نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 31-03-2012, 03:45 PM   #[1]
elmhasi
:: كــاتب نشــط::
 
افتراضي مشروع مكتبة تبادلية

السلام عليكم ورحمة الله تعالى وبركاته ..

الفكرة تقوم فى الاساس بالمكتبة السودانية ’’يعنى بالعربى - عملى مقصور فقط فى الكتاب السودانى ، وما كتب عن الشأن السودانى ، بغض النظر عن من يكون الكاتب ‘‘

[OVERLINE]أها تفاصيل المشروع[/OVERLINE][OVERLINE][/OVERLINE] :
أقوم بشراء وبيع الكتب المستعملة ’’المستعملة فقط ، جديد ما معانا ، والكتاب لازم يكون بحالة جيدة‘‘ ولمن يريد أن يبيع أو يشترى يمكنه الإتصال على الرقم 0904410103 من داخل الخرطوم فقط .. حالياً .. حتى إشعار آخر .. حالما يتوفر لدينا مندوبين فى الأقاليم ..

قائمة الكتب التى بحوزتى الآن :
1 - الاحزاب السودانية والتجربة الديمقراطية - تاليف / محمد محمد احمد كرار
الناشر - دار البلد - الخرطوم 1998م - الطبعة الثانية .

2 - خريف الفرح اسرار السودان 1950م - 1970م - تأليف / عبدالرحمن مختار الطبعة الثانية - شركة مطابع السودان للعملة المحدودة 1996م

3 - من ضيع السودان - تأليف / الدكتور / عبدالرحمن محمد حامد
الطابعون : مطبعة جامعة الخرطوم - الطبعة الأولى 1991م

4 - السد العالى - قصة تهجير أهالى حلفا - تاليف / مصطفى محمد طاهر
شركة دار البلد للطباعة والنشر والتوزيع - الطبعة الاولى 1996م

5 - حلفا الجديدة الخطيئة والقربان - تأليف / فكرى احمد ابوالقاسم
الطابعون : مطبعة البريد الحديثة . الطبعة الأولى 2000م

6 - السودان البحث عن السلام - تأليف الدكتور/ حسن الساعورى
المطبعة النموذجية 6 سكة الشابورى / الحلمية الجديدة . الطبعة الأولى 1990م

7 - دستور حزب الامة ولوئحه المجازة (1986م - 1406هـ)
تعديلات القاهرة (17/ 2 - 5 / 2000م) قراءة وتعليق
إعداد وتقديم / الصادق على حسن ’’المحامى‘‘

8 - الســودان إلى أين ؟ بين تفريط نميرى وإخفاق الاحزاب !
تأليف / طه ابراهــيم

9 - القوات المسلحة فى تاريخ السودان الحديث (1935م - 1975م)
تأليف / اللواء ركن ’’م‘‘ محمود عبدالرحمن الفكى - نائب رئيس هيئة الاركان 1974م - 1977م .
المطبعة العسكرية

10 - تاريخ قبائل الحباب والحماسين بالسودان واريتريا - تاليف / محمد صالح ضرار
الدار السودانية للكتب . الطبعة الثانية : 1991م - 1411هـ


11 - تاريخ سواكن والبحر الاحمر - تأليف / محمد صالح ضرار
الدار السودانية للكتب - الطبعة الثانية : 1988م - 1408هـ

نبذة عن الكتاب :
يقع فى 277 صحفة من الصفحات المتوسط .. يتحدث الكاتب عن تاريخ سواكن وما حوله حسب ما ورد فى كتب المؤرخين السابقين والرحالة ، باسلوب بسيط وسهل ..



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 31-03-2012, 10:20 PM   #[2]
AMAL
:: كــاتب نشــط::
الصورة الرمزية AMAL
 
افتراضي

مزيد من التفاصيل ياعمك
الفكرة ماوقعت



AMAL غير متصل   رد مع اقتباس
قديم 01-04-2012, 06:30 AM   #[3]
elmhasi
:: كــاتب نشــط::
 
افتراضي

اقتباس:
المشاركة الأصلية كتبت بواسطة AMAL
مزيد من التفاصيل ياعمك
الفكرة ماوقعت


سلام
فى ناس عندها كتب وعايزة تبيعها ، وفى ناس عندها كتب وعايزة تشترى زيادة ، بدل ما واحد يقعد يكدس كمية من الكتب عندو ، قلت اعمل المشروع دهـ عشان نفتح فرصة الاطلاع والقراءة لاكبر قدر ممكن من هواة القراءة ..

