صراع الجبابرة - قديم و جديد

[مهند بشير]

سيداتي سادتي (بحسابات مقدم برامج في التلفزيون القومي )

ادعوكم لمشاركتي النقاش الشرس و الذى اتمنى ان يشهده هذا البوست نزولا عندي رغبتي لمقارعة الجيل القديم و الذي يسمى نفسه بالذهبي على جميع الاصعدة (الثقافي – الشكل العام – الاجتماعي – الرياضي – السياسي – الاقتصادي – الادبي و خصوصا فيما يتعلق بالشكل العلمي لهذا الجيل او بالاصح لجيل الشباب و عشان الموضوع يأخد شكل التحدى الجاد,اوجه ما سبق لي خريجي مدارس حنتوب و طقت و وادي سيدنا بإعتبارهم اولى نواة الازدهار في ذلك الزمن الجميل و من بعدهم طلبة كلية غردون ان وجد(دا كان ما ذهب الى سمر قند) و جامعة الخرطوم حتى جيل الثمانينات

توضيحات :

جيل الشباب : هم الفئة المولودة من العام 1975

جيل العجايز : هم الفئة المولدة قبل ذلك

نشوفكم

راجعين

[مهند الخطيب]

المشاركة الأصلية كتبت بواسطة مهند بشير

سيداتي سادتي (بحسابات مقدم برامج في التلفزيون القومي )

ادعوكم لمشاركتي النقاش الشرس و الذى اتمنى ان يشهده هذا البوست نزولا عندي رغبتي لمقارعة الجيل القديم و الذي يسمى نفسه بالذهبي على جميع الاصعدة (الثقافي – الشكل العام – الاجتماعي – الرياضي – السياسي – الاقتصادي – الادبي و خصوصا فيما يتعلق بالشكل العلمي لهذا الجيل او بالاصح لجيل الشباب و عشان الموضوع يأخد شكل التحدى الجاد,اوجه ما سبق لي خريجي مدارس حنتوب و طقت و وادي سيدنا بإعتبارهم اولى نواة الازدهار في ذلك الزمن الجميل و من بعدهم طلبة كلية غردون ان وجد(دا كان ما ذهب الى سمر قند) و جامعة الخرطوم حتى جيل الثمانينات

توضيحات :

جيل الشباب : هم الفئة المولودة من العام 1975

جيل العجايز : هم الفئة المولدة قبل ذلك

نشوفكم

راجعين

دق العيش......

والضرب بيد من حديد ......

ومعااااااااااااك .....

بالجمبة كده:
اللي بالاحمر دي عدلا جيبا لغاية 1970 احقاقا للحق

[مهند بشير]

المشاركة الأصلية كتبت بواسطة مهند الخطيب

دق العيش......

والضرب بيد من حديد ......

ومعااااااااااااك .....

بالجمبة كده:
اللي بالاحمر دي عدلا جيبا لغاية 1970 احقاقا للحق

و نزولا عندي رغبة انا الاخر
حبيبنا ربيط
تم زيادة التعرفة اقصد الفئة العمرية بالنسبة لجيل الشباب الى 1970
و يلا لز :p

[فيصل سعد]

المشاركة الأصلية كتبت بواسطة مهند بشير

و نزولا عندي رغبة انا الاخر
حبيبنا ربيط
تم زيادة التعرفة اقصد الفئة العمرية بالنسبة لجيل الشباب الى 1970
و يلا لز :p

سلامات يا مهند و عودة طيبة للديار و عساك بالف خير ..
يا ابن العم لو دقيت سدرك و جريت الفئة العمرية ل 1960
بتكبر الكوم و قطع شك سيتم تسجيل نصر كاسح و بجدارة

[مهند بشير]

المشاركة الأصلية كتبت بواسطة فيصل سعد

سلامات يا مهند و عودة طيبة للديار و عساك بالف خير ..
يا ابن العم لو دقيت سدرك و جريت الفئة العمرية ل 1960
بتكبر الكوم و قطع شك سيتم تسجيل نصر كاسح و بجدارة

سلامات يا عزيز
الا يا فيصل يسمك

[فيصل سعد]

المشاركة الأصلية كتبت بواسطة مهند بشير

سلامات يا عزيز
الا يا فيصل يسمك

يعني توافق لربيط و ترفض لي انا !!
على كدا الواحد يشتكيك لفخري سيد الدكان

واصل يا وريف ..

[بابكر مخير]

المشاركة الأصلية كتبت بواسطة مهند بشير

سلامات يا عزيز
الا يا فيصل يسمك

يعني إحنا نقطع العشم
ما دام الحبيب الحسيب النسيب، إتشوكش،،
دى حالتهو "روفي، توحة وود فرح ود خالي بلالي (ما التاني)" قدموني وراجيين..

