يا حليم دوام بطراهم
[rams]https://www.youtube.com/watch?v=wA36q6VBgRY[/rams] |
لسان حالي
وتعبير عن كوامن نفسي رغم الكُبر تصيبك بعض مرات نحات الحب والهيام تمسكها وتتلذذ بي طعمها وتوقول: يا حليهو الزمن الكان فيهو الحال حالن تاني :(:(:(:( [youtube]https://www.youtube.com/watch?v=ReJBKmqR6yg[/youtube] |
أمسك عندك...
إتا كبرتا في العمر "والإعتراف فضيلة" ما تنسى الحقيقة دي رغم مرارتها وتمشي تكابر وتتعولق.. من هذا المنطلق وحدبا على سلامة الدفعة بقول وكدآ لي وجه الله تعالي.. (بالمناسبة القول دآ في كتير من الحالات "Unisex" بيمشي مع الإتنين بس وبسن كبيييييييييييييرة "لهن بقول؛ إن أكتر الملابس إنتشارا في العالم هو بنطلون الجينز فخلن بالكن أنه قدر ما هو للجنسين لكنه عنصري بشكل مزعج لأنه منحاز للعنصر الذكوري في حالة من هم فوق سن الشباب فيا سيدات من فوق السن دي تجنبهو".. نرجع للقول العايز أقوله وهو في مضمون وصايا مني للقدري في العمر... 1 في الصباح ما تعاين في المرآيا لأنهو الإحباط حيكون واااااااااف يعاين وراجيك ينتهي منك وكمان بلا شك وإتا شفتا الخلقة دي يومك يتنيل بمليون نيلة دآ طبعن غير النحس الحيجيبهو ليك... 2 ما تكابر وتمشي تتطوطر وتدخل نفسك في أمور ما عندك ليها قدرة يعني مثلن ومثلن لأنها هي حاجات كتيييييرة والظروف مانعاني من ذكرها بالتفصيل looool.. حسي حكاية الإسكوترات منتشرة خالص فأهآآآآ خلي بالك. إتا مشي بي كرعينك ساكت يا الله الله كمان تمشي تتقنطر ليك في شيتن أهم حاجة فيهو حفظ التوازن "كدي أقيف عديل عشرة ثواني بس بدون ما تمسك لي في شيتن يسندك. 3 أبعد نفسك خاااااالص من الأشياء البتنرفز يعني عدييييييل كدي ما تشوف تلفزيونات السودان ولا تحضر نشرات أخبار حتى لو في سي ن ن ولا البي بي سي لأنهو أكيد يا بوريس جونسون ولا ترامب بيجي ينقص عليك 4 تجنب شبكات التواصل يا أخي في الفيس مثلن تجيك دعوة من صديق ويكون فعلن هو دفعتك من زمااان وإتفرقت بيكم السبل وذي تلاتين سنة ما إتلاقيتو ولا عندك منهو أخبار تقوم تفرح وترد وتستنى التواصل وما في لا رد لا خبر ولا حتى كلمة عابرة بيها تتصبر شوية وتقوم تزعل وضغطك يزيد إرتفاع وقشرة رأسك تنمل وأطرافك تتخدر وتبقى خلااااااااااص بعد ثوان من سكتة دماغية وفي لحظة صحيان وفجة تركيز تلقى أنهو أخر مشاركة ليهو قبل تلاتة سنين ولمن تسأل وتستقصي وتتحرى عنه!! تلقى أنه مات قبل سنتين 5 ما تريد لأنك بتوجع قلبك ساكت وخاصة لو بقيت ذي كدي ما عندك التكتحة التجود بيهو ولا تديهو وحتى لو قلبك رقآ إتذكر أنهو قطع شك ما بيلقى تجاوب من طرفن تاني لأنهو هو منهو المغفل القدامهو اللبنة واللبن الزبادي يمشي لي المش المدود يا أخي خلاصتهو؟؟ ولي كترت الأشياء نكتفي بهذا القدر بس أعرف أنك خلاااااااااااااااص كبرت/ا وراعي الظروف دي بي ظرف وإنكسار |
يوم تبقى للحواليك علآ
وما يلحهم إلآ ؟ فوتك ومشيتك لقدام هناك في يومها فيهم البطرآك أنك كنت شيتن خاتيهو للذكرى يبقآ وإن قال: يا حليلهو وقعها ذي نيشان في الصدر مفخرة وبيها تتباهآ هناااااااااك في الأخرة ومنتهاها وللبطراك؟ قولة: "كان" سابقة للإسم ديمة ولا إن قال يتذكر شيتن فيهو سيرتك إلا يبتدي الكلام بقولة: فلان كان "زمان".. ما بس كدي؟؟ برضك هناك ممكن البي طآريك يكفر وإن جابو سيرتك ساهي يتنحنح والله يستر لأنهو أصلن يكون منك من شيتن هو ذاكرهو من زمان في قلبهو من جوا عليك زعلان بي سبب أو دونهو ساكت ليك كرهان... _____________ خترفت كُبر أو لا دبرسة أخر عُمر |
البوصلة وقوقعة الأضان والكُبر..