يعنى مجموعة الكتب الفوق دي انا قريتها ، فما فى اي داعى إنى أخليها معاي تعمل لي زحمة . قلت اشوف زول يشتريها ويقراها وهو بدورهـ يبيعها تانى ..

على فكرة دهـ نظام قديم معمول به من زمن المحطة الوسطى ام در مان ..

أتمنى إن الفكرة تلقى تجاوب ..
خاصة إنو فى ناس عندها من الكتب القديمة والاصدارات الاولى ما يمكن الاخيرين من الاطلاع عليه ..

تحياتى للجميع

المحسى



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 02-04-2012, 09:46 AM   #[4]
elmhasi
:: كــاتب نشــط::
 
افتراضي

السلام يغشاكم

أها يا اهل الخير ..

ببحث عن كتاب

1 - اصدقاء السودان - تاليف / احمد حسن مطر
2 - تاريخ الحزب الشيوعى السودانى تأليف / محمد سعيد القدال
3 - أي من مؤلفات عبدالخالق محجوب
4 - الادارة البريطانية فى السودان


من لديه اي من هذه الكتب ويرغب فى البدل أو البيع .. الرجاء التواصل

عبر التلفون أو الإيميل elmhasi003@hotmail.com



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 03-04-2012, 12:22 PM   #[5]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

التلفون الخاتيه فوق في آخر رف من رفوف الكتب دي
قاعد ساي زينة ؟؟؟
عالم عجيبه والله
تيييييت توووووت تييييييييييت توووووووووت ومافي أي رد


ثُمَ إنو مشتاقين
الفكرة ممتازة بتوسيع رقعة الإستفادة من الكتب
فما قرأته قد يقرأه غيري
ــــــــــــــــــــــــــــــــــــــــــــــ

نحن والله كُتُب السياسية دي ما شغاله معانا
روايات ،،، قصص قصيرة ،،، شعر ،،، فنون ،،،
ديل ما عندك ولا شنو ؟؟



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 04-04-2012, 08:02 PM   #[6]
elmhasi
:: كــاتب نشــط::
 
افتراضي

اقتباس:
المشاركة الأصلية كتبت بواسطة ناصر يوسف
التلفون الخاتيه فوق في آخر رف من رفوف الكتب دي
قاعد ساي زينة ؟؟؟
عالم عجيبه والله
تيييييت توووووت تييييييييييت توووووووووت ومافي أي رد



ــــــــــــــــــــــــــــــــــــــــــــــ

نحن والله كُتُب السياسية دي ما شغاله معانا
روايات ،،، قصص قصيرة ،،، شعر ،،، فنون ،،،
ديل ما عندك ولا شنو ؟؟



سلام ناصر ود يوسف

إذا متصل من برهـ السودان ننصحك بإضافة 00249 قبل الرقم الفوق ، مع مراعاة صعوبة الوصول الى السودان جواً وبراً وبحراً ، نسبة لظروف الحظر المعلن والغير معلن ، وأما إن كنت متصلاً من داخل السودان ، فعليك سوداشين فهو طريقك الأمثل للوصول ..

يا أخى : الدوائر مشغولة حالياً .. نسبة لإنقطاع التيار الإنقاذى أو ’’الإنخازي‘‘ كما جاء فى رواية أخينا ..

قلت لي روايات !!!

وقصص ..

كلو موجود عندنا بالتقرير ..

سلام بالكوت دوت أورغ ..

وأحب النت وكديس ابابا .. على وزن المتشوعر الوهمى ..



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 07-04-2012, 02:33 PM   #[7]
elmhasi
:: كــاتب نشــط::
 
افتراضي

السلام على الجميع

الغريب فى الامر لا رسالة ولا حتى قولة إن شاء الله !!!

وسندق الصخر حتى يخرج الصخر لنا ....

الفكرة كما ذكرت بسيطة .. الكتاب المعاك أقرأهو وبيعوا وأشترى كتاب آخر ..