[مهند بشير]

اولا
عجوز : يا ولدي نحن زمنا كانت الشوارع نضيفة تجي عربية النضافة كل يوم الساعة 6 مِسا تقش و ترش .
الشاب : اها
العجوز : ديوان الخدمة المدنية تلقى الموظف من الساعة 8:30 ص قاعد في المكتب و لابس بدلة و كرفتا و قاعد محترم جدا ورا مكتبو يلبي ليك طلباتك و ما بطلع من مكتبو الا الساعة 2:30 م .
الشاب : تمام
العجوز : السكة حديد دي القطر كان بخش مع دقات الساعة حقت الاخبار في امدرمان تسمع صوت عمك عبدالرحمن احمد و معهو صوت القطر في المحطة .
الشاب : حلو يا حاج
العجوز : نظام التعليم يا ابني كان اربعات لكل مرحلة و الكان بمرق من المتوسطة يتكلم انجليزي زي البلبل . اما خريجي الثانويات خصوصا الناس الزينا ديل ...
الشاب مقاطعا : ناس منو يا حاج (طبعا ما شاب شفقان )
العجوز : ناس حنتوب كان عندنا نظام و انضباط شديد لى درجة انو نحن اول مدرسة يتلغى فيها الجرس و الحصص تبقى بالساعة تبدا 7:30 و تنتهى الساعة 3 و طوالى على الصفرة تخلص من الغدا الساعة 4 تبدا فترة الرياضة و باقي النشاطات الساعة 6 الناس ماشى على المذاكرة الساعة 8 الناس راجعة من المذاكرة على الصفرة تتعشى الساعة 10 بطفوا النور
الشاب : ممتاز و الله
العجوز : اصبر لسه يا ولد و كانت في منافسة قوية جدا جدا و كل الطلبة كانو بجيبو قريد 1 و لا 2 و كلهم كانو بخشوا جامعة الخرطوم و الناس الكان بتحب القراية كان بتقرى بالرتينة بالدس .و خرجت علماء استفاد منهم العالم كلو , الخليج دا كلو قام على اكتافم , حتى اوروبا و امريكا عندنا كمية من العلماء الما بتصاقعوا قاعدين فيها بتعرف الرتينة يا ولد
الشاب : حليييييل موسى ( انا البفكني من الورطة دي شنو )
ايييي بعرفا يابا
العجوز : و الغنا كان سمح و جميل انت عارف يا ابني ام كلثوم جات هنا سنة 1968 و لا كم ما عرف عملت حفلة محترمة جدا كل الشعب السوداني دا كان مبسوط بيها .
الشاب بتحت : هسي نانسي عجرم مالا يا حاج
العجوز : قولت شنو يا ولد
الشاب : لا يا حاج سلامتك
العجوز : انت عارف يا ولد المقولة الشهيرة البتقول القاهرة تكتب و بيروت تطبع و الخرطوم تقرأ .
الشاب : ايي يا حاج الا اسألك سؤال
العجوز : اها يا ولد
الشاب بشماتة : الكلام دا كلو راح وين ؟؟؟؟؟


راجعين

[هشام ديدي]

المشاركة الأصلية كتبت بواسطة مهند بشير

سيداتي سادتي (بحسابات مقدم برامج في التلفزيون القومي )

ادعوكم لمشاركتي النقاش الشرس و الذى اتمنى ان يشهده هذا البوست نزولا عندي رغبتي لمقارعة الجيل القديم و الذي يسمى نفسه بالذهبي على جميع الاصعدة (الثقافي – الشكل العام – الاجتماعي – الرياضي – السياسي – الاقتصادي – الادبي و خصوصا فيما يتعلق بالشكل العلمي لهذا الجيل او بالاصح لجيل الشباب و عشان الموضوع يأخد شكل التحدى الجاد,اوجه ما سبق لي خريجي مدارس حنتوب و طقت و وادي سيدنا بإعتبارهم اولى نواة الازدهار في ذلك الزمن الجميل و من بعدهم طلبة كلية غردون ان وجد(دا كان ما ذهب الى سمر قند) و جامعة الخرطوم حتى جيل الثمانينات

توضيحات :

جيل الشباب : هم الفئة المولودة من العام 1975

جيل العجايز : هم الفئة المولدة قبل ذلك

نشوفكم

راجعين

اقوليك حاجه انت لا تستطيع ان تحكم علي جيل ولا آخر ..انت زااااااتك من مواليد

الانقاذ ..احكم علي نفسك في الاول يا انقاذي....

في الاول ورينا انت ماذا تزكر عن حنتوب و طقت ووادي سيدنا ..ولا بس بحري الحكوميه..ولا القديمه اها احكي..يا جيل زمان .
وسلامي

[مهند بشير]

المشاركة الأصلية كتبت بواسطة هشام ديدي

اقوليك حاجه انت لا تستطيع ان تحكم علي جيل ولا آخر ..انت زااااااتك من مواليد

الانقاذ ..احكم علي نفسك في الاول يا انقاذي....

في الاول ورينا انت ماذا تزكر عن حنتوب و طقت ووادي سيدنا ..ولا بس بحري الحكوميه..ولا القديمه اها احكي..يا جيل زمان .
وسلامي

والله للاسف يا هشام اني لست من مواليد الانقاذ
بل من مواليد نميري بعد اسلاميته
اما موضوع الحكم على الجيل او الاجيال السابقة ( حنتوب طقت وادي سيدنا ....)
فالنتيجة ظاهرة للعيان بما وصلت اليه الامور الآن
العبرة بالخواتيم
وهذا يكفيك