حق الفطور

[مرافي]

الأخ شليل وكل الزينين السمحين

تحية ود واحترام

نرفع القبعات إجلالاً لهذه الفكرة الانسانية

من اجل اسكات عواء جوع طفل وطفلة

معاااااااااااااااااااااااااااااااااااااااااااكم قلباً وقالباً في الشيرنغ

ولولا البعد لكنا من المتطوعين ايضاً

تسلموا شليل والجميع

[الفاتح]

جيد.. غالبية الناس أمًنوا على مقترح حافظ كمسئول مالي ، و200 ج مساهمة شهرية.. على بركة الله..
حيظل باب الشيرنغ مفتوح.. لجنة التنسيق مافي شايف في داعي إنها تتوسًع أكتر من كده ..فحنقفلها " بعد الإذن ".
حأضيف سمراء ومرافئ ، والتحيه ليهم
أي متداخل /ه بعد ده يقول بغم بننزل إسمو تبع الشيرنغ كويس يا حلوين!

* لحدي هسي عندنا
1/ عدد واحد شوال فول مصري أو ما يقابله
2/ مبلغ مليون جنيه بطرف حافظ حسين ، إستلمها من أخت عزيزه ما إتداخلت في البوست ده ، وما حأشير لإسمها مالم ألقى منها إفادة

مج المشاركين في الشيرنغ
1- بدر الطائف
2- البديري
3- نولا
4- طارق صديق
5- ساره
6- عكود
7- خالد الصائغ
8- حسين عبد الجليل
9- ناصر يوسف
10- عبد المنعم الطيب
11- نور العين
12- حافظ حسين
13- مروان هلال
14-سر الختم
15- أحمد محمد زين
16- أميري
17 زول خرافي
18- آمال
19- مرافئ
20- شليل

المتطوًعين
1- حافظ حسين
2- نبراس
3- والدة نبراس
4- عبد المنعم الطيب
5- ناصر يوسف
6- بدرالدين عبدالباقي
7- رقية عمر
8- توسل نصر الدين
9- أماني حدو
10- السيدة حد الريد (والدة أماني حدو)
11- مني عبداللطيف
12- سميًة آدم
13- سمراء

[الفاتح]

التحية للأخت الإتبرعت بمبلغ المليون ج ، والتحية ليها وهي تبدي إستعدادها للمساهمة الشهرية.. حأشير لإسمها ب( س )..

مج المشاركين في الشيرنغ
1- بدر الطائف
2- البديري
3- نولا
4- طارق صديق
5- ساره
6- عكود
7- خالد الصائغ
8- حسين عبد الجليل
9- ناصر يوسف
10- عبد المنعم الطيب
11- نور العين
12- حافظ حسين
13- مروان هلال
14-سر الختم
15- أحمد محمد زين
16- أميري
17 زول خرافي
18- آمال
19- مرافئ
20- العزيزه (س)
21- شليل

المتطوًعين
1- حافظ حسين
2- نبراس
3- والدة نبراس
4- عبد المنعم الطيب
5- ناصر يوسف
6- بدرالدين عبدالباقي
7- رقية عمر
8- توسل نصر الدين
9- أماني حدو
10- السيدة حد الريد (والدة أماني حدو)
11- مني عبداللطيف
12- سميًة آدم
13- سمراء

[عكــود]

جيد.. غالبية الناس أمًنوا على مقترح حافظ كمسئول مالي ، و200 ج مساهمة شهرية.. على بركة الله..

سلام يا حبّوب،

الناس أمّنت على المقترح ده:

برشًح (1) حافظ حسين كمسئول مالي ، يقوم بإستلام التحاويل/المساهمات..
وبقدًر (2) مبلغ 200 ج شهرياً .. (3) إبتداء من نهاية الشهر ده..
إذا في جماعة بيثنوا المقترح ده ، نعمل عليهو..

خلّيك دقيق بالله!

أقترح أن يتم الدفع كل 3 أو 6 أو 12 شهر، حسبما يناسب ظرف كل مساهم، خاصّة للناس البرّه.

[الفاتح]

المشاركة الأصلية كتبت بواسطة عكــود

سلام يا حبّوب،

الناس أمّنت على المقترح ده:


خلّيك دقيق بالله!

أقترح أن يتم الدفع كل 3 أو 6 أو 12 شهر، حسبما يناسب ظرف كل مساهم، خاصّة للناس البرّه.

هوني يا أبو الدقيق
ألناس أمنًت على الإقتباس البيتضمن ( حافظ حسين م مالي ، 200 ج مساهمة شهرية ، بدء ارسال المساهمات إعتباراً من نهاية الشهر )..
مافهمت مقترحك بخصوص كل 3/6/12 شهر..بتقصد إنك تدفع مقدًم 3 شهور ؟

[عكــود]

المقصود يا حبيب، التحويلات الشهريّة قد لا تكون مناسبة لكل الناس البرّه (أنا منهم)، وبعض الفي الداخل برضو.
يعني العايز يدفع مساهماتو عن 3 شهور أو 6 أو سنة، مقّدم، عن طريق تحويل واحد، ممكن.