لكن العقلية السودانية متوقفة فى محطة كتاب لا تبيع بيت لا تبيع .. ولا حتى أي حاجة لا تبيع ..

فى الإنتظار ..

المحسى



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 09-04-2012, 03:23 PM   #[8]
elmhasi
:: كــاتب نشــط::
 
افتراضي






سلام
ناصر

هنا رواية (بين الاطلال اذكرينى - يوسف السباعى)

ودفرة لى فوق

الشكر الجزيل يوسف

وفى إنتظارك ..


ما زلت فى إنتظار تحريك الفكرة وتفعليها ..

يا جماعة الخير فى زول عندو أي كتاب لـ(احمد حسن مطر؟)
معلومات بسيطة عنه :
ولد فى مدينة ود مدنى ، وكان عضواً فى ثورة اللواء الابيض ، وعمل مندوب وضابط إتصال لثورة اللواء الابيض فى القاهرة ، حيث كانت مهمته الإتصال بالمسؤوليين المصريين ونشر كل ما يرد إليه من نشرات من السودان ..

عنوان احد مؤلفاته (اصدقاء السودان - حد عملى إن إصدارهـ كان فى العام 1962م) والله اعلم .



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 12-04-2012, 10:48 AM   #[9]
elmhasi
:: كــاتب نشــط::
 
افتراضي

دائماً تستوفنى الكتب وانا فى طريقى فى زحام الخرطوم ، مرات بلقى تحف من الكتب التى لا يمكنك إلا الوقوف عندهــا ، وإن كانت عيون الرقيب ما تزال ترف على هؤلاء .. فمن ما ذكرهـ لى أحد باعة الكتب إنه قد جاءهـ أحدهم برواية للكاتب الكبير عبدالعزيز بركه ساكن .. على ما أعتقد هي تلك الرواية التى منعت .. وفى كلامو إنو الرواية دي مطبوعة على ورق A4 عادى يعنى ممكن الزول دهـ طلع الرواية دي من الإنترنت ، وقراها وقال اليبيعها أكان تجيب ليهو حق الورق .. بروضو ما خسارة ..
ولكن على حظ التعيس جاءهـ زوار الليل بالنهار .. فسألوهو : يا زول الكتاب دهـ جبتو من وين ؟ فرد عليهم : والله جابو لى زول .. باعو لي وزي ما شايف مستعمل .. لم يكن هذا الرد ليشفى غليل الزوار .. فهم قد وجدوا صيداً وبداية خيط فى مشروع عمل .. قد يدر عليه الكثير من البدلات والعاولات .. ويمكن أن يصل الأمر إلى دبورة لذوات الشريط ونص الشريط والمن غير شريط ..

كان الامر الطبيعى الذى حدث : يا زول أطلع يلا معانا ..
فتساءل بإندهاش : يلا معاكم وين ؟؟
فرد عليه أحدهم : عامل فيها رايح !! يلا معانا المكتب ..
عندها يقول تأكدت إن هؤلاء هم من يسمونهم زوار الليل ، ولما لم يكن لى معهم سابق تجربة .. ولكن الأحاديث والأهوال الذى سمعتها عنهم .. جعلتنى لا أتردد فى تنفيذ الأمر . إلا إن شيطان سودانياً نط لي فوق رأسى عديل كدهـ وإتحكر قعد ، وما لقيت ليك إلا إنى بقول فى كلامات كدهـ : يا جماعة والله انا ما باع سياسة ولا حتى عارف الكتاب دهـ فيهو شنو !! وبعدين ما عندى علم بإنو الكتاب دهـ ممنوع .. ويا جماعة إنتو ما أولاد ناس !!! أنا بربى فى عيال ، وزول داير أكل عيش بس .. قال : الجماعة ديل أكانو تلاتة إتنين نزولو من العربية السواق أكان قاعد فى بكانو .. بالله أكتر من ربع ساعة أنا بنضم فى نضمي دي والناس ديل التقول حجارة .. بالله صوت النفس ما تسمعو من واحد فيهم ..
أها لمن وصلنا بوابة الجهاز القاعد جنب السواق بى قدام فتح القزاز زي تلات سنت زولو طوالى فتح الباب على مصرعيه .. غايتو ما بين فتحت الباب ودخول العربية بقت لى زي لمح البصر ، وبعد داك أنا نزلت كيف وألا رمونى هم ، ما حسيت إلا ورأسى دهـ بسمع ليك منو صنننننننننننننننننننننننننننن .. ما قدر إستوعب الحاصل شنو .. يا ربى وقعت من جبل ، يا ربى صدم قطر .. يا ربى .. تصدق يا ربى دي زاتها لقيت ليها مساحة كيف ما عارف !!!
أها بعد دقيقتين بديت إستوعب إنو فى كفوف وشلاليت ماشة علي من كل إتجاهـ ، يعنى زي الواقف ليك فى دوامة ما تعرف تودى وشك وألا رأسك وين ..

