اقتباس:
المشاركة الأصلية كتبت بواسطة حسين أحمد حسين
الكُتَّاب العميقون البديعو الحروف، والسليمةُ كتاباتُهم مبنىً ومعنىً، تُرهِقُهُم المجاملة على الأعمال المتواضعة. فأرجو ألاَّ أكونَ قد ساهمتُ فى إرهاقِ أديبنا الأستاذ حافظ حسين، وأنا أُحاولُ أنْ أُصلِّحَ يومَه؛ فللشعراءِ كبواتُهُم.
شكراً على المرور والتعليق.
|
الشتارة ما بشارة يا أستاذ حسين ابوي
والله مما قمت مشاتر
و تعبيري مرات كتيرة عن إعجابي بشئ بجي عكسه او يفهم عكسه
لحد هسي بتذكر في الثانوي .... في زول غناي شديد و للتعتر ليه و لا لي, ما عارف غني أغنية ( الليل انا ما بنوموا)... بعدين اجادها إجادة كدا ما عادية ... بعد انتهي عملت حركات اللصيق في الفنانين ديك و قلت ليه (يا عمار ينعل دينك يا خي... دي عملة تعملها فينا), عمار دا ما بعرفني كويس ... المهم قلع عيونه شديد و بديت اعتذر و أشرح ما عارف لحد هسي لو قبل إعتذاري و لا لا
علي العموم يا استاذ حسين والله الموضوع لا كتاب عميقين لا حاجة كل الأمر انا ما عرفت أعبر عن إعجابي بشكل مظبوط و لك العتبي و نلتقي في نص آخر