برضو مهم إنّو الناس تذكّر بعض كل فترة.
النسيان بيحصل، وفتور الحماس برضو وارد.

[طارق صديق كانديك]

المشاركة الأصلية كتبت بواسطة شليل

التحية للأخت الإتبرعت بمبلغ المليون ج ، والتحية ليها وهي تبدي إستعدادها للمساهمة الشهرية.. حأشير لإسمها ب( س )..

التحية لها والتقدير

شكرا لكِ أخت (س)

[ناصر يوسف]

المشاركة الأصلية كتبت بواسطة شليل

هوني يا أبو الدقيق
ألناس أمنًت على الإقتباس البيتضمن ( حافظ حسين م مالي ، 200 ج مساهمة شهرية ، بدء ارسال المساهمات إعتباراً من نهاية الشهر )..
مافهمت مقترحك بخصوص كل 3/6/12 شهر..بتقصد إنك تدفع مقدًم 3 شهور ؟

هو كذلك ،،، نسبة لمشاكل التحويل يا بنج
خثووثاً للناس الما عندهم إستثمارات في الوطن
ويلا مع بعض نفعل شيئاً يُفيدُ الناس
ربنا يجعله في ميزان حسناتكم وميزان حسنات الذي جَمَّعنا هُنا لفعل الخير
خالد الحاج
عليه الرحمة والمغفرة

[الفاتح]

المشاركة الأصلية كتبت بواسطة عكــود

المقصود يا حبيب، التحويلات الشهريّة قد لا تكون مناسبة لكل الناس البرّه (أنا منهم)، وبعض الفي الداخل برضو.
يعني العايز يدفع مساهماتو عن 3 شهور أو 6 أو سنة، مقّدم، عن طريق تحويل واحد، ممكن.

برضو مهم إنّو الناس تذكّر بعض كل فترة.
النسيان بيحصل، وفتور الحماس برضو وارد.

مع الدولار الداقًي الدلجه ده ، عادي الواحد ممكن يرسًل حق سنه
سلام يا ناصر.

[ناصر يوسف]

المشاركة الأصلية كتبت بواسطة شليل

مع الدولار الداقًي الدلجه ده ، عادي الواحد ممكن يرسًل حق سنه
سلام يا ناصر.

ياخي لي زمن ما سمعت كلمة (دَلَجَه) والله
وأهو ا الدولار براهو ،،، كللللنا داقين الدلجة يا بنج
بمشيئة الله سيري هذا المشرع النور قريباً جداً
والمتبقي للإجازة الصيفية ليس بالكثير يا شباب
اليوم وعلي هامش الليلة السادسة لمنتدي سودانيات الثقافي
حأبحث مع الأخت العزيزة نبراس ما توصلت إليه
بطرفنا الآن مبلغ 1800 جنيه
وشوال فول أو ما يوازيه من مبلغ مالي
شكراً للذين أوصلوا تبرعاتهم
وفي إنتظار اللجنة المقترحه بإنها تمدنا بتفاصيل التفاصيل في أقرب فرصة ممكنة

شكراً للجميع ولي قدام بمشيئة الله

[نبراس السيد الدمرداش]

و نبراس دا دربها على مجددون

[نبراس السيد الدمرداش]

مساء الخير

الحمدلله ربنا سهل ووصلت المنظمه وقابلت المدير فارس النور ابراهيم
بعد الترحيب والتعريف وضحت ليهو الفكره بتاعتنا وهدفنا و امكانياتنا شنو حسب ما موضح من خلال الداعمين بالشير وعددهم ومبلغ الشير طلعت بالاتي:

*اهم حاجتين الالتزام هو سر نجاح المشروع,تانيا لازم حصر الطلاب بالضبط كم لانو في بعض الادارات بيحتالوا بعدد غير حقيقي للطلاب

*افطار طالب واحد طيلة العام الدراسي بيكلف 140ج دا باعتبار الغلاء الفي البلد والبكون اثر على مدخلات الوجبه نفسها
يعني بحسبه بسيطه اذا التزم الجميع بمبلغ الشير 200 شهري دا بخلينا نقدم افطار ل 210 طالب

*وجبة الافطار نفسها ممكن تتنوع ما بين الفول و السلطه و البليله حسب الامكانيات وبكون افضل انها تتنوع

*عدم المجاذفه بجودة الافطار..بمعنى انو لو فكرنا نعمل افطار ونساعد اسره من خلال الزامها بعمل الافطار دا بيأثر على الوجبه فيما بعد..الافضل اما زول من المتطوعين يقوم بتجهيز الافطار والالتزام بتوصيلو او الاتفاق مع البوفيه الفي المدرسه او استقطاب معلمه من المدرسه

