !!! عبد الله جعفر

بعض وصفات التداوي بالأعشاب !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 10-01-2025, 03:18 PM   #[466]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
شقيقي أحمد مخير "لقبه كوريا لأنهو إتولد أيام الحرب الكورية"، عند كنا نجتمع مع شقيقنا علي عليه الرحمة...
يقول أولاد الامير يعقوب، إتلمينا.. وهو يقصد جدودي عبد المجيد وموسى وحسن وأخرين لمن يجوا ماريين على حبوبتي من جهة الوالد بتول في بيتها الملاصق لبيتنا في العباسية غرب قبة الفاتح البدوي في الاعياد ليعيدوا عليها..
كنا بنفرح أكتر بي شوفتهم ونسعد بمقالدتهم العطرة لنا
...
فعلا يا دكتور الناس بتتغزر بالشدر، وتتغزّر بالشوك..
فما بالك بالرحم، بالجذور، وبالاهل وبالجيران..
الانسان كائن اجتماعي يشعر الالفة مع الانسان الاخر..
وكلما اشتبك الدم، وارتحم..
ووجد قاسم مشترك او شبه التشابه بدخلك..
تسلم صديقي وحبيبي واستاذي..
واخوي،



التعديل الأخير تم بواسطة عبدالمنعم الطيب حسن ; 11-01-2025 الساعة 05:46 AM.
التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 14-01-2025, 08:00 AM   #[467]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي


والله فرحان فرح شديد
سقتا الطيب ومشيت غبيرة للاحتفالات مع السودانيين
يا زول زحمة الف ساعتين من البطحاء لحدت غبيرة، بطريق الملك فهد..
وصلت لقيت الأحتفالات انتهت
وصلت بعد المغرب
صاحبي في غبيرة عندو مطعم قالي:
الاحتفالات شغالة من الساعة واحدة الضهر شنو جائي بعد المغرب..
ما حصل في الجزيرة لشعبها يندي له ضمير الانسانية..
الفرحة تعم كل افراد شعب السودان..
انا والله ما ابالغ لك لكن عاوز اموت من الفرح..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 16-01-2025, 07:04 AM   #[468]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

البلد دي بلد كل السودانيين؛
مافي اي اثنية او قبيلة او مناطقية تعتبر إمتياز...
كلنا اولاد تسعة، والدم لنا جميعا احمر قاني..
اي سوداني من حقه ان يعيش و يعمل في اي بقعة من الوطن الكبير دا،
اننا ابناء هذا البلد نقعد نقوم على كيفنا..
وصيفنا خريف..
ونحلم بالشتاء الدافي..
في اي مدينة او قرية او كمبو في مئات المستنفرين، وفي برضو متعاونين، وفي ناس تمسكوا بالبقاء بالارض لسبب او اخر،
المهم: اي مذنب يتحاسب للامان المجتمعي..
تحت مظلة القانون، ولا احد يتحاسب بسبب لونه او مكان تواجده،،او اثنيته
فالاثنية ليست امتياز، ولكنها ليست عار ايضا
نحن سودانيين ونفتخر..
والمصيبة الحصلت من الجنجاويد لم توفر سوداني الا ومسته بضرر بليغ..
نحن اصحاب هم واحد، وقضية واحدة..
وبلد واحد،،

#القومية_تنتصر_دوما



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 17-01-2025, 09:17 AM   #[469]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

القصة الشهيرة ان شابا سودانيا، قد باع الوراهو والقدامو
وجاء عمرة.. وزوغة
بعد اسبوعين انتهت التاشيرة،
وقبضو العسكري في نفس اليوم..
: فك اتا قايل الجية هنا ساهلة
ونتل ايدو

وقدا

..



التعديل الأخير تم بواسطة عبدالمنعم الطيب حسن ; 17-01-2025 الساعة 09:37 AM.
التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 18-01-2025, 11:31 AM   #[470]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

الساسة العاطلون عن اي عمل او موهبة..
او عندما تصبح السياسة مهنة من لا يصلح لاي مهنة..
بعضهم يعمل لمصلحته الذاتية والآنية، وفي سبيل ذلك يبيع المبادي والقيم..
ويبيع خصومه لانهم لايشتركون معه في الندالة...
..
بدون ذكر اسماء فقد قال متحدث رسمي انفعالاتي شديد: قال انه يعتمد في المعيشة والسكن والتذاكر على اخته الطبيبة المغتربة في الخليج..نحن عارفين البير وغتايتا ان اخته دي راتبها لا يكفي التزامتها..
وان صحا هذا الامر فهو خطاءً كليا، اعتمد على نفسك وتعال اشتغل وامسك روحك..
كون البتعمل فيهو دا سياسيا خصما عليك وعلى السياسة، وعلى المواطن...ولكن لاحياة لهؤلاء النكرات الطفابيع...
..
عالم "رخيسة"



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 19-01-2025, 11:36 AM   #[471]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

مرة طلعنا في شدرة الجوافة..
نحن اتنين اصحاب..
ضربنا تقريبا كل الجوافة النجيضة وقتها..
بالساعات نحن طالعين ونضرب،
اخر حاجة بعد تعبنا بقينا نفتح الجوافاية النص، نلحس ونرمي..هه‍هها، طبعا كنا اطفال فقريين..
كميات تجارية ياخ،
لدرجة انو صاحبي جاهو إفتاق..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 21-01-2025, 07:55 PM   #[472]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

منذ 2016 عندي كتابة في ذكرى استشهاد الاستاذ محمود محمد طه..
اشارك بها يوم 18 يناير من كل سنة
هذه السنة لم اشاركها ولن افعل..
النصيحة عاد نكضب..
...
ولروح الشيخ الشهيد الراحة والطمانينة في الاعالي..
...
لن احتفي من يحتفون بإبادة شعبي، اسماء محمود والنور حمد والقراي، وجلهم..
...
ربما احتفى الجمهوريون العام القادم "بصعود" روح علي يعقوب والبيشي، وبتحت تحت #حميدتي_ياميت
...
المهم
#بل_بس



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 23-01-2025, 04:45 PM   #[473]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي


جايين من التحتانية راكبين حميرنا انا وكوري وخلف الله..
والاتنين ديل حماراتم نشيطات ونحن حمارة جدك الطيب معروفة كسلانة واتجاها واحد، ابوي مرات بجي شاقي بيها نص الميدان، يوقف اولاده التمرين لحدت ما تمر حمارة ابوي الكسلانة..
اريتم اولاد السرور.. ولكن ذلك موضوع اخر..
المهم وقفنا نحن التلاتة حميرنا ياكلن القش النابت على طرف مزرعة في مشروع الحوشاب،
قوم يا الطيب ود ضحوية الغفير جاء جاري علينا
اصحابي هربوا سريعا بحميرهم النشيطة
انا حمارتي ماشة على راحته..
لما الطيب قرب لي:
نزلت من الحمارة وسكيتا قدامي
الطيب ود ضحوية:
-الليلة الا تشيله فوق راسك، 😂😂
ويضحك مطروف كل ما حكى كوري القصة دي



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 25-01-2025, 05:03 PM   #[474]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

عندي مبدأ مذ كنت في الحلم صبياً، وحتى تاريخه...
ان انجز المهمة التي من اجلها تحركت، ثم اتفرغ لاحقاً للرفاهيات..
مثلا ماشي المدينة لمهمة صورة او شهادة او توثيق او جواز او تاشيرة..
اذهب مباشرة لاتمام المهمة مهما اخذت من وقت، لا التفت لاكل او مشاريب، او حتى اشعال سيجارة عندما كنت من غلاة المدخنين..
اكسب زمني، انجز اولا.. وبعدها اتفرغ للرفاهيات، ولا اتعجل ابداً، فحبل مهلتي يربط ويحل، واصلا ايقاعي بطيء خلقة كدة..
وقد ورث مني محمد ولدي هذا ..
وهي اصلا وراثة في العائلة، ففتحية اختي و محمد عبدالدائم لهما ذات الخصلة..
المهم استمريت على هذا، الانجاز اولا ثم التفرغ لاحقا منذ يفاعتي الباكرة حتى كهولتي الحالية..
فرغم عدم التزامي بدوام وبصمات، ولكن لو عندي امر عاجل ممكن ادك الفطور وافط الشاي، وانجز اولا.. والباقي ملحوق..
مؤخرا عندي امر حيوي، وكانت امامي مهلة شهرين لانجازه، فاستكثرت الزمن، ونمت في الخط ربما للمرة الاولى في حياتي ان أُاجل عمل الساعة لتلك التي تليها..
واعتمدت على قناة واحدة لانجازه، وسرقني الزمن والتاجيلات حتى تبقى فقط اسبوع،
فصرفت النظر عن القناة الوحيدة وطفقت ابحث عن قنوات اخرى..
وكلها رحبت، ولكن الاجراء يمر بترتيبات تحتاج ازمنة لم تعد متاحة...
المهم انبني ضميري، وتفرغت تماما لانجاز الامر، وتم الحمدلله في اخر ساعة من ستين يوما..
اكتب الان هذه التجربة التي مررت بها خلال الايام الفايتة فقط لتكون فكرة لاصدقائي واحبابي لايخدعنك الزمن، انجز اولا مهما كان الزمن متوفرا..ثم تفرغ للرفاهيات لاحقا..
كون انجاز المهمة في حد ذاته رفاهية..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 27-01-2025, 06:47 PM   #[475]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

عمر
ضربنا فرخة انا وعنكبة في المنصورة، والفرخة كما تعلم في تلكم الايام كانت من الرفاهيات..
وحبسنا بموز..ومشينا للونسة ايام حرب الخليج..سويا لناس صلاح الجاك ومحمد الهادي الحي وقاعد دا، في شقتهم الكائنة في منطقة الحوار ليست بعيدة عن مطعم توتو الشهير..ودارت الونسات.. وختوا عدس مكنش بالتوم،، اشوف لك صاحبي ابوالعناكب غسل ايدو وجلس في صدر الصفرة وبدا في ضرب ابو عديس..وعندما رآني انا الشبعان لم اتحرك قالي:
يا زول هوي قوم اكل البلد في حالة حرب
😂😂😂😂
..
غبيرة الكتير خيره، اتطورت بقى فيها كافيهات..
نمشي سوا عنكبة كمثقف عميق يشرب القهوة، بدون سكر..
وانا طبعا بشرب الشاي.والقهوة دي ابت لي تب، فهل هذا يقدح في حالة كوني مثقف عضوي 😂😂..
وصاحبك عنكبة ما زال ذلكم الشاب الذي يرسل التعليقات الحراقة مدرارة، ويضحك من الاعماق..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 30-01-2025, 09:00 PM   #[476]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

واحد معرفة بحكي وجادي:
ولدي بنزل كتب الطب من النت من كم سنة شغال بقرأ هسا في سمستر سفن اب..
بعد اتخرج حا يعالج العيانيين اون لاين..
الطب اتطور



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 01-02-2025, 11:26 AM   #[477]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي


وما الحياة سوى انها سلسلة من المهام
تلك التي لا تنتهي ابدا..
وهنا تكمن روعتهما الحياة والمهام معا...
ثم ما التشبث بالحياة سوى انه إنجاز للمهام والمتعة التي تاتي لاحقا هو مظهر من مظاهرها..
والرفاهيات من اكل وشرب ورحلات ونوم ياتي مكملا للانجاز وليس اصيلا مثله..
وحصيلة الرفاهية هى الانجاز نفسه..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 03-02-2025, 06:08 PM   #[478]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

جلحا مرة قال
" انا قائد قوات شرق ووسط افريقيا، وغربها وجنوب افريقيا..
وزعيم المهمشين في افريقيا، وحلف الناتو زاتو"



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 06-02-2025, 12:53 PM   #[479]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

تقدم لحقت امات حكومة الطعايشي
واسامة سعيد التي قال انهم سوف يعلنونها من الخرطوم في فبراير الكبس فينا دا..
..
في حرب 67 قال جمال عبدالناصر ان سيصلي الجمعة القادمة في الاقصى
ردت له قولدا مائير
الجمعة الجاية في القاهرة ما بتقدر تصليها



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 09-02-2025, 06:51 AM   #[480]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

زملينا في المنصورة له كاريزما عجيبة،
عمل صوفي وجمع طلاب...وعمل قاعدة،
جاءت صلاة العصر في شقته، ولم يتحرك لا هو ولا نائبه ولا القواعد من الطلاب
وعندما جاء زمن صلاة المغرب برضو ما تحرك احد للصلاة..
وبعدها قال زعيمهم موجها خطابه لنائبه وبطريقة غير مباشرة للطلاب الصوفيين المعاهم:
يا خليل انا صليت صلاة العصر في حرم مكة المكرمة، وكنت معاي..وصليت المغرب في حرم المدينة
لكن صراحة ما شفتك معاي في المدينة
😂😂
القصة حكاها لي احد المريدين، وقد فاق..
...



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 10:55 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2025, vBulletin Solutions, Inc.