سلسلة لبعض الحالات الميؤسة في الكُبر......
ونبدآ!!!! لسانك يتبرآ منك،،،، دي لمن ترمي الكلام جزاف قلمك يجرح وإتا ما واعي في حال تكتب دون مراعاة أو تسب وتشتم على غير حق... مثال لذلك.. خليها مستورة:( |
كثرة الأنتقاد....
بالله الواحد لا يعجبة العجب ولا الصيام في رجب... هو التقول الصيام في الشهر الكريم مكمله.... |
الكذب
بالله عليك ترمي الكضبة ولا تتلفت... ما هو الذاكرة بتكون إتمحت، يقوم زول يتكلم عن موضوع. تنط ليهو في زمورة حلقة وتقول: والله (لاحظ بي حليفتها) زمان كان وكان.... وهو زمان تكون الداير عنه الموضوع لساتهو ما نزل في السوق... لا والموضوع كمان فيهو إدعآ.. ما بتكون فاكر الناس الفي عمرك،، جاورو العزيز وخلف الأشهاد وما في شهود... |
الحمام
دآ!!!! خليهو ساكت... ما ياااااااااااا حليل بيت الآدب والمستراح والسروال وآم فكو.. و وووووب من التوليت والبنطلون ... شيتن مرة ما ترفع الغطاء ومرة تنشينك يجلي مرة ما تلحق تفك السستة ومرة تخلص وما تقفلها.... آآآآآآآآآآآآآآآآخ من الكُبر |
اقتباس:
ماتخليها مستورة ...:mad: |
اقتباس:
لامن تتحل تتشهد إنا لله :D:D يا حليل حجر قطع الجمار كان بستر الزول برضو :p |
اقتباس:
ههههههههههها ما قلتوا مصريون...... بتخافوا.... ود عمتى مدينة....طوييل وما بيلحق الكعكول....دا شنو |
اقتباس:
أسأل ود عمك شوقي.... نقول الكُبر الله يلعنه.. جآي يابا تسألني، هو حسي الواحد لو سألهو من إسمه وإتذكره... ي(فرح) :cool::cool::cool: |
المّْشي
قالوا: الفقري يعترن ليهو ..... :eek: حسي وهن ملصقات علي الورك... :mad::mad::mad: البعتر للزول شنهو؟؟؟ ما اليهو إلا الما بتسمى دآ!! الكُبر |
النوم
أمسك عندك!! المساء قبل ما يجي وكت النوم وإتا قاعد وسط الناس، رأسك ذي البندال الرأسي،، مرة يصنقع ومرة الدقن يلامس الصدر.. لا وبي شخيرهو.. آها وكت النوم تشيل هم الصحيان والقومة من السرير.. أبقآ راجل جد ومن التسطيح بس أقعد.... آآآآآآآآآآآخ، يا الله، آححححححييييييييييييآ.. جرسة جد... بالله التقول، شنهو دآك يوم شنهو دآك :eek::eek: لا والمدهش.. الشخير.. دآ في أوقات مستمرة في اليوم.. لو يكمموك برضه تشخر:(:( ما هو الصوت مرات كتيرة يطلع... بس المصدر ما من القصبة الهوائية... قالوا دآ بيقولوا ليهو: إرتخاء العضلات والتصرف اللا إرادي... البخليك تغيير كمين مرة في اليوم.. هو شنهو البتغيرهو؟؟ خليها مستورة وما ينشرهو في الويكا"لكس":eek::eek: |
سلام يا "شباب"،
صاحباً لي قال ما عرفت نفسي كبير إلا بعد بقيت ألاحظ للناس الحولي في حراكي اليومي؛ في المول، في الشارع، في المسجد، في الشغل .. لقيت أكتر من تلتينهم، أصغر مني عمراً .. حتى بعد داك اقتنعت :). شباب البديت بيها دي، مقصودة والله .. هسع لو ألقينا نظرة على النشيطين في منتدانا ده، خاصة بعد التوقف الأخير، بنعرف الشباب من الما شباب. الله يديكم العافية ويملاكم محبة وسماحة (فوق لي سماحتكم دي). |
اقتباس:
تقول شنو..؟ ماقالوا كوامر وعمروها ...ياباش |
الكُبر
والزهايمر بالله عليك.. تنسى حاجات مهمة، أساسية،، مش بس إسمك الجنس ظاتهو يتوه ليك.. ما الغربة طولت والواحد ما متذكر "جنسهو" شنهو... شئ بريطانيا وشئ سويسرا والسرآ ما ضرآ.. والحالة كل ما ليها تصعب.. هو الحديد بصداء ويصقر :eek: غايتهو حالة.... سعبة :rolleyes::rolleyes: ___________ كوكي قلتا ليك كيف "بين السطور" والمبهمات الباينات والواضحات.. شكرا ليك وسماحتنا ديك خليها... ما تفتح مواجع :(:(:( ______________ قرقاش يابا قولت "كوامر" ظاتها شوية.. دفارات وما تقوم ولو بي دفرة... :mad::mad::mad: |
الدرآب..
الزول لمن يكبر بالله عليك ذي الما بشوف الناس القدامهو،، يطلق العنان لي لسانه مع شطب حكاية "لسانك إن خنته خانك وإن صنته صانك" يومتها في محاضرة عن موضوع المخدرات خنت أبو لساني ظاتهو::: قلت أنه كل المكتوب عن بدء الإنسان تعاطي المخدرات لست كما يكتب فالبعض يرجعه للفراعنه وإستعمال الأفيون كعلاج للدسنتاريا وأنه الهنود أول من حشش والي آخره بالعكس أنه بداء مع بداية الخليقة وأول معصية لمن أبونا آدم لم يمتنع من تلك الشجرة وأكل منها ونزلونا للأرض "عراايآ"... إمتعض الحضور ولكن وين أنا؟؟ ما الكُبر بخليك تطربق :( |
أمس
شرفني العميد قاسم بدري هنانا هو شيخ وشاخ وأنا شختا وشيختا وبين الإتنين أشوف في شخصه ذكريات أيام كنا نركب مع جدي بابكر ونزور السرايات ونشوف كبار الشخصيات ومن بعد مع خال يوسف وزياراتنا معه للجي بي .. في طفولتنا أتذكر مرة مشينا السينما وبإصرار منه،،، قلتا ليهو: بدقوني لو مشيت قال: دقآ تفوت ولا حدي يموت.. وأنا الطيب المسكين الساذج، ذي السخلة المبارية الخيل "مع ىأني أكبر بعشرين يوم واليوم ينطح التاني" مشيت معاهو... بالله تاني يوم، ما الليلة دي رجعت وقدرت أتخفى وما شافوني... كيف وصل الخبر، الله أعلم.. في الصباااااااااااااااح أشوف قاسم أخوي،، الله يرحمه (بحبه والله أكتر من نفسي) ذي طرزان متسلق شجرة النيمة "وافرة الظلال وكريمة العطاء من ناحية أفرع طرية وعرجونة وأيضا متماسكة الألياف" إستنضف ليهو فرع ما كان عآدي، كان سميك في طرف وكأنه يشكل مقبض وماخد في النحافة حتى نهايته وكأنها لسان سحلية.... والعيون ماتشوف لا نور ولا ضلمة،، شئ بين الحياة والموت... لمن لاقيت قاسم بدري تاني مرة قال ليا: شوفتا الدقة فاتت وإتا ما مت.... ويييييييييييييييييين والله حسي الواحد من السلام يفتر ومن المقالدة ينهار ولي آي شئ فوق ذلك؟؟ بنتجبه.... ملعون أبو الكُبر :o |
| الساعة الآن 07:54 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.