البوصلة والآلة دي بتوريك وين إتجاهك وهي طبعن مربوطة بحكاية القطبين الشمالي والجنوبي وظنيتهو برضك هو الربط بالجاذبية لأنهو راس الإبرة الفي البوصلة بنجذب نحو الشمال يعني القصد أنهو هي بتوجهك نحو الطريق العليك أن تسلكه للوصول للهدف. القوقعة الفي الأضان هي كمان ذاتها عندها خاصية مشابها وهي حكاية السايل الفيها دآ ذي حكاية أبرة البوصلة ما بيرشدك للهدف لكنها بتأثر بصورة كبيرة في محافظة علي إتزانك وتوازنك وحال أيتها خلل في المنظومة!! ياها البشتنة الما بتشبها بشتنة إلا؟؟ إلت الكُبر. في مشتك تترترتح وفي وقفتك تتلولح وفي رقادك تشعر أنك راكب في القطار الأفعواني الشهير دآك.. آآآآآآآآآآآآآآخ من الكُبر وعمايلهو..... يا هو بوصلتك تنحلج وقوقعتك تتلجلج وتبقى متقوقع ومحلوج [youtube]https://www.youtube.com/watch?v=J1pihmLbn30[/youtube] |
لماذا يجب توظيف من تجاوز الـ 50 عامًا ؟ د. محمد الدويهيس كشفت دراسة* أجرتها NEJM Journal Watch عن أنه يجب على الشركات توظيف من تجاوز الـ 50 عاماً من العمر لشغل المناصب العليا لأنهم أكثر إنتاجية من أولئك الذين تقل أعمارهم عن 50 عاماً! حيث وجدت دراسة مكثفة قامت بها NEJM في أميركا أن العمر الأكثر إنتاجية في حياة الرجل هو مابين 60 - 70 عاماً ويأتي في المرتبة الثانية العمر مابين 70 إلى 80 عامًا والعمر الثالث الأكثر إنتاجية هو مابين 50 - 60 عاماً! كما بينت هذه الدراسة أن متوسط عمر الفائز بجائزة نوبل هو 62 عامًا وأن متوسط عمر الرئيس التنفيذي لشركات Fortune 500 company هو 63 عامًا. وبناءً على نتائج هذه الدراسة فإن الرجل يصل في سن الـ 60 إلى ذروة الإمكانيات وقمة العطاء والإنتاجية وتستمر حتى الـ80 عاماً وأن أفضل سنوات حياة الإنسان هي مابين 60-80 عاماً! فاذا كان عمرك يتراوح بين 60 و 70 عاماً فإنك في أفضل مرحلة إنتاجية في حياتك, ما إذا كان عمرك مابين 70-80 عاماً فإنك في ثاني أفضل مرحلة إنتاجية من سنوات حياتك . فاذا صدقت هذه الدراسة فإن سياسة التقاعد المبكر وإحالة الموظف للتقاعد لبلوغه سن الـ 60 عاماً والتي يقرها قانون الخدمة المدنية في الكويت تعتبر جريمة في حق المواطن والموظف المنتج وخيانة وطنية من قبل الدولة التي سنت هذه القوانين وحرمت الوطن من ذروة إنتاجية وخبرة وعطاء المواطن في السن مابين الـ 60-80 عاماً! فيجب إعادة النظر في هذا القانون. ودمتم سالمين |
اقتباس:
ما تكلم ناس قحت ديل يجبوني والي الخرطوم :cool::cool::cool::cool: |
في حياة أبويا الله يرحمهو بفتكر أني كان ليا عنده مكانة إعزاز. كان عندهو ليا قولة ليا ديمة لو شعر أني مقروص من شئ.