المهم أنا طوالى إكومت وقعدت ختيت رأسى بين يدينى وقلت الرأس دهـ إن سلم الباقى بنلقى ليهو إسبير وألا علاج .. غايتو جانى زي 27 شلوت فى ضهرى و300 سوط فى بطنى ويدى ، شئ سوط عنج وشئ سوط ورل وشئ سوط
وداد وما عارف شنو كدهـ ..

واحد جارى لمن حيكت ليهو مقدمة الإستقبال ده أو ’’الإسترهااب‘‘ دهـ قال لي : يا زول والله الجماعة ديل أكرموك كتير ، وقدروك حق قدرك من الإنسانية والذى منه .. دهـ إسمو الإستقبال الكريم للأكرمين ..

المهم فى واحد من الجماعة حكى قائلاً : إنو دهـ بيكون تمرين الصباح ..

بعد العلقة المحترمة دى من الما محترمين .. لطعونى زي نص ساعة كدهـ جاء واحد كده بى هندام الساعة كانت زي عشرة ونص صباحاً .. أها جانى ليك واحد شكلو كدهـ زي العتالة .. قوم يا زول .. طوالى حسيت ليك إنى طاير مش ماشى وماشى وراك . مشى قدامى بخطوات كدهـ ما قدرت أفرز الزول ده زول ؟ وألا ما راجل !!!
حوالى سبع وعشرين خطوة ولقيت نفسى فى مكتب سعادته الله لا يسعدهم دنيا ولا آخرة .. أها لقيت كتاب بركة ساكن بتاع الهواء فى يدو وبيقلب فيه يمين وشمال .. وطوالى سألنى : يا زول الكتاب دهـ جبتو من وين ؟
وكان الرد نفسه السابق : والله يا سعادتك الكتاب دهـ جابو لى زول باعو لي .. وما عندى أي فكرة عنو ولا المكتوب فيهو شنو ..
نظر إلي نظرة لم أستطيع أن أتبين مغزاها .. ثم رمى لى بالكتاب قائلاً : أمشى يا زول .. وأوعك تجينا هنا تانى ..



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 17-04-2012, 12:15 PM   #[10]
elmhasi
:: كــاتب نشــط::
 
افتراضي

مزيد من عناوين الكتب التى بحوزتى :

هذه الكتب موجودة عندى فى المكتبة خاصتى ، لمن يرغب ..

12 - صرخة فى وادى الإنسانية ، تأليف / البرفيسور / فيصل محمد مكى امين
الطبعة الأولى : 1988م - المطبعة العسكرية - عدد الصفحات : 363 صفحة

13 - أزمة الوفاق ’’وقائع الديمقراطية الثالثة فى السودان‘‘ ، تأليف / صلاح محمد ابراهيم . الطبعة الأولى / 1414هـ - 1994م عدد الصفحات 205 صفحة .

14 - مقتل الإمام ’’تفاصيل احداث الجزيرة ابا‘‘ ، تأليف / محمد عبدالعزيز محمد ، الطبعة الأولى / 1994م ، طبع بمطابع القاهرة ، 283 صفحة .

15 - النهج الإسلامى كيف ؟ تأليف / جعفر محمد نميرى ’’الرئيس المخلوع‘‘ .