*الاتفاق مع ادارة المدرسه على طريقه معينه للاشراف على ضمان وصول الافطار للطلبه المعنيين

*اهم شيء ضمان الاستمراريه يعني الناس ممكن تمر بظروف دا بخلاف المرض و الموت عافاكم الله و طول عمركم فالناس تخت في بالها الحته دي

*مراعاة الحاله النفسية للطلاب ودي ممكن معالجتها بعد حصر الطلاب باعطاء كل طالب كوبون يقدمو لحظة الافطار ويستلم فطورو

*شاهدت ريبورتاج صورتو قناة الجزيره عن مشروع افطار تلميذ وكان شيء مؤثر جدا..بيحكي استاذ سيف انو اثناء التصوير لاحظ مراسل القناه انو في طفله بتاكل وبتدس جزء في طرفها فلما اتكلم معاها قالت ليهو دا لاختي لانو في مدرستهم مافي فطور
نموذج تاني مدرسه في منطقة ودالحوري كانت مغلقه بسبب عدم توفر وجبة الافطار بعد مشروع افطار تلميذ اول سنه رجع للدراسه 85 تلميذ والعام الماضي 152 تقريبا
النماذج دي بتوضح اهمية المشروع دا لمجموعه من الطلاب والاسر الممكن تكون منتظرا اولادها متين يخلصو تعليم ويشيلو حملها

الملفت للنظر انو كل الحالات دي في نطاق ولاية الخرطوم فقط والملفت اكثر انو في مدارس في مناطق زي الرياض والمنشيه و الطائف باعتبارها من الاحياء الراقيه مدارسها الحكوميه بتعاني من تسرب الطلبه بسبب وجبة الافطار لانها ببساطه لا يدرس فيها الا البسطاء

ابدى استاذ سيف الاستعداد للتعاون مع سودانيات مع الاحتفاظ بحقها الادبي
طلب انو في حالة حصل شورت في اي وقت اللجؤ ليهم لانو اصعب شيء انو تنقطع الوجبه اثناء العام
كما سمح بانو نستخدم اي ماده مصوره تابعه للمنظمه نلقاها في كل وسائل الميديا من يوتيوب و فيس بوك وانا استاذنتو في اني انزل تقرير قناة الجزيره في المنتدى

بيشكركم جدا وبتمنى ليكم التوفيق

[مرافي]

الاخوة الاعزاء

في ميزان حسناتنا

لدي اقتراح

لماذا لا نتعاقد مع بوفيه المدرسة على اعطاء مثلاً 100 طالب الافطار كل يوم
ونحاسبو يومياً او شهرياً على شرط انو يتساهل معانا في سعر السندوتشات واظن لا احد يرفض المساهمة في عمل خير...
رايكم شنو... ؟؟ يعنى اللجنة تحدد الطلبة وتعطيهم كوبون لصرف الفطور يعلم عليهو صاحب البوفيه بعد استلام الطالب لوجبته..
هنا في الامارات الطلبة الفقراء (اريتو فقرنا) صندوق خليفة للتعليم
مخصص ليهم مشتريات بقيمة 5 درهم كل يوم من بوفيه المدرسة مسئولة منه الاخصائية الاجتماعية معروفين لمسئولة البوفيه تعطيهم كل يوم المعلوم
بالتنسيق مع الاخصائية النفسية نحن ويييين والناس دي وين....!!!!
والفقراء البقولوهم ديل بيجوا بسيارة آخر موديل وال5 درهم ديل للشيبس والشوكولاتات...لله دركم طلاب بلادي..
نسمع رايكم يا جماعة في الاقتراح دا...
وفقنا الله للخير

[حسين عبدالجليل]

يستحسن إعطاء هذا المشروع إسم , و أقترح أسم "سودانيات - خالد الحاج لافطار طالب " أو أي مسمي آخر يحتوي علي إسم عزيزنا "خالد الحاج" .

[خالد الصائغ]

المشاركة الأصلية كتبت بواسطة حسين عبدالجليل

يستحسن إعطاء هذا المشروع إسم , و أقترح أسم "سودانيات - خالد الحاج لافطار طالب " أو أي مسمي آخر يحتوي علي إسم عزيزنا "خالد الحاج" .

تحياتي حسين

و شكراً لفتح أفق التفكير في هذا الإتجاه أيضاً

هذا الجانب مهم جداً

و أقترح القيام بتجهيز طبلية أو فترينة لتقديم الإفطار و يكتب عليها إسم المشروع و العنوان الإلكتروني لموقع سودانيات بصفتها راعي المشروع. هذا سيشكل في تقديري عامل جذب لمزيد من الدعم و دفع عجلة المشروع.