الشهم لا يُضام كانت زمان بتنزل عليا بردا وسلام وتشحن ليك همتي بشكل مبالغ فأصمد إن كان الأمر نكسة وأبالغ لو كان الأمر عطاء وينشرح قلبي أيما إنشراح وكأن جبريل هو الذي يخاطبني برسالة تسندني في عجزي أو تدفعني لي للمزيد من عطائي.. الأيام دي إفتقد هذا الدفع، إفتقد أبي، بشحنه لي بالموجب فأكون إضاءة لنفسي أولن ولمن هم حولي. كنت حينها أحمل عنصر أساسي من الشهامة وهو عنصر القوة والشباب وهذا إنتفى كنت حينها صلد، جلد ومقاتل صنديد وهذا من الكُبر مشى وزآل كنت حينها قادر فأعطي دون خوف أو ولج من الفقر والعدم وهذا شح حين نضبت مصادره.. كما أني كنت معتز بنفسي ولا أحسب أن أهزم بسهولة حتى أني أُضام... لكن جار الزمن وجاء الكُبر جاطت وإنقلبت ولحقت حكم البشير وذي ما ذاتهو لا حول ولا قوة خلف القطبان خانع ولا شهم ولكن هو المضام وعلى نفسها جنة برآغش... آخ منك يا الدنيا البقيتي فيما يبدو خلاص بتقفلي ولا أصلن خلاص إحنا تجاوزنا دآك الوكت وبقينا علينا جاتنا الصَّاخة ونحن في عبثنا لآهون؟؟ [youtube]https://www.youtube.com/watch?v=s9j9sfZu9Z4[/youtube] |
التوفير
دي بقى من محاسن الكُبر... 1) ندر ما يكون عندك نفس تأكل يعني في اليوم ربما تكون وجبة واحدة وممكن ما تتم ليه وجبة كاملة... نقدر أنهو الوجبة ونقول بالدولار حد أدنى 5 دولار وهن تلاتة وجبات "فطور، غدآ وعشآ" يعني خمستاشر منهم بتوفر عشرة وفي الشهر تولتمية دولار بدلن من الاربعمية وخمسين الكان ممكن ينصرفن.. 2) السكري وهنا دافع وسبب حاسم في توفير حق السكر لأنك ممنوع تتناولهو ولو درتا بتلقى أولاد الحلال البيقيفوا مانعيين لك التمتع بحلاوة الشئ كان إن شاء الله عصير فراولة 3) الإمتناع عن تناول المنبهات من ناس شاي وقهوة ما مع الضغط وين. وخاصة لو الزول بتااع مزاج فهو قطعن ما محتاج لي حاجة تضبط الرأس لأنهو الدوشة ولفت الرأس الطوالي دي بتكفي "مش بيقولوا ليك لمن تسف راسك بيلف ولا لو ضربت سجارة تخليك محلق لاك في الواطة ولا في السمآ ولمن تشرب ليك كأس تورجغ وتهضرب وتملى الكون نقة" 4) الترفيه دآ طبعن في سيستم الزول الكبر ما عندهو فجة ولا فرقة بس ملازماهو القرفآ، ما طوالي أوجاع وألم ودبرسة وزهج مما يعني حتى لو قلت ترفه تلقى أنه الترفيه يزيد في الملل ومحتاج لي طاقة، مشي لمكان الترفيه ولا القعدة في محل التريه ولا تحمل الأصوات وشفتا الناس والناس يشوفوك وإتا مركب ومركعب ومبشتن، ضهرك معوج ورجلين يكعلبن و و وهلما جرآ 5) التسوق من ملابس ولا روائح ولا شفرات حلاقة وناس ربطة عنق وحزام وملفحة دآ أنسى لأنك خلاص مقوقع داخل نفسك ومرقة ظاتها ما في عشان تتلبس ليها وحوافز "سك" من شان تتهندم ليها 6) توفير في حق التعليم ودآ باب إنقفل وقدامهو حيطة منصبة مش قالوا: العلم في الكبر كالنقش في البحر 7) في بلاد العالم المتحضر الذينا دآ بسموهو "سنيرسيتزن" بيتوفر ليهو في التوفير!؟ بطاقة مواصلات مجان، علاج مجان يعني عديييييييييييل مقارنة بأحولنا في عوالمنا دي. نقول بتوصف أنها عيشة جنان........... |
تاااااااااااااني مرة
[youtube]https://www.youtube.com/watch?v=kknBRCg95UU&feature=youtu.be[/youtube] |
[rams]https://www.youtube.com/watch?v=UolvZc6cK1w[/rams]
أسمعنا مرة يا دكتور |
إن قلت نصبر
|
إن قلت نشقى
|
في كلمات أصلن الواحد في عمرنا ما تقولا ليهو.
وما تتحرفنو وتفتكروا قولة: كبرتا لأنها دي بنكون عارفنها وحاسينها ويوماتي في المرآيا شايفينها.. ولا تفتكر قولة: صلعتا ولا كلك شيب دي بتهز أيتها أحاسيس فيك.. وحتى يا زول أقول ليك أيتها كلام ولا قول ما من زولن إتعصرتا فيهو شديييييييييد ولا كنت ليك معاهو خوة ولا صداقة ومعرفة وطيدة ولا عدييييييييل كدي نقول "علاقة" ما بتهمك.. أها القولة الحارة الجد بتعكر كيانك وتقلب أديانك وتطرش أضانك البتجي من ناس فوق ديل وتكون عفوية طلعت. ما هم جنس ديل ما بيحبوا ياذوك بس ممكن طلاشة وممكن كمان والحارة بالجد. أنهم يكونوا قالوها بسبب صدمتهم شوفتك لحم ودم ولا في ناس المسنجر وتوتوك والفيبر ولا سماع حشرجة صوتك في التلفون.. القولة الحارة هي: يا زول ما لك.. أهاااااااااااا دي بقآ هي البتخليك ممكن تندم علي يومك العرفتهم ولا على أخف تقدير تكجن أنك إتصلت بيهم... ما لي في شنهو؟؟ :mad::mad::mad::mad::mad: يعني عايزيني أكون زول زمان؟ الكان عندهو شعر وأحاسيس وفيهو قدرة.. وآآآآآآآآآآآآآآآآآآخ لمن تجيك من بئر الذكريات الما إدفنت لكنها قطت موية........ شفت كيييييييييييف :( |
زمان
زمان مع الكُبر الحسي هي كلمة بتعنيني بكل معانيها وتتملك كل جوارحي وتتلاعب بي عواطفي..
لأنها الرابط بيني وبين فترات حياتي الحلوة وجميلة.. أيام زمان بي حلوها وعديم الطعم فيها بس كانت عظيمة.. ثارت المرأة في بلادي والشباب والأطفال أحفادي أزاحو تُقل قعد فينا تلاتين سنة، حقرنا، فرقنا من بعضنا، قطع أواصر المحبة البين شعوبنا بي عنصرية بغيضة "مسلم وغير، عربي وغير وغني وفقير".. قوم يا إتا بعد نجاح عملية الخلع أعمل وزارة عسيرة الولادة كفاءات كان شعارها نفس الكآن لي أخر وزارة زمان "القولة الحبي الحلوة وجميلة" ما قالوا أصلن لازم حكومة كفاءات لأنهو الإختيار جاء من كفاءات يا أخي حتى العسكر منهم وزراهم كانوا بالحق كفاءت وكفاءات من السوق المحلي ما مستورد... أمسك الإعلام حتى عند العسكر كانوا الحاج موسى وشمو وللخارجية كان دكتور منصور وفي الجيش كان قايدهو الخواض والشرطة حسن سالم والصحة موريس لكن زمن الزمن الحلو كان لمن رئيسها أزهري مدرس ومعلم والمحجوب متعدد الصفات ومؤتمر اللاءات... والله معليش لكن كفاءات أيلآ كان أقلهو بتشوف كفاءاتها "بارزة" و"مقماتها عالية" تملىء النظر.... قالوا كفاءة وقلنا نشوفها جات أسماء ما سمعنبآ قلنا يكون هم الأعرف وهم الأدرى بس طلعت رأس الهرم زول علم ما إختلفنا لكن ما أهلنا بيقولوا: القلم ما بزيل بلم وأهو حسي إحنا ما قادرين نلم!؟ لا في رفع للعقوبات والسلام في محلهو واقف ثبات ولقمة العيش راحت في المتاهات بس إتملينا بي قولة إستثمارات، إستثمارات، إستثمارات |
| الساعة الآن 07:56 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.