16 - النهج الإسلامى لماذا ؟ تأليف / جعفر محمد نميرى ’’الرئيس المخلوع‘‘



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 22-04-2012, 12:56 PM   #[11]
elmhasi
:: كــاتب نشــط::
 
افتراضي




اقتباس:
كتاب الملايين
عمر مصطفى المكى
إنتخابات ومواقف
الماركسية اللينينية المفترى عليها
تقديم : د. الطاهر عبدالباسط
[OVERLINE][/OVERLINE]
[OVERLINE] الدولة والديمقراطية الليبرالية [/OVERLINE]
الإنتخابات والنظام البرلمانى البرجوازى
(فى كل يوم وبصورة أو أخرى ستعودون الى نفس هذا السؤال : ماهي الدولة ؟ وماهي طبييعتها ؟ ما هو مغزاها وما هو موقف حزبنا - الحزب الشيوعى - من الدولة ؟ إن الشئ الجوهرى الذى يتوجب أن تتملكوهـ من خلال قراءاتكم ، ومن خلال المناقشات والمحاضرات حول الدولة ، هو القدرة على الإقتراب المستقل من هذه القضية : ذلكم لأنكم ستواجهونها فى أكثر الظروف تنوعاً وتعقيداً ، وفى أكثر الموضوعات صغراً وتفاهة ، وفى أكثر الأطر غير المتوقعة فى مجادلاتكم مع خصومكم . وفى الوقت الذى تجدون طريقكم وبصورة مستقلة الى حل هذه القضية الشائكة ، فقط فى ذلك الحين تستطيعون أن تطمئنوا على مبادئكم ومعتقداتكم وعلى قدراتكم على الدفاع بنجاح كاف عنه فى وجه أي شخص وفى أي وقت).


ف أ لينينى : من محاضرة عن الدولة

قدمت فى جامعة سفردلوف 1919م

واجه شعبنا أول إنتخابات برلمانية فى خريف 1953م إيذاناً ببداية فترة الإنتقال السابقة لإعلان الإستقلال كما نص عليها إتفاقية القاهرة المبرمة فى الخامس من فبراير من نفس العام .


1


جاءت تلك الإنتخابات فى أعقاب سنوات طويلة من النضال ضد الإستعمار ، لعب فيها العمال والطلاب دوراً رئيسياً وقدموا فيه الكثير من الشهداء ، وبين تلك الفئات لعب الحزب الشيوعى دوراً مرموقاً ، ولعل ذلك الدور الذى إحتله الحزب الشيوعى بين العمال والطلاب والحركة النسائية وحركة الشباب والسلام كان عاملاً جوهرياً فى إلهاب الحركة الوطنية على صعيدها الجماهيرى ، وهو العامل الذى ساعد كذلك فى حسم الموقف المهتز الذى كان ينتاب توجه الأحزاب البرجوازية بين حين وآخر ، وبصورة واضحة موقفها تجاهـ مشروع الجمعية التشريعية حيث ظهر بينهم شعار (لندخلها ونعدلها من الداخل) غير أن الدور الذى لعبه الحزب الشيوعى فى توسيع النضال الجماهيرى ضد الجمعية التشريعية إنتهى بتلك الأحزاب - على رأسها بالطبع حزب الأشقاء ورئيسه اسماعيل الازهرى الى المعارضة الحازمة والمقاطعة الشاملة للمشروع تحت الشعار المعروف الذى رفعه اسماعيل الازهرى (لن ندخلها ولو جاءت مبرأة من كل عيب) .
فى تلك الظروف ولدت الجمعية التشريعية ميته كما اعترف بذلك سير جيمس روبرتسون السكرتير الإدارى لحكومة السودان ، ورأس حربة الإدارة البريطانية فى ذلك الحين ، ولم يدخل الجمعية التشريعية سوى القوى الرجعية المتحالفة مع الإستعمار البريطانى والتى كان يمثلها حزب الأمة .


2






التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 09-05-2012, 03:40 PM   #[12]
elmhasi
:: كــاتب نشــط::
 
افتراضي

السلام عليكم

فى الاسبوع قبل الماضى تحصلت على كتابين ..

ومشيناها خطى الجزء الاول طبعة 1983م - دار الفكر للطباعة والنشر الخرطوم

والجزء الثانى منه - طبعة 1986م

ذكريات الاستاذ / احمد سليمان محمد احمد ..



