يا سلاااااااام يا فيصل ياخ ..قمه المتعه لا تكفي لوصف البوست المدفق ابداع ومطمبج روعه ..السلق احساسي رغم نشوة البوست انو البوست عمرو خمسه سنوات وانا الضهبان ما اشوفو إلا هسه ..كان يو بليف زات!!!اخوك يعشق خضر بشير حتي الثماله ولا ارضي له بديلاً حتي لو كان ابنه محمد رغم جلاء موهبته ..

متعك ربك بموفورالعافيه يا راجل يا مبدع

انا في الغرام مهما إنتهيت
برجع سقيم زي ما ابتديت

سلام يا أبو الند
يا أخي، وحات سيدي الحسن إتّا أجمل زول
والشكر لمهند الخطيب حبيبنا زمان الذي أنزل الأغنية باليو تيوب

الله يحييك يا قاسم، حقيقة
الأخ طارق صديق كانديك هو
صاحب القدح المعلى و الجهد
المبذول هنا، فله دوام الشكر و
الاحترام و التقدير..

سلامات يا أنيق يا أبو الوجاهة
و الشفافية و الاستنارة:

مهند الخطيب حبيبنا في زمن ماشي و زمن جاي و زمن لسة و نشوف الماضي فيو باكر، اريت باكر يكون هسة.. و الرجل زي ما قلت يمتلك مكتبة يوتوبية عامرة و سننقلها هنا بالكامل ان مد الله في الآجال كما يقول أحمد البلال الطيب في برنامجه المحضور و المشاهد تماما "في الواجهة"..

ارقد عافية..

العزيز جدا
فيصل
شكرا ليك علي البوست الرائع والمريح جدا
خضر بشير هو سلطان الطرب السوداني ...عادة ما نستشهد بصوته في كثير من المساجلات علي المنابر.....أجمل ذكرياتنا مع خضربشير كانت أيام الجامعة ....بشمبات ...وكما هو معروف اشتهر الشمباتة بعشقهم لخضر بشير ...والذي كان يحي معظم حفلات كليتي الزراعة والبيطرة بشمبات....
لم ار في حياتي فنانا يغني بكل ما فيه من حياة كخضر بشير...كان يتسلطن ويسلطن مريديه حتي النخاع....وقمة السلطنة حين يغني برضي ليك المولي الموالي...عالم متكامل من البهاء والدهشة والاستغراق المطمئن في حدائق من نيل وضفاف وحسان.....شمبات حينها كانت عالم من البهجة والطرب...والشمباتة معروفين بحبهم لكثير من الاشياء ..أولها خضر بشير واخرها جلسات الليالي المقمرة علي ضفة النيل..وما بينهما من حكايا
اللهم اغفر له وارحمه واسكنه الجنة بفضلك

تحياتي

عبد الله جعفر

لك التحايا و التقدير دكتور عبدالله جعفر،
و مرحبا بحضورك الجميل..

برضي ليك المولى الموالي
و فيك لازم الصبر الجميل

ابراهيم العبادي/ خضر بشير

هي ليلة

عتيق/ خضر بشير

ما اسعدك يا ليل
عبيد عبد الرحمن / خضر بشير