اقتباس:
المشاركة الأصلية كتبت بواسطة خالد الحاج
يا سيدي نعم الحزب صار أحد أدوات الحركة الشعبية وهو ليس الوحيد في ذلك كل الأحزاب الشمالية صارت ألعوبة وأضحوكة في يد الحركة الشعبية.
هذا أولا مرده للضعف الكبير في هذه الأحزاب بعد العودة للعمل من الداخل.
كانت الحركة هي التي تملك ولا تزال الزراع الطويلة التي يمكن أن تضغط علي النظام "الغير مهتم بهذه الأحزاب أصلا" .
الأحزاب وجودها في البرلمان وجود "صوري" لا يؤخر ولا يقدم ... وحتى يمرروا أو يحجبوا قرار ما للحكومة عليهم بالتنسيق مع الحركة . كانت هنا بداية الإنحناء..
|
يا أخي السياسة دي هي فن الممكن...
إتفاقية نيفاشا أعطت المؤتمر الوطني و الحركة الشعبية الشرعية الدولية لحكم البلاد خلال الفترة الانتقالية و لحين التحول الديمقراطي..
بالنسبة لاحزاب المعارضة الشمالية أهم مكسب بالنسبة لها من الإتفاقية و هو الوعد بالتحول للديمقراطية..
الحركة الشعبية و من خلفها المجتمع الدولي هم من يملكون ورقة الضغط على المؤتمر الوطني من أجل الإيفاء بهذه الوعود... عشان كده الاحزاب الشمالية لقت نفسها مع الحركة في مركب واحد ولازم علي الاحزاب دي الصبر علي ضعف الحركة السياسي لحدي ما نصل معاها لحكومة ديمقراطية... و بعد داك كل قرد يطلع الشجرة الدايرها...
ما في اي نوع من الانحناء لصالح الحركة... المسألة و ما فيها إنو الاحزاب دي ما عندها مساحة للمناورة و البيض كلو موجود مع الحركة و الخيار التاني نخت البيض دا تحت كرعين الفيل..
الاحزاب و الناس القايمين على أمرها داخل السودان ببذلوا في مجهود جبار أقل شئ نعملوا معاهم هو الدعم المعنوي..
يا أخي ما كفاية الناس ديل مع الحركة ماسكين لينا المرفعين دا من إضنينو!! و ما دايرين يفكوهو الا في حوش الإنتخابات...
جربت مسكته ليك مرفعين من إضنينو؟
عارف بمسكوهو كيف؟
بتكون ماسكو من اضنيهو و مادي يدينك لقدام و كرعينك لورا عشان ما يخربشك.. شوفها كيف صعبة مع طول المدة!!