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 19-05-2012, 06:29 PM   #[13]
elmhasi
:: كــاتب نشــط::
 
افتراضي

لدينا الان كتاب الحركة الاسلامية فى السودان - حسن مكى



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
قديم 19-05-2012, 10:15 PM   #[14]
لنا جعفر
:: كــاتب نشــط::
 
افتراضي

محسي مساك خير ياقريبي
اولاً شكرا للمبادرة والفكرة
ثانياً انا بفتش بشكل جاد عن كتب استاذنا المغفور له
الطيب محمد الطيب كلها ...المسيد ...الشيخ فرح
بيت البكا..الانداية..الخ الخ الخ
في كتب عن النيلين الازرق والابيص بشكل منفصل لكل واحد فيهم
تاليف الآن مورهيد...انا عايزة النسخة المُعربة لانه
النسخة الانجليزية عندي
كتب المرحوم الاستاذ حسن نجيلة
طبقات ود ضيف الله ...
وح اتذكر معاك قطعاً اسماء كتيرة
مشكور على الفكرة تاني
واتمناك بخير



التوقيع:
نَحْنُ ننتظرُ الضياء ..لكننا نرى الظلام .
(أشعياء 9:59)
لنا جعفر غير متصل   رد مع اقتباس
قديم 21-05-2012, 12:59 AM   #[15]
elmhasi
:: كــاتب نشــط::
 
افتراضي

اقتباس:
المشاركة الأصلية كتبت بواسطة لنا جعفر
محسي مساك خير ياقريبي
اولاً شكرا للمبادرة والفكرة
ثانياً انا بفتش بشكل جاد عن كتب استاذنا المغفور له
الطيب محمد الطيب كلها ... المسيد ... الشيخ فرح
بيت البكا.. الانداية .. الخ الخ الخ
في كتب عن النيلين الازرق والابيض بشكل منفصل لكل واحد فيهم
تاليف الآن مورهيد... انا عايزة النسخة المُعربة لانه
النسخة الانجليزية عندي
كتب المرحوم الاستاذ حسن نجيلة
طبقات ود ضيف الله ...
وح اتذكر معاك قطعاً اسماء كتيرة
مشكور على الفكرة تاني
واتمناك بخير





سلامات لنا

وهلا وغلا

الفكرة قائمة على أنو كل زول يعرض الكتاب العندو للبيع وعايز شنو ..

بالنسبة لى طالباتك حقيقة ما عندى حالياً اي كتاب من ديل ، لكن بحاول الحصول عليها فى القريب العاجل ..
بالنسبة لكتب الراحل المقيم الطيب محمد الطيب أعادوا طباعة معظم مؤلفاته ، فبالتالى هي موجودة فى المكتبات العامة زي ’’مروي بوكشوب‘‘ و ’’مكتبة الشريف‘‘ و ’’المكتبة االاكاديمية‘‘ ..
بالنسبة لكتابه ’’الانداية‘‘ حدث تنقيح وحذف لكثير من الفقرات .. مما اخل بالسرد التوثيقى لحياة الانداية فى ذلك الزمان .. ’’وداك شئ ما شوفناهو‘‘ سمع الاضان وقراية كتب بس ..

بالنسبة لكتابى النيل الابيض والازرق ، شايف الدار السودانية للكتب قامت باعادة الطباعة ، وكتبت عليهما ’’الطبعة الاولى‘‘ .. وكذلك كتاب ’’ابراهيم فوزى - السودان بين يدي غردون وكتشنر‘‘ ..
وهذه من مفارقات السودان .. الغريب فى الامر لمن نبهت صاحب الدار السودانية للكلام ده .. رد لي رد غريب جداً .. قال لي : ايوا ده أول طبعة بالنسبة للدار السودانية ..
قلت ليهو : طيب وضح الكلام ده ، واكتب الطبعة الاولى فى العام كذا فى دار كذا للنشر والطباعة ومن ثم قول وهذه هي الطبعة الاولى للدار السودانية للكتب ..

المهم فى الامر هنا كتابين



بالنسبة لكتب الاستاذ حسن نجيلة ، كان عندى النسخة الاولى من ’’ذكرياتى فى البادية‘‘ وضاع الان ..
ويمكن ده الشئ الخلانى افكر بهذه الطريقة بدل ما يضيع الكتاب اشوف غيرو ..

اتمنى اقدر البى ليكى طلبك ..

تحياتى



.



التوقيع:
اقتباس:
متعتي في الحياة أن أقول الحقيقة
جورج برنارد شو
elmhasi غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